تجمع الرائعات الصابرات بنات ملف الحقن المجهرى17

[وارفة]

أزيكم يا جماعة أخباركم ايه أنا كمان يا شيماء صاحية متاخر لأني نمت ع السعة 8ونص الصبح وصحيت على 1 الظهر ولحقت نفسي بالعافية في الغدا
أزيك يانوجا أنتي وملك والنونو الصغير على فكرة ده حيبقى دلوعتنا ربنا يجيبه بالسلامة
سارة أزيك وكلام جميل أوى اللي انت كاتباه وحقيقي لمس عندي على مشكلة بنمر بيها الايام دي ربنا يفرجها
يمنى يارب تتنفخي يارب ونسميكي أم نفخو أيه رأيك إلا الواد يطلع عجلاتي وبينفخ عجل
ندى ربنا يطمنكو يارب وتيجي لنا بالسلامة

[lollypopy79]

صباح الفل يا رفاريفو عاملة إيه يا قمر
ربنا يصلح لك الحال و يهدي سركم و يبعد عنكم المشاكل يا رب
إحنا كويسين الحمد لله و عقبال ما نفرح بحملكم إنتو كمان يا رب و يتركن بيسو على الرف و يبقو نونوهاتكم هما اللي الحجر

[d2do2a]

السلام عليكم ورحمة الله وبركاته
بسرعه جدا ازيكم عاملين ايه كويسين طب الحمدلله أنا كويسه جدا بجد نفسيتى عمرها ماكانت كده قبل كده بنام كويس جدا وبافترا كمان وباكل كويس جدا والدنيا حواليا هدووووووء وبصراحه الكل قايم على راحتى ومبعملش حاجه فى حياتى وزهقانه من كتر ما أنا قاعده فاضيه بجد بجد أنا بحسد نفسي

[وارفة]

آمين يا نوجا وشكرا على دعواتك الحلوة
ربنا يتمملك على خير يارب
عارفة لو كنتي جمبي كت مش حسيبك ولا أخليكي تعملي حاجة الايام دي
بس أهو من القلب للقلب رسول
حقيقي كان نفسي يكون معايا ناس حبايبي حوامل وابقى معاهم لحظة بلحظة واكون شايلة همهم مع إن في ناس بتستغرب من كده بس والله بحب الناس لله بس حتقولي ايه
وعشان كده باتمنى اخواتي يجوزو ويخلفوا على طول يارب وأشوف عيالهم وافرح بحملهم يارب يارب يكرم ويرزق كل البنات بالحمل يارب

[وارفة]

السلام عليكم ورحمة الله وبركاته
بسرعه جدا ازيكم عاملين ايه كويسين طب الحمدلله أنا كويسه جدا بجد نفسيتى عمرها ماكانت كده قبل كده بنام كويس جدا وبافترا كمان وباكل كويس جدا والدنيا حواليا هدووووووء وبصراحه الكل قايم على راحتى ومبعملش حاجه فى حياتى وزهقانه من كتر ما أنا قاعده فاضيه بجد بجد أنا بحسد نفسي

دقدوقة السلام عليكم ورحمة الله وبركاته
هي الامور عندك وصلت لكده ما بدهاش نتصل بمجلس الامن لأن كتر الهدوء مش حلو عليكي ههههههههه بضحك داخلة فيكي طوالي من غير ما أعرفك بنفسي أنا وارفة أزيك بقىىىىى

[d2do2a]

ما أنا عارفاكى لما بدخل هنا بلاقيكي بس غالبا أنا بدخل دقيقتين بحالهم وبعد كده بلاقى الجعوره بتاعة واحد من القطاقيط الهاديين اتفتحت فمش بلحق,ياريتنا كنا اتعرفنا من شهر بس كان الوضع أكيد هيبقى مختلف كنتى هتلاقينى واحده تانيه والله
وبعدين يا جماعه كوكو ولولو خاطفين ساعه نوم كده على الماشي والدنيا هاديه أروح أصحيهم ولا ايه رأيكم؟؟ الواحد مش متعود على كده

[hoba_m]

السلام عليكم ورحمة الله وبركاته
بسرعه جدا ازيكم عاملين ايه كويسين طب الحمدلله أنا كويسه جدا بجد نفسيتى عمرها ماكانت كده قبل كده بنام كويس جدا وبافترا كمان وباكل كويس جدا والدنيا حواليا هدووووووء وبصراحه الكل قايم على راحتى ومبعملش حاجه فى حياتى وزهقانه من كتر ما أنا قاعده فاضيه بجد بجد أنا بحسد نفسي

الله الله مفيش احلى من كدة راحة نوم كويس وعيال مش بتعيط وهدووووووء تام لالا انتى لازم تشغلى نفسك بحاجة لحسن الزهق مش حلو ليكى ههههههههههههه

[وارفة]

