البيت الفلسطيني بيت الصداقة والاخوة معا نبنيه ومعا نحميه وبكم تسمو المعالي فيه

[&جروح تبتسم&]

قبل شوي اعدت هلكت وانا اشتغل بالبيت ورجلي صاروا يتشجنوا والأريضة
ونشرت غسيل وتحممت بمي باردة واعدت من شوي
اعصابي انهارت من سوسو جننتني

شو طبختي اليوم ؟؟؟؟؟؟؟؟

اليوم حماتي عزمت حالا للمرة التانية وطبخت بامية وعملت شوربة خضار وجبنا عوامة وتمر هندي وخروب وهي روحت العشا من هون
وانا صليت وقمت لاشتغل بالمطبخ والبيت


ايمان وسيسي واماني وتمورة كيفكن ؟؟؟؟؟؟؟؟؟؟؟؟؟؟؟؟؟

[مجد الاقصى]

هههههههه كنت بدي اخوفك بس ما زبط
شو كيف طلعت البامية

[مجد الاقصى]

يا الله على شغلك اللي ما بخلص
ويعدين معك حرام هيك بكرة بدك تولدي مو لازم تتعبي هيك
وطولي بالك عليها لسوسو اكيد مالة
هانت ما ضل اشي للمدارس بصيرو يريحو ويرتاحو هههههه

[&جروح تبتسم&]

البيت بتتوسخ اكتر بس يجي عنا حدى لانه كرميكا البلاط دغري بيطلعله ريحة زنخة ولازم شطف بكلور ومعطر وديتول

شو انام ماانام بكير لسه جوزي هلأ اجا قاعد بالصالون وانا هون عالجهاز سوسو وانا اشطف كانت نعسانة بدا تنام وانا اقلا استني شوي لاعشيكي بتنامي هيييييييييك لحتى بطلت تنام

[مجد الاقصى]

يا الله الله يعطيكي العافية يارب
انا عملت تخابيص اليوم واكلنا والحمد لله ههههههه
كفتة مع بصل وبطاطا وحطيت عليهم بندورة وخليتها في مرقة شوي واكلناها مع رز
وانا عملت جاج قطع صغيرو مع فليفلة ملونةوبتحرق وفطر وجزر وبهارات وبندورة اسمها اكلة صينية بس شو متت منها بتحرق نااااااااااااار

[&جروح تبتسم&]

صحتين وهنا

[جبل عيبال]

مرحبا كيفكم جميعا
سيسي تسلميلي جد انك بنت حلال وربنا بعلم
اديش بحبك صحه عالمنسف ويسلم دياتها مرت اخوكي

فروحه مبررروووك الاسم الجديد تشوفي على وجهه الخير يااارب

وام سوسو صحه عالبامبه تعيشي وتعزمي وتضلي بصحه وعااافيه

وايمان ربنا يقيمك بالسلامه يارب انتي وام سما وام سوسو وكل الحوااامل اللهم اميييييييين

عزومتي مرت على خيررررر بس تعبت كتيييييييير شكله عندي بداية انفلونزا وتعبت كتير وعطشت كتييييييييير
بس الاكل كان زاكي وزاد منه يعني بكره راااااحه بعدين جليت طن جلي وعملت قطايف من سعد الدين ممممم بشهي
ورحت عالمسجد صلينا تراويح ورجعت قرقرت مع بيت حماي عالنت وتسليت كتييييييير معهم

تسحرت تفاحه وميييييييي كتير وهلا بدي اصلي الفجر ربي يكتب الخيير لكل صبايا البيت يارب

ولا تقارير لموووووسه هههههههههههههه كيف انا معكم ؟؟؟؟؟؟؟؟؟؟؟؟؟؟
انا دايما بقرا تقاريرها ما شاء الله عنها الله يوفقها بتجنن وكل صبايا الشفت الصباحي على سلامتهم مواااااااااااااااااااااه كبيره الكم

سلاااااااااااااااااااااااااام لللجميع
سلاااااااااااااام للجميع

[جوتشي]

صبااااااااح الخير كيفكم صبايا
شايفه اخر صفحه تموره وام سوسو شو الاخبار
تموره تقرير من الاخر الله يهنيكي يا رب ويعطيكي الف عافيه والف صحه وهنا
وسلامتك ما تشوفي شر مش وقت الانفلونزا هلا الله يعينك مع الصيام
وينكم صبايا ما حدا مصبح ولا حدى منور البيت

[سواد العيون]

صباح الخير جوجو وتمارا
تمارا سلامتك شكلك من كتر الشغل هلكتي الله يكوون بعوونك
وتقرير من الاخر يعطيك العافيه
وتعرفي المحبه من الله وانت فعلا تنحبي وبنت حلال الله يوفقك ويعطيك على قد نيتك


جوجو كيفك
شو اخبارك وكيف ياسينو زمان ما سئلت عنه

[جوتشي]

احلى صباح سيسي كيفك شو عامله
ياسين بخير احلى عالم ازعر صاير يحكي شي خمس كلمات
فوتي يختي على السكايب ما دام من غير شر ما في حدا

[eman23]

صباح الخييير ازيكم يا حلوين وشو جديد اخباركم اليوم بدي اعمل بازيلا و الحمدلله لاجديد من الاخبار حبيت اسلم )

[سواد العيون]

اهلين ايماان
صحه وهنا ع البازليااا
انا لهلا م عارفه ع اساس نطلع مع جيراانا ونفطر بالحديقه بدنا نعمل كبسه
بس اذا زوجي ما رضي بعمل مقلووبه وامرنا ع الله

[مجد الاقصى]

مرحبا يا صبايا كيفكم اليوم
تمورة وسيسي وجوجو وايمان شو اخباركم
انا اليوم بجوز اعمل صينية لحمة بالفرن
سلفي اليوم دبح لبنته خارف

[سواد العيون]

اهلين مجد كيفك صحه على صينيه اللحمه

وماله سلفك ذابح لبنته عقيقه يعني

[مجد الاقصى]

اهلين فيكي سيسي
اه عقيقة يا سيسي
احنا بندبح لولادنا كلهم حرام بتحاسب الواحد \
كيف رمضام معكم ودع ما شاء الله مو ضايله اشي