وحده شافها اخوها تفطر برمضان شوفوا وش سوت!!!

[ملامح شرقيه]

وحده شافها اخوها تفطر برمضان شوفوا وش سوت!!!





قصه وحده شوفوووفووهاااااااااااا وش سوت ؟



في يوم من ايام رمضان المبارك كنت ماخذة اجازة من الصيام,و خلصت صلاة الفجر ..وذهبوا افراد العائلة كلٌإلى مرقده كما أعتقدت
هم راحوالغرفهم من هينا ..وانا انطلقت للمطبخ من هيناك
أخذت لي فيمتو و شبس و طلعت لغرفة التلفزيون مبتهجة

وبينما أنا في خضم البلع والقحن والكركرة على مسلسل كوميدي كنت اتابعه وداخلة جووو
الاوينفتح الباب واشوف وجه كذا >>>>>>>>>>>

ويطلعأخوي " يونس " -طالب في المرحلة المتوسطة يميل الى الامتلاء يملك عيون عسلية وحواجب كحلية - كان يونس في أشد الدهشة والانبهار والتعجب حتى ظننت انه قد يموتبسكتتن قلبية

يونس : ماصمتييييييييييييي !!!!!!!

أنا وفي يدي كأس مليء بالثلج وكيس شبس كبر وجه أخوي يونس : ليه أنت صايم ؟؟

يونس : وجع ..من جدك تسألين هالسؤال ؟

أنا بكل ثقةوبجاحة: والله انت بعد سألني نفس السؤال

يونس: والله انتي اللي جالسةتبلعين وتشربين موب انا

ممممممم شفت الولد ماعنده نية يفهم ,استوعبت انه يااما انه كان غايبفي درس الفقه منهج سادس ابتدائي ..يااما ان مدرسهم طمر الدرس , ولا وش ذا الدلاخة

ومافيه مجال أصير ناسيه وأنا مجهزة العدة,كاس ثلج وسترو ومنقيهالشبس اللي أبيه

المهم قلت فينفسي والله لو يموت مااعلمه انا عن ذا العلوم..مو لهالدرجة انا وسيعة صدر
فماكان مني الا اني فجأة قلت له

: اسمع بقولكسر بس بذمتك لايدرون امي وابوي ولا احد ,أوعدني ماتعلم احد وانك تحفظ سري هذا لينأموت.. ان مت علم اهلي ,عاد خلاص مايقدرون يسوون لي شي


واللللللللللللللللللللللللللله ماأقول لأحد ..اقسم بايات الله وبالقران والكعبة وجعلي اموت اني مااقول لااحد اذا علمتيني< خرجتهذه الكلمات من أخي يونس بحماس مشبع بالسعابيل المتناثرة التي لامست وجهي


:أجل شف بصراحة أنامسيحية

:لا والله !! قولي قسم بالله


:انا مسيحية ولا أقدر أحلف لان ديني غيركم< عشت الدور على طول
بس بقولك القصة يمكن تخف روعتك شوي
وتقدرتتفهمني و تحتويني وتحتضني (حسيتني بخرب الولد)


القصة ومافيها .. أني انا يوم كنت صغيرة ,ترى أهلي ماكانوا مهتمين فيني زيك, كانوا بس يخلوني
عند التلفزيون ويروحون يتمشون..تعرف انا اول طفل لهم وامي وابوي كانوا توهم صغار وطايشين
وطفرانين ببعض وانا حسوني دخيلة بينهم
ماادري ليه جابوني بسرعة اذا هم مايبغوني
فجأة شفت عبرة خنقت يونس ذو القلب الكبير وهو يتابع بصمت وفضول وغباء

طيب ليش أجل تلبسين عبااااااية !! وانتي منتيب زينا < قاطعني أخي يونس بكل دلاخة

رديت بنفس النبرة الكسيرة :حتى الفلبينيات يلبسون عباية..اناكنت البسها زيهم احسبها يونيفورم لسعوديات

ورجع من جديد بسؤال أذكى قليلا من السابق : طيب ماعلموك المدرسة الاسلام ؟!!!

