احلى تجمع لاغلى واسمن ا مهات بالدنيا كلها الجزء 79 يارب ننحف سوا تابعوا التفاصيل

[دينه]

يارب يارب يارب
ننحففففففف
بهالجزء
ممنوع الوصفات والمغريات
خخخخخخخ

[SMILE4LIFE]

صباح الخير
دينة حلو العنوان..اللهم آمين

سؤال بنات
هلأ العضاضة اللي فيها سائل كيف أعقمها قبل ما أعطيها لندوش؟
أغليها؟ طيب هي بلاستيك!
أمسحها بديتول؟ طيب البنت حتحطها في تمها!
شو أعمل؟

[SMILE4LIFE]

وكمان مشكلة
عندي دبانة شكلها داخلة من البلكونة من 4 أيام
جننتني
حاولت كل الطرق ولا عارفة اقتلها ولا اخليها تطلع بره
وخايفة افتح الشباك يدخل لي غيرها
شو الحل؟

[lanazn]

صباح الخير

كيفكو يا بنات وشو اخبار البرد عندكو؟؟


سمايل.. انا كنت اجلي العضاضات عادي.. لاني بزكر مرة اني جربت اغليها.. وفي اجزاء منها ساخت..

اما عن الدبانة جربي ولعي شمعة بالبرندة وشوفي..

[دينه]

صباح الدايت والرياضه
سمايل انا كنت احط عليها مي سخنه اغسلها فيها يعني وبس
والدبانه خليكي وراها
زوجي شاطر بقتل الدبان هههههه ماباكل همه

[كيرلي]

اليوم أول يوم تخفيف أكل ان شاء الله.. أفطرت ساندويشة توست جبنة مع خس وشريحة بندورة وشريحة خيارة.. ونسكافيه.

سمايل ضحكتيني على الدبانة احبسيها بغرفة وافتحي الشباك إلا ماتطلع بسرعة قبل ماتفوت وحدة تانية.
العضاضة اغسليها بمي وحطيها بالثلاجة وبس.

دينة.. انتِ يا أم الوصفات خلص مابدنا وصفات عنجد!! انا من اليوم قررت ان شاء الله أراقب كل لقمة بتدخل تمي.. !

أم اللمورات.. يالطيف الله يبعد عنا عذاب جهنم يارب..

لنا.. ماعنا برد لسا بنشغل المكييفات

[دينه]

عملت نسكافه وفطرت نخاله وعليها شوية حليب مابعرف شو اسمها يمكن ويبكس لاني علبتها كبيتها منزمان ووراح حاول احط الاولاد وامشي الساعه 5 في جنبنا حديقه للنساء والاولاد حواليها عاملين متل اسفنج للمشي بس الكسل كان دابحني وطبعا شغل البيت والاولاد
امبارح زوجي سمعني على حالي واني مابهتم بحالي يعني شو بدي اعمل بلبس بلوزات بالبيت وبناطلين حلوه ومكياج خفيف يعني شو اعمللللللللل
قلتله انت مابتقدم اي دعم او مساعده وماحاسس شو عبشتغل قلي انتي ماعبتشغلي شي كله شي بسيط آه ياراسيييييييييي
وقلتله ولادك عفاريت ومابيقعدوا ماشاءالله قال لااااااااااا
قررت ابدا مع انه الظروف شبه الزفت هههههههههه بس لازم ابدا وبس خلصنا
يمكن ماتفهموا شي من كلامي هههههههههه

[دينه]

كيرلي انا بحط وصفات لما بتحكوا بمواضيع الحلويات والاكل لاني عندي هوايه ههههههههه بس خلص ماعاد حط شي الا اذا سالتوني ههههههههه
بحب اعمل للضيوف او زوجي صدقيني مو للاكل من كتر التعب مابشتهي آكل من الي عملته
كيرلي كيف مقاسك 18 وانا مقاسي 18 انا ماعبتزبط معي ابدا لانه انا وزني اكتر بكتير من وزنك واكيد بالشكل فرق كتير
طيب ممكن تقليلي قديه بتكلف الجلسات لانه انا مشكلتي باحتباس السوائل
وبدي اخلص من السلولايت عندي كتيرررررررررررر سوائل بجسمي

[lanazn]

كيرلي: عنا برد شي مش طبيعي وشتا كتير.. ما لحقنا نلبس الاولاد لبس خريفي الا الشتا واصلنا.. وبصراحة انضغطت من هالموضوع لاني مالحقتش اشتريلهن اواعي شتوية..

