البيت العراقي لعيييييييييون الحبايب حياكم الله

[غسق الليل]

السلام عليكم ورحمة الله

تفضلو حبايب هاي بيت عل سريع هاي خامس مرة اكتب الموضوع ويختفي بس لا يتكرر الرد ويصير بيتين

النت يخربط لو المنتدى يشكل خير ان شاء الله

كتبت رد بذاك البيت طلع مغلق وداانتظر وماكو وحده تجي تساعدني علاوي بحضني والرد كوبي محمل خخخ

شوفو اليوم ضيعت مع ابو التكسي هو نازاني عربي انا نازاني كردي بقى مااقدر اطلع اجيب اثاث بهل الليل
الخير موجود وانتم جيبو الاثاث والنت مو يحمل صور مثلي نعسان
وحياكم الله .

[لمياء العراقيه]

البيت العراقي للاحلى لمه واحلى كلام الجزء 2

السلام عليكم
اشو اجيت وملكيت احد فاتح بيت فكلت يالله خلي افتحلكم بيت ...ولو ادري راح تضلون تحجون عليه بس يالله اني كريمه بطبعي ههههههه
اني عليه البيت والبناء وشغل الخلفه الي يطلع الروح وانتوا عليكم الاثاث
خطيه ام مريم باعت ذهبها فشوفو منو عده ذهب شويه تبيعه وتكعد البنات
يالله عيوني الهمه الهمه

[russul]

هلابغسووقة عاشت ايدج حبي عالبيت

بالنسبة اللي اني بعدني مفلسة من ورة البيت القديم ومااريد اغرق بالدوويون تالي من وين اسدد

شلونهم الجهال وعلاوي شلون صاار ان شاء الله احسن

[غسق الليل]

هسه الطش الرد قبل مايشكل النت واروح انام تصبحون على الف خير

وينكم لاتبقون بالشارع خفافيش تفضلو عيوني
-----------

مسا الخير اقصد صباح الخير

شنو ماكلين باجه هلقد حاكيين عندنا ام مروة والبيت خلص قلت اكتب اخر رد قبل مانتهجول لبيت الجديد خخخ

هلا سار الحمدلله على السلامة شلونك عيني وشلون الاولاد طلي علينا لاتنقطعين الله يسهل عليكم

شلونكم حبايب ومنو خفاشه اليوم ولو الخفافيش صاين ينامو نوم العوافي اقوم انا همينا كنت اتنظر علاوي ينام
دادا بهدلني ميقبل ياكل ولايتعشى وهو اريد احط راسي وانام يبكي يريد ياكل ويفتح الخزانه اقصد الثلاجة ويفتش بيها هم زين اكل ونام ..
كنا بالموصل عطله يوم السبت ومرتاحين باربيل مااكو عطله غير الجمعه اظاهر حياتنا كلها تعب بكل مكان اكو شي زين وما زين وعلى الله انقهر عل اولاد ماشافو راحه هاي سنتين ثلاث هيم متهجولين من مدرسة الى اخره ومن منهج الى ثاني وهاي زنوبه صاير تخربط من تحكي واختها اليوم تشكيها تقول ماما زينب من تحكي مع البنات بالمدرس تحكي سوري على عربي تقصد بغدادي على ترتيبات من عدها !!!!! لان البنات كرديات ويحكون عربي مكسر وهي خطي متعرف شلون تتعامل معاهم وفترة سوريا اثرت على لسانها صارت من تشوف واحد ميفتهم عليها تحول سوري وعلى الله وجماله لازم نتعلم كردي لابالبال ولا بالحال
هسه انكليزي قلنا خلي نتعلم صاير لغه العالم وابني والله اليوم يخربط بين الاحرف التركيا والانكليزيه وعلاوي شكلو مراح يتعلم شي يريد فلوس يقول دو حمودي يقول له قول تو واختو دو بالكردي
وهلا ام مسرة وام رناوي ها بشري شلون البنات

[لمياء العراقيه]

الحمد لله اني شلت هم
ولكم ثاري المشرفات والله حبابات اني شفت ماكو بيت كلت خلي افتح واحد وام محمد هم فاتحه بيت فخفت كلت بس لا تجي وتكفشني وتصير عركه من وره البيوت بس الحمد لله وحدوه وخلونه في الاتحاد قوه
كافي حجيت هوايه تعبت
هلو رسل شلونج
حبي ام محمد تسلم ايدج خيتوا

[russul]

هلابلمووو

اكولج عيني لاتقشمريني على فتحت بيت الكم ووحدوا ومدري شنو يلا بسرعة كومي اثثي البيت هذيج المرة عديناها بس هالمرة لالالا ترة اسوي انقلاب عليج

[غسق الليل]