:لا كنت أنام في الحصص وفي الاختبارات أغش

واستطرد في القصة..فلما كبرت وجيت أنت ..حبوك أمي وابوي من كل قلبهم وخافوا من أني انتبه لهالحب أو احسدك عليه فقام أبوي يبي يلهيني بشكل أكبر ..حط لي نت وقال لي هذالك
اما هذا لنا "مشيرا بأصبعه المشعر إليك " وخذوك معاهم ورحتوا تتمشون


يونس>


المهم صرت أحس فيه سر لازم أعرفه وصرت أدور في هالنت و انتشر هنا وهناك واتبعثر واتبخر واتكور الى ان أخذتني رياح الأقدار الى امراءة تدعى الأم تيريزا

وقلت لها قصتي واحتوتني واعطتني الحنان اللي حرموني منه اهلي اللي يكرهوني ويحبونك انت

بعدها صرت أحبها واسميها ماما ..ومع الوقت علمتني المسيحية وقالت اعتنقيها ياابنتي
واعتنقتهاوأهلي مايدرون وللحين مايدرون


يونس بلم وهو في حيرة وده يرد ولاهوب عارف خاصة انه حس نفسه السبب وتعاطف معاي
صمت لبرهة وبرهات وفجأة قال
: طيب ماتفكرين تسلمين ؟


لا أخفيكم سرا ..جتني ضحكة كبيرررررررررررة الا أني بلعتها لدرجة صبت دموعي وسويت نفسي أبكي,قلت له بصوت مخنوق : بس ماأعرفه ..أنا ماأعرف في هالحياة الا أمي تيريزا

داخ راسي من كثر الخرط عليه وجاني النوم ..قمت وعطيته كاسي بعدماشربته كله وقلت خذ رجعه للمطبخ أنا تعبت من الصياح بروح أنام




جاء يوم غد ..وفجأة أسمع شي يخربش تحت باب غرفتي ..حامت كبدي حسبته صارور ..قمت ابشوف مادريت الا كتيب ديني يندعس تحتالباب

واشوف ..الاعنوانه Islam ???!!




هههههههههههههههههههههههههههههههههه ياانا ضحكت ضحكة بغت تنكسرشبابيك غرفتي
خلاص معد استحمل ,هالولد تحفة لازم تنحط في متحف اللوفر ,لعنبوابليسه وش ذا المخ

طيب يوم انك بتدعوني ليه جايب لي كتاب دعوة بالانجليزي ,شايفني شغالة ,على باله يوم صرت مسيحية معد افهم عربي ,ماادري ذا الولد مخه وين


المهم اناعقب هالضحكة نسيت الكذبة ,ولهيت بمشاغل الحياة< مشكلة البزي ومن

ومر كم يوم , وصدفت ان يونس مر جنب غرفتي وانا لابسة جلاليوأصلي,وأنا أسجد
مادريت الا بصوت رجول تراكض متجه نحوي ,واجلس من السجود الاويونس يصيح ويحب راسي

أناخلااااااص بفطس من الضحك ,يالله كملت التشهد وسلمت ,الا وياخذني بالاحضان يونس صاحبالقلب الكبير

وافتحالباب بسرعة بشوف من اللي حاطه , الا واسمع صوت باب غرفة يونس يتسكر بقوةالحمداللللللللله أسلمتي ,الحمداللللللللله أسلمتي

ودموعهتتقاطر على كتفي ( ياكثر مايوصخني ذا الولد يابتفال يابدموع ..الله يصبرني )
بسوالله رحمته جاني الصياح صدق ,ماأدري هو أن عشت الدور ولا صياحه صيحني

ويمر أبويقدام هالمشهد التراجيدي وينهبل
وجععععععع خيرانهبلتوا ..وش صاير

ويونسمن هول سعادته كب العفش والعشا والقش كله


بنتك أسللللللللللمت أسلللللللمت


طبعاابوي مات من الضحك ونادا امي وقالها السالفه
وماتت من الضحك واخر شي انجلدت <== (مالهم خاتمه ابهات و امهات اخر زمن ما يكفي إني ضحكتهم و وسعتصدورهم ؟؟؟ وبعدين مو ذنبي ان ولدهم دلخ )
بس عادي التعب عادي مايجي شي عند هالخرطة اللي كبر حمار ومشت على يونس الفتى صاحب القلب الكبير هو وكتيبه الدعوي ببروزه عندي و اهدده فيه اذا استبثر علي في المستقبل






