لعيون العراقيات الطيبات وكل اخواتناالعربيات تفضلو للبيت العراقي

[ام سيف الجنابي]

السلام عليكم اخواتي شلونكم ان شاء الله الجميع بخير
وان شاء الله الانتخابات تكون فاتحة خير ويعم الامن والامان
ويرجع كل مغترب ياالله ادخلو برجلكم اليمين

[لمياء العراقيه]

السلام عليكم ام سيفو تسلم ايدك حبي على البيت
ويارب كل مغترب يرجع ويصير العراق احسن الدول امين يارب

[ام سيف الجنابي]

هله لمو حبيبتي شلونج تاخرت عليج مو دافرش بالبيت حتى تنورو

[غسق الليل]

عليكم السلام ورحمة الله وبركاته

تسلمين يا ام سيوف ربي يجعله فاتحة خير

بس مع الانتخابات مااكو خير الى اجل مسمى

مع علاوي كل البلاوي راح تجي والله يعينا مع العلمانيه وكلها تتحرك بيد الامريكان

(قل اللهم مالك الملك تؤتي الملك من تشاء وتنزع الملك ممن تشاء وتعز من تشاء وتذل من تشاء بيدك الخير إنك على كل شيء قدير)

الملك هو بيد الله هو تمام الي صار كلها بالتزوير بس بمشيت الله سبحانه وتعالى


يالله اهم شي رسوله تتعين

هلا لموو شلونك والله فرحت شفت وحده تحب الكوي قلت ليش خطيه محد يحب يضرب الملابس

طبعا قريت الصبح بعض الصفحات عل سريع يمكن ام مسرة واحد جيرانهم ضرب السيارة ان شاء الله الشغله سهله

وماادري منو قال دوامنا يختلف عن العراق

اي احنا عدنا عطلة نص السنه تصير قبل اهل الجنوب والموصل بشهر اكثر بس اسبوع وللصغار 10 ايام

وعلى اعياد نوروز تجي عطله نص السنه الحقيقيه تقريبا شهر الا كم يوم
العطله بدأت من 3-3 الى اليوم رجعو للدوام
وعدنا من صف اول ابتدائي الى الثالث تسمى منهج عبوري مااكو رسوب بس متابعه مع الطفل وبقى تشوفين اكو كسل وفحم كلشي ميدرسون لو اش سوت المعله الى صف رابع يتعبون معاهم فد نوب
اكو طبعا امتحانات ونتائج وجدول تشوفين مستوى الطالب وعلى الله هسه احنا الورطه لازم نتعلم كوري
ومادااعرف شلون هذا المنهج سببو لان المنهج بالكوردي مو نفس لغتهم الدرس بقى حتى يتعلم الطالب
وبنسبه للعرب لان اكو درس كوردي حتى يتعلم ومن صف خامس يبدا الرسوب بالكوردي
هسه زنوبه الى صف الخامس تلحق تتعلم كوري اكيد بس المشكله على فطوم هل سنه خامس ولحد الان ماتعلمت شي
كل شهر تحفظ نشيد تاخذ درجه فقط للنجاح ..؟ وبعض القواعد

[ام سيف الجنابي]

وهذي كم غرفة نوم





وهذي للاطفال

[لمياء العراقيه]

هلا بيج حبي ام سيفو الله يساعدج
تريدين اجي اساعدك حب خطيه وحدج شايله الاثاث وتركضين
ام حمودي اني اي شغل عدا الكنس والمسح اقبل بيه لان اموووووووووت منهم
هاا وتنظيف البنكات والساحبه مال المطبخ لان ماانوش ولازم اصعد درج واني ادوخ وعندج الحساب
الله يساعدكم انت والبنات هسه لو لغه معترف بيها جان الواحد ميهتم بالعكس حلو يتعلم بس مو 3 محافظات بس بالعالم يحجونها
الله يعين
الباقين وينكم
اني ضايجه وماعرف شسوي

[ام سيف الجنابي]

وهذا المطبخ حتى ام مريوم تطبخنه ولو هخي تعبانه





شنو رايكم نكعد بهذي الحديقه يله بعد شتريدون تعبت من فرش البيت

[ام سيف الجنابي]

لمو حبيبه ليش ضايجه
تعاي اني وياج نكعد بالحديق وكل الضوجه تروح

[مشتاقة لامي]

السلام عليكم ورحمة الله وبركاته
عاشت ايدج ام سيوفي على البيت والاثاث الحلو اما الحديقة تخبل
لمو شلونج اخبارج
عيني اني اموت من المطبخ والطبخ الوحدة تقضي عمرها كلها بيه
ام حمودي شلونك والله يعينهم على اللغة والله صعبة الواحد ماعندنا اي فكرة عنها
اني هم اية تدرس فرنسي بالاضافة للانكليزي فد لعبان نفس تالي جبتلها سي دي على الكمويتر وقلتلها دبري امرك بيه
باقي الحبايب شلونكم وينكم

[ام سيف الجنابي]

اهلا ام يوسف منوره الاولاد شلونهم
مشتاقيلج والله اخباركم ان شاء الله بخير

[لمياء العراقيه]

السلام عليكم
ام سيفو غير لو صدك اكدر اروح بالحديقه جان اول وحده تلكيني كاعده
هلو ام يوسف حبي شلونج الله يعينكم يارب
مالكيتوا شقه ثانيه
ياربي شكد اكره الشيله هوايه غراض تتاذه بس احلى شي بيها ميبقى شي زايد كله ينذب

[مشتاقة لامي]

ام سيوفي تشتاقلج الجنة قلبي والله الحمد لله بخير
لا والله لمو لحد الان ماكو المشلكة موجودة شقق فارغة بس الكل تريد تاجرها تجاري مكاتب وعيادات لان ايجارها هواية
وداعتج اني بعدني مالاقية شقة وشايله هم الشيلة

[ام سيف الجنابي]

هله حبيبتي لمو ه شلون صرتي ان شاء الله المعنويات احسن هسه اجي واني وياج دك سوالف
الله يسلمج ام يوسف يارب ان شاء الله دوم بخير

[لمياء العراقيه]

يالله تعالي ياريت لان علاوي طفى الضوه وراح ينام لان عنده دوام واوفي كاعد على الكارتون
والله ماعرف شبيه يمكن الي طكج بعين طكني اني هم
شفتي هذا اكبر دليل مو اني حسدتج
ام يوسفي اتمنى من كل قلبي الكالج بيت يمي وتجاوريني
والله كلش تعجبني شخصيتج احس بيج هيبه وصدر ديوان ههههه بس والله من صدك

[iraqi flower]

مساء الخير ع الجمييييييييييع
مشكوره حبي ام سيوفي ع البيت دايم بأهله يارب
سوده عليه هذا كل انتي رتبتي ليش هيج اكيد كمتي تمشين صفح من التعب
بس البيت ايخببببببببببل وذوقج حلو
اني اريد غرفه وحدي لان هاي هواي غرف خخخخخخخخ