تجمع أحن امهات لاحلى بيبهات مواليد شوال وذو القعدة وذو الحجة ((أم خالــــ9ـــــد))

[أميرة صلاح]

ازيكو يا حلون وأخيرا نامت الآنسة لين..

امبارح كتبت رد طويل عريض لكل واحدة فيكم وكمان ترحيب بام سنابل اللى الحمد لله رجعتلنا بالسلامة بس للأسف لين زقت ايدى وانا بكتب اخر رد ومسحت الرد وانا كسلت اكتب تانى لأنه الهانم كانت عاوز تنام والفجر كان بيأذن

جيجى حبيبتى توكلى على الله يا قمر ولو فى حمل أكيد دا الخير وربنا هيحفظهولك .. بس متقلقيش طالما هيا البيريود بتتأخر عندك متقلقيش وهقولك على حاجة تطمنك .. أحيانا لما الواحد بيكون متوتر ومرهق وبيفكر هيعمل ايه فى حاجات كتير فالدورة بتتأخر ... وانتى فعلا مرهقة فى شغل البيت وأنوس والمشتريات قبل السفر وبتقكرى فى الحاجات اللى هتعمليها لما تسافرى فدا كله ممكن يخلى البيريود تتأخر .. وانا رأيى متتعبيش نفسيتك اسبوع بحاله كمان انا رأيى تجيبى تحليل الحمل علشان تطمنى من دلوقت بدل ما تعيشى نفسك فى قلق وكل ما هتقلقى اكتر البيريود هتتأخر أكتر .. ربنا يطمن قلبك يارب وييسر أمرك

كنزى فكرتك حلوة بس جاية متأخر هههههههه لأنى كمان بقالى يومين بنضف فى البيت هههه وبعدين عندى مشكلة مش هيبان فى الصور البيت قبل وبعد هههههه لأن الحمد لله الشقة عندى مش بتتوسخ اوى فمش هيبان فى الصور .. اقترحى عليا طيب اصور ايه مثلا .. الأوضة وهيا متنعكشة مثلا هههههه والا ايه ؟ بس بجد فكرة حلوة ابدأو وشجعونى وانا اعمل زيكو

صافى حبيبتى سلامتك يا قمر .. ركزى شوية على الاكل الفترة الجاية .. ضرورى جدا تاكلى كويس ومتكسليش .. وابدأى الفيتامينات طالما خلصتى التالت يبقى تبدأى فورا فى الكالسيوم والحديد ومتكسليش عنهم خالص ,, ربنا يكملك حملك على خير يارب وتفرحى بأحلى نونو ان شا الله .. بوسيلى علولى

ام ريوضى وام بيدو وام حبيبة وام أيمن و دودو و ام سنابل ونوران منورين

[أم عبد الرحمن3122010]

ههههههههههههههههههههههههههههههههههههه



لالالالالالالالالا لازم قبل وبعد وطبعا هتفتحى ادراج المطبخ كلها متنسيهاش

معلش معلش دا انتو هتشوفو عندى بلااااااااااااااااااااااااااااوى

[أم ريوضي]

هههههههههههههههههههه ام بيدو دمك زي الشربات والله

لا انا بقرا المكونات قبل ما اشتري

وعموما انا ما بحبش الجيلاتين

بصي يا ام بيدو عاوزه اقولك على حاجه

حاولي بعد اكل الحلو انك تغسلي اسنانك بس لازم على الاقل بعد ساعتين

طبيب الاسنان نصحني بكده


لالالالالالالا مش هنرضى عاوزين قبل وبعد دقيقة لو لحقتي هههههههههه

اصل انا بمر بنفس الحالة

علشان كده حاسة بيكي اوي

ربنا يعينك

[أم عبد الرحمن3122010]

ههههههههههههههه

والله ضحكتينى با اميرة خلاص تمام احنا مثلا هنبدا بالمطبخ

صورية قبل متنظمية
وصورية بعدها ول انتى نظمتية صورية زى مهو

كحوص ومطبخ وادراج وتربو وكدة

انا قصدت بالتفاصيل دى ان ممكن نستفاد من بعض فى افكار للتوضيب

[أم ريوضي]

ميرووووو حبيبتي منووووورة

ازيك عامله ايه

ولين العسولة عامله ايه

[أم عبد الرحمن3122010]

ههههههههههههههههههههههه

تصدقو يا بنات انا لسة بودى صغير مش بيتحرك وحسة ان الشقة بتتكركب فثوانى

[أم ريوضي]

لسه ولسه يا كنزي مشفتيش حاجه هههههههههه

[أميرة صلاح]

ام بيدووووووووووووو انتى تحفففففففففففة بجد دمك زى الشربات .. حلوة حكاية قبل وبس دى عجبتنى اوى هههههه

ام ريوضى انتى كمان بجد فطستينى من الضحك من موضوع خلى الضمير نايم هههههههههههههههههه تصدقوا بقى شهتونى للشيكولاتة مع انى امبارح عملت كاستر بالشيكولاتة بالبسكوت ..

