foster care and foster parent /بيوت العنايه البديله للاطفال في الغربه

[متسننة]

والله صفنتيني ياتوتة الله لايبلانا معقول يعمل كذا واااااااااااع ، الله يهديه ويرده لصوابه
اسفة ماعندي اضافات ماشاء الله كفيتوا ووفيتوا بس الله لايحط مسلم بهالموقف ويحفظ عيالنا ويتربون باكنافنا

[tuta.]

ﺍﻩ ﺻﺤﻴﺢ ﺍﺗﺬﻛﺮﺕ ﻋﻠﻰ ﺷﻐﻠﻪ ﺗﻐﻴﻴﺮ ﺍﻟﺎﻡ ﻟﺎﺳﻤﻬﺎ ﺍﻟﺎﺳﺖ ﻧﻴﻢ ﺑﺘﻘﻮﻟﻭﺍ ﺍﻧﻪ ﺣﺮﺍﻡ و ﺗﻘﻠﻴﺪ ﻟﻠﻐﺮﺏ ﺑﺲ ﻣﻦ ﺭﺃﻱ و ﻣش ﺑﻌﻂﻲ ﻓﺘﻮﻯ ﻟﻜﻦ ﻓﻲ ﺗﻐﻴﻴﺮ ﺍﻟﺰﻭﺟﻪ ﺍﺳﻤﻬﺎ ﺣﻔﻆ.ﻟﻠﻨﺴﺐ ﺧﺼﻮﺻﺎ ﺑﺒﻠﺎﺩﻧﺎ.
ﻓﻤﺜﻠﺎ ﺍﻧﺎ ﺑﺎﻣﺮﻳﻜﺎ ﻣﺎ ﻏﻴﺮﺕ ﺍﺳﻤﻲ ﻟﻜﻦ ﺍﻭﻟﺎﺩﻱ ﺑﺸﻬﺄﺩﺍﺕ ﻣﻴﻠﺎﺩﻫﻢ ﻣﻨﺴﻮﺑﻴﻦ ﻟﺎﺑﻮﻋﻴﻦ ﺍﻛﻴﺪ.
ﻟﻜﻦ ﻟﻤﺎ ﻛﻨﺖ ﺑﺎﻟﺒﻠﺎﺩ ﺟﻴﺖ ﺍﺿﻴﻔﻬﻢ ﻟﻠﻬﻮﻳﻪ ﻟﺤﺘﻰ ﻳﻨﺘﺴﺒﻮﺍ ﻟﻔﻠﺴﻂﻴﻦ و ﻣﺎ ﺗﻀﻴﻊ ﺍﻟﺎﺭﺽ ﻫﺒﺘﺀ ﻣﺜﻞ ﻣﺎ ﺑﺪﻫﻢ ﺍﻟﻴﻬﻮﺩ ﺭﻓﻀﻮﺍ ﻳﺪﺧﻠﻮﻫﻢ ﺍﻟﺎ ﺑﻌﺪ ﻣﺎ ﻏﻴﺮﺕ ﺍﺳﻤﻲ و ﻛﺎﻥ ﺗﻌﻠﻴﻞ ﺍﻟﻤﻮﻇﻒ ﺍﻧﻪ ﺍﻥ ﺩﺧﻠﻨﺎ ﺍﻭﻟﺎﺩﻱ ﺗﺤﺖ ﺍﺳﻤﻲ ﻣﻦ ﺍﺑﻮﻱ ﺍﻟﺎﻭﻟﺎﺩ ﺑﻴﺼﻴﺮ ﺍﺳﻤﻬﻢ ﻣﺜﻠﺎ ﺳﺎﻣﻲ ﻓﻠﺎﻥ ﺍﻟﻠﻲ ﻫﻮ ﺍﺳﻢ ﻋﻴﻠﺘﻲ و ﻫﻴﻚ ﺿﺎﻉ ﻧﺴﺒﻪ ﻟﻜﻦ ﺍﻥ ﻏﻴﺮﺕ ﺍﺳﻤﻲ ﻟﺎﺳﻢ ﺯﻭﺟﻲ ﺑﻴﺼﻴﺮ ﺍﺳﻤه ﺳﺎﻣﻲ ﻋﻠﺎﻥ و ﻫﻴﻚ ﺑﻴﻨﻌﺮﻑ ﻫﻮ ﻣﻦ ﻋﻴﻠﻪ ﻣﻴﻦ ﻃﺒﻌﺎ ﻛﻠﻪ ﺑﺎﻟﺎﻭﺭﺍﻕ ﺍﻟﺮﺳﻤﻴﻪ ﻣﻊ ﺍﻧﻪ ﺷﻬﺎﺩﻩ ﻣﻴﻠﺎﺩﻩ ﺑﺘﻘﻮﻝ ﺍﻧﻪ ﺍﺳﻤﻪ ﺳﺎﻣﻲ ﻋﻠﺎﻥ.

