دردشة أغلى رفيقات العمر (أهلا وسهلا بحبيباتي )

[فطوم17]

بنت ابي ان جديدة بالمنتدى من فضلك يمكنك اضافتي لمجموعتكم....و الله اني بلا اصدقاء و اريد تكوين صداقة معكم...
اذا قبلتي اضافتي ساعطيك حسابي بالفيس بوك
مشكورة مسبقا

[شمس السما]

حنونة
انا مش فاكرة حاجات كتير من حملى فى جهاد
بس الدكتورة لما رحتلها كتبتلى الفوليك بس وقالتلى بعد ال 3 شهور اخد الفيتامين اللى كنت باخده فيروترون
بس جه فى بالى بعد كدة الكالسيوم ولا عارفة اخده امتى ولا اخده على شكل ايه
لإن الدكتورة فى جهاد كتبتهولى فوار
كل اللى فاكراه اننا بنوقفه فى الشهر السابع
الدكتورة فى جهاد كانت كاتبالى حقنة اسمها بايوفيت فيتامين ب 12
بس مش فاكرة امتى وليه كتبتهالى
عموماً كل الروشتات معايا لسة محتفظة بيها
بس انا عايزة حاجة للكالسيوم تكون قوية

ام نونا
عود حميد
انا فعلاً تعبانة بسبب الغثيان وسادد نفسى عن كل حاجة
ربنا يجعله فى ميزان حسناتنا
انا اخر مرة كلمتك جوزك رد عليا وقاللى ان الموبايل معاه
فماعرفتش اتصل بيكِ تانى

[حنونة خالد]

مرحبا حبيباتي شلونكم وحشتوني
ابو الحسن محتل الانترنت ومسيطر عليه سيطرة كاسحة يا دوب الان لقيت فرصة اوصل للنت
مقدما اعرفوا اني راح اكتبلكم باختصار فاعذروني وان شاء الله اعوضكم
بنت ابي فينك وفين نورك من زمان حارمتنا من طلتك يا هلا والله وغلا فرحنا بحضورك وكلامك العذب وشكرا لمشاعرك الرائعة بخصوص خبر حملي
انا شايفة رسالة منك على الخاص ان شاء الله افتحها وارد عليها
نبوعة حياتي دكتورتي بالموصل مو ابغداد اسمها زبيدة عبد القادر
بس ابغداد كلش هوايه طبيبات زينات ومشهورات اني اختي سبع سنسن محرومة من الضنا وحبلت على ايد مستشفى كمال السامرائي صايرين يشتغلون خوش شغل والله اعلم
شموسة انا دورت على مصدر قوي للكالسيوم ومش حتصدقي لو اقولك ان اقوى مصدر هو الطحينية ومن الفواكه التين المجفف بالاضافة طبعا الى الالبان هذا اذا ما كانت نفسك تقرف من الالبان اثناء الحمل زي حالاتي
انا اليوم اروح للدكتورة وان شاء الله اسالها واجيبلك الجواب
حبيباتي حصلي التهاب شديد بالمهبل بسبب خيط الربط مضايقني جدا وصايرة احس حالي ضيقة جدا من جوه (مقفولة خالص هههههههههههه)
عايزة اروح اطمن على البيبز اليوم لان الحركة قل قوي عن الاول
يلى خروج يا غاليات وربنا يسهل واتواصل معاكم
على فكرة ما عندي حساب على الفيس بوك يعني لازم اعمل حساب علشان اشوفكم والا ايه؟؟؟؟ الله كريم

[شمس السما]

حنونة
ربنا يطمنك على البيبيز
وانا فعلاً نفسى بتقرف من اللبن وبحاول اعوض بالزبادى والجبنة
وماليش فى التين المجفف ولا الطحينة
ممكن احاول اكل عسل اسود بالطحينة عشان استفيد من الاتنين
وربنا يعينك ع الربط واسألى الدكتورة وشوفى هتقولك ايه

اخبارنا
انا بقالى فترة مادخلتش ع الفيس ماليش نس اقعد ع الكمبيوتر اصلاً
وانا عندى زكام وربنا يستر من التهاب الحلق اللى ماشى اليومين دول عندنا
وجهاد جاتلها اللوز والعلاج قعد يومين مايجيبشنتيجة والحالة بتسوء
خدناها لدكتور امبارح بالليل قاللنا الفيروس اتطور ونزل على صدرها وجاتها نزلة شعبية
كتبلها حقنة على يومين وبعدها هتاخد مضاد بجرعة قوية مع شوية ادوية تانية
والحمد لله من اول يوم وحسيت انها تحسنت شوية عن قبل
ربنا يشفيها ويشفى كل الأطفال
الفيروس ده ماشى عندنا فى مصر بطريقة صعبة

