البيت السوري(180) أحلى صباياوأحلى صبحيه وعصرونيه وسهره ولسى النصرجايه بإذن الله تعالى

[حنين الياسمين]

السلام عليكم صبايا
يارب الكل يكون بخير

مبارك البيت الجديد ويارب منسمع فيه أحلى أحلى الاخبار

دينه طمنيني عليكِ حبيبتي والله بدعيلك بكل وقت وكل صلاه الله يفرج همك ويريح بالك يارب


أنا الحمد لله بخير امبارحه زوجي حكى معي كلمتين الحمد لله رب العالمين

طمنوني عليكن وسامحوني لقلة دخولي ان شاء الله فتره وبتمر على خير يارب

دعواتي للكل بتيسير الحال وتفريج الهموم يارب

[دينه]

الحمدلله ام عبوده والله كتير مشغول بالي عليه الله يقويه يارب

[hope87]

سلام للحلوين وينكم في حدا ولا كالعادة وحدة بتفوت ووحدة بتطلع

[hope87]

شو الاخبار انشالله مروقين اليوم عسى الفرج قريب باذن الله يعني سمعتلكم شغلة بتضحك بس تفاءلت فيها
15 تموز رح يكون يوم النصر باذن الله واذا صار بحكيلكم شلون حسبوه

[hope87]

مشغول بالي على نور مالها بالعادة تغيب هيك يللي بتعرف عنها شي تطمنا وانشالله خير

[hope87]

هيك بدي ضل احكي مع حالي وينكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[سنا الروح]

سلام
كيفك هوب شو اخبارك ؟انت من وين عرفيني عليك

[دينه]

مساء الخير
كيفكم ياحلوين
فعلا نور شاغلتلي بالي يارب خير ويارب تدخل تطمنا عليها وانا كمان كل مره بنسى ابعتلها رساله الحمدلله على كل حال
هوب وسنا كيفك

مجوده ماشاءالله على هالكيكات دخلت لقلبي بدون استئذان وعذبتني هههههههه

[دينه]

تسلمي ياام عبوده بعرف انك عبتدعيلي ان شاءالله في ميزان حسناتك
وبعرف كل البنات هون عبيدعولي يارب كلكم في ميزان حسناتكم
والله يفرج كربنا كلنا واكبر كربه الله يفرجها على شامنا الحبيب

[hope87]

سلام للجميع كيفك دندونة وسنا انا مشتاقتلكم بس ما بقدر ادخل كتير يعني بتعرفو البيت والاولاد و الكسل و الشوب كلو بيجي مع بعضو
كيفك ام شهد عاشت الاسامي يا ريمو

[hope87]

كنت عم بتصفح قسم المربيات ممممممممممممم بجنن
زوجي كتير بحب المربى مبارح ساويت مربى فريز بس ما عجبني كتير
اذا بتعرفو شي وصفة ظريفة لمربى الفريز افيدونا بليييييييييييييييييز

[سنا الروح]

قال مرة واحد لرفيقه احزر شو فيه بالطنجرة بعطيك الكوسايات كلن قلو بندورة

[سنا الروح]

فيه حرامي دخل على بيت حمصي مسكو الحمصي وقلو انت حرامي ولا شو رد الحرامي لأ انا شو قام تركه
مع حبي واحترامي الشديد لكل اهل حمص

[دينه]

ههههههههه حلوه هوب
المربى في كتير وصفات بالمنتدى بتحسيها حلوه
انا مابعمله مابحسن كتير عيلتي بتهتم بالمربى اذا موجود او لا
بس الصراحه هوه طيب مع الزبده حتى لو سدندويش صغير وبيعطي طاقه الصبح
بدورلك على شي وصفه
كنت حب مربى البادنجان بسوريا والقرع
ومربى البرتقال طيب بقشره كمان والفريز طيب
ومره اكلت هون مربى التوت وكان توت شامي مممممممممم بجنن كان
شوفي حفيده يمكن مره عملت سفرجل مو متذكره

[دينه]

حلوين كلن يسلمو سنا فكرت هوب طلعت انتي ههههه