و ﺍﺫﻛﺮ ﺑﺎﻟﻤﺪﺭﺳﻪ ﻛﺎﻥ ﻟﻲ ﺯﻣﻴﻠﻪ ﺍﺳﻤﻬﺎ ﺍﻟﺎﺳﺖ ﻧﻴﻢ ﺑﻴﺨﺘﻠﻒ ﻋﻦ ﺍﺳﻢ ﺍﺧﺘﻬﺎ و ﻛﻨﺖ ﺍﻓﻜﺮﻫﺎ ﻣﻦ ﺍﺏ ﺛﺎﻧﻲ ﻣﺮﻩ ﺳﺄﻟﻬﺎ ﻣﺪﺭﺱ ﺍﻟﻌﺮﺑﻲ ﻋﻦ ﺍﻟﺴﺒﺐ و ﻗﺎﻟﺖ ﺍﺧﺘﻲ ﺩﺍﺧﻠﻪ ﺑﻬﻮﻳﻪ ﺍﺑﻮﻱ و ﺍﻧﺎ ﺑﻬﻮﻳﻪ ﺍﻣﻲ و ﺍﻟﺎم ﻣﺶ ﻣﻏﻴﺮﻩ ﻫﻴﺮ ﻟﺎﺳﺖ ﻧﻴﻢ.
ﻓﺎﺫﺍ ﺩﻳﻧﻨﺎ ﺑﻴﻨﺎﺩﻯ ﺑﺤﻔﻆ ﺍﻟﺎﻧﺴﺎﺏ ﻣﻦ ﺭﺃﻱ ﺍﻧﻪ ﺳﺎﻋﺘﻬﺎ ﺍﺫﺍ ﺍﻟﻀﺮﻭﺭﻩ ﺍﻗﺘﻀﺖ ﺍﻧﻪ ﺍﻟﺎﻡ ﺗﻐﻴﺮﺭ ﺍﺳﻤﻬﺎ ﻟﺎﺳﻢ ﺯﻭﺟﻬﺎ ﻓﻮﺍﺟﺐ ﺍﻧﻬﺎ ﺗﻐﻴﻴﺮﻩ ﻟﺘﺤﻔﻆ ﻧﺴب ﺍﻭﻟﺎﺩﻫﺎ ﻣﺠﺮﺩ ﺭﺃﻱ .

[mayaaa]

