ورشة عمل في مسابقة ....مرحبا بك في بلدي

**حره فوق رأس حر** · 19-01-2010, 02:22 AM

السلام عليكم

مشكوره ع الدعوه وفتح ورشة عمل

بارك الله فيك

بس ياريت الحاجات المهمه والافكار نخلوه ع الخاص

حتى لاتسرق

وراح نقسمو العمل وكل واحده فينا تتكلف بحاجه

ونكون متعاونيين ويد واحده
بأدن الله

**ابريكه** · 19-01-2010, 02:27 AM

ان شاء الله
يا حرة
ونعطو صورة حلوة علي بلادنا
وانا بعت لكل المشتركات وتوة يجتمعو ونعطو افكارنا
ونتعاونو ان شاء الله
وان شاء الله بانتظار باقي المشتركات
وانا متابعة المسابقة واللي تكتب اسمها نبعتلها حتي نجتمعو هنا
وننسقو برنامجنا
وان شاء الله موفقين

**اريناس** · 19-01-2010, 04:30 AM

بتوفيق ان شاء الله للجميع

**عود قرفه** · 19-01-2010, 04:38 AM

حتي اني معاكم لكن زيدو فهموني المطلوب مني
وان شاء الله ربي يعاونكم

**ابريكه** · 19-01-2010, 04:42 AM

عود قرفة
يا سمحة
عدي توة لركن السياحة انقري الرابط
اللي منزلتة هنا
وسجلي اسمك وتعالي
وان شاء الله كلنا نجتمعو ونتفقو علي كل شي
وكل وحدة منا نعطوها مهمة

**ابريكه** · 19-01-2010, 04:43 AM

ان شاء الله
اريناس
بالتعاون نحقق المعجزات

**عود قرفه** · 19-01-2010, 05:09 AM

المشاركة الأصلية بواسطة ابريكه

عود قرفة
يا سمحة
عدي توة لركن السياحة انقري الرابط
اللي منزلتة هنا
وسجلي اسمك وتعالي
وان شاء الله كلنا نجتمعو ونتفقو علي كل شي
وكل وحدة منا نعطوها مهمة

بريكه يا عسل مشيت سجلت وجيت

**ابريكه** · 19-01-2010, 05:14 AM

الاخوات المشتركات حتي هذة اللحظة
الفالحة
اريناس
ابريكه
ام هدولي
حرة فوق رأس حر
حنان ليبيا
عود قرفة

**ابريكه** · 19-01-2010, 05:15 AM

المشاركة الأصلية بواسطة عود قرفه

بريكه يا عسل مشيت سجلت وجيت

سلمها ياربي
منورة بمشاركتك

**ابريكه** · 19-01-2010, 07:19 AM

مشتركة جديدة
ملكة الرومانسية
هلا وغلا بيك
وان شاء الله نتعاون كلنا ونطلع حاجة كويسة
الفالحة
اريناس
ابريكه
ام هدولي
حرة فوق رأس حر
حنان ليبيا
عود قرفة
ملكة الرومانسية
منوراااااااااااااااااااااااااااااااات

*** الفالحة *** · 19-01-2010, 10:59 AM

صبحهم بالخير والهني كلهم

كيف حالكم يا غاليات ان شاءالله الأمور تمام

ما شاءالله تبارك الرحمن ... الليبيات ديما نشاط وحيوية

لكن تقريباً انا اعتقد ان العدد كافي هكي

لأنه الموضوع هو مجرد عمل مطوية عن بلدك

يعني بنحط معلومات ونبدة بسيطة عن ليبيا

تفيد الزائر والسائح ... مش زي موضوع مسابقة

( أجمل البلدان ) ... انتم شن رايكم ؟؟؟

**ابريكه** · 19-01-2010, 11:59 AM

منورة يالفالحة
انا معاكم في كل اقتراحاتك
وتوة عندنا الساعة تقريبا 3
ان شاء الله غدا نلتقي ونتفقوا
وانا حاضرة ومعاكم
ان شاء الله

**hananlibya** · 19-01-2010, 02:02 PM

السلام عليكم و رحمة الله و باركاته

ماشاء الله الليبيات ديمة نويشطات ربي يبارك فيهم و يزيدهم خير و بركة

الفالحة يامرحبتين بيك رغم اني عندي عتب عليك لكن ماعلينا مخلية العتب لما نتلاقوا هههههههههههههههههه

بالنسبة للمطوية ايه هي للسائح باش يعرف وين يمشي و مايريحش في البلاد هههههه لكن مش يعني معلومات بسيطة اعتقد الموضوع بيكون اكبر من هكي ياخوفي نكتبوا معلومات بسيطة نلقوا باقي الدول مدايريين معلقات مش مطويات ياريت نرجعوا في هذا الامر لورد المشرفة و علي قولة من قال ماخاب من استشار و الا شن قولك يافالحة
ياترتر خخخخخخ خخخخخخخخخخخخخخخخخخخخخخخخخخخخخخخخخخ

**ام هدولى** · 19-01-2010, 05:20 PM

مشكوره غاليتنا على الورشه

ورشة عمل في مسابقة ....مرحبا بك في بلدي

ورشة عمل في مسابقة ....مرحبا بك في بلدي

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق