اكتبي حلمك الي حلمتي و صاحبة احلى حلم بتحط لنا صورة حلوة

[احلى سورية]

بسم الله الرحمن الرحيم

اليوم جبتلكم فكرة حلوة كتير وهي انو نعمل مسابقة الاحلام كل وحدة بتكتب حلمها بعدين انا بصنف الاحلام على حسب :- مثلا احلام مرعبة - احلام خيالية - اكشن - رومانسي ............ الخ .

بعدين اول اربعة بيشاركوا رح يكونوا الحكام بس بشرط انو اول اربع ردود ما يكتبوا حلمهم

ملاحظة : - اتمنى انو الي عندو حلم في معلومات شخصية ما يكتبوا

لانو احيانا بيصير انو احد العضوات بتكتب شي خصوصي بعدين بينتشر اشاعات عنها و ....و.....و................الخ

والان المثال:-



اول فئة احلام مرعبة

تاني فئة احلام اكشن

الثالثة احلام رومانس

الرابعة احلام خيالية

الخامسة والاخيرة احلام منوعة ( اي شئ لا يختص بالفئات السابفة )



وانا الان في انتظار اول اربع ردود يا ترى مين رح يكونوا حكامنا

لا تخلوني انـتظر كتير ولا تزعلوني

[احلى سورية]

فيلم رعب (حلم رعب ) هههه

السلام عليكم

انا رح ابدأ بحلم مرعب كتير


الحلم :-


كنت مع ماما بالسوق بعدين شفت رفقاتي واقاربي وقلت لماما انو انا طالعة معهن ورحت مشينا مشينا هيك لحتى وصلنا

على بيتي مع انو كان المكان بعيد (ملاحظة : الحلم كان بسوريا مع اني مقيمة بالكويت ) وصلنا ودخلنا عالبيت لقيت

بنات صغار ومن بينهم اخواتي ولقيت جدي ( وهو الان في ذمة الله) بالبقالة وخالتي كمان ( في ذمة الله ) عم تاخد

منو بوظة (ايس كريم ) وتوزع علة البنات وهم مبسوطين بعد ذلك عجزت عن الكلام انو جدي وخالتي الله يرحمهم

موجودين وقلت لأختي الي اصغر مني بشوي وانا متفاجأة : أأأييييةـةـة شللللوون خخالتي عااايششة ووججديي
(كنت عم قول هيك وانا عم ارجف وخايفة )
قالتلي عادي عادي دايما هيك بيعملوا بس انا ما فهمت شو يعني ورفقاتي قعدوا ياكلوا مع البنات بوظة قمت انا

هربت ولفيت نص سوريا وما قيت غير واحد بشع كتير (مشوه) عم يسكب عليّ ميّ قمت ركضت انا وخايفة

قام سألني رجال صالح ليش عم تبكي قلتلوا ما عم الاقي امي وهي بالسوق كذا كذا بعرف وينو ؟

قالي : اي على اليمين واطلعي على الدرج وسمعت كلاموا وطلعت اول درجة والتانية ما لقيت غير امي طلعت عم

تبكي ؟ قالت لانو ما كنت عم لائيكي ودارت وجهها لعندي قمت شفتها متل الزومبي او متل الي بأفلام الرعب

وانا صرخت وقالتلي : امك راحت عم تدور عليكي من زمان بس انا روحهها شفتي شو عملتي فيها السواد تحت

عيونها من كتر ما عم تبكي .

قمت انا بكيت وهربت صرت عم قول بنفسي وين بدي روح اذا امي ومو موجودة وجدتي مسافرة فقررت ارجع لعند

خالتي ما عندي غيرها . وكل ما شوف حدى الاقي وجهو صار متل الشياطين والعافريت والعياذ بالله منهم

وخفت قامت اجت خالتي وهي اللي لقتني وقالتلي شو فيكي حبيبتي اشتقتلك كتير قمت قلتلها وانا كمان مشتاقتلك

وفجأة حطت ايدها على خدي وما عدت خايفة وقالتلي : مو صح بسورية بدهم يعملوا طريق , وبدهم يهدموا بيتنا

قلتلها اي وهي قالت جملة ما قدرت الا ما ابكي منها واللي هي :: طيب كيف بدكم تهدموا البيت وتتركونا فيه

مو حرام عليكم

وانا من كتر ما بكيت وخفت وصرخت ما عاد فيني وقلت اكيد هاد حلم و بعدين طلعت على اطول عمارة بسوريا

واجت خالتي معي وقالتلي يلا دانة مو انتي خلص ما عاد بدك هاد الحلم المزعج لكن نطي من فوق وانا بيجي معك

ووافقت وما لقيت غير حالي بالتخت .

وتوتة توتة خلصت الحتوتة

ان شاء الله ما كون طولت عليكم
شكلوا هاد الحلم بدوا يصير كتاب او فيلم

[مشمشه نبهانيه]

((حلمت بأني أتوظأ)) فقط هذا هو حلمي بالكااااامل

أقصر حلم هههههههههههههههههه الحمد لله بس وكنت عارفه ليه حلمت بذا الحلم بس اللهم يامقلب القلوب ثبت قلبي على دينك

[براءة الامورة]

حلمت ......................اني متت
شو تفسيرو يا ترى ؟
انشا الله خير