توتا اللي بتحكي بس بفلسطين صراحه مخربطين ام الدنيا الله يعينكم اللي بيعملوه خربطه للانساب انتي بتقولي اغير اسمي ولا يغيروا همه اسمهم يعني منتهى التسلط والحقارهشو دخل على هويتك او هويت زوجك المسأله بسيطه اسم الام اسم الاب اسم الابن وانتهينا هلأ انا لو غيرت اسمي لاسم زوجي ونزلت الاردن ببطل انا انتي فاهمه تغير اسم من اسمي صرت وحده تانيه لنفرض انا اسمي مايا عبدالله وجوزي علي عيسى لما انا اغير واصير مايا عيسى وبدي اصف بيين اولادي بالمحكمه اورث بصير متل اخت الهم هي الامور مش سايبه انا عارفه فيه محامين واثبات ووووووو بس بعتبرها متل موضوه الدي ان ايه ماكان موجود والطريقه اللي مشت عالناس زمان المفروض تمشي هسه والا عادي اي واحد بيغير اسمه وبيترا من اهله وبيرجع يقول ورثوني انا ابنكوا (خخخخخخ راسي صار يلف )
ماعلينا من الاسماء انا الصراحه ما تقبلتها نفسيا ما كنت اعرف انه حرام لما قلي زوجي لازم تغيري لاسم عيلتنا عيوني صاروا قد العشر قروش القديمه (كبار) مابدي ولو ابوي وجدودي كيف هيك اترك اسم عيلتي بعد ما صفنت وصرت احسب ياترى افسخ الخطبه والا اقبل وما استعمل الاسم يعني حبر على ورق جوزي وقتها كان خطيبي حس بالدواليب بتدور براسي وعيوني كيف وانرعبت وقالك هسه شكلها بتعيد النظر بالموضوع كله فعلى طول قالي هو مش ضروري بس الكل بيعمل هيك وقتها اخذت نفس وقلتله انا بابا غالي علي ومابدي اترك اسمه فهو قالي لو انا محلك بعمل نفس الاشي .....لما اجيت لهون والصبايا اكتشفوا انه اوبشينال - لان اسمي كان يطلع عالتلفون بالكولار اي دي - جد كلهم قالولي كيف عرفتي انه مش اجباري احنا فكرنا انه اجباري 0000 ماحد بيحب يغير اسمه وما بقول غير الله يهد حيل اليهود ويورينا فيهم يوم يارب طبعا اذا الضروره تقتضي عاد تقتضي شو نقول

اما ان اللي بياخذوا اولاده وخايف عليهم ليش من اول ما انتبه والله يا توتا انه بتصير حوادث العين الها غفله وهمه شوفي حتى لو الاهل ماعملوا اشي بيروحوا بيوخذوا الاولاد لو اسبوع تا يحققوا انتي عارفه هاد الحكي يعني متل ما فيه مهملين فيه مبتليين وما حد محمي من ابتلاء الله كم مره الواحد ابنه بيوقع والله بيغفل وبيتأذوا الاولاد وربك بيسترها ؟كثير ...انا كل ولد من اولادي وقعوا عن الدرج والله العظيم ما اتجرأت اخذهم عالطوارئ اتطمن عليهم كنت استنى اشوف اذا فيه علا مات اذا استفرغوا طبعا بديش اقولك الرعب اللي اكون فيه بديش اقولك شوي واموت مش خوف ياخذوهم قد ماهو خوف على اولادي يجيهم اشي بس عشان الدرج مفروش وخشب وستر ربك الحمدلله هيهم بصحتهم وعافيتهم من فضل ربي

فالعين الها عفله الله يكفينا الشر
هاج اللي بيمزح مع بنته بالطريقه المتخلفه اللي قلتي عنها فيه ناس هيك متخلفه وانا بصدق اذا هو بيقول انه مش قصده بس عقله فاقد نص خلاياه يعني ينقالك مش راضي حتى يكذب عالقاضي ويغشه ويقوله بجه يبطل وكانه الموضوه جزء من حبه لاولاده (عمى بعيد عنك)

[tuta.]

