دردشة اغلى رفيقات العمر...اهلا بكم

[شمس السما]

دورت عشان اشوف حد فتح موضوع جديد ولا لأ مالقيتش

ربنا يجعل تجمعنا دايماً خير لينا فى الدنيا والآخرة

ويجمعنا فى الآخرة فى الفردوس الأعلى ان شاء الله

وربنا يطمنا على كل الحوامل ويرزقهن الذرية الصالحة

ويرزق كل مشتهية بالذرية الصالحة عن قريب

معلش مالقيتش البت المنكوشة عشان اخليها صورة لموضوعنا

[fefo04]

و عليكم السلام ورحمة الله
بارك الله فيك شموسه
الله يجعله تجمع خير على الجميع ونسمع فيه اخبار حلوة
يارب نسمع خبر حمل ام الحسن وام يارا وام سارة وكل منتظرة
ونطمن فيه علي الحوامل
ونرجع نشوف ردود من اخواتنا الغايبات ونطمن عليهم

[fefo04]

حمودي اليوم افضل الحمد لله خف الإسهال
ام مرمر
بارك الله فيك علي المعلومة اقصد السيفن اب وفعلا انا اعمل كده
اصلي انا زمان لما مريت بتجربة جفاف في حملي بعبد الرحمن قالي الطبيب اني اشرب سيفن اب
وكمان الدكاترة كلهم هنا ينصحوا بإعطائه للأطفال اللي معهم اسهال عشان يعوضوا
لان تركيبته قريبة من تركيبة المحلول الملحي اللي يوصف في حالات الجفاف

بالنسبة لوضع الجنين بصراحة ما اخفيك نفسيتي تعبانة غصب عني
والله حتى زوجي منضايق مني وقالي انتي ليه متشائمة
بالله يابنات ادعولي ربي يفرج همي ويبعد عني وساوس الشيطان

[fefo04]

الله يستر شكلني داخلة في حالة إكتئاب : (

[fefo04]

نبوعة
وينك ماعدتي طليتي معقولة ماعندك نت ؟
تعالي طمنينا عنك

ام ساره
انتي ايضا ع البال ليه ما تدخلي واطمنينا عنك من فترة للثانية

حنونة
مثل ماقالت شموسة غيابك وحش الله لا يحرمنا من طلتك والله انك بتعملي نكهة مميزة في التجمع

بنت ابي
احنا في انتظارك

ام يارا
وينك؟؟

[fefo04]

يلا سلااااااااااااااااااااااام

[شمس السما]

فيفو
ربنا يفرج همك ويفك كربك
يعنى انت بأولادك كان راسهم تحت من امتى؟
ان شاء الله خير
وياستى ماجهاد كانت راسها تحت بس مانزلتش الحوض وولدت قيصرى
ربنا يرزقك ولادة طبيعية سهلة ان شاء الله

ام مرمر
بصراحة جهاد لو عايزة تاكل سواء شافتنى باكل الحاجة او بديهالها بتاكلها
ولو مش عايزة وشافتها قصادها تلعب فيها وتبهدلها وترميها
ان شاء الله لما تتفطم اقدر اتحكم فيها اكتر
لإن دلوقت لما بتتهرب من الأكل بتلاقى البديل

كنودة
ان شاء الله اجربلها عصير الليمون

[yaraaaaaa]