بصي يا أم على ربنا يبارك في الدقايق القليلة دي وإن شاء الله لما تتعودى على الوضع الجديد والولاد يتعودوا عليه حيبقى عندك وقت إن شاء الله بس إنتي متقلقيش نفسك باين عليكي قلوقة زي
هو أنا الصراحة أي وضع جديد عليا مش بعرف أتاقلم عليه غير بعد سنة وده كله نفسيا بس يبان عليا أني متكيفة عليه بس من جوايا بيكون غير كده
فربنا معاكي ويخليلك ماما وجوزك وولادك يارب

[وارفة]

هوبا يا أم التوت كله أزيك اخبارك ايه مش باينة خالص
عقبال لما تبقي أم توتاية وتوت أيه رأيك أسامي حلوة
ولا ليكي رأي تاني
ربنا يكرمك يا هبهوب يارب بالذرية

[وارفة]

دقدوقة هما العيال بقى شبهك ولا شبه باباهم ولا البنت لأمها والولد لأبوه
يعني زي ما بيقولوا عندنا

[hoba_m]

هوبا يا أم التوت كله أزيك اخبارك ايه مش باينة خالص
عقبال لما تبقي أم توتاية وتوت أيه رأيك أسامي حلوة
ولا ليكي رأي تاني
ربنا يكرمك يا هبهوب يارب بالذرية

ازيك يا ريفووووووووو عاملة ايه ايه الاسامى الحلوة دى بس انا مش عارفة ادخل كتير عشان جوزى واخد الاسبوع ده اجازة وربنا يكرمك على الدعوة الحلوة دى ولك بالمثل يا احلى ريفو فى الدنيا

[d2do2a]

أنا برضه يا وارفه مش بعرف أتأقلم على الاوضاع الجديده بسهوله,يعنى الناس كلها تقلى يابنتى ادخلى نامى وقت ما عيالك ينامو وأنا عيالى كائنات ليليه الصحصحه والهيصه كلها باليل,يالنهار بصحيهم بالعافيه عشان يرضعو وأغيرلهم ووقت ما بيكونو صاحين بيكونو الى حد ما هاديين لكن باليل بجد مش عارفه ايه الى بيجرالهم ببقى حاسه انى هعيط خلاص منهم, وأنا لا يمكن أعرف أنام فى أى وقت حتى لو منهاره,نومى باليل عادى زى البنئادميين العاديين,وحتى بحاول أدخل أنام على الساعه 6 المغرب مثلا لو العيال نايمه أبدا لا يمكن عينى تغمض, مش بنام فى اليوم كله الا تلات ساعات الصبح لما ماما بتصحى وتشفق عليا لما تلاقينى صاحيه وتدينى افراج من 9 ل 12 كده

[d2do2a]

دقدوقة هما العيال بقى شبهك ولا شبه باباهم ولا البنت لأمها والولد لأبوه
يعني زي ما بيقولوا عندنا

احم احم بالنسبه للشبه على أيام بيكون شبه باباه وأيام بيكون شبهى,والناس لما بتشوفه شويه يقولو باباه وشويه يقولو أنا,عموما هوا واخد شكل وشى وراسي وملامح باباه
أما كرمه فمش عارفين لحد دلوقتى هيا شبه ميين,أنا بقول غلطوا فى المستشفى وبدلوها ,هيا نفس عينى بالضبط بس كوكو مش بتفتح جامد ولا بنشوف سحر عينيها الا فى آخر السهره بقيت اليوم حتى لو صاحيه بتستخسر تفتح عينيها كلها فمش بتبقى باينه شكل ميين,وهيا عشان صغيره كده ووشها قليل أوى مش باين فيها الا عين لان عينيها ماشاء الله واسعه و للاسف الشديد شعرها أخف من أخوها,وهيا قمحيه وأخوها أبيض اهيييييييي
ماما بتقولى خراط البنات هيخرطها, تفتكرو؟؟

[وارفة]

تصدقي يا دقدوقة إني حاسة بيكي أوي مع إني مجرنتش الوضع ده
بس حاسة حيحصلي كده ويمكن أصرخ عشان أنام لأني كنت بعيد عنك أيام الامتحانات ببقى مضغوطة بس أتغيرت كتير يعني نسبة القلق قلت شوية وأهو ربنا يهدي الاوضاع
ربنا يخليلك ماما لأن حقيقي الام لها دور كبير اوي
بصي أنا ساكنة بعيد عن ماما هي في محافظة وأنا في محافظة غير إني دلوقت برا مصر خالص في قارة تانية بس كتير بحس إني نفسي لو ماما كانت معايا أحكيلها ,اكلمها واستشرها
بس أهو كبرنا وبعدنا
بقولك أيه بوسيلي على وكرمة بوسة خفيفة عشان ما يصحصحوش

[وارفة]

والله ماما لذيذة ربنا يخليهالك وهما العيال كده في الاول مش بتعرفلهم ملامح مع الوقت بيتعرف الشبه
وبكرة يكبروا إن شاء الله وهما اللي يقولوا أنا شبه ماما أنا شبه بابا
أنا بالنسبة لي شبه أمي حتي قرايبي كلهم بيقولولي كده
بس أختي الصغيرة دلوقتي بقيت أكتر شبه لماما خطفت الأضواء مني ههه