البيت الفلسطيني بيت الصداقة والاخوة معا نبنيه ومعا نحميه وبكم تسمو المعالي فيه

[جبل عيبال]

انا فرني كتيير منيح للكيك بيزبط كتتتتتتير

انت مره نزلتي طريقه قدرة قادر
بدي اعملها لما تيجي مرت اخوي من الرياض

[مجد الاقصى]

اه نزلتها وهي المقادر
2 كاسة حليب ناشف او كاستين الا شوي
كاستين مي
بيضتين
كاسة الا ربع سكر \
فانيلا
بتحطيهم بخلاط العصير
وبتصبيهم على السكر المحروق
بنفس الخلاط من دون ما تغلسيه حتى
2 بيض
كاسة الا ربع حليب
كاسة الا ربع سكر
نص كاسة زيت
فانيلا ونقطتين خل ابيض ازا فيه
وبتصبيهم على كاسة وربع طحين مع بكنج باودر ورشة ملح
ازا بتحبي الكيكة على شوكولاته شيلي معلقتين من الطحين وحطي بدالهم كاكاو
استعملي الكوب العياري
واستعملي تمارا الطحين الكويتي احسن اشي بحكو
بتنخلي الطحين طبعا مرتين مع البكنج باودر اضمن

[مجد الاقصى]

تمارا حطي بصينية المي نقطتين خل منشان ما تسود الصينية

[جبل عيبال]

الله يسعدك دنيا واخره

بحطهم فوق بعض بالقالب وبحط القالب في صينيه اوسع
فيها مي سخنه صح

كم بده بالفرن؟؟؟

[جبل عيبال]

اسم الله عليكي ما اشطرك عن جد فنانه لما اطبقه
رح انزل الصور افرجيكي

[مجد الاقصى]

تسلمي تمورة
صوريه وورجيني
حطي مي سخنة بتستوي اسرع
بس ديري بالك ما تعبيها كتير اول اشي حطي قالب الكيك وبعدين حطي مي تلات ارباعها
بدها يمكن ساعة الا ربع
انا فرني حامي نار تلت ساعة كانت جاهزة هههههه

[جبل عيبال]

رحت شفت تطبيقك عن جد الله يسعدك ويحميكي
كتييييييييييييير شطوره

تعرفي انا مره اكلتها عند صاحبتي بالجامعه مممممم
كتير طيبه........عملتها مره انا بس طلعت طبقة الكريم كراميل رقيقه شوي

[مجد الاقصى]

تمارا حطي مع السكر المحروق شوية مي يعني مقدار معلقة وما تحركيه اول اشي
بعدين بس يبلش يتغير لونه حركيه شوي شوي لحد ما يصير لونه فاتح
انتبهي يصير غامق كتير بصير الكراميل مر ومش زاكي
المي ما بتخليه يطول ولا بدخن معك السكر المحروق

[جبل عيبال]

صحيح نسيت اسال لازم ارش القالب بزيت وطحين
بخاف تلزق لانه قالبي مو تيفال ؟؟؟؟؟؟؟؟؟؟؟؟؟؟؟؟

[مجد الاقصى]

تمارا اعمليه بقالب مو كتير كبير
يعني نمرة 24 بطلع الف
انا اليوم عملتها بقالب مفتوح من النص

[جبل عيبال]

هاتيلك قطعه عن جد اشتهيتها مممم

والله يمكن اقوم اعملها خخخخخخخخخخخخخخخ

ازا برضى زوجي يجيبلي طحين

[مجد الاقصى]

لا تمارا السكر المحروق ما بخليها تلزق
بتحرقي السكر بقلاية تيفال صغيرة
وبتصبيه بالقالب وحركي القالب عشان يغطي السكر كل القاع وخليه يبرد بالتلاجة على بين ما تعملي الكراميل
وازا اتكسر بس تصبي الخليط ما تخافي عادي

[مجد الاقصى]

نذوب على النار كأس سكر، إلى أن يصبح كراميل..
ونصبه في صينية الكيك..

[مجد الاقصى]

:
بيضتان
ثلاث أرباع كأس سكر
ملعقة فانيليا
كأس ونص حليب بودرة
2 كأس ماء

نخلط جميع المقادير في خلاط الكأس..
ونصبه فوق الكراميل..

مقادير الطبقة الثالثة ( طبقة الكيك ):بيضتان
كأس وربع طحين
نص كأس زيت
ملعقة فانيليا
ملعقة ونص بيكنج بودر
نص كأس حليب سائل
ملعقتين كاكاو بودرة
ثلاث أرباع كأس سكر

نخلط جميع المقادير جيداً..

ونصب الخليط فوق الخلطه السابقة بالتساوي في كل مكان نوزعه..
نحط الصينية في صينية أكبر ونصب فيها ماء
وندخلها في الفرن على درجة حرارة هادية تقريبا ساعة الا ربع ونتركها تنضج ..

بعد الاستواء نطلعها من الفرن ونتركها نص ساعه تبرد خارج..
وندخلها الثلاجة تبرد ما يقل عن 6 ساعات..
وكل ما زاد الوقت يكون أحسن..

نطلعها من الثلاجة ونقلبها في صحن التقديم..
نقطعها على حسب الذوق ونقدمها..

[جبل عيبال]

الله يفرحك ببيتك يا رب يالله
ويجعله سكن للملائكه
ويبعد عنه شر الشياطين