كنوزة طيب ابدأوا يالا وربنا يسهل لو عرفت أشارك هشارك ان شاء الله .. ومعاكى حق امال بقى لما يكبروا ويمشوا هنعمل ايه

بصوا يا بنات .. امبارح عملت كاستر بالبسكوت ولين أكلت منه معانا .. وعمل كمان فكرة حلوة .. لين مبتحبش البرتقال اوى يعنى فأنا جبت بسكوت وهرسته بشوية مية دافية بس ميكونش عجينة يعنى يكون مكسر وطرى وبس وضيفت عليه عصير البرتقال واديتهولها بالمعلقة وعجبها الحمد لله وكان عدها امساك وبعد ما اكلت البسكوت بالبرتقال الحمد لله عملت حمام ( أعزكم الله )

كمان اول امبارح هرست موزة وتفاح بشرتها من غير سلق وحطيت عليهم عصير برتقال ( نص برتقالة او برتقالة ) وهرستهم كلهم فى بعض واديتهولها بالمعلقة يالا جربوا وقولولى

كمان عملتلها شوربة لسان عصفور واديتلها لسان العصفور بالمعلقة ومعاة شوية شوربة قليلة وعجبها الحمد لله لأن لسان العصفور بيتبلع علطول بس انتبهوا متحطوش كتير فى المعلقة الواحدة يعنى 3 حبات لسان عصفور مثلا مع يادوبك نقطة شوربة ..

[أم ريوضي]

تسلمي يا ميرو على الوصفات الحلوه دي

ولو اني ما عرفتش ايه هو لسان العصفور

بس تسلم ايديكي

وصحة وهنا على قلبكم

[أم ريوضي]

شكلكم رحتوا كلكم

يلا انا كمان اروح

اشوفكم بعدين

[safylife]

سلام عليكم

تسلمولى يا احلى اخوات ربنا يديم المعروف بيننا

ام بيدو وام ريوضى سلامتكم من وجع الضروس احنا لازن نفتح عيادة اسنان و نفع دودو هههههههههههه لو معندهاش مانع و انا اول المرضى
لسة الحشوة المؤقته فى ضرسي وخايفة اروح احشيه لانه هيتعمل عصب

وفكرة كنوزة حلوة اما رد ام بيدو ففالصمييييييييييم تماما انا كمان مستعدة اغرق الموضوع صور قبل بس انما بعد دى الله اعلم مبتجيش خالص

دودو وانتى كمان كلامك وحشنى كتير كنتى بتسالى عن الكالسيوم الدكتور قاللى لمده سنتين باستمرار
و الفيدروب لو هتدى كالسيوم توقفيه و جرعته واحد قاللى 6 نقط وواحد 4 نقط و دكتور تالت 15 نقطة بس حاليا بدى على كالسي كال
ميرو عاملة ايه و الف هنا و صحة لسان العصفور

ولسان العصفور يا ام ريوضى اكله مشهووورة فى مصر لان عندنا العصافير بتطير فى كل مكان فبنصطادها و نقطع لسانها و نسيبها تطير تانى عادى

جيجى ربنا ييسر رحلتك للمغرب و تقضي اجازة سعيدة

شوية ان شاء الله و ارجعلكم

[أميرة صلاح]

ههههههههههههههه ضحكتينى يا صافى اوعى تصدقيها يا أم ريوضى .. لسان العصفور دا حاجة كدا زى المكرونة بس بنستخدمها فى عمل الشوربة زى الشعرية كدا لو تعرفيها .. بنحمره فى نقطة زيت او سمنة وبعدين نحط عليه الشوربة .. اى شوربة بقى شوربة فراخ او شوربة لحمة .. ودا شكله



