البيت العراقي ,,,, لعيون ام مريم ولكل الغوالي

[لمياء العراقيه]

السلام عليكم
تسلم ايدج حبي رسوله على البيت الله يجعله عامر باهله الطيبين
ام يوسف الحمد لله الله فرج عنكم الله يسر كل اموركم يارب
ام حمودي فدوه لعمره حمودي يجنن شكله ماشاء الله الله يحفظه هو واخوته
ام فطوم وام دلول الف مبروك يارب يوم تفرحون بعرسهم يارب
ام سيفو هلو حبي شلونج
سمور اني رجعت
يسريه خخخخ ذوقج يجنن بالغرف
الباقين وينكم شخباركم

[لمياء العراقيه]

طبعا اني جنت يم اهلي واليوم اجيت وسمعت خبر ابد موزين
اسم الله عليكم جيرانه فايتين عصابه عليه خطيه وهو وحده وذابحينه وماخذين فلوسهم والذهب
الله يرحمه شكد انقهرت عليه هو بعده مو كبير وماعنده اطفال الله يصبر اهله يارب
والله اشو العصابات كثرانه الله الي يستر على الجميع
يالله كأبتكم بس اني كلش مضايقه

[ام علاوي العراق]

هلوووووووووووووو حبايبي
شلوووووووووووووونكم
والله مشتاقتلكم هووووووووووووووواية

بس شسوي النت عندي يخربط


سلامي للكل



اشوووووووفكم بالف خيرررررررررررر

[ام سيف الجنابي]

السلام عليكم شلونكم اهلا لمو الله يسلمج حبيبتي لمو
لاحول ولا قوة الابالله الله يرحمه هو احنه شبقه عدنه غير بس العصابات
والله كريم الله يحفظ الجميع
كل الهله بام علاوي شلونج اخبارج والله احنا مشتاقيلج اكثر

[ام مرمر و ليلو]

صباح الخيررررررررررر
شلونكم مشتاقيلكم
ام لمى ولمار بارك الله فيك وربي يجزيك الصحة والعافية وكل الخير
لمو اشتاقينالك ياعسل وقهرتيني على ابن جيرانكم الله يرحمه
ام سيوفي شلونك اخبارك ها عجبتك الكيكة لو لا شوفيها بالبيت القدييييييييم
ام نمنم ميلاد سعيد لنمنم ربي يطول عمرها بالخير
ام علاوي شلونك اشتقنالك
يسورة تسلمين على الذوق الحلو انتي وام يوسف
سلام للجميع
وخرووووووووووووووج

[ام مسرة]

السلام عليكم ورحمة الله وبركاتة
الله يبارك بك ام لماولمار على الموضوع جعله الله في ميزان حسناتك
ام علاوي مشتاقيلك ياقمر شلونك ان شاءالله بخير

اروح احمم مسرة واسوي الغدا بس كلت اسلم واشوف شكو ماكو
سلامي لكل الغاليات

[ام سيف الجنابي]

السلام عليكم شلونج ام مريوم تسلمين على هذي
الكيكه كلش حلوه احلى هديه شفته لا وكاتبه عليه ام سيوفي
ربي يباركلك بمريوم وتقومين بالف سلامه ياورده
هله حبيبتي ام سراوي شلونج اخبارج مسره شلونه
وسلامي للجميع

[ام سما - العراق]

السلام عليكم
شلونكم حبايب

مبروك عليكم البيت ويارب عامر باهله وناسه ان شاء الله

[ام سما - العراق]

اشوفكم بالليل ان شا الله لان عندي طلعه واذا مطلعت راجعتلكم حبايب

[قطعت السكر]

هلو حبايب
اشلونكم
اني اليوم همهمومه واحس الدنيه كعت على صدري وما اكدر اتنفس واشوف كلش لونه اسود
واريد ابجي بس ما اكدر ما تنزل ادموعي
واريد احجي ما بيه احجي
يا رب
ادعولي بنات الله يريحني وهدي سري

[ام مسرة]

حبيبتي سكرة ربي يفرج همك ويبعد عنك كل شر
ام سوفي شلونك قلب وشلون الاولاد
ام سماوي بالعافية الطلعة شلونها لسماوي
ام يوسف همزين مراح تنتقلون وارتاحيتي ربي يرحيك دنيا واخرة
ام مريومة قلب قبل فترة سمعت على عجينة بيتزا تخليها بالثلاجة
ممكن مقاديرها وطريقت عملها اذا مايها زحمة

[مشتاقة لامي]

ياهلا مدنفشة
سلامة قلبج من الهم والحزن
ليش عيني ربي يفرج عنج الهم ويهدي سرك ويرزقك كل ماتتمنين
قومي توضي وصلي ركعتين لوجه الله

[مشتاقة لامي]

ياهلا بام سراوي
الله يسلمك ياعيني ومشكورة على الدعوات الحلوة
ربي يحفضلك ابومسرة وسراوي ويرزقك باخوة الها

[الام60]

مرحبا وبالعافية البيت والفرش والكيك وعاشت الايادي شلونكم ان شاء الله زينين وبخير
لاتنقهرين يالمو هاي حال العصابات قولي الحمد لله على كل حال وانا لله وانا اليه راجعون راح شهيد وخلص من هل دنيا وزين ماعندها ولد كافي ايتام
الله يحفظ الجميع ويحمي اهل العراق من الايام الجاية الكراسي الله يعلم وين تودينا
انا صرت شاطرة وحممت البنات من الخميس وخلصت شغلي حتى نطلع السبت بس جتني نشلة وبرد وقشعريرة وسخونة بنتي قالت لي اشوف كلتنا توجعنا هلسنة مرتين انت حتى مافد يوم شفتوك منشولة او مالك خلق بس الشقيقة وبسيطة صارت ماكو ثاني يوم بدت السخونة حتى لايظل بنفسها تشوف امها مريضة ماكدرت اروح لا للسوق ولا لمكان كعدت وكل شوية للمنام ومن الضوجة فتحت النت الا مالي واهس اي شي

[غسق الليل]

السلام عليكم ورحمة الله وبركاته

شلونكم وسلامتكم اشو البيت كلها ضوجه وهم ونشله لعد ادعيلكم واطلع قبل ماتاخذني شي عدوه
سلامات سكو والله يريح بالك وهون عليك كل الهموم واستغفري الله وان شاء الله ما يظل بيك شي

سلامات ماما وعندكم العافيه انا طلعتو بعد ما رجعو الاولاد من المدرسه تغدو وكملت شغلي وطلع بس اخذنا معانا الجيل الثاني الصغار
ورحت اشتريت تركسودات للبنات وعلاوي ورحنا تسوقنا دجاج واجبان وشغلات وعلاوي طول الوقت يقول موطى موطا
بزعنا ما يريد ام العوده لا يريد من المكينه ورحنا اشترينا اول مااخذها خطي وقع وصار الموطا بشعرو وعل ارض اشتغل يبكي اخذتها ونطيته جديده
ماكو لحظات واشتغل يبكي دبق ودبق واريد اغسل واريد مناديل مرطبه
وحتى من اشترينا ماخلصنا من النحاسيه رجع شاف البنطرون صار بيه موطا اشتغل يبكي عبالك هو راح يغسل الملابس
والحاصل بزعنا ومن رجعنا فاطمه راسها لحد الان مااخذتها للطبيب مثل الشقيقه يوجها الى ان العفو تزوع تصير مليحه ,
ومحمود يضرب راسه حتى ياخذ الي يريده شاف علبه الاصباغ يريدها

وسلامي للكل الحبيبات اروح اكمل العشى واشوفكم بكل خير