منتجات الشعر وتجاربنا معها الموضوع موضوع الجميع

[*سهام الليل*]

داخلة عال سريع. عندي إسهال. فضيييع. دعواتكم ):

ام عبد الله استعملت لي. صبغة هرباتانت وهي خالية تماماً من الامونيا واقل الصباغات ضررا علي الشعر والصحة شوي غالية لكن نتيجتها مضمونة ....

دالي رجعة بعدما يوقف الاسهال ....

[mayaaa]

سهام الليل حبيبتي اول شي سلامتك اشربي سفن لما كانوا اولادي يمرضوا متل هيك توصيني الدكتوره اعطيهم سفن اب

هلأ الصبغه عزيزتي سهام مستحيل الصبغه تعطيكي نفس اللون الا بحاله وحده اللي هي الشيب يعني على بياض كامل
اللون اللي حطيتي بيخلي الشعر البني الغامق بيخلي لونه غزالي بني فاتح متل لون الغزال وانا بحب هاد اللون كتير بيناسب بشرتي بشكل

لو اخذني اشقر رمادي فاتح جدن اللي بيكون لونه بلاتيني هاد بيعطيكي غزالي فاتح تقريبا ذهبي بيكون لسه احلى من الغزالي المتوسط
طبعا الاشقر الرمادي بيسحب الاورانج من شعرك فالنتيجه بتكون على ذهبي بينما الاشقر العادي او اللون الذهبي بيطلعلك لون بني على اورانج او احمر مش سيئ انا بحبه فيهم ما بيحبو الدرجه الحمرا بالشمس فبياخذوا اشقر رمادي ....
حاولي تقرئي قوانين الالوان رح تفيدك بالصبغ ...
مرات بصبغ الوان بني عادي مثلا متوسط بالاول بيطلعلي غامق جدن ولما يسحب اللون مع الغسول بيصير بني حلو لما كان شعري اشقر وحبيت ارجع للوني عملت هيك اول يوم طلعلي اسود وانا مابحب السواد بس بعد اسبوعين صار بني عادي كاني مو صابغه من قبل عملت هيك لاني تغلبت كل ما اصبغ لون مثلا متوسط او بني فاتح مع الغسول يرجع اشقر اخر شي اخذت بني غامق مره وحده ...

فيه ناس بتاخذ نحاسيات فاتحه مع البني الغامق (يعني الشعر يكون بني غامق)بيعطيكي مهغوني او بني شوكولاته انا ما جربت هاد اللون كنت حابه اجربه بس ممممممم متردده خايفه ما يطلع حلو علي على اني شفته كثير حلو بيطلع هيك بني فاتح على ستروبري فيه لمسه زهريه او بيتنجانيه عجبني عاللي شفته عليهم بس خايفه تكون طبيعة الشعر بتختلف
طبعا البنيات عادي بتناسب اللي حاطين حنا ولما ما بدك لون احمر فيه مصححات الوان عند سالي سبلاي متل الشامبو بتحطيه بشعرك بيلغي الاحمر او الاورانج وبيزبط اللون

هل الهايلايت اذا نفس الشعره لونها بني ما رح تحصلي على نفس لون الشعر عالعلبه بيطلع احيانا على اورانج او لون كراميل اذا بدك بلاتيني لازم مصحح لون او تعملي بالطريقه العاديه البلوندر والطاقيه او القصدير اذا بدك بس شعرك من قدام اسهل شي القصدير ما بتحتاجي مساعده بس اكمن خصله من قدام اذا طاقيه بدك حد يعملك اياه من ورى طبعا الطاقيه اسهل فيه وحده عند ممممممم ريفلون مش مطاط حلوه ما بتوجع متل تبعت المطاط ........
القصدير مو لازم متل الصالونات اعملي كل خصله لحالها ولميها على بعض اهم اشي ما توسخي باقي الشعر بس الخصله والبلوندر خوذيه 30 %