السلام عليكم يا الغوالي. و مبروووووك التجمع الجديد عقبال المية
شموسة جزاك الله خير على فتح التجمع و ان شاء الله جوجو اول ما تتفطم تبدا تاكل احسن و تتقبل الاكل
و بالنسبة للعصاير يارا جربتلها مرة بتاع السوبر ماركت مارضيت تشربه بس الحمدلله بتشرب الي بعمله في البيت
ام مرمر كيفك و كيفن مريومة و ليلو و يارا حتى لو عملتلها ارجوز مش حتاكل و لما اضل امجد في الحاجة تيجي و تاخد الشوكة و اقول كويس حتاكل بس بدل ما تحطهم في بؤها بتديني في فمي انا ههههههههه
ام عبدالرحمن سلامتك الف سلامة و سلامة حمودي و ارقي نفسك و شغلك قران في البيت
و الله يبعد عنك الكأبة يارب و حاولي متفكريش و ان شاء الله البنوتة تقلبو كتري المشي
ادكر مرة قالتلي القابلة انه البنوتة مقعدية و نفس اليوم اتمشينا كتير و احنا بنتمشى حسيتها لما قلبت لاني حسيت بحركتها اعنف و عرفت انها قلبت سبحان الله
ام نادين كيفك يا غالية و اخبارك ايه و كيفها القمر
ام الحسن وحشتينا كيفك يا قمر و كيفه الحسن و الاهل
ام حنونة الله يخفف عليك و يجعله حمل سهل يارب شموسة بلغيلها سلامنا
باقي الامهات الغايبات كيفكن و اخباركن ايه
عندي خبر حلو





























قلعت

ليارا






الحفاض


بنهار

[yaraaaaaa]

و بليل بلبسها الحفاض مبتبلوش حبيبت قلبي
و الله كنت شايل هم قلع الحفاض بس الله كريم و و رحيم الحمدلله و الشكرلله
جعل الامر اسهل مما كنت اتخيل اللهم لك الحمد كما ينبغي لجلال وجهك و عظيم سلطانك

[kandy 2000]

مبرووك يا ام يارا بس عايزين تفاصيل التجربه علشان نتعلم

[شمس السما]

مبروك يا ام يارا
والطفل كل مايقرب للسنتين بيبقى الموضوع اهون شوية
وانتبهى برضه هتفضلى شوية تلبسيها فى الخروج عشان لو احتاجت تعمل مش هتقدر تمسك نفسها
وعايزين التجربة عشان نتعلم زى ماكنودة قالتلك

بنات
المفروض ان جوزى كان هيرجع اخر الشهر ان شاء الله
بس فاجانى انه هيوصل البيت الصبح ان شاء الله ربنا يوصله بالسلامة
طبعاً انا كدة هروح بيتى وماعرفش هرجع امتى
لإنى ناوية ان شاء الله لو جهاد بقت كويسة الأسبوع ده هبدا فطامها على طول ان شاء الله

انا رحت للدكتور وطلع عندها اللوز
كتبلها علاج وربنا يشفيها
دى تانى مرة تجيلها اللوز من ساعة ما الجو بدا يدفى

[yaraaaaaa]

صباح الخير كيفكن و اخباركن ايه
ام نادين منورة حبيبتي شموسة الف سلامة على جوجو الله يشفيها
و تروحي و ترجعي بالسلامة حتوحشينا و الله يسهل فطام الامورة
و لي عودة حتى احكيلكم كيف نضفت يارا مع انه ما في حكاية لاني لحد دلوقتي مش فاهمة ازاي هههههههههههه

[yaraaaaaa]

