من كل بستان زهرة .. نشتاق للاحبة ممن فارقونا

[أم مــــالــــك]

نبعثُها لكل من رست خطواتُها هنا يوماً
نُرسلها مع الود صادقة نقيّة لكل من بادلتنا الإخاء فاستقرّت ذكراها في السويداء
اسماً لا يزول و حبّاً لا ينضب و شوقاً للقائها لا يغيب

yehia 2007***تيوليب***

اموله ، عبير

وأم مريم السكره

وصحصوحتي الحلوة

وحشتوني جدا يا بنات
تركتوني ورحتوا فين يا بنات

يارب يكون غيابكم خير وترجعوا تنورونا

ودعوة مفتوحه للجميع مشاركتنا هذا التجمع

في انتظاركن يا غاليات

[مجد الاقصى]

تسلمي ميسو عالتجمع الحلو متلك
وان شاء الله نجتمع هون وننبسط مع الصبايا
ونرجع نلتم متل زمااااااان
انا معلش مشغولة هالاسبوع
وان شاء الله اقدر افوت وادردش مع الصبايا

[san79]

يسلمو ميسووو على التجمع الحلو وان شاء الله بلتمو كل الصبايا الغايبين وبشرفنا نتعرف عليهم اللمة الحلوة من كل البلدان

ميمي كيفك يا عسل والله يعطيكي العافية

انا الي يومين نفسيتي متل العمى ما بعرف ليه ؟؟!!! وموطايقه اشوف حدا والتقل زاد علي على الاخر يا الله عن جد هل الحمل غير عن حمل جود ءدما كنت خفيفةاولو ومو حاسه فيه بس من اول السابع فجاه بلش كل الوجع وغير هيك الحموضة هلكتني هلء انا محرومة اكل شي بعد العصر ولو اكلت اي شي خفيف شوفو شو بصير فيه بدي مطافي لصدري خخخخخ


ياله بحاول ارجع بوقت تاني لو في كهربا

[rejena]

مرحبا يسلمو ميسو على فتح التجمع ان شاء الله يكون فاتحه خير على الكل
ممكن تقبلوني صديقه معكم
ميسو كيف اولادك والازعر اوس ربي يبارك فيهم
سنو يار قلبي عليك هاي النفسيه من الحمل الله يعينك دائما الاشهر الاخيره صعبه يارب يقيمك سالمه انت والبيبي يارب ويهونها عليك
ويخليلك جود الاموره
مجود يعطيك العافيه
وانا بعد مشغوله هالايام ان شاء الله بس افضى برجعلكم

[san79]

هلا والله بأم لولو كيفك حبيبتي وكيف البنات والله يعطيكي العافية \\\\

كيف الاجواء عندكم هلء بايلات ؟؟؟

احنا الجو عن جد رهيب ربيعي روعه وفي نسمات براد

[مجد الاقصى]

مرحبا يا حلوين
قلت اطلع عليكم قبل ما نبلش نتغدى ههههه
كيفك سناء وكيف امورك حبيبتي
معلش طولي بالك وضلك كلي خيار بحكو كتير منيح
يعني انا مو حامل بس بضل اشعر بحرقة بمعدتي

ام اليا كيفك وكيف بنوتاتك
معلش مش قادرة القطك عالمسنجر بس اخرتني الا امسكك خخخ

[أم مــــالــــك]

والله يا هلا والف مراحب لو عارفه انكم رح تلتموا بالسرعه هاي كان من زمان رفعت هالتجمع
ودعواتكم ربنا يطمنا علىالغايبات الي ليهم بالقلب وحشه و ولع

مجد في انتظارك يا بطه لا طولي كتير الغياب
سنوء الله يكون بالعون هلأ ما بدى الصيف استنى كمان شهر ما رح تتحملي شيء ابدا
الله يكون معك
ام اللول والله مشتاقين حبيبتي كيفك وكيف البنات
اليوم عندكم حر الجو جوزي بحكيلي مشغل المكيف عنا كتير الجو حلو مطر مو طبيعي بس مش برد دافيه الدنيا

[أم مــــالــــك]

اماني تعالي هون علىالتجمع هاد هداك بدهم يسكروه

[amani1]