انا اول مره عملت هايلايت بالصالون كان حلو بس مش بيرفكت عملته بالاردن وانا طبيعتي بضل العب بشعري يعني اتعلمت على حالي والحمدلله دايمن بيزبط او خلينا نقول ماعملتش بحالي مصيبه ...واتعملت على حالي واخر مره عملت لماما لما شافته زابط علي بس البروسس كانت طويله وزهقت وعافت حالها وباست التوبه ....كمان فيه مرشات بتعمل هايلايت طبيعي بالشعر بيرشو عالشعر منها لما يروحوا عالبيتش بس ما بتعمل خصل بتعطي الشعر هايلايت طبيعي من الشمس ولازم تتعرضي للشمس رح اجربها لبناتي ....طبعا بيغني عنها عصير الليمون وما بتضر الشعر لانه بتسرع العمليه بس طبعا بدك تعتني بالشعر من زيت وقص اضراف لان الشمس بتجففه على اي حال بهايلايت وبدون هايلات


وبس انا الحمدلله بقص شعري بالبيت وقص محترم وعدة قصات تعلمت من ماما وماما تعلمت على حالها زمان وهي صغيره ولما صرت اقص شعري كنت شاطره لاني اصلا اتعملت على شعر ماما بس ما بقص لحدى لان النسوان ارضائهن غايه لا تدرك ما بحب وحده تيجي تقولي ما طلعت حلوه والا ماعجبتني القصه فاذا قصيت حتى لو ببلاش بتحلف انها قابله بالقضاء والقدر خيره وشره بالاول............

[♥أخت فى الله♥]

بسم الله ما شاء الله عليكم حبيباتى
موضوع مهم جدااااااااا بصراحة
حبيت اشارككم تجربتى
أنا بصراحة بفضل الله شعرى ما بحط له شئ ناعم جدااا
يعنى لا كريم ولا زيت ولا اى شئ
و بالنسبة للصبغة أنا بحب يعنى من وقت للتانى أغير الشكل
إستخدمت فى الأول صبغات بدون أوكسجين
لكن ما كانت بتعمل اى شئ بشعرى لأنه شعرى غامق
بس على فكرة على علبة الصبغة بيكون فيه زى جدول لو الصبغه تنفع للون البنى أو الأغمق و لا لأ
يعنى فيه بعض الأنواع ما بتجيب أصلا إلا على الشعر الفاتح جداااااااا

المهم أنا بصبغ لنفسى فى البيت بحكم إنه بألمانيا للأسف الكوافيرات ميكس رجال على نساء
أو بالأحرى زوجى بيصبغ لى لأنه شعرى طويل جدا و ما أعرف أطوله كله

جربت نوعين للصبغة لوريال و كانت راااااائعة بصراحة و ما نشفت شعرى ابدا
صحيح ما جابت نفس اللون بس بصراحة شعرى لم يتأثر أبدا

و جربت نوع تانى جرانييه حلو و جاب نفس الدرجة اللى عايزاها
بس بصراحة نشف شعرى جداااااااااااااااا

يعنى قلت مش مهم اللون اوى بس يفضل الشعر طرى و حلو
بس على فكرة ممكن نوع صبغخ يبقى مع واحده حلو جداااااااا و مع واحدة تانيه مش حلة
يعنى تأثير الصبغة من واحدة للتانيه بيختلف حسب طبيعة الشعر

و جربت كمان الهايلايت من جرانييه كان حلو اوى بصراحه يجنن
بس برضه نشف شعرى

[♥أم عبد الله♥]

جزاكن الله خيرا أخواتي على المعلومات بخصوص الصبغات
ملوكة يا غالية صدقت بخصوص لوريال جيدة لكن اللو يطلع مختلف, آخر مرة صبغت بني داكن فطلع أسود داكن و فيه نوع من الزرقة لم يعجبني أبدا
البارحة عملت بحث في آراء الناس في النت و ووجدت أن أحسن صبغة (semi permanent تروح بعد 28 شامبو) هي كليرول clairol natural instincts هذا بالنسبة للألوان الداكنة, إن شاء الله قريبا أروح لول مارت و أشوف
بالنسبة للفيديو جزاك الله خيرا يا غالية شفت في اليوتيوب لكن مازلت خائفة , لكن إن شاء الله بما أنني مروحة هذه الصائفة بإذن الله أروح لحلاقة أعرفها جيدة و ربي ييسر

[♥أم عبد الله♥]

سهام يا غالية الله يشفيك
إشربي مية ورد بالنشاء و إن شاء الله يخف الإسهال

[mayaaa]

ام عبد الله كليرول بتنشف الشعر بشكل فظيع كانها صبغه رخيصه يمكن بدها تعملي ماسكات شعر بعدها انا جربتها وشعري خشب وراحت حيويته افضل شي لوريال وجارنييه اللي بالافوكادوا

[ملكة بنقابي~]

ملوكة. في بالي والله. البلد الجديدة ما شاء الله روعة لكن تعرفي الغربة غربة
بالكاد لقيت المسلمين هنا وحاسة نفسي من كوكب المريخ (:

واذا علي القص ممكن جداً تتعلمي بعض القصات البسيطة من اليوتوب .