ردودكم

[GAZALA]

حلوهههههههههه

[غلاهم عذاب]

هههههههااااااااااي حرام عليك والله انا صحت

اومااا بنتك اسلمت يامسسكين وابوك يضحك واهوا مايدري شالسالفه


في انتظار مواضيعك الجميله ......(:

[أميرة السوسن]

ههههههههههههههههههآي

يســـــــــــــــــــــــــــلمو:

ملامح شرقيه

اقسم بايات الله

اتمنى تغيرين الكلمه الى اقسم بالله لانه لا يجوز الحلف لغير الله

[a_be smile]

هههههههههههه

حلللللللللللللللللللللللللوه

شكرا كتير الك اختي.. اضحكتينا

[يمانية وافتخر]

والله موتيني من الضحك انتي وأخوك حرام عليكي سويتي فيه كذا.

[التا ئبه لله]

السلام عليكم حلوه حلوه حلوهوالله م و تينى من الطحك ا اطحك الله سنك

[م لوكا]

ههههههههههههههههههههههههههههههههه ، روعة اتموت من الضحك هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههه.

[فـآطمة الزهرآء]

هههههههههههههههههههههههههه

منجدك عملتي كذا؟

والله اني ضحكت هههههههههههههههههههههههههههههههههههههههههههههههههه هههههه

تسلمي يا ععععععسل

ام حاجه لما يكبر اخوكي ذكريه بالسالفه وشوفي وش يقوول لول

[ام لاحلى رناد]

هههههههههههههههههههه خطيره خليني اجرب يمكن تنفع معاي هههههههههههههههههههههههه

[* نور هدى *]

الكذب بيضحك !!!!!!!!!!!!!!؟؟؟؟؟؟؟؟؟؟؟؟؟
لازم هالانسانة تحتقر لكذبها مش تستظرف

[ام الغناي]

السلام عليكم الكذب والفبركه واضحه بالكلام
انتوا ياالردود هههههه ليش الضحك والموضوع كذب بكذب واااااااااااضح
وع والله ماخلصت القصه لين جتني 100 وعه وووووع
صديقتكم شكلها كانت تتطالع مسلسل تركي قديم وووووووووووع

[مسرّة]

وفقك الله أختي لكل خير أرجو أن تتنبهي قبل نقل المواضيع ..

الموضوع كله مخالفة شرعية.. قال صلى الله عليه وسلم : ويل للذي يحدث فيكذب ليضحك به القوم ، ويل له ، ويل له
صحيح الجامع و صحيح الترمذي و صحيح أبي داود ....

و في الموضوع الكثير من المخالفات الشرعية .. أهمها كذب البنت و قولها انها مسيحية و ان كان كذبا فهذا يحق على البنت حد الردة ، و قد يتغرر البعض بالقصة فيستخدمون هذه الكذبة .. و ان كان كذبا فالملكان يسجلان ! فاتقوا الله في أنفسكم!!!! و لا يجوز القسم بالقرآن أو بالكعبة ... فلا يكون القسم إلا بالله

[ملامح شرقيه]

شكرا على مرورك جزالا ونفع

الله بكم وبما تكتبون

[ملامح شرقيه]

نور الهدى الموضوع منقول والقصد من النقل التسليه والترفيه وحنا نعرف انه فيه مبالغة وعموما مع الاسف حتى الاسلوب ما تعرفين حتى لوكنت انا اللي كاتبته مو من حقك تكلميني بذا الاسلوب عموما انا مستغنية عن ردودك واذا شفت اسمك مرة ثانيه ماراح ارد عليك اللي مايحترم نفسه مايحترمونه الناس والمفروض المنتدى يضع بنود لمثلك واشكالك حتى ماتتعدبنها