البيت العراقي يرحب بكل الحبايب

[مشتاقة لامي]

السلام عليكم ورحمة الله وبركاته
شلونكم ياحبايب
وينكم اليوم اشو معطلين
تعالو

[غسق الليل]

عليكم السلام ورحمة الله وبركاته

اي والله ام يوسف تسلمين الحلوات خلصو البيت وراح نامو من تعب السواليف مالحقو حتى يفتحولنا بيت

شلونك عيوني ام يوسف اخباركم

البارحه بالليل جيت شفت البيت يركض عل غفلة بدا يخلص قمت كتبت رد وسلام لام هوبي وحشتها والاخت الجديد قمر واسراء ودزيت الرد اشوف البيت مقفل اتاري خلص انا وبلشت اكتب وقمت كان بحضني محمود باشا يتنحس

هلا بالاخت قمر وام صهوبي ويسرشلونك وشلون الحمل ويسر اخت رسوله واسراء وهلا ام سما يالله عيني خيرها بغير انتخابات
وننتظر الحبايب يجون وسلم عليهم

واشوفكم بالف خير وماما تسلم عليكم

[مشتاقة لامي]

كل الهلا بغسوق شلونج عيني شلون صارت ايدك ان شاء الله احسن
والاولاد شلونهم ان شاء الله بخير
اخبار محمود باشا طلعت سنونه لو بعد
سلامي للوالدة وان شاء الله ترجع تنورنا من جديد

[غسق الليل]

الهلا بيك الله يسلمك ويعافيكم
الحمدلله ايدي تحسنت ومحمود باشا طلع السنون الفوق عل امتحاناتي وهسه يمكن سنون الجوانب ديطلعون
وزنوبه لحد الان مريضه ماادري والله خايفه ماادري ليش لايكون ابو صفار بعيد البلى
بس تقول بطني وماتقبل اي شي تاكل وهاي احنا كلما يصير عدنا عطله نطلع بسالفه صفح
والله مرات اقول عبالك واحد داعي علينا اليوم فد جو طيب مو شمس بس الهوا حار
والاولاد ماما نريد نطلع والله ماعندي واهس والطفله مريضه والصغار يريدون حجه يتوجعون
وعلى الله

[مشتاقة لامي]

كل الهلا بقمر بغدا ويانه
ويسر اخت رسل ربي يوفقج بدراستك
ام صهيب ياهلا عيني ليش هالغيبة يمعودة الكابة ماتخلص تعالي يمنا غيري جو عدنا
ام مصطفى شلونج عيني وربي ييتمم لك على خير يلا ماضل شي
ام مريومة اشو ماكو ماداتبين خير انشاء الله
ام سعودي ربي يطمنا عنا صار فترة ماكو
رسولة شلونج بعدكم بيونة لو رجعتي بالعافة عليج الطلعة عيني
رقوش شلونكم رحت لبغداد لو بعد
لمو شلونج اخبارج اجاكم المي لو لا الله يعينكم هاي فوق الحر
ام سراوي مرحبا اشو ماكو دادة بس دا تفرفرين بالسيارة من ورانا
ام سماوي عندكم العافية هاي الانفلونزا اخر شي وداع للشتا هههه وبالنسبة لابو سما خيرها بغيرها عيني
ام زنوبة هلا بيج عيني ويانا

[مشتاقة لامي]

سلامتها لزبوبة ماعلى قلبها شر
مرات من الجو حار ويجي شي بارد على المعدة تتلبك
يمكن معدتها حساسة سلامتها

[مشتاقة لامي]

صدق ام براء تسلم البارحة حجيت وياها
وخطية ابو براء هالايام عنده عملية للدسك ربي يشافيه ادعوا لها

[مشتاقة لامي]

يلا عيوني غسوق اروح اصلي المغرب
وسلامي للجميع ملحقت اكمل باقي الجريدة هههه

[ام سيف الجنابي]

