تجمع المغتربات في المانيا والسويد والنروج والدنمارك وباقي اوروبا الجزء الثاني

[ام جود و جواد]

هلا حبيبتي ام حمزة انت اللي منورانا اليوم وكل يوم انا بخير والله الحمدلله

الجو عنامطر مطرمطر مش عارفة ايمتا هيخلص هالمطر!!!

المهم ما تشغلي بالك خلص اتعودنا على الجو انت كيفك وكيف سارة الحلوة وحمزة والنونو ماشاء الله عليهم الله يحميهم
انا كنت قاعدة بدي اخلص الغدا واجيت اشيك اشوف مين في التجمع ولقيتك اتفضلي معانا عاملين مفتول بتعملوه ؟؟ كتير بنحبه مع القرع والحمص (اخ بلاش تسمعني ام ريوضي واكل بهدله بعدين ههههه)

وبعدين ياستي جواد مقعني بالليل بس بده يضله يرضع من صدري وما بعرف انام منه وبس اتحرك اشوي بلقيه رفع راسه ولا كأنه نايم وانا لما ماأنام منيح بالليل بتلاقيني طول النهار منكده الله يحميه يارب ويحمي كل الصغار هاي ضريبة الامومة

وجود راحت على دكتور العيون كأنه عندها حساسية بعيونها صحيت عينيها مليانة دمع
وهاي اخبارنا وانشاء الله ما اكون طولت عليك
تحياتي الك وللجميع

[Oum Lina et Lilia]

توريا الله يقويك يارب وجهزت اواعي البيبي ولا لسه؟؟؟؟؟

هلا حبيبتي ام جواد
والله لسه ماجهزت
على العموم لسه في وقت

البارح و اليوم مطر كثيييييييييير
ماخلاني اطلع

[Oum Lina et Lilia]

مسا الخير

كيفكم يا غاليات؟

سامحوني على التقصير بس انتو عارفين الحمل ومتاعبو وكمان عبودي مجنننننننننننني

نبوعه وام رامي وام ريوضي وام جود وتوريا وام ايمن وام حمزة وواحه الامل طمنوني عنكم شو اخباركم؟

هلا بيك حبيبتي بسمة

ايه و الله عذراكي ياقمر
الله ايعينا جميعا يارب

[Oum Lina et Lilia]

واحة امل
توراي
وينكن صبايا ادخلو وطمنونا عنكن

هلا بيك حبيبتي ام حمزة و سارة
كيفك و كيف الاولاد و البيبي

انا الحمد لله ماشي الحال
الجو مطر هاليومين
جاب لي احباط
بس الحمد لله
الانسان دائما بطبعه كثير الشكوى من كل شئ

[أم ريوضي]

ام حمزة ربي يخليكي حبيبتي

ام جود انا سمعتتتتتتتتتتتتتتتتتك
كلا للسمنةةةةةةةةةةةةة
انا من الصبح لهسه اكلت بس طماطم مع بصل حمس وعليهم كشك ( اكلة شامية )
وبعد ساعة راح اكل صدر دجاج
شو رايك؟؟؟؟


توريا حبيبتي كيفك
واخبار الحمل معك
احنا الجو عندنا حرررررررر وشمس
انتي حاولي تطلعي حتى لو تكون مغيمة شوي

[أم ريوضي]

ام جود هاي يومياتي لليوم

الفطور

كشك ( اكلة شامية)

الغداء

صدر دجاج مشوي

السناك

زبادي

العشاء

تفاحة

[Oum Lina et Lilia]

ماشاء الله عليكي عاليتي ام ريوضي
شو هالريجيمات

ان شاء الله اتابع يومياتك بعد الولادة

[أم ريوضي]

صباااح الخير

شلونكم يا بنات ان شاء الله تمام
اليوم الجو عدنا غيييييييييييييييييييييم وكئييييييييب جدا


توريا حبيبتي كيفك ان شاء الله تولدي بالسلامة وتصيري احلى ام رشيقة وبدووووووون بطن
بس بعد الولادة اذا كنتي راح ترضعي طبيعي فـ صعب تعملي ريجيم
بس خلي اكلك غذائي بدون دهون ونشويات كثيرة

[ام جود و جواد]

ام ريوضي كيفك حبيبتي صباح الورد عليك

ما راح اكتبلك عن امبارح لانه ابدا مش كويس

مابعرف ليش هيك بسيير معي بس واضح انو الارادة مش تمام

بس برجع بقلك برافو عليك وانا بشجعك وما توقفي انا كمان ما راح ايأس

ام ريوضي سمعت عن الزنجبيل انو كويس وبحرق الدهون وامبارح طبعا بعد ما خبصت اشربت زنجبيل وكان هادا اضعف الايمان