[بنت ابى]

حنونة
حبيبتى ربى يعينك يارب انا عارفة لما الراجل بيبقى موجود فى البيت الكمبيوتر وريموت التلفزيون بيبقوا محتلين
ههههههههههه
ربنا يعينك حبيبتى على حملك ويتمم لك على خير ...
طمنينى عليكى وعلى اخبارك

شموسة
الف لا بأس عليكى وعلى جهاد حبيبتى
معلش هو فعلا دور وداير اليومين دول
انا الاسبوع اللى فات حنين كانت تعبانة بردة باللوز
اخدت الدور المعتبر من الحضانة وقعدت اسبوع سخونة مش بتنزل والتهاب فى اللوز مش قادرة تبلع حاجة ولا تاكل اى حاجة كانت عايشة على المياة بس ...
حتى يا حبيبتى لما كانت تعمل بيبى تخلينى اشيلها من على السرير اوديها الحمام ... اعصابها مش مستحملة تمشى ومش قادرة تقف لما كنت ببكى جمبها من منظرها
الحمد لله على كل حال

باقى البنات
اهلا بيكم نورتونا حبيباتى

[حنونة خالد]

السلام عليكم
شلونكم حبيباتي
انا رحت للدكتورة لقيت العيادة مقفولة لانها مسافرة
فرحت لعيادة السونار وعملت سونار قلتلها انا خايفة لان الحركة قليلة واحيانا مفيش خالص طمنيني
قالت ما تخافي نبضهم كويس وبيتحركوا بس عندك تقلصات قوية هي اللي مخليا بطنك متحجرة ومخلياكي متحسيش بحركتهم
الحمد لله ارتحت
المهم رحت على دكتورة اي كلام وكتبتلي دوا للقلصات هو نفسه اللى كانت دكتورتي كاتبهالي اسمه دوفيلان بس ما كنت اخذه الا بمزاجي
المهم التزمت بالدوا مرتين باليوم واستمررت بطني متحجرة وتوجعني مووووت لحد البارحة الحمد لله حسيت التحجر راح وبديت احس بالحركة الحمد لله
بس البارحة حسيت قلبي بيركض وراح يطلع من صدري من قوة الضربات قست ضغطي والنبض طلع طبيعي
اتصل باختي حكيتلها قالت هذا الدوفيلان بيعمل خفقان لا تخافي
بنات مش حاحكيلكم على الثقل وقت النوم كاني حامل بالثامن واتقلب بصعوبة شديدة واصحى بنص الليل او الفجر وابقى صاحية ساعتين وثلاثة ما اعرف ليش ما يجيني النوم وبعدين ارجع انام للظهر
الله يعين كل الحوامل ويعيني امين يا رب
شموسة
الف سلامي عليكي وعلى جوجو يا ريت لو حسيتي باعراض برد تاخذي دوا على طول وما تتاخري لانو البرد والسخونية مش كويس على البيبي في اول الحمل
روحي دكتورة او خذي ابر كلافوران( cefixim 1g) او خذي حبوب Augmentin هي ائمن شي للحامل انا كان حصلي التهاب شديد في الحنجرة والحلق والدكتورة كتبتهوملي ولو كان التهاب لسه خفيف انصحك بالغرغرة بالماء الدافي والملح ولفي رقبتك وصدرك ودفيهم كويس واكثري من السوائل الدافية
وبالشفاء ان شاء الله

[حنونة خالد]

ام حنين
ازيك وازي البنات ان شاء الله بخير
من زمان ما حكيتيلنا عن تطور العلاقات بين حنونة ورغودة لسه الحرب قائمة والا حل الصلح والسلام والا عاملين هدنة والا ايه الموقف بالضبط
انا حسوني ظاهر عليه انو فرحان اوي راح يجيه اخ والله اعلم هل سيبقى الوضع على ما هو عليه والا ايه

[فـآطمة الزهرآء]

السلام عليكم كيفكم ارجو ان تقبلونى بينكم انا اختكم فاطمة الزهراء من الجزائر

[شمس السما]

