•°• -- درس فوتوشوب .... دارية إنّي غثّيتكم بالجليتر --•°•

[بسمة فرح]

مشكورين ام رهوفه وليما
وانا فهمت ان هذا القصد ..
بس مالقيت عندي هذي الصيغه!!!
==
المهم اليوم مشغوله واذا فضيت طبقت

[leema]

-- أمّ رهّوفة ..

الله يعافيكِ ويسلّمك

ما شاء الله عليكِ

أتمنّى لك التّوفيق

*-*-*-*-*-*-*-*-*

-- بسمة فرح ..

لا شكر على واجب ...
و بانتظار التّعديل

*-*-*-*-*-*-*

-- ضياء ...

تطبيقك تمام التّمام ... الخطوات عندك كلّها صحيحة

بس احتمال لأنّ ذرّات اللّمعة مو طالعة عندك باللّون الأبيض ... شكله طالع غريب شوي ... لكن الحركة تمام التّمام

و السّبب في إن لونها مو أبيض ... إمّا إن نوع الجليتر اللّي اخترتيه هو أصلاً كذا .... أو (( وهذا الأرجح )) .. إنّك لمّا تجي تختاري الباترن .. و تطلع لك لوحة الباترن .. لازم تتأكّدي إنّ الشّفافيّة 100 % .. (( الصّورة مرفقة )) ...

ردّي لي خبر إيش صار معك .. و إذا تقدري تحطّي لي صورة الباترن اللّي اشتغلتي فيه يكون أفضل

أنتظرك

[ضياء الصالحين]

اوكى الحين بجرب مره ثانيه

[ضياء الصالحين]

هلا يا الغاليه كلامك طلع صحيح فعلا طلع من الشفافيه عندى 60%
مو 100%

تسلمين يا الغاليه

[leema]

-- الحين صارت تماااااام

جميييييل أختي ضياء

الله يسلّمك و يعطيكِ العااااافية

[MiSsQ8]

ماشالله اشوف الكل صار يلمع ههههههههه

انا ماطبقته الا مره وحده بس بحاول مع شدو وستروك

[هنـــد]

مشمش هنا !!!!!!!!!!!!!!!!!!!!!
ويييييييين كل هالغيبة يا مشمش ؟؟؟

[leema]

-- مس كويت

أهلاً وسهلاً ومرحباً بعودتكِ

شفتِ كيف ... كلّ المنتدى لبس فساتين سهرة

بالنّسبة لتطبيقك ... فيه خطأ بسيط خلّاه يبرق ...

هو إنّك ما طبّقتِ الشّدو و السّتروك على كلّ الطّبقات ... يعني في طبقات عليها هذا التّأثير .. و طبقات لأ ...

المفروض تكون التّأثيرات موجودة في جميع اللّيرات .. و بنفس المقدار بالضّبط ... علشان ما يحصل خطأ في الحركة

الله يعطيكِ العافية ...

و بانتظار التّعديل

[MiSsQ8]

اهلييييييييين هنوده
اي انا هني وكتبت رد في موضوع ليما اللي حاطه فيه وجه مغمض عيونه (-_-) الظاهر ماشفتي ردي وكاتبه فيه ليش كنت غايبه وهذا الرابط مباشر لردي

اضغطي هنا

============
لولو <--- دلع ليما
والله طبقت الستروك والشدو على كل الطبقات في الفوتوشوب بس تفاجات انه يرمش
بعدين انتي مره قلتي انج ماسحه اجزاء من السهم الي في توقيعج القديم وانا حاولت اسوي مثلج وامسح ماصار .. اصلا الاشكال ماتنمسح .. اما القلب اللي طبقتي عليه التدرج سويت نفس طريقتج اصلا مايصير واضفت تاثير التدرج من حرف f اللي تحت بس لما سويت ستروك حاولت اطبق بس على الستروك الجليتر ماصار لانهم صار جزء واحد والجلتر يتطبق على القلب والستروك ... مع ان قلبج فيه لمعه بالنص مادري شلون سويتيها ( الظاهر جزء من الزري تناثر عليه )
وثاني شي لما اسوي اكثر من جليتر واحد يتخربط عندي كل شي

مثلا
اخترت شكل من الاشكال وطبقت عليه جلتر وبعدين اضفت شكل ثاني وطبقت عليه جلتر بلون ثاني وهم بعد ثالث بلون ثالث واخر شي ضفت النص وطبقت عليه جلتر رابع .. لما انقلهم للايميج ردي تلاقين الشكل الاول يطلع ويختفي ويظهر وراه الثاني ويرد يختفي ويظهر الثالث ويرد يختفي ويظهر النص ويرد يختفي وبعدين يرد الشكل الاول .... الخ

ليش ؟؟
مع العلم ان بشريط الانيميشن تحت يطلعون وايد مربعات

اذا مافهمتي قصدي اقدر اسويلج مثال عليه sid :

[سوسي]

مرحبا جميعاً .. وليما خاصة ..


شرايكم بفستاني ..

[leema]

-- سوسي

أهليييييييين و سهلييييييين

اشتقنالك

فستانك حلووووو و نعّوووومي كثييير ... و لونه رااااقي جدّاً جدّاً ... الله يعطيكِ العافية

[leema]

-- مس كويت

والله طبقت الستروك والشدو على كل الطبقات في الفوتوشوب بس تفاجات انه يرمش

-- زي ما ردّيت عليكِ في موضوع الأخت ندى الورد .... الحركة هذي سببها الاختلااااف ... لازم تتأكّدي مِن الطّبقات ... افحصي كلّ طبقة على حِدة

بعدين انتي مره قلتي انج ماسحه اجزاء من السهم الي في توقيعج القديم وانا حاولت اسوي مثلج وامسح ماصار .. اصلا الاشكال ماتنمسح ..