وفى منه على شكل حروف



ودى شوربة لسان العصفور



أما الشعرية فتبقى رفيعة وطويلة عاملة كدا زى المكرونة الإسباجتى بس على اصغر وارفع واقصر ودا شكلها



ممكن تكونى عارفاهم بس اسمهم مختلف عندك

[أميرة صلاح]

بنات ناويين تنيموا أولادكم فى غرفة تانية لوحدهم من سن كام ؟ والبنات اللى عندها اولاد أكبر ياريت تقولولنا خبرتكم فى الموضوع دا .. انا بنيم لين فى سريرها لكن فى نفس غرفتى بس مش عارف من امتى ابدأ افصلها فى غرفة لوحدها بدون ما ياثر على نفسيتها

[سارة83]

ياسادة ياكرام .. بعد ماسمعتم قصة دودو وصافي وام عبد الرحمن .. جاء دوري انا كمان

باول ايام عيد الاضحى 2008 اتصلوا اهل زوجي انه حيجوا بيتنا زيارة .. كانت اخت زوجي مدرسة(معلمة) مع اختي بنفس المدرسة وكانوا صحبات .. لكن قامت الحرب في غزة وطبعا ماحدى بيفكر بزواج ولا طلاق ولاحتى يضحك ...
مرت الايام وخلصت ابشع ايام مرت علينا حرب ودمار وشهداء واحنا طبعا نسينا الموضوع تماما ...
الايام بتمشي وانا كنت ادور على وظيفة وماحصلت للاسف .. رجعت ادرس بالجامعة سجلت دبلوم تربية .. على اساس اقدم وظيفة بالتعليم .. وبنفس الوقت عملت مشروع صغير خاص فيا (دروس حصوصي للطلاب )ببيت اهلى .. فضيت غرفة ورتبتها وبديت بتلات طلاب وبعد شهرين ساروا تلاتين طالب الحمدلله ( اشتهرت بالمنطقة هههه) .. خلصت الدبلوم وسجلت لرخصة السواقة وخلصتها وسجلت دورة سياقة الحاسوب وخلصتها (يعني ماكنت اقعد اشغل نفسي باي شي ) .. وسجلت للماجستير .. وبهالوقت يجوا عرسان بس بابا بحكم انا اخر العنقود عنده والدلوعة على قولة العيلة كان يحط العريس بالميزان ويطلع كل عيوب العالم فيه ... ( ماتخافوا بس والله بابا طيب اوي )...
بيوم من الايام فات بيتنا تلات عرسان .. ومن ضمنهم زوجي الان ..(( اهلوا رجعوا تانى)) ..
بابا كان موافق على شب غير زوجي .. لانه من ضمن مواصفاته انه قريب من بيتنا (بابا مصر اضل تحت عينه ) ... وزوجي كان مرفوض تماما لانه في مشروع سفر وغربة وبابا خايف عليا هو وماما ... لكن زوجي اصر وكان كل يوم يحكي مع اهلى ويطلب يشوفني ونتكلم مع بعض واقنع بابا سبحان الله ...
وطبعا عملنا خطوبة من غير عريس وقعدت فترة الخطوبة ست شهور كانت كلها عالنت طبعا وسهر للفجر واحنا نحكي بالكام والمايك ... وقضينا رمضان سوى كان احلى رمضان ((كان في فرق توقيت بين غزة ودبي.. يحسب زوجي وقت الادان عنا ويكلمنى قبل ماافطر واكل واشرب اول بق وهو معى عالخط)) ونزل من دبي للفرح ونزوجنا وقضينا تلات شهور عسل ببيت على البحر بيجنن .. وسافرنا دبي وكنت حامل بخالد .. وبعدين اجى خالد وملا علينا البيت دوشة وعصبية وصراخ بعد الهدوء والسكينة والرواق هههه....

قعدت ست شهور مع زوجي بنفترة الخطوبة اشوفه بس بالكام عالنت .. ويوم مانزل غزة ياترى كيف كان اللقاء؟؟؟!!! تابعونا بعد الفاصل ههه

[safylife]

تالت مرة اكتب الرد وعلى يمسحه

الحمد لله انك لحقتى ام ريوضى يا ميرو قبل ما تتهور و تجيب سكينة

سارة انتى زى العسل وكمان عملالنا سسبنس

طيب متطوليش فالفاصل اعلانين وارجعى قبل ما نغير القناة هههههههههههه

قصتك حلوة يلا كملي