شهدودة نفس منطقي والله مع انه زوجي ما يقصر معي لكن طبعي ما يخليني اصرف المال الكثير علي الملابس والتجميل
ولا احب اجري ورأ الموضات ولا ورأ الكريمات و و و و و .... الحقيقة أني حلوة ههههههه وما احتاج علي قول زوجي .
صح ولا يا ملوكة ؟؟؟

ياسلام هو حد يجي جنب جمال وحلاوة حبيبة قلبي ام انوس
شفاك الله وعافاك ياغالية
الله يسعدك وين ماتكوني حبيبتي

[♥أم عبد الله♥]

ام عبد الله كليرول بتنشف الشعر بشكل فظيع كانها صبغه رخيصه يمكن بدها تعملي ماسكات شعر بعدها انا جربتها وشعري خشب وراحت حيويته افضل شي لوريال وجارنييه اللي بالافوكادوا

مايا جزاك الله خيرا على التنبيه, إن شاء الله أعمل بنصيحتك و أشوف لون مناسب في وال مارت من لوريال أو غارنييه

[ام جود و جواد]

مرحبا ميوشة العسل

اولا الف الف مبروك على الحمل الله يا رب يحميكي ويقومك بالسلامة.

وبعدين هاي الماركة اللي قولتلك عنها حبيبتي هي ماركة كيراستاس مش لوريال وهي ماركة معتبرة جدا وبتنباع في الصالونات والله انا جربتها وكتير عجبتني بس مشكلتها انو غالية بس بضل لفترة طويلة
يعني مثلا الكونديشينر تبعها يدوب نقطة صغيرة منه بتخلي الشعر يسحل كأنه مش هو روعة بجد .

اذا قدرتي تلاقيها جربيها ولعل وعسى تعجبك يا قمر

بس اليوم انا بدي منكم مساعدة بالنسبة للشعر وهي الشعر الخفيف الجاف زائد مشكلة الشيب شو افكاركم بالنسبة للموضوع.

وانا كتبتلك من قبل رد عن الليب ستيك في ( المحبة في امريكا ) بس ما بعرف اذا قريتي ولا لا

وتسلمي على هالموضوع الحلو.

[mayaaa]

ام جود مش متذكره بالنسبه لليب ستيك ؟ يمكن نسيت لاني بقرا كلشي الصحيح
واكتبي اسم الماركه باحرف انجليزي يمكن الاقيها مو مهم اذا غاليه ومنيحه بخسر كثير وانا بجرب عالفاضي صدقي

شوفي بالنسبه للشيب انا بالثلاثين وهاي اول سنه بشوف شيب مره قرات فيتامينات بترجع لون الشعر ونسيت اسمها دقيقه ادور شوي >>>ينقالك داريين اني بدور
لقيته
اسمه
paba 500
من جي ان سي
اعملي بحث لموضوع البنت اللي كاتبه عن الفايتمين
بشرى لكم ,وداعآ للشيب (فيتامينات لعودة الشعر للونه الطبيعي )

غير هيك مالك غير تصبغي انا الشعرات لسه ضايعات يعني مو مبينين قصيتهم اكمن مره لانهم اكمن وحده وانا هيك هيك دايمن عندي صبغه
ماما شابت بكير كانت تعمل حنا وكتم بس جد سولافه اسبوع والا الجذور مبينه وبدها كمان دور فرجعت للصبغه اريح واسرع

وكمان اللي كثير شايبين الافضل يستعملوا الصبغات المعدنيه فيه نوعيات خصوصي للسيب بس بدك يكون اكثر من 50 % من الشعر ابيض هادي الصبغات بتثبت اكثر بالشعر من الصبغات العاديه
وعموما لو تنتبهي على صحتك وفيتاميناتك اظن بتخففي من سرعة الشيب انا الموضوع عندي جيني لان اهل بابا بيكبرو كثثثثثثثثثير ويادوب يادوب بتلاقي بشعورهم شيب بس اهل ماما العكس تماما بيشيبوا بالعشرين وبلاحظ صديقاتي زمان شابوا من عمري وشابوا بكير خصوصا جناب الوجه فيمكن جيني بس انا متاكده انه فيه شي ممكن تعوضيه بالفيتامينات افضل انك تروحي المحل نفسه وتساليهم خصوصا جي ان سي بيعرفوا