انا جيت ههههههههه
كنت ابتديت مع يارا الاسبوع الي الفات كان الجو حر قلت خلاص الصيف وصل و فرصة اقلع لها الحفاض
و كنت لسة مترددة و خايفة من الفشل و في اليوم كنت اتكلم مع اختي
على السكايب و اختي شافت يارا كانت عرقانة لانها لسة صاحية من نوم المسا و لانه شعرها قليل كانت كانها طالعة من الدش مع انها كانت لابسة قطعة واحدة و خفيفة لكن كانت بتشد الحفاض كانه زاعجها
و اختي قالتلي اشيله قلتلها لسة ما علمتها الحمام قالتلي فرصة خليها تتعود
فشيلتهولها و عرضت عليها الحمام مكانتش عايزة و شيلت السجاد استعدادا للجاي
و قلتلها لو عايزة تعملي بيبي خبريني فكانت كل مرة تحط ايدها و تقولي مامي بيبي
اقعدها على البوتي ما تعمل شي و قلت لسة ما حان الوقت و تعملها على نفسها و بعدين تقولي بيبي
و تتخض لما يبلها البيبي ههههههه
و عدى المسا من غير حاجة تدكر حطيت لها الحفاض و نامت الصبح اول ما صحينا
شلته لها و حطيتها تعمل بيبي مش فاكرة عملتها او لا و في مرات تجبر بخاطري و نعمل حفلة تصفيق و نط
و قلها ياله نرميها و هي فرحانة و تعمل برافو
على الساعة حداش كده راحت لاوضة النوم بتلعب و عملت كاكا حشاكم
و اتخضت من منضاها الحمدلله كان معاها امساك يعني يادوب بس صارت تبكي
و هديتها و فهمتها
بس الجو رجع يبرد و كان صعب اني اخليها من غير بنطلون فرجعت لها الحفاض من تاني
و كانت كل مرة تبكي ماما بيبي و انا اقلها اعمليها في الحفاض
و قلت يا خسارة كان وقت حلو لانها هي الي بتطلب تعملها
فبعد يومين كده صحينا قلت حخليها من غير حفاض و لابسة البنطلون
اليوم ده كان عندي شغل كتير فما كنت اعرض عليها الحمام كل الوقت
بس المفاجئة انها كانت تنادين ماما بيبي اروح لها جري و احطها في الحمام بتاعها
و اقول ماراح تعمل شي بس كانت بتعملها و تصفق على حالها برافو و نعمل حفلة زي كل مرة ههههههههه
و كنت رايحة عند اختي و رحنا من غير حفاض و الحمدللله ما عملت شي اول ما وصلنا حطيتها في الحمام
العادي و عملتها و ضلت تلعب مع عمر و احنا مشغولين عنها عملت كاكا تاني على حالها
غيرت لها اختي و حطت لها الحفاض بس رغم الحفاض كانت تطلب الحمام
اوديها و تعمله الحمدلله
و اليوم الي بعده كان البارح عملت كل حاجة في الحمام و مبلتش نفسها و لا مرة
و هي الي بتطلب من غير ما اعرض عليها و الحلو
اننا طلعنا من البيت الساعة خامسة كدة و ما رجعنا غير الساعة تسعة لبست لها
الحفاض و كنا في السيارة طلبت تعمل بيبي قلتلها اعملها انت لابسة الحفاض تقولي اوكي
و بعد شوية تعيط تقولي بيبي اقلها اعمليها و مرت كام ساعة و هي على هالحال وصلنا مكان كله طبيعة
قلت لابو يارا وقف السيارة انزل يارا تعمل بيبي و نزعت لها الحفاض كان ناشف
و عملت اطول بيبي في التاريخ هههههههههههههه
و حبيبت قلبي كل هالوقت و ما رضيت تعملها و الحمدلله وصلنا البيت عادي
و عملتها عادي و لو انا ما موجودة تطلبها من باباها
و باليل تصحى تبكي عايزة الحمام اقلها اعمليه البارح الخفاض صبح ناشفو اليوم
مبلل شوية و اول ما صحينا حطيتها و عملتها
و طول اليوم بس بالملابس الداخلية من غير حفاض الحمدلله
و ده كله من فضل ربي لاني كنت دايما اطلب من الله يخفف علية هالمرحلة
و يعيني عليها و الحمدلله و الشكر لله
عقبالكم

[yaraaaaaa]

حسيت بنتي كبرت و صارت صبية ههههههههههههههه

[kandy 2000]

حسيت بنتي كبرت و صارت صبية ههههههههههههههه

والله كويس شجعتينا مع انى عارفه ان نادين مش هتشتجيب بسرعه من يومين كانت بتستحمى و عملتها فى البانيو بس ابتديت اقلعها البامبرز وحنا على البحر و بحس انها مش بتعمل على نفسها والله شجعتينى بفكر ابت\ى مع نادين قبل ما انزل الاجازه