لا يا مايا انتي فاهمه غير،، انا فكرت بكل الدول العربيه نفس الشي عنا بس اسم عيلتي الاصلي ما بيروح بيضل موجود و معروف مين ابوي و مين عيلتي مكتوب على الهويه اسمي الرباعي مش الثلاثي لا الرباعي و زياده عليهم اسم عيله زوجي و مكتوب متزوجه فالخامس معروف عيله زوجي و لا تخافي اليهود احرص ناس يحافظوا على اسامينا بتعرفي السبب ذكرتيه و انتي مش داريه لحتى ما يجي مين ما كان يقول الي حق بهالارض الفلانيه ولك اسمي على الحسر معروف لجد جدي مش جد ابوي اول مره دخلت ازور سيدي ابو امي ساالوني شو اسم سيدك قلت لهم طبعا اسمه مش بالريكورد تبعي دخلوني على الامريكي المره اللي بعدها كنت رايحه زياره عاديه ساالوني اسم ابوي و اسم سيدي شافوني معي هويه بس على جوازي الامريكي في فيزا مع انه ممنوع فيزا للي معه هويه حققوا معي لسيد سيدي بالاسامي ليتااكدوا اني انا نفسي اللي مبين عندهم انه الي هويه فلا تخافي محافظين على نسبنا اكثر منا هر بس هلاا طالعين ببيع هويتك بنص مليون، يلا ركض بروح ابيع بلادي!!!!!

[mayaaa]

واحنا توتا اسامينا رباعيه بس اللي غيروا بامريكا اسمهم الاولاني رايح يعني اسم بدل اسم مو الاثنين موجودات وعنا ماحد بيغير اسمه يعني مثلا بدفتر العيله الواحده بيكون اسمها هو نفسه قبل الزواج وتحته فلانه زوجت فلان الفلاني

طيب ليش انتي فكرتي البنتين من ابين مختلفين طالما الاسم ما بيتغير ؟ شكلي مافهمت كيف الاليه
المهم ماعلينا هل الناس صارت تغير اسمها بامحكمه وتنسب حالها لعيلت فلان الفلاني وبيعيشوا الجو هههههه

[tuta.]

ﻫي ﺍﻣﻬﻢ ﻣﺶ ﻣﻐﻴﺮﻩ ﺍﺳﻤﻬﺎ ﻟﺎﺳﻢ ﺯﻭﺟﻬﺎ ﻳﻌﻨﻲ ﻣﺶ ﺿﺎﻳﻔﺘﻪ ﻋﻠﻰ ﻫﻮﻳﺘﻬﺎ ﻓﻀﻠﺖ ﺑﺎﺳﻬﻢ ﻋﻴﻠﻪ ﺍﺑﻮﻫﺎ ﻟﻤﺎ ﺩﺧﻠﺖ ﺑﻨﺘﻬﺎ ﺑﻬﻮﻳﺘﻬﺎ ﺍﻟﺒﻨﺖ ﺍﺧﺬﺕ ﺍﺳﻢ ﻋﻴﺜﻪ ﺍﻣﻬﺎ و ﺍﻟﺜﺎﻧﻴﻪ ﺍﺧﺬﺕ ﺍﺳﻢ ﻋﻴﻠﻪ ﺍﺑﻮﻫﺎ ﺷﺎﻳﻔﻪ ﻛﻴﻒ??
ﻫﻮﻳﻪ ﺍﻣﻬﺎ ﻗﺪﺱ و ﺍﺑﻮﻫﻮ ﺿﻔﻪ ﺧﺎﻓﺖ ﺗﺨﺴﺮ ﻫﻮﻳﺘﻬﺎ و ﻳﻘﻠﺒﻮﻫﺎ ﻟﻀﻔﻪ ﻋﺸﺎﻥ ﻫﻴﻚ ﻭﺣﺠﻪ ﻣﻦ ﺍﻟﺒﻨﺎﺕ ﻫﻮﻳﺘﻬﺎ ﻃﻠﻌﺖ ﺿﻔﻪ و ﺍﻟﺜﺎﻧﻴﻪ ﻗﺪﺱ

[*سهام الليل*]

موضوع مهم جدا اماني
بالنسبة لي انا اقترح انه لازم المسلمين يتحدو ويضغطوا على الحكومات لاجل انشاؤ مراكز اسلامية تاوي اليتامى والاطفال المسلمين وتعتني بهم ويكون لهم مثل الجو الاسري
احسن شيء لانه صعب جدا جدا التكفل بهم مع العائلة لانه مثلا في كندا هناك رقابة شديدة وفحوصات وياولك لو اشتكى منك بشي .