[*سهام الليل*]

مايا انا داخلة اسجل اعجابي بيك ماشاء الله ردودك ملمة بكل شيء الله يسعدك


الحقيقة اني ما عمري عملت هايلايت لاني اخاف وبالنسبة للصبغة انا ما اصبغ لوحدة اول مرة بتصبغ وكل الي اصبغ لهم سبق وجربو صبغتهم واغلبها من روايال وغارنييه
لكن عن نفسي استعمل هيرباتانت رقم تسعة اشقر تطلع علي شعري كستنائي

[mayaaa]

مزبوط سهام انا مستحيل اصبغ لوحده الا مساعده يعني هي بتكون جايبه صبغتها وانا بحطلها اياها بساعدها بس بصبغ الي ولماما وانا مابخاف لاني شفت ماما تخرب وتزبط لحالها وعادي مره بتصيب وعشره بتخيب بس الواحد بيتعلم الهايلات مثلا بتقدري تعملي بس مقدمة الراي يعني الغره وانتي لحالك لما تشوفيه حلو وزابط بتصيري نزيدي معك لنص الراس ممكن تعمليه لحالك وبرضه موضه مو الكل بيعمل كامل الشعر هايلايت انا كنت ناويه اعمل بس عشان الحمل متردده على اني دايمن بصبغ سواء حامل او غيره ما بهتم صراحه بس هالمره متردده وكمان مافيه وقت ودايمن نعسانه

[tuta.]

خليكم من حديث الصبغات و تعالوا افرجيكم شغلة حلوة كثير...

شوفوا بلشت قصتي مع بنتي اللي شعرها كان كيرلي و سحل بسبب القص و الكوي اللي كنت اعمله ليها لسبب انها بدها شعرها مثل فلانة او علانة من بنات اخوالها.. المهم هلأ طالعة بموضة بدها شعرها كيرلي و بدها تعمله كل يوم, كنت اعمل لها بالcurling iron مرة كل سنة او سنتين, و لاني عملته الشهر الماضي ما حبيت اعيد عليه و احرقه ليها, فدورت و جربت عدة شغلات و اخيرا استقريت على هالمنتج من ولمرت او تارجيت ب15 دولار







العلبة بيجي فيها 18 حبة, 8 حبات زهر و 10 زرق و الزرقائيات اللون اصغر حجما و بالتالي بتعطي tighter curl و اصغر حجما من اللفة اللي بتطلع من الزهر. و على فكرة كنت ادور في ساليز و شفت منهم اكثر من حجم لكن للاسف حاطين يمكن 4 او 5 بكل علبة ب10 و 15 مش فاكرة الاسعار بالضبط بس بهالحدود, و بتوقع اللي اكبر بتعمل wave.
هلأ شو عملت, جربت منها حبتين على شعرات بنتي لمدة ساعتين و شلتهم و طلعوا الكيرلز واو اعجبوني, و امبارح كانوا عندي بنات اخوي وحدة شعرها ويفي و قصير عملته كله ليها بالازرق طلع روعة و الثانية شعرها ستريت ما فيه و لا طعجة و المسكينة عملته ليها و بعد كم ساعة شلته و راحت فرحانة بحالها بتقول ما بدها تلمسه و لا تفك اللفات الا الصبح و اليوم الصبح اختها بتقللي انه شعرها سحل و لا كانه لفيناه <<< فيمكن لانه نامت فيه و يمكن طبيعة شعرها ما بعرف, المهم في ساعتها كان في لفات حلوة يعني لو وحدة فيكم حبت تجيبهم و طبيعة شعرها نفس الشي بنصحها قبل ما تفك اللفات ترش سبراي و تحط حرارة على الشعر مثل السشوار 5 دقائق على الاقل لحتى يمسك و تضل اللفة..

