البيت العراقي ,,,, لعيون ام مريم ولكل الغوالي

[قطعت السكر]

سوي بحث بجوجل عنه وراح تلكين بعض المقاطه لمسلسل

[youssor]

يله ورده اني حروح
تصبحين عله خير وردايه

[قطعت السكر]

على فكرة باب الحارة ما حبيت بالمرة حمض على كلبي هههههههه

[قطعت السكر]

وانتي من اهل الخير
واني همه نعزت

[لمياء العراقيه]

السلام عليكم
دنفوشه ليش تحجين عيه هاااااااااااااااااا
وفوكاها تريد تتعارك ودور ناس وياها واي واي
هو مو صوجي صوجج انت جايبه ستاره 5*9 هذا بس الطول وتكول تعالو سووها يابه منا ليوم القيامه منخلصها
يعني اذا اسويها اسويها لاحفاد اوفي يادوب الحك خخخخخخ

اسفه البارحه النت فصل
شلونكم يارب بخير كلكم
وانت يسريه بسيطه انت وسديكتج اذا ما زوركتكم اني اعلمج
انت عليمن طالعه هيج اشو اختج ورده مال الله ليش انت هيج مدااعرف خخخخخخ

[ام مرمر و ليلو]

صباح الخير
ام مسرة حظري نفسج يلا جاية اخذج ونروح للعراق
ونفتر على الحبايب كلهم
والله اني يجوز على بداية السادس اروح يعني من ادخل الشهر 9 حتى اولد هناك
والله طاكة روحي من البيت والحيطان ملل وكئابة ومشتاقة لامي واخوتي وبابا الغالي
اهئ اهئ وعاااااااااااااااااااااااااااااااااااااااااااااااا ااااااااااااااا
ام فطومة ربي يسهل عليها قالت نهاية الاسبوع تروح للعراق وماعرفنا شصار بناتها ربي يسهل عليها
ام رناوي شلونك اخبارك
لمو شخبارك حبي ليش هيج البارحة محضرين الفوج الاول كله هجوم عليج
الله يساعدك يرادلك مساعدة من اللواء ومساندة من متعددة الجنسيات خخخخخخخخخ
ام سيوفي وينك
يسورة ربي يسهل الدراسة عليك وتجيبين اللي ترديه
دنفوشة لو تشوفين مريم من شافت بزونتج وهي متخبلة وتصيح بيبش بيبش
وليو يعني ميووووووووو وتضحك وتبوس وتبوسبالشاشة ومتريد اغير الصورة هههههههه
ام محمد الله يعينك سهرة تالي الليل
اني ابد مااخلي مريومة تنام بوقت محير حتى من نام تنام ويانة

[قطعت السكر]

ههههههههههههههههههههه
هلو ام مريوم منورة حياتي
فدوة الله
بس بصراحة حلوة البزونه دتلعب اشناو خخخخخخخخخخ

[youssor]

هلالالالالاو
هله بلمو
عيني مادام حتصيحيني به الاسم
اجيب كل سديكاتي ويايه يعيطون عليج خخخخخخخخخخخخخخخ


ام مريومه
يله مبقه شي حاولي تونسين نفسج باي شي
وتسلميلي ع الدعاء الحلو

هله دنفوووشه شونج اليوم هع
خومو تعبانه من المعركه مال البارحه خخخخ

[الام60]

مسالخير اشلونكم الجميع ان شاء الله بخير وعافية
علاوي حبيبي بين الاحفاد الله عندو احلى شي من كان صغير من يجي يمنا ويبات يشتاق لابونو فنخابرو هو يجي يمي ويسحب الموبايل ويقول بابا يعني صورة بابا الي عندي بالموبايل فافتح له الاستوديو ويقوم يحضن الصورة ويحكي مع ابو وبعدين عملت الصورة خلفية حتى علاوي يظل يشوف ابو لا يوحشو وهاي بعد صار الجهاز يمه ومارجع لي لمن راح لبيتهم وتعلم من يجي ياخذ الموبايل ولازم تطلع صورة ابوه ايام صارت ذكريات سبحان الله مشتاقة لك ياعلاوي ولهذا المنافس محمود جا العصر وبنا له قصر هههههههههههههه ربي يحفظكم

[ريحانة الرافدين]

