تجمع المغتربات في اوروبا12اهلا وسهلا بالجميع

[فـآطمة الزهرآء]

ايه جيت عندي بزاف جيت حواسة كان عندي غير واحد كنت عزيزة ذاك الوقت ورحت لسبانيا وممبعد انقطع كلش

ضرك الخرجة ولا في الاحلام بصح كقلتيلي هكاك كلي جيت عندك وقعدت وشبعت يا نيولتي ضروك الضروف ما تسمحش ههههههههههههههه

[jihouna]

مساء النورعليكم نيولة انا فيmeaux 77 ونبعدعلى باريس ب 20 دقيقة فقط ذكريني أنت وين

[فـآطمة الزهرآء]

اهلا جيهونة ماراكيش بعيدة على نيولة مسكينة تشكي من الوحدة

[jihouna]

فطيمة والله عندك الصح الوحدة فالأول تكون عزيزة وطلباتها أوامر لاكن رانا وراهم وراهم هههههه والزمن طويل

[jihouna]

حتى أنا منعرف حتى وحدة ومايجي عندي حد وكي نشوف العربيات نحب نقريسيهم ونقولهم السلام لكن نحشم ونتكمش

[jihouna]

أنا عندي أخوات زوجي وحدة قريبة شوي لاكن لاعلاقة أصبحو متفتحين كي لقور آحي عليا تعرفي بنتي في مارس عملتلها عملية والله تمرمد راجلي وولدي مايرحموهمش حتى يقولولو أرواح تتعشى أو خلي الولد عندنا الحمد لله على كل حال بنتي تخرج يوم الجمعة 18 جوان

[jihouna]

والله مريت بأصعب فترة في حياتي حتى جسمي نحسه رجع ضعيف جدا ونقصت فالوزن رجعت 45 كيلو تخيلو راني كالخيال ههههه

[فـآطمة الزهرآء]

اييييييييييه يا جيهونة ماشي غير هكاك لازم اتردي بالك باش اتخالطي ثماك اصعيب ولله انا قعدت غير10 ايام حسيت بلغربة وحسيت كلي كامل راهم يخزرو فيا ههههههههههههههههه

[jihouna]

الصديقة لازم تكون ملتزمة وتخاف الله ومتزوجة أهم شيئ هههههه تعود تطير بالراجل ههههه

[jihouna]

أنا عندي غير سنة و 3أشهر ملي جيت وترو كومبلاكسي واش نحكيلك ههههه

[فـآطمة الزهرآء]

أنا عندي أخوات زوجي وحدة قريبة شوي لاكن لاعلاقة أصبحو متفتحين كي لقور آحي عليا تعرفي بنتي في مارس عملتلها عملية والله تمرمد راجلي وولدي مايرحموهمش حتى يقولولو أرواح تتعشى أو خلي الولد عندنا الحمد لله على كل حال بنتي تخرج يوم الجمعة 18 جوان

ولله انخلعت واش هاذا ما بقات حتى رحمة واش هاذ التفتح انتاعهم خوهم ما يعاونوهش لالا احنا الحمد لله كتصيبي واحد في السبيطار ماعندو حتى واحد على الاقل ندولو ماكلة نطلو عليه ربي يهدي الجميع قوليلي وشبيها بنتك صغيرة

ربي يشافيها وانت ربي معاك

[jihouna]

بنات أدعيولي غدا عندي إمتحان باش نجوز فورماسيون

[فـآطمة الزهرآء]

الصديقة لازم تكون ملتزمة وتخاف الله ومتزوجة أهم شيئ هههههه تعود تطير بالراجل ههههه

هههههههههههه ايه ردي بالك يكلخولك انت راكي جديدة وهما متفتحين ذاك التفتح

[فـآطمة الزهرآء]

ربي معاك وان شاء لله بالتوفيق ضلي وطلبي ربي واكثري من الاستغفار

[jihouna]

بنتي عندها إعوجاج فالعمود الفقري ورجعت حالتها خطيرة على القلب والرئة والحمد لله جاو هاد لوراقي تاع باباها رحمة هي اليوم نحمدو ربي لكن كل 6 أشهر عندها عملية