السلام عليكم شلونكم مبروك البيت الجديد عامر باهله الطيببين
شلونج ام مسره مسره شلونه
ام اوفي شلونج حبيبتي اوفي شلونه اخبارك
اهلا ام سما والله اني مشتاقه اكثر سماوي شلونه وان شاء الله خيره بغيره
شلونكم ام علاوي وسكر ورسوله واسو ورقوش
وام مريوم ورغوده وام سلسبيل
واهلا ومرحبى بالاخت قمر بغداد منوره البيت
وغسوق شلونج حبيبتي والاولاد شلونهم
وسلامي للوالده الغاليه ومية هله ومرحبى بام صهيب وين الغيبه ان شاء الله بخير
ام رنا شلونج والبنات شلونهم
يسر بغداد شلونج وشلون الحمل وابنك شلونه ان شاء الله بخير
وام سعودي شلونج ان شاء الله تكونين بخير وتجين طمنينا
وسلامي للجميع

[ام علاوي العراق]

مسااااااااااااااء الخيرررررررررر
شلووووووونكم حبايبي
....
مبروك علينا البيت الجديد


شكرا مشاقة للبيت الحلوووووووووووو

[ام علاوي العراق]

هاي جبتلكم صورة عن عراقناااااااااا الحبيب

[غسق الليل]

مسا الورد

هلو حبايب مسا الخير شلونك ام علاوي

اشو فعلا ام رناوي ماكو ونظورة كنا نتمنى شوفتها
والغاليه وخواتها ماكو اظاهر اخذتهم معاها بجوله بالسيارة
وهلا بام سيف الله يسلمك ويبارك بيك والوالده هم تسلم عليكم كثير

طبعا يا ام علاوي يمكن راح يجي يوم اكره كلشي يخص عراقنا مع الاسف
وحتى اسمه ما اتخيل غير كلمه عراك وليس عراق لان مانشوف بينو غير العراك

هاي من فترة بنتي كانت تشوف اسبيس تون وجت مقهورة وقالت والله مابعد اشوفه ولا احب هاي القناة
استغربت وكانت تعابير وجهها فعلا مقهورة ؟ فقلت له ليش قالت لان يقولون احنا مانحب العراق
ولا احد يحبه ضحكة وقلت لها لا ياماما لا كانو يقولون احنا منحب الكونه العراق واظاهر اسمنا على مسمى ؟
جا من العراك والقتل من يوم يومنا واحنا كل الحتلال والقتل بينو
دوخه والحاصل اروح على صفحة الريجيم ومع ام علاوي ..

سلامي للموجودات والي راح يسهرون والي مفقودات

[غسق الليل]

بكيت عيوني الم الفراق
فردا قلبي الحزين باحتراق
كيف للقلب أن ينساكم يا من في القلب والفؤاد مسكنكم
فضرب لي موعدا مع الفراق
ما بال هذا القلب في الحزن
قد مات
حاولت إن أتكلم حاولت تفسير ذالك الشعور المؤلم
ولكن مستطعت وهي هات ثم هي هات
وفي غمرتا من السكون ولوجل
سمعت همسات احتفالات
أتعلمون لمن هذه الاحتفالات
أنها احتفالات مواقد الدمعات
فيها تكتب الدمعات
على شفاه هجرتها البسمات
فكانت حارة الزفرات حاولت أن أتكلم
حاولت أن أغير معنى الفراق
عن الم اجتاح الفؤاد
ولكن لم أستطيع حتى جاءتني حروف الفراق

[غسق الليل]

رميتم قلبي بسهم من الأحزان
فاستقر سهمكم في صميم الوجدان
فبكى القلب على ذكرى من كان
أنتم يا من في القلب حللتم

أتت مرة أخرى!!
لتؤكد ألم الفراق..
فآه.. ثم آه... ثم آآآآآآآه..
لقلب حلف ألا ينساكم...
أنتم يا من في القلب حللتم...


قلبي الحزين سيظل يذكركم...
وقلمي المتألم سيظل أسير ذكراكم...
فاختلط دم القلب... بمداد القلم ليذكركم...
أنتم يا من في القلب حللتم...

[غسق الليل]

اعذروني للنقل ,هذا مايحوي قلبي بهذه الايام من اه والم
واعذرو ان اشتكى قلبي لكم

واتمنى من الله ان لا تزورنا الوالده وتتألم
فعلا نسيت هي من مجموعة هذا البيت الطيب
ليسه لقلبي مكان غير هنا,, ابتعد عن الواقع في بيتي لاكون ام في الصبر والثبات ولا يعلم قلبي معنى النسيان او الثبات