تجمع البنات الرائعت بنات ملف الحقن المجهرى34

[مرات جوزها]

بسم الله توكلنا على الله

[lollypopy79]

أه يا يمنى فرحت موت رغم إنها الأول كانت متجاهلة الموضوع تماما بس من ساعة ما عرفت و هي كل شوية تقولي أنا هعمل كذا لأختي و هلعب اختي بالعبة دي و أرسم أنا و أختي و كده يعني و كل شوية تبوس بطني و تقولي ببوس أختي و لما أختي تروح معايا لبمدرسة هروح الكلاس بتاعها وأجبلها حاجات حلوة و أقول للتيتشر ممكن أديهم لليلى بس لا يمنع من شوية غيرة إنتي إشتريتي كل ده ليها و أنا دول و بس و هي كده هيكون عندها أكترمني و كده يعني

[مرات جوزها]

ههههههه تحفه ملك دى.. انتى ام شاء الله حتسميها ليلى

[lollypopy79]

أه يا يمنى إن شاء الله على إسم حماتي
هو إنتي عندك إخوات أد إيه يا يويو
أنا عندي ولدين و بنت بس زي ما مامتك بتقول أنا و أختي على طول مع ماما و بابا الله يرحمه كان متعلق بينا أوي إنما الولدين مش بنشوفهم في البيت أصلا و هما لسة متجوزوش تخيلو لما يتجوزو هيعملو إيه

[قرة عين لي ولك]

اه يعني يايويو بس مش مزاج قوي
وساعات مايبقاش لي نفس ادخله او اجي جمبه ولما جوزي يقولي عايز حاجة اقوله خلاااااااااص البوفيه اتقفل

[قرة عين لي ولك]

اه يانوجا فعلا البنات دول احلى حاجة في الدنيا
احنا 5 بنات

[lollypopy79]

ما شاء الله يا سارة بجد بحس إن البنات مع بعض حلوين أوي و خصوصا لما يكبرو
عارفة ماما ليها 4 أخوات بنات منهم واحدة إتوفت و 5 ولاد
لازم هي و إخواتها البنات يتجمعو كل أسبوع و يكلمو بعض في التليفون يوميا إنما الولاد بيقعدو بالشهور على ما بيشوفوهم لإن كل واحد مشغول ببيته و شغله

[قرة عين لي ولك]

فعلا يانوجا البنات بيبقو حنينين قوي على بعض وعلى طووووول بيسالو على بعض

وعارفة سبحان الله عمرنا في يوم ماحسينا ان نفسنا يكون لينا اخ بالعكس بابا كان بيعتمد علينا في كل حاجة وبيمسكنا ساعات ميزانية البيت

ورغم كل دة
انا نفسي اجيب بنتين توام

[lollypopy79]

يا رب يا سارة يا حبيبتي يخليكم لبعض و يرزقك باللي نفسك فيه
بصراحة أنا على طول كنت بدعي ربنا و لحد دلوقتي إنه يرزقني بأخ و أخت لبنتي

[مرات جوزها]

معلش جالى صداع رهيب مقدرتش اعد اتكلم معاكو

[مرات جوزها]

انا يا جوجو بنت وحده وولدين تؤام اصغر منى بسنتين .. بس اليومين دول ماسكه ماما كل شويه اعد اقولها مش لو كنتى جبتيلك بنت تانيه كان زمانها ساعدتك فى خدمتى وكان زمانها ساعدتك فى المطبخ بدل مانتى هدى حيلك لوحدك كده

[مرات جوزها]

ما شاء الله يا ساره 5 بنات ده انتو عزوه على كده ما شاء الله .. مين اقرب وحده فيهم ليكى على كده

[lollypopy79]

سلامتك يا يويو
أنا كمان عندي صداع جامد إنهاردة علشان خرجت الصبح في الشمس و لسة واخدة بنادول من شوية

[مرات جوزها]

انا حاسه ان الصداع ده من ترييح دماغى الكتير على المخده يعنى فى وضع النوم بس ببئى صاحيه لدرجه انى وانا بسجد كان 6 كيلو طوب بشيلهم وانا بسجد او بركع

[lollypopy79]

طب ليه يا بنتي نايمة كده طول اليوم
أقعدي عادي على الكنبة أو على السرير و أفردي رجليكي
إنتي في الأسبوع الكام دلوقتي