ام نونا
الف سلامة على نونا
بس المفروض ماكنتيش تسكتى عليها طالما السخونية استمرت
لإن ده معناه ان المضاد ضعيف
الدكتور التانى لما رحتله بجهاد كتبلها الحقن وقاللنا ان المضاد اللى الدكتور الأولانى كتبه كان ضعيف مع تطور الحالة
والحمد لله اول ماخدت الحقنة السخونية ما ارتفعتش تانى والحمد لله بصيت على زورها لقيته وسع شوية عن الأول
طبعاً هى مغلبانى فى الأكل بس بأكلها تحت تهديد الريموت لقمتين تلاتة كدة مش باضغط عليها
والدكتور كان بيقول لو الطفل مش راضى ياكل عشان التعب يكفى العصاير
بس انا مشكلتى مع جهاد مابتشربش عصاير إلا القصب او التفاح المعلب
اى عصاير منزلية لأ ..واصلاُ البرتقال ممنوع عشان الكحة ومفيش غير الجوافة ومابترضاش تشربها بيتى

حنونة
الحمد لله انك اطمنتى وان الدوا جاب نتيجة
ربنا يقومك والبيبيز بالسلامة
انا فكرت اروح لدكتور نسا بس عشان يكتبلى دوا ينفع مع الحمل
لإنى بخاف من الأدوية فى الأول كدة وانا لسة فى التالت

انا حاليا عند ماما بس راجعة بكرة ان شاء الله عشان استشارة جهاد
جوزى صمم انى اجى عند ماما عشان حد يراعينا لإنه شايفنى حتى الأكل مش قادرة اعمله
مابين غممان النفس وبين الدوخة وسددان الأنف
كان نفسى اقعد شوية بس الاستشارة بكرة ان شاء الله
ويمكن اروح اكشف كمان اليوم فى العيادة اللى جنب ماما

[fefo04]

السلام عليكم
حنونة طمنيني عنك انتي والأجنة ان شاء الله تكوني بألف خير

[بنت ابى]

حنونة وحشتينى جدا جدا فينك محدش بيشوفك خالص
تعالى طمنينى عليكى وعلى اخبار الحمل معاكى
تعالى الحقينى وشوفى اخبارى مش انا
حـــــــــــــــــــــــــــــامــــــــــــــــــ ـــــــل
تخيلى
الحمد لله

[حنونة خالد]

السلام عليكم
الف مليون اهلا وسهلا بحبيباتي
ما شاء الله والحمد لله صارلي اكثر من شهر ما عندي نت ورحت وغبت ورجعت ولقيت المنتدى زي ما هو والواجب تقريبا مفيش
فيفو وام حنين انا والاجنة بخير الف الحمد لله ادعولي ربنا يتمم عليا واوصل للشهر التاسع واولد بالسلامة ويارب يا رب تفرحني بيهم بخلقة تامة
ام حنونة انا مش عارفة ليش فرقعت من الضحك لما قريت كلمة انا حامل ههههههههههههههههه
الف مبرروك حبيبتي ربنا يهون عليكي ويتمملك على خير ويارب يررزقك الولد الصالح يااااااارب ولد

[حنونة خالد]

شموستي الغالية
يا حبيبتي انا عملت حساب زي ما وعدتكم وبعثته لام حنين بقالي زمان وعينك ما تشوف الا النور لحد الان ام حنونة لا ردت على رسالتي ولا وافقت على طلب الاضافة يعني فيه انترناشونال كسل في بنات التجمع ... بس كلنا معذورين والله يا شموسة الامومة والتربية والحمل والزوج و الامور المنزلية الله يعينا

[بنت ابى]

حنونة حبيبتى
والله عارفة انك هتفرقعى من الضحك
انا نفسى مش عارفة الحمل دة حصل ازاى على الرغم من انى كنت عاملة حسابى كويس

حبيبتى حساب اية اللى انتى بعثتيهولى "؟؟؟؟ تقصدى حساب الياهو ولا حساب على الفيس بوك ؟؟؟
لأن انا موصلنيش حاجة والله ودورت تانى دلوقتى ملقيتش حاجة عندى
معلش ابعتية تانى واضيفك يا قلبى

[حنونة خالد]

السلام عليكم
ام حنونة ازي يعني كنتي عاملة حسابك كنت بتاخذي مانع والا معتمدة على طريقة الحساب