المهم, بتلفي الشعر و بتطعجي الرولر كما في الصور

و هون لما خلصت من شعر بنتي

و هاد اليوم الثاني و لقيت 2 منهم مفكوكات

و برضه استخدمت جيل بيساعد على مسك اللفة بالشعر بسعر 3 و نص بتارجيت






شوفوا تسريحة بنتي بالكامل هون:

تسريحة حلوة و سريعة تنفع للمناسبات

[mayaaa]

توتا انا بموت على بنتك بدون ما اشوفها هو انا بحب كل البنات الله لا يحرمنا منهن ولا يفضي بيت من حسهن

اول شي هاد الفوم للتجعيد اذا بدك تعملي تسريحات انصحك باللفافات خليني اول اقولك كيف هدول بنستعملهم

توتا اول اشي لازم الشعر يكون مبلول وبدال الجيل استعملي الفوم واظن انتي مو محتاجه تبع الكيرل الا اذا بالمره ما بيتقبل ينلف بيكون مسترسل متل الشاينيز
الفوم احسن شي للفافات وللتجعيد بيثبت التسريحه وبتفس الوقت ما بييبسها او يلزق الشعر ببعضه الفوم رايع للتساريح بيضل الشعر بشكله الطبيعي وبنفس الوقت ثابت

هلأ لما تقسمي الشعر حاولي يكون التوزيع على شكل صف متل السلم من الغره للرقبه بتاخذي اقسام بالعرض من قدام لورى وطبعا الاجناب بيكونوا لحالهم يادوب عالجناب تحطي ثنتين فوق بعض
انتي عملتي التقسيمات عشوائيه
بس التسريحه ماعليها كلام ماشاء الله روعه روعه بس انا بقولك كيف تعملت من الصالونات لما كنت اروح وبعدين بطلت اروح بعمل لحالي بالدار المواد عندي وايدي مش مكسرات بستعملهم ...
هلأ كيف تلفي الشعر الفوم اول شي بتلفي الخصله بتبرميها بعدين بتلفيها عالفوم انتي عاملتيهم كانهم لفافات هو لأ طريقتهم انك تلفي الخصله بالاول متل الحبل بعدين بتلفيها عالفوم لفات بجنب بعض مش فوق بعض او بدون ما تلفيها متل الحبل بس اهم اشي الخصله تكون متل ازنبرك بجنب بعض من اول الفوم وبتنزلي باللف وبتتركي طبعا طرف عشان تتسكر
بعدين بتتركي الشعر ينشف تماما طبعا بالصالون بيحطونا تحت الطنجره اياها ساعه بس انتي مكن تستعملي السشوار او ينشف لحاله
بالنسبه للتسريحه تبعت بنتك لو استعملتي فوم وعالمبلول بتطلع رائعه واللفات واضحه هل لما انتي حطيتي اصابعك بالكيرل تقريبا راح الكيرل المره الجايه لا تستعملي اصابعك استعملي طرف المشط اللي انتي حاطه صورته او لا تفكيهم من اصله بس مشطي من قدام واللي من ورى رتبيه بالنبس بدون ما تفتحيه قدر الامكان طبعا بعرف مارح يزبط انك ما تلمسيهم ....

عجبتني فكرت القليتر كثير بيموتوا البنوتات عالقلتر انا كنت اعبيهم من تبع الجسم بالحفلات بيكيفوا عاللمعه بس كمان طالعه بشعر بنتك حلو واقل بهدله من الجسم
هل اللفافات انا بستعمل هدول
9527372-some-red-hair-rollers-on-a-white-background.jpg
بستعمل الحجم الكبير للغره والمتوسط لباقي الشعر بس الخطوه الرئيسيه ان الشعر يكون مبلول ومليان فوم يعني بحط كميه ملات الكف للخصله الوحده وطبعا لازم تشدي الشعر ويكون مقسم تمام عشان ما يكون فيه شعر متطاير وكمان ماتكون شعره رايحه على جنب مع خصله ثانيه لما تلفي الشعر شديه منيح وخلي اللف نظيف
وبس هادي طريقة الصالونات اما باقي شغلك ماعليه كلام الخصل بتترتب بنفس الطريقه وانا بستعمل المطاطات الثانيه اللي انتي بتقولي بتلزق بالشعر اول شي بتلزق لو الشعر خشن كثير ثاني شي هي استعمال مره وحده يعني رح تنقطع وتطلع فهدول بستعملهم عشان اعمل تسريحات ثانيه هل بحط صوره وبستعمل هدول كمان



لما بشيلهم بقطعهم بالمقص وبحبهم لانهم ثابتات

وسلامتكم

[mayaaa]

gorls+hairdo.jpg