دينه.. ومين سامعك؟؟ علقليلة عم بتحاولي تزبطي حالك.. تعي شوفي كيف انا صايرة مع الاولاد وشغل البيت وبراة البيت..

الحمدلله اني لحقت اعمل تمليس برازيلي لشعري.. عالقليلة هيك شعري مرتب ع طول..

[كيرلي]

دينة.. رحت هديك اليوم على ماكس وتفاجأت انه مقاسي العادي 14 مش داخل فيي أبداً!! مش انه ديق.. لا لا مش قابل يدخل أصلاً!! جربت 18 وطلع ديق كمان!.. يمكن ماكس مقاساتهم صغيرة؟؟ لانه بسبلاش بلبس عادي 14..
العشر جلسات بتكلف بعد الخصم 1700 درهم.. هي أصلاً 2500 بتذكر بس عليها خصم 20% واليوم بدي أبدأ أول جلسة اذا لقيت عليهم نتيجة بخبرك.

[كيرلي]

لنا.. كيف التمليس؟؟ عنجد بخلي الشعر ناعم كانه مسشور حتى بعد الحمام؟ وكم كلفك لو سمحتِ؟

[SMILE4LIFE]

كيرلي ان شاء الله تنفع معك الجلسات وخبرينا شو بيصير معك
ما شاء الله عنك وعن دينة بديتوا..
أنا من الصبح أفطرت نسكافيه وليزي كيك
الانفلونزا دابحاني بالذات الصداع وشكل ندى على وشك تنعدي الله يحميها ..كأنها بتتغلب لما تتنفس بأسمع صوت خرخشة..

لنا لا برد ولا ما يحزنون لسه حر ودباااااااااااان
مشروع اني افتح الشباك أو البلكونة مرفووووووووووض لأنه ما بأعرف ليش منطقتنا فيها دبان كتير مع أنها جديدة ونظيفة وما بتلاقي زبالة الله يكرمكم ..بيقولوا أنه في الزمانات كانت منطقة سبخة قبل ما يردموها ويعمروها..مش عارفة شو الحكاية
ياريت عندي مضرب دبان..شكلي حأروح مشوار مخصوص أشتريه
مشكلتي زوجي ما بيقتنع إلا أنه الدبان بييجي ورا الأكل بيضل يقولي يمكن نور مفتفتة أكل هون ولا هون ..وأنا بأزعل لأنه يوميا يوميا يوميا بأكنس وبأمسح البيت وبأمسح الخشب بالديتول كمان ولما أكنس بأكنس بالمكنسة الكهربا علشان تشفط كل شي

[SMILE4LIFE]

ميمي شو ضحكت وانغظت من الايميل تبع عمور يقعد قدام ولا ورا
حرام عليه الراجل هلك ابنه ..ما بأحب اللي بيستفز الصغار

فيه فيلم عن الزهايمر على دبي ون..الله يعافينا يارب.. عن جد شي بيقشعر البدن

[ام سنا 2003]

صباح الخير يا امهات
بصراحه عجبني اسم الموضوع(بدكم تنحفوا) فحبيت اتطفل عليكم لاني انا كمان حابه انحف ومليت من شكلي

[lanazn]

كيرلي.. التمليس روعة.. بس حسب مين بيعمله ادا كان شاطر او لأ..

صاحبتي شعرها كيرلي.. عملته قبلي.. ونصحتني ما اعمله.. بعرفش ادا عشان شعرها كيرلي بالاصل والا كوافيرتها اللي مش شاطرة..

بس انا كنت مصممة.. خاصة انه شعري قصير زي ما بتعرفوا وما بينفع ينربط وقت الزنقات وما عندي وقت اسشوره دايما.. وخاصة بالصيف..

انا عملته عند الكوافيرة تبعتي.. كتير شاطرة والسعر عندها كان اقل بكتير من اللي عملت عندها صاحبتي.. اخدت مني 300 دولار مع الشامبو والماسك ..