تجمع المغربيات المغتربات

[yaraaaaaa]

تبارك الله و صلاة على نبي عليكم أنا الي طلاعت معجاااااازة ههههههههه
أنا فيما نبغيه ندحل ختي هي الي تعملو الا كانت في دارها تزداق عملاه و الا كانت في داري
تزداق عملاه مسكينة الله يسماحلي منها ههههههه
متشرفين ام ياسين و ياسمين ربي يحفضهم و يبارك لك فيهم يارب
ضحكتيني على القصعة هههههههه ان شاء الله مخرجوكش في الجريدة ههههههههه
أنا نقصاني القصعة هاد المرة تجيبها معايا ان شاء الله
ام لينا أنا تتعجبني بلبلة الشعير مع اللبن (سايْكُكْ)تانحماق عليها
و لعابي سالو و أنا في الكامة و ما معشياش ههههههه

[Oum Lina et Lilia]

هههههههههههههه
مدام كاين حداك لي ايصاوبو ليك غير عجزي و دللي
انا المشكل مكاينش حدايا على من نتدلل
دابا نبكي


ايه راه حتى انا نيت ممعشياش
بغيت نقص واحد الشوية
راه الصيف قرب هههه

[yaraaaaaa]

صباح الخير
كيدايرة ام لينا و كيدايرين الكتاكيت و الله يعاونك على الغربة و يخفف عليك
أنا الحمدلله حداية ختي موصلاش عشرة دقايق على رجلك و هكداك مكنتشاوفوش يوميا لعجز قتلني هههههههههه
لا أنا هدارت على الماكلة و أنا نجوع كليت شوية عاد نعاست ههههههه
و أنا بالعكس خصني نزيد شوية را رجاعت دايرة فحال لوقيدة كيبان فية غير الراس هههههههه
كاين شي مغرب هاد الصيف او والو ؟

[bichebicha1]

صباح الخيرات

ايوا اختي ام يارا كيف قالت ام لينا تفششي مع راسك الله يخلي ليك اختك
تدللي ههههههه
كولي مزيان لكنت نازلة المغرب راهم يقول مالها هكذا خخخخخخخخخخ
ام لينا نقصي شوية عطياها غير الماكلة و النعاس خخخخخخخخخخ
شوية الرياضة صاحبتي

[Oum Lina et Lilia]

مسااااااااااااااء الخير عليكم
كيف حالكم؟
اليوم الشتاء
الجو مكيشجعش للخروج

ام يارا صدقات ليك بيشبيشة
خاصك تزيدي من دابا لصيف الا كنتي غادية للمغرب
راكي تتعرفي الناس بالمغرب و تفكيرهم

الله ابنتي أ بيشبيشة اشمن نعاس
الجرا من 7 ديال الصباح

بخصوص الماكلة متافقة معاك اما نعاس
ياريييييييييييييييييييييييت
حلمي اني نعس 12 ساعة متواصلة بلا فواصل اشهارية
خخخخخخخخخخخخخخخخخخخخخ

[yaraaaaaa]

بيشبيشة اللهم أمين و يخليلك كل عزيز
ام لينا حنا كان عادنا الجو زوين و في لعشية تبدل الجو و على الله طيح الشتا را هاد العام لله يستر ما شفنهاش تقريبا الله يلطف بينا ياربي

و الله بصاح باقي التفكير هو التفكير عندهم المرأ الغليضة هي لصحيحة و مرتاحة ههههههههه
و الله يستر الا بقيت على الريتم الي ماشى عليها ما انغلاضتشي حتى العام اخر
راح ختك كتعجز حتى تأكل ههههههه كنبقى من هنا نهنا و كنسى ناكل
ان شاء الله نحاول نبزز على راسي

[Oum Lina et Lilia]

مساء الخير عليكم

يارا كيدايرة أزين
ياختي حنا يالاه قلنا خلاص غادي نتهناو من البرد هو يرجع تاني ههههههههههههه
راكي تتديري بحال واحد اختي جرا من هنا لهنا و تتنسى تاكل ههههههههههه حتى ولات صافي
لا غير عطي الوقت لراسك و بقاي تاكلي خصوصا بزاف الخضر و الفواكه

[ام سيرينة]