اليوم انشاء الله احسن اكلت بس ساندويشة صغيرة وعلى الغدا انشاء الله بندورة مع بصل

العشاء حاحاول اني ما اكل اشي او اني اعمل صحن سلطة واحط غلي فيه

واليوم الجو مشرق وحلو وكويس للمشي

تحياتي الك ولجميع البنات

بحبكم في الله جميعا

[ام حمزه وساره]

السلام عليكم جميعا

ام جود وجواد
والله اليوم ياقلبي الجو عنا مطر وغيم كئيب ع رأي ام ريوضي
لكن افضل من جو اول امبارح ضغط ورطوبه عاليه دبحتني
الحمدلله مع الحمل مافي افضل من الجو البارد هههه رغم انه بيعمل اكتئاب
طمنيني عنك وعن صحتك

ام ريوضي
ياسسلام ياسلام شو هالنشاط ياقلبي
رجيم وحركات ^_*
الله يوفقكن حبيباتي بالريجيم

وكل الصبايا .. ان شاء الله كوني بخير حبيباتي الغاليات

توريا
الحمدلله بخير ياقلبي
انتي كيفك وكيف الحمل معك .. ان شاء الله بخير
لاتغيبي وطمنينا عنك دايما

[ام جود و جواد]

هلا ام حمزة نورتي انا بخير وشكله المطر راح من عنا واجى لعندكم

كل الامور بخير وانشاء الله نطمئن عليكي وعلى توريا وبسومة والله يقومكم جميعا بالسلامة

[ام حمزه وساره]

شكله هيك ام جود وجواد

والله امبارح شهيتيني المفتول ... وكنت بدي اعمله
لكن الحموضه عندي مو مهنيتني باكل شي حتى الخبزه

وان شاء الله ربنا يكتب لنا السلامه بلاطفالنا اللهم امين
صح ام جو وجواد
انتي فلسطينيه مو هيك .؟؟ لاني سمعتك عامله مفتول
والمفتول فلسطيني

[ام جود و جواد]

تفضلي حبيبتي احلى مفتول لعيونك ياريتك قريبة وكل البنات واعملكم احلى عزومة

اه انا حبيبتي فلسطينية من غزة واهل غزة كتير بيعملوا المفتول وبحبوه

هو ورز القدرة بس انا في الغربة كتيير بشتهي كل اكلاتنا وبكيف لما بعملها او بنعزم حدا عليها

وانتي كمان فلسطينية بس ما عرفت من وين بس تشرفت كتييييير بمعرفتك انت وكل الصبايا الحلوين اللي معانا بالتجمع

الله يسعدك حبيبتي ويجعل اوقاتك كلها هنا يارب وللجميع

[أم ريوضي]

اهلا ام جود وام حمزة منورين

ام جود انا بحب كثييير الاكل بشكل مو طبيعي
بس الارادة صارت عندي قوية لما بشوف البنات اللي بيطلعوا بالتلفزيون بتشوفي خصرهم ولا بطنهم مسطحة
ومرة زوجي بالضحك قلي صايره عندك كرشة
فقررت اقول لا للاكل
لانه ممكن زوجي يصير يطلع خارج البيت بتفهميني؟؟؟
يعني خليني الحق على زوجي وبيتي احسن من اظل راكضة وره الاكل
وهسه بطني عم تصغر وفرحااانة كتير
حتى زوجي صار يشجعني احيانا ( لانه معظم الاحيان بيضحك على كرشي ههههههه )
فـ انا بتمنى انك تنتبهي لهاي النقطة
بس طالما انتي بترضعي طبيعي لازم ما تعملي ريجيم قاسي
خلي اكلك غذائي وبس
بالتوفيق حبيبتي


ام حمزة كيفك حبيبة قلبي
وشو اخبار المرض عندكم ( الله يبعده عنا يا رب )
في السويد صارت حاللات كثيرة خاصه اللي جايين من المانيا
الله يعينا

[ام جود و جواد]

هلا ام ريوضي اكيد فاهماك بس صدقيني انا بدي اعمل ريجيم لنفسي وعشان صحتي انا حاسة انو الوزن الزيادة مزعج الي ومش هادا الشكل اللي انا بتمناه لنفسي كل ما امر من جنب المرايا بزعل كتييير لاني بعرف حالي شو كنت وشو سرت

زوجي حافز لالي بس ما بعرف شو بسير الي ساعة ما اشوف الاكل كأنه مخي بعمل بلوك

بس انشاء الله راح اضل احاول وما راح ايأسمع تشجيعك لالي