البيت الفلسطيني بيت الصداقة والاخوة معا نبنيه ومعا نحميه وبكم تسمو المعالي فيه

[أم مــــالــــك]

السلام عليكم ورحمة الله وبركاته

حياكم في البيت الفلسطيني

أخص عليكم دخلت اسلم عليكم ما لقيت في بيت اخ يا كسولات

دخلت اخذ طريقة حلو بدي اعمل الحلى الي ضيفتنا اياه تغريد بس زرانها انا وسموح

يم يم لهلأ طعمته بتمي

وبدي اروح اعمل خبز للشاورما لانه ابو الشباب طلب شاورما علشان راجع بعد المغرب بده شيء خفيف

يلا فتكم بعفيه

اه نسيت لا توسخوا البيت ما رح اقدر افوت انظفه منوراكم

كل وحده تحط بزراتها بجيبتها

سامعه ياجوجو و يا نانا

[&جروح تبتسم&]

يسلموا ايديكي ميسو عالبيت الجديد
صحتين وهنا عالشاورما ميسو وان شاء الله بيجي ابو مالك بالسلامة

عن جد انه احنا قليلات مروة كل وحدة بتستنى التانية تفتح بيت اخص علينا هههههههه

بس انا النت كان عندي بطيء زهأت وقمت اشتغلت بالبيت واجت سوسو درستا وصليت وعملت معكرونة وجيت

صحتين وهنا عالشاورما ميسو وان شاء الله بيجي ابو مالك بالسلامة

وهي ضيافة من عند هاد اذا حدى شرف خخخخخخخ

[أم مــــالــــك]

يعني لو مااجيت انا كان ضليتوا بالشارع ام سوسو
يعطيكي الف عافيه حبيبتي
وانا بدي اقوم اعمل اول شيء عجينة الخبز للشاورما وبعدين ابلش بالحلو
ان شاء الله بقدر ارجع اشوفكم
سلام يا بطه

[اناالحل]

السلام عليكم
له له له ليش يختي ما لقيتي حدا انا حاضرة
اي خدمة او مساعدة باكل
يعني اكل ما اشتغل و نخلي الجلي للي ترد بعدي
ولو بدكم حدا يشرب اشرب
بس جلي لا لا لا لا لا لا لا لا
ما قلتيلي شو الحلو اسمه اللي اكلتيه شكله بشهي
صحة و عافية على قلبك
وعلى فكرة شلحت من رجلي قبل ما ادخل و مسحت رجلية بالدعاسة وما اكلت بزر دخلت على الكاجو على طول بيني و بينك زاااااااااااااااكي بس بنصح
يلا عن اذنك برجعلك بس تكوني بالبيت

[أم مــــالــــك]

هههههههههههههههههههههههههههههه
الله يسعدك ويضحك سنك على طول يا انتي الحل
ماشاء اللهعنك مرضية والدين يا بطه
نورتينا يا عسوله
والحلى هي طريقته وصورته شوفيه

http://www.lakii.com/vb/showthread.php?t=500984

يلا لازم اقوم بجد
مواااه يا سنفورات

[&جروح تبتسم&]

اهلين ميسو والله معك

انا الحل نورتي

[جوريه فلسطينيه]

سلام سليم يا احلى عسولات بالبيت ,,,,كيفكم يا صبايا يسلمو ميسو على البيت الفاضى هخهخهخه قلت بلاقى شى حلو ولا طبخه دسمه من ايدين حبيبتى ميسو القيت ورد شو اسوى فيه خهخهخ اكله ولا اخلله هخهخه على كلن كل شى من دياتك يا عمرى حلو ومدام هوبا حبيب الشعب عندك ما بدنا الا سعادتك وهناكى والحمدلله على سلامته وصحه وعافيه على الشاورما ...