السلام عليكم كيفكم يا احلي صبايا
الف مبروك يا ميسو التجمع ان شاء الله يكون تجمع علي الخير يارب
وهذه احلي حلوان لعيون ام السوسسسسسسسسسسسسسس
الله لا يعيدها وحسبي الله ونعم الوكيل في كل ظالم ما بخاف الله
الله ينتقم منه باغلي ما يملك







وان شاء الله دائما نجمتع علي الخير ويبعد عنا عينين الحسسسسسسسسسسسسساد
هلئ الوحد له نفس يدردش بعد ما روئنا

[amani1]

ما قدرت اطلع من التجمع بدون الكيكه لانها تواصي خخخخخخخ لعيون ام السوس
كيفك ام اليا وكيف الصغار
كيفك مجد وكيف الصغار
ان ابلش عندي العد التنازلي بدي ابلش اجهز حالي هههههه

[أم مــــالــــك]

هلا امون نورتي وتسلم هالكيكه شو بتجنن فكرك بقدر اعمل متلها ؟
فعلا هلأ ممكن الواحد يدردش بعد ما رتاحت النفسيه لو شيء بسيط
انا هيني بلشانه بالفتوشوب عم بزبط بصور مليان عندي مواضيع بس من النكد ما كنت انزلها
كم بدك اضلي بعمان اماني؟ رح نشتاقلك

[amani1]

بتقدري تعملي احسن منها كمان
والله مش عارفه يمكن شهر والله اعلم علي حسب التساهيل والظروف
شوفتي امبيرح حفله زواج الامير وليم والاميره كتير ناعمه وفستانها حلوه كتير
انا شوفتها علي النت طبعا خخخخ يختي ما هو بعت لنا دعوه بس ما انتي عارفه الظروف خخخ فعتذرت منه

الفوتو شوب حلو بس انا ما نزلتوا لانه زوجي نزل نظام حمايه قوي بعد المصبيه كل ما بدي انزل شئ برفضوا فبطلت انزل شئ

[أم مــــالــــك]

والله احضرناه على التلفزيون مباشر على mbc4
بس مابعرف صرت ابكي متل الهبايل ههههههههه تذكرت امه ديانا
كتير كنت احبها الله يرحمها يارب
تروحي وترجعي بالسلامه يارب
شو ناويه تطبخي ؟ انا غديتهم محشي كوسى من مبارح
وبالنسبه الي مااكلت عامله رجيم خلص بكفي دبدبه

[amani1]

الف صحه وهنا علي المحشي ما هو فرق التوقيت يعني عندي نصف الليل
حضرتها علي النت ولما ايجي زوجي قعده جنبي علشان يحضرها بس بعده بلشان بالدهان روحنا امبيرح اشترينا باقي الدهان والله كنت بدي ادهن غرفه القعده دهان غير الباقي بس هلئ بدي اخلص بغض النظر شو لونه
بس بدي بدي لون للممر ولحمامات اجلكم الله شو عندك اقتراح الهم

اه الله يرحمها كانت حبابه تعرفي انه لبس مرته خاتم امه لانه قال انها مش معاه لتشاركه فرحته والكنيسيه التزوج فيها هي الكنيسه الشيعوه امه فيها لما كان عمره 15سنه
وما عاد دخل عليها
الله يعينا علي الروجيم يختي مش قادره يضبط معي الروجيم انا باكل كل شئ بس بحدود بس بعد الاحيان بفرطها ههه
يمكن لما انزل علي عمان بصير في روجيم هناك هههههههه ماكو نمنم زي هون

[san79]

مساء الخير

امووون وميسوو كيفكم


ميسوووو ما تبكي على غالي يختي هههههه امبارح الكل كان يعلق على القبلة لا ما بصير يتجاوزالتقاليد ويقبلها قدام الجماهير هههههه وقال شو شهر العسل بالاردن رح يصير

بصراحه وهو كان حليوه الامير ويليام بس امبارح شعراتو طايرات خخخخخ

امووون تسافري بالسلامة امتي ناويه تتسهلي ؟؟؟ ياله حلو بتغيري جو وبتطمئني على الوالد

وصحتين على الغدا انا عملت شوربة فريكة وتايلندي واتغدينا والحمد الله