اصدقاء قبل الغربة هل لا يزالون اصدقاء فعلا ؟؟؟ قصتي مع صديقتي التي لم تعد كدلك

[mayaaa]

سهام هل لو قلتلك انتي حساسه بزياده بتقوليلي انوا انا جافه بزياده بس الحمدلله هيك انتي بالاخر حطيتي كلام صديق النبي عليه افضل الصلاه والسلام بيقولك لا تشدد ولا تراخي يعني فيه ناس بتترك دينها فما بالك صداقاتها القلب هيك ربي خلقه متقلب الذكريات ما بتروح بتضل حبيست الذاكره
صار معي متل ما صار معك اتصلت على صديقه اعزمها على زواجي بقوللها فلانه زواجي يوم كذا جوابها كان شو اعملك؟ what the ....?
صراحه تركتني متفاجئه بس صاحبتي وبعرفها طبعا مارح تحب انخطب قبلها فوق ما درست واتوظفت اجيت اكملها واتزوج ......طبعا i'm too happy to get hurt
ربي يعوضك ان شاء الله لانك عملتي اللي عليكي وزياده وما قصرتي انا مو فاتحه مجال الصحيح لكثير ناس بحياتي عندي قواعد كثير كثير بخاف اتشتت بين الصاحبات لاني من النوع اللي بقلق بمشاكل الناس فلو كل وحده بعرفها شكتلي عن شغله رح اقضي يومي افكر بمشاكل اللي حولي واهمل بيتي فبحاول اعمل توازن باي شكل وكمان مش من النوع اللي بحكي كلشي لا لصاحبه ولا لام ولا لحد ما بفضفض بخاف بيوم يقلب سري على راسي
حتى زوجي ما بيعرف كل اشي مابقدر اقولك فيه انسان انا بعرفه بيعرف كل اشي انا بس بعرف كلشي عني وخصوصا موضوع مين بحب ومين ببغض هاد مستحيل اعترف فيه خلص مافيه فايده منه خلي باللي بالقلب بالقلب ماله داعي نعمل نشره اخباريه انا بحبش فلانه وبطيقش فلان ......

وبس موضوعك روعه هينا فضفضنا شويتين وكالعاده قصقص مشوقه من سهومه

[MARWAH]

تعرفي مايا يلي بيفكر متل رفيقتك وبيحكي هيك هاد ما اسمو صديق لانو ما عرفت شو معنى الصداقة وما حاولت تخبي غيرتها وجرحتك بالكلام اقلها تقولك مبارك وتجبر بخاطرك وتثق بالله انه ربي رح يجبر بخاطرها قريب
سبحان الله ناس ونفسيات عجيبة

[warda79]

بالنسبة الي لسة محتفظة بصاحباتي اللي بعرفهم من وأنا بالابتدائي طبعا كل واحدة فينا تزوجت وصار عندها أولاد و بيت لكن متواصل بين فترة وفترة لو بمسج على الفيس بوك لما انزل على الأردن لازم نجتمع لو مرة على الأقل حسب الظروف لكن أنا بطبعي صداقاتي وعلاقاتي جداً محدودة لقيت انه هيك أريح مش لشي بس صارت معي قصص كتير ولقيت انه احدد علاقاتي افضل بالإضافة أني يا دوب ملحقة على بيتي واولادي

[mayaaa]

مروا عادي يا عمري انا بوقتها ما زعلت اصلا كل تفكيري بزوجي وبعرسي مو الها مكان براسي افكر فيها ...وبصعوبه لا مسكت لساني وماجرحتها يعني كنت ماسكه الضحكه خايفه اجرحها لانها مو قادره تخبي مشاعرها السلبيه بس اتعوذت من الشيطان وعادي قلتلها لا تعمليلي اشي انا مو بحاجه بس حبيت اعزمك تحضري...انا واقعيه بحياتي بحيث بعرف ان مش كل الصداقات حقيقيه بس برفض اني اعزل حالي لان بجوز يحبطوني لا بقول خليني انا احسن بوصل على قد ما اقدر عشان حالي عشان ربي يجازيني يعني الهدف نفسيتي وحالي مو بالضروره الهدف اني ارضي صديقاتي وبالتالي انا بعمل بس اللي بقدر عليه بدون ما اتوقع شي بالمقابل
............ما بقول غير ربي يثبتنا على دينه والله القلوب بتتقلب بدقيقه الدنيا كلها مالها ضمانه

[MARWAH]

والله الحق معك لانو لو بدك تعاملي البشر ما رح يفيدوك بس عاملي رب البشر
ربي يوفقك ويثبتك على دينه وانا وجميع المسلمين معك يارب

[صاحبة الـ@ـسك]

يا ساتر قصة مؤلمة ومحزنــة ربنا يكون بعونك
أنا الحمد لله أتمتع بأصدقاء من أيام الحضانة معايا ولا زلنا على خير مع بهض حتى وإن كان منهم من لم تتزوج أو من لم تنجب ولكنها أقدار الله علينا ولا دخل لها بصداقتنا أبدا أبدا والحمد لله على النعمة