وام سوسو حبيبتى ما قصرت باحلى ضيافه يسلمو يا بطه صحيح باركتلك خهخهخه حكيت لجوزى عن هديك السهره بقلى انتى فيوزاتك ضربنى يا مره ولما حكيتله بتقلى ام سوسو يقطع حريشك فرط من الضحك شكله الزلمه حاطط بقلبه وساكت هخهخهخ هادا الى عنده شو اسوى خايفه بكره انسى اسمى هخهخه ابتبقى اتزكرينى يا بطه,,,وهينى شطوره ماراح اوسخلك بالبزر بخلى جوجو اتكنس عني ههههه

[albnfsj]

الله يسلم ايديكم وعنيكم على هالاشي الزاكي

[إكليل الزهــور]

السلام عليكم
يسلموو ميسوو عالبيت والضيافة ما اطيب قلبك حبيبتي
ربنا يخليلك جوزك ياقمر ديري بالك علي حالك وعليه واراح نشتقلك كتثير والله
ام سوسو كيفك حبيبتي ويسلمو ايديكي عالضيافة
نانا كيفك ان شاء الله بخير
البنفسج كيفك والاخت الجديدة انا الحل منورة وكيفك؟؟

جوجو حبيبتي رديت علي سؤالك بالنسبة للمش
بتحطي اللبن الحامض السائل مو الزبادي
Buttermilch
يابتشتري الي بيكون بعلب Tetra Pak
يااما 3 علب من العادي الي بيكون حجمه 500 جرام
ولا تنسي تحطي حلبة مسلوقة واتركيه من 4ـ5 تيام علي شباك المطبخ
وبعدين ارفعيه بمكان بارد شوية
ومش راح يلحق يصيريله شي لانه الجو عنا بارد مو مثل الدول العربية
وراح يكيف عليه ابو عمر
جوزي مكيف كل يوم صار يشربله صحن منه بعد الغماس

[reno79]

مررررحبا كيفكم معك حق ميسو بس والله ملتهيه عمين بدي الحق
مابصدق ينامو العصر عشان اعملي شغله نافعه او ادخل اسلم عليكم

[دمعات العيون]

السلام عليكم كيفكم

[&جروح تبتسم&]

مسا الخير

هههههههههه نانالا مستحيل السوبر نانا تنسى اسما من غير شر شو اخبارك حبيبتي

جوجو ورينو والبنفسج وام العبد شو اخباركن ؟؟؟؟

[جوريه فلسطينيه]

مسا الخير ,,,,,هلا يا احلى ام سوسو انا بخير الله يسعدك

والله اليوم زهق وملل وتعب وقرف والجو بعيد عنك زفت الطين خهخهخه وفوق كل هادا خالتى

اجت زارتنى نكدت علي والليله مانمت دار اخوي اجوا ناموا عندى ووصلتهم اليوم الساعه 6

الصبح على المطار ولهلاء ما عرفت انام منيح بعين الله بكره بعدل نومتى

وطبخت على السريع معكرونه ضحكت عليهم وسخنت سمكه مشويه من مبارح ضلت عندى

والحمدلله على كل حال هاى اخباري اليوم




سورى جنى شفت سلامك وكان الملل قاتلنى ما رديت الله ايسلمك ويسعدك نحمد الله ونشكره انتى طمنينى عنك شو عامله؟؟؟

[مجد الاقصى]

هههههههههههههههه نانا الله يسعدك يارب ويبعد عنك النكد وعين الحساد
يقطع شرك ضحكتيني
يا الله الاكل كله نعمة كريم
ومين هاد اللي زعلك واستجرا خليني اركبه بسيارة الاجره ههههههه
خالتك يعني حماتك
شو بدها خير ان شاء الله احكيلها حلي عني

[مجد الاقصى]

ام سوسو وام عبود كيفكم يا حلوات
جوزي بده يشتغل على اللابتوب بس يروح من صلاة العشا
اليوم ما طبخت عملت معجنان انا واختي لانه اولادها بدهم يروحو بكره رحله
وعملنا بيتزا على لحمة ممممم بتجنن طلعت
وهلأ حشيتلهم عجينة السمبوسك بفستق حلبي وحطيتلهم قطر عليها اكلو وانبسطو