-- الأشكال تنمسح عادي ... لكن أتوقّع إنها ما انمسحت عندك لأنّك ما اخترتِ مِن الشّريط العلوي كالصّورة التّالية :



المفروض تختاري زي الصّورة .. اللّي هو خيار التّعبئة الأوّل _ مِن اليمين _ ... الظّاهر الخيار الموجود عندك حاليّاً هو الأخير ... غيّريه .. و راح يضبط إن شاء الله



-- و علشان تمسحي الأجزاء المناسبة ... اكتبي النصّ ... و فوقه ارسمي الشّكل ....

بعدين حدّدي النصّ (( وذلك بالضّغط على لير النصّ ومفتاح Ctrl في نفس الوقت )) ...

خلّي النصّ محدّد ... وانتقلي إلى لير الشّكل ( خلّي الشّغل عليه ) ... و امسحي الأجزاء اللّي تبغيها ... و بس ..

[leema]

اما القلب اللي طبقتي عليه التدرج سويت نفس طريقتج اصلا مايصير واضفت تاثير التدرج من حرف f اللي تحت بس لما سويت ستروك حاولت اطبق بس على الستروك الجليتر ماصار لانهم صار جزء واحد والجلتر يتطبق على القلب والستروك

-- قبل تطبيق التدرّج على أي شكل أو حتّى نص ... لازم تحدّديه .. (( ويكون في لير لوحده )) ... و تحديده _ زي ما قلت قبل شوي ... اضغطي على اللّي اللّي هو فيه و زر Ctrl بنفس الوقت - ... بعدين طبّقي التدرّج عادي (( مباشرة مِن أداة التدرّج )) أسهل

و السّتروك و التأثيرات الثّانية كلّها تتطبّق بعد ما تنتهي من التّعبئة

مع ان قلبج فيه لمعه بالنص مادري شلون سويتيها ( الظاهر جزء من الزري تناثر عليه )

... لأ ... هذا زري مستقلّ
بعد ما سوّيت التدرّج .... استعملت هذا النّوع مِن الجليتر في التّعبئة ..

http://www.wtv-zone.com/aylana/bringontheglitter/clear/clear.html

و لأنّ خلفيته سوداء .. و أنا أبغاها تكون شفّافة .. اخترت مصيغة الدّمج (( سكرين )) بدل (( نورمال )) للّير اللّي سوّيتله تعبئة بالجليتر .. (( صيغ الدّمج موجودة بجانب التحكّم بالشّفافية في قائمة اللّيرات )) ...

وثاني شي لما اسوي اكثر من جليتر واحد يتخربط عندي كل شي

-- أتوقّع إنّي فهمت قصدك ...

قدّامك طريقتين ...

// لو أردتِ استخدام أكثر مِن لون ... بإمكانك إنّك ما تملي كلّ اللّي بنفس اللّون ... حدّدي الجزء اللّي تبغي تملئيه باللّون الأول ( بواسطة أداة التّحديد ) .. و سوّيله الـ fill عادي ... بعدين حدّدي الجزء الثّاني .. و سوّي الـ fill بلون ثاني ... (( زي ما شرحته في موضوع الجليتر على الصّور )) ..

// أو ... إذا فصلتيهم كلّ شكل في لير لوحده ... كلّ ما عليكِ إنّك تنظّمي الأمور ...

يعني مثلاً عندك نصّ تبغيه بالجليتر الزهري .. و بجانبه وردة تبغيها بالجليتر البنفسجي ...
ممكن تسوّي زي الطّريقة الأولى ...

وممكن .. تكتبي النصّ عادي ... و تطبقي عليه خطوات الجليتر كاملة ... بيصير عندك 3 طبقات ... أعيدي تسميتها بالتّرتيب علشان ما تتخربطي ( وذلك بالضّغط دبل كليك على اسم اللّير .. و بعدين غيريه (( 1 , 2 , 3 )) ...

ثمّ افتحي لير جديد فيه الوردة اللّي بتسوّي عليها الجليتر ... و طبّقي عليها الخطوات ... بيصير عندك كمان 3 طبقات إضافيّة ... لا تنسي تعيدي تسميتها (( علشان التّنظيم بس )) (( 11 , 22 , 33 )) ...

في النّهاية عندك المحصّلة 6 ليرات ... ادمجي كلّ اثنين سو (( 1 مع 11 )) ... و هكذا ...

بس الطّريقة الأولى أسهل بكثيييير

أمّا لو كان اللّي بتحطّيه صورة عاديّة ( ثابتة ) ... الطّريقة موجودة في موضوع الفائدةا للّي نزّلته مؤخّراً



لأتمنّى أكون أفدتك ... جرّبي .. و ردّي لي خبر ... بانتظارك

[MiSsQ8]

مشكوره حبيبتي لولو على الرد بس خليني استوعب ردودج عدل واجربها وبعدين اقولج النتيجه
:>MM

[MiSsQ8]

والله يالولو جربت طريقج قبل والحين ومايصير نطبق تدرج على شكل واذا ضغطت على اللاير و ctrl وييت بطبق التدرج يطلعلي مربع يقول

could not use the gradient tool because the content of the layer is not directly editable