السلام عليكم ورحمة الله تعالى وبركاته
كيديرين البنات توحشتوني ياكم هههه
كيديرين الكتاكيت ديالكم
انا الحمد لله راني ولدت ف 12مارس بعملية قيصرية ولدت ولد سميتوا محمد ريان
والله يسهل على كل حاملة معانا هنا ويرزق كل منتضرة يااااااارب
ايوا البنات شنو تعاودوا

[Oum Lina et Lilia]

وعليكي السلام ام سيرينة
على سلامتك ألحبيبة
ايتربى فعزكم ان شاء الله و تفرحي بيه هو و خواتاتو

كيدايرة و كيدايرين الكتاكيت؟

[bichebicha1]

حيا الله الجميع

مبروك مسعود اختي سيرينة يتربى في عزكم
و الله يطول في عمركم حتى تتفرحوا بهم ان شاء الله

أم لينا كيف دايرة لباس عليك



اختنا سيرينة هاحنا عازمين ريوسنا عندك تفضلو البنات ما تحشموش
بصراحة تشهيت ههههههههه ام لينا باينة لي هاد الجمعة ان شاء الله
ماكاين كسكس الرفيسة تتغوت هههههههههه

[Oum Lina et Lilia]

ايهايه على لالا بيشبيشة
اش هاد الداكة
تبارك الله عليك
و الله الا شهيتيني

حراااااااام عليك
صافي خسر الرجيم
خخخخخخخ

[om ayman01]

السلام عليكم
كدايرين وأشخباركم نتوما ولوليدات وماعزعليكم؟
أم سيرينة ..مبروووووك وألف مبروك,يتربى فعزكم ان شاء الله,وتفرحو بشوفتو كما بغيتو هو وخوتو يارب آمبن.
بشبيشة..تشرفت بمعرفتك,تبارك الله على القصعة واخا عاد درتها هاد لويكند شهيتيني فيها مزال.
أم لينا,والله مكدبت جرا من 7 ديال الصباح حتال الليل,واخا جالسين فالدر,دي للروض,جيبي,وكلي,نعسي...مني يجي باهم طلباته حتاهو ايوا صافي...كنفرح مني كيجي لويكندا كنكسروالروتين بالخروج
وحتا مول الدار كيعاوني شوية على الدراري.
بدي توجدو للكونجي ولا باقي؟

[Oum Lina et Lilia]

مساء الخير ام ايمن
كيدايرة و كيدايرين الكتاكيت؟؟

والله ياختي الا مكذبتي
فهاد البلاد سبحان الله وخى مخداماش تتجري اكثر من هادوك لي خدامات ههههههه
حتى انا تنتسنى داك الويك اند باش نعس شوية و نرتاح و تخرج على راحتي

ان شاء الله ناوين هاد العام نهبطو
ولكن بالحق مزال مادينها فالتوجاد

[om ayman01]

مساء الخير ام ايمن
كيدايرة و كيدايرين الكتاكيت؟؟

والله ياختي الا مكذبتي
فهاد البلاد سبحان الله وخى مخداماش تتجري اكثر من هادوك لي خدامات ههههههه
حتى انا تنتسنى داك الويك اند باش نعس شوية و نرتاح و تخرج على راحتي

ان شاء الله ناوين هاد العام نهبطو
ولكن بالحق مزال مادينها فالتوجاد

لوليدات لباس أحبيبة.ونتي كدايرين بنباتك؟
أنا بديت من شحال هدي فالكادويات,بش مني نقرب نمشي
يبقالي نوجد للسفر ولوازم ديالي أنا وراجلي وولادي,وهكاك
بقالي شحلل من كادو..حيت ايلا بغيتي شي حاجة زوينة وغالية خسك
كل مرة تخطفي حاجة,أما اياا خليتي كلشي حتالخر لمزانية كتخرب..عاد لي كيخسنا نخسرو تما.
ايوا هادا لي بغا لغربة واختارها بيديه.

[Oum Lina et Lilia]

لاباس الحمد لله
ربي ايخليك

مزيان
هكاك حسن
ياختي انا حالتي هي حالتي
دائما تنخلي كل شئ حتال اخر لحظة
تندير هكا فكل شئ
ايوى حتال الاخير عاد تتبدى ختك تجري
هههههههههههههههه