السلام عليكم
شلوووووونكم
شذى وحزن شلونكم حبيبتي ان شاء الله مرتاحين
وسلامات من المرض الله لا يعوده
احنا عادي كل نهاية اسبوع بالعيادة تعلمت بعد خخخخخ
ام مريومة شلونج وشلون مريوشة (عجبني الاسم) وشلون ليونة حبيبتي
الله يسهل عليج وتكون ولادة ميسرة باذن واحد احد
واشجعج بقوة ان تروحين تولدين يم الاهل
صح حر وصيف وتراب مثل مدا اسمع
بس فرق كبير
على الاقل بين اهلج ويم الوالدة الله يحفظها
يعني بين قوسين تدللي زيادة لان اكيد انتي مدللة اعرف اللي مسافر مدلل بس هالمرة بزيادة وخصوصا ليونة وياج
واصبري ان الله مع الصابرين
مابقى شي يمعودة واذا ضايجة اخترعي بس اكلة جديدة خخخخخخ
انتي ام الابداع صدك جذب

[ام مسرة]

السلام عليكم ورحمة الله وبركاتة
ام مريومة يلا انتضرج حضرت الجنطة واكفة بالباب مو تتاخرين علية
وتاليها تصير بية ضربة شمس واروح متفحمة لاهلي
ربي يسهل علينا ونشوفهم بسلامة
ام طيوبة شلونك قال ربي يكحل عينك بشوفة احبابك باقرب وقت ولايبعدك عنهم
سكرة هاي شنو كل هاي الحروب علمود الستارة بس صدك تستاهل لان كلش حلوة
وهاي سارة كلما اريد اتعلم تخرب واهسي من ورا الحساب لو اكو طريقة بدون ما اعد
جان خوشششششششش
لمو شنو قصة النت ليش يقطع

[ام مسرة]

ياهلا بام سوسو شلونك قلب مشتاقين
وشلون البنوتات ربي يحميهن عادي هاي كل اسبوع زم يم الدكتور
ابو مسرة يكلي يراد اخذلكم بيت بصف العيادة حتى اخلص

[ريحانة الرافدين]

احنا الحمد لله بخير بس البنات دائما مريضات
وازيدكم الصغيرونة ابد مدا تصحى من مرضة لمرضة
واعتقد والله اعلم صابتها عين بحيث الجهال يكبرون وهي حبيبتي تصغر ووزنها بالنازل ومااعرف شسوي
من كان عمرها ثمان شهور يعني بالضبط قبل شهر واسبوع
فجاة قامت توكف وحدها واحنا مستغربين لان بعد وكت
وبعدين كامت تمشي وابوها يكللها بابا استري علينا بعدج صغيرة لسا مكملتي ثمان شهور راح تجيبين العين لنفسج
ويضحك يكول عمي ممستعجلين عليها بعدها صغيرة
وكامت تمشي وهي بعدها ثمان شهور الا اربع ايام تخيلو ؟؟؟؟؟؟؟؟؟؟؟؟؟؟
اني بهالفترة حولتها للحضانة لان البنية اللي كانت عدنا سافرت
وثاني يوم اللي مشت رحنا ناخذها ويا اختها العصر
طلعت ام الحضانة والعاملات فاتحين عيونهم ويضحكون ويكولون مفاجاة
سدن مشت اليوم
سدن تمشي
ابوها خاف كاللهم لا متوهمين بعدها صغيرة كالوله لا مشت وشفناها ويكولون هاي معجزة تمشي قبل الثمان شهور ماكو هيج طفل ومتعجبين بيها؟؟؟
ومن هذاك اليوم وانتو بسلامة البنية لا مشت ولا شافت العافية وكل اسبوع ركض للاطباء وادوية كومة ومااعرف شسوي
وتصغر متكبر والله الحافظ مااريد شي بس دعواتكم الله ينطيها الصحة والعافية لان طولت هواية والادوية مدا تفيد ومن طبيب لطبيب
ضوجتكم بس شسوي
تحياتي للجميع

[ريحانة الرافدين]

ام مسرة حبيبتي مشتاقين
نمنم شلونها(مو هذا اسمها اللي شفت خالتها تسميها بيه)
ربي يحفظهم والله الواحد ينقهر عليهم لان اطفال

[ام مسرة]

اسم الله عليها ربي يشافيها ويبعد عنها كل عين حاسدة
حاول ترقيها على طول وماء اقري علية وشربيها ان شاء الله تتحسن
تعرفين بنت حماية هم كانت 7 اشهر ونص مشت وعمي جان يضحك عليها يكول هاي
مثل الجني لان ناعمة وقصيرة