هلا عيوني رسوله

علاوي مثل ماهو رجله ماما تقول اعطيه نخاله هذا نقص وفاكهه وعرضيه للشمس
بس احسن مو يعرج هاي كم يوم بس نفس الاعراض مال تنميل
بس والله ماديصير لنا مجال للطبيب وصادف ابونا طلع للموصل وجمعه ودام الاولاد صباحي ومسائي لازم لازمين البيت خفره
ان شاء الله اليوم اذا الله سهل نطلع والمشكلة منعرف اطباء ومانريد مشفى والعين علينو بلكت اندور عيادات ودعواتكم


هلا لمو تسلمي والله النت يادوبك يفتح مو انتهت انك فاتحه بيت
وداحكي مع اخوتي وكل شويه اجرب بالمنتدى وميفتح
وانت من اهل الخير

[غسق الليل]

رسوله بابا احنا ناقصيييين انقلابات قومي حبيبه انت جيبي اثاث بابا بلكت تصلحين ام ديكور وتحصلين تعين
شوفي دوي اثاث بكل مكان ومعاكِ فايل التعيين لاتنسين اربعه صور ملونه حجم كبير 2!!! خخخخ

[لمياء العراقيه]

هلو حب ام محمد الله يعينج ويعين الاولاد الكردي مكروه ب هسه شويه شويه يتعلمون الله يسهل كل صعب يارب
ولج رسول شلونج اغاتي شلون الصحه...هاي مالكيتي تعيين راح تصيرين من المعارضه وتخبصينه بالانقلابات مالتج
خلي اشوف بالكت الكالكم كم شغله ...بس والله اني اضوج من التحميل بس لخاطرج بسيطه

[لمياء العراقيه]

السلام عليكم
يالله لحد يحجي جبتلكم بيت يخبل بس يارب تطلع الصور (حواسم مو )
يالله شوفوا

هذا من برا
يالله خلي نفوت ونشوف شكو ماكو

هذا المدخل

وهاي الصاله

هاي الحمامات بس تخبل
يالله اكمل شويه انوب

[لمياء العراقيه]

هاي غرفه الطعام بس يمكن متكفي لان صلوات هوايه صايرين
يالله عود جيبوا طبلات واكعدوا






وهاي غرفه نوم لاول وحده تجي وتحجي ويايه هسه ههه

هذا حمام لظهر ام مريم وفرقونه لان اكيد هسه ورمت من الردح

[لمياء العراقيه]

يالله تصبحون على خير

[ام مسرة]

السلام عليكم ورحمة الله وبركاتة
اني جيت اول وحدة وهاي غرفة النوم الي
عاشت ايدك ام محمد ولمو البيت واثاثة حلو
ام محمد ربي يعيك ويعين الاولاد على هالبهذلة كل يوم مدرسة انوب كل يوم لغة شكل
ربك يهون كل صعب ويقويكم

[ام مسرة]

اليوم جبتلكم اخر موديل للسيارات كلت خطية شلون يروحون من بيت لبيت
يلا كل وحدة تختار سيارتها







وهاي الشاحنة لرسولة تشتغل بيها بين ميطلع التعين

[ام مرمر و ليلو]

السلام عليكم
شلونكم ياحلوات
عمة بنتي عاشت ايدك على البيت الحلو
لمو عاشت ايدك وانت وام مسرة على الهداية
طبعا شورتوا بيه خخخخخخخخخخخخخ
جبتلكم هدية باجة
بس اضفتها والنت انقطع
وصارلي نص ساعة مقدرت ادخل للمنتدى
من بطلت دخلت للمنتدى خخخخخخخخخخخخ
بطلت مااجيبلكم هدية
البارحة رحت للسوق واتسوقنا واشتريت جهاز رياضي بايسكل
واشتريت كومة خيوط قطن
لان المحل اللي اشتري منه
مرخص السعر للنص
استغربت
يكول لان انتوا دائما تشترون مني
زوجي يقولة انت مو ميت علينة كل مرة فلس متنزل
قالة ابو المحل روح للمحلات البقية وشوف السعر
والله رحت للمحل الثاني والقاه مزيد السعر عن القديم
لزمت رجعت اشتريت مرة ثانية خيوط من عندة قلت قبل ليبدل علينة خخخ
ام مسرة النوعية الزينة للخيوط


ب5 دراهم
بينما قبل يبعيهن 10 دراهم ومرات 9 دراهم
شفتي شلون

بس للاسف ماعنده غير 3 الوان
ابيض وبيجي مائل للاصفر فاتح
وفستقي

سلامي للجميع
ام يوسف 1
ام يوسف 2
ام عبد الله 1
ام عبد الله 2
ام مسرة
فرقونة والعائلة السعيدة وبالخير عليكم الزواج انشالله
فلور
رسولة
سارة 17 عاش من شاف كتاباتك اشتاقينالك
ام سماوي
ام مروة
ام رنا
ام محمد
البنوتة الجديدة من راس الخيمة ياهلا ومية هلا واخيراً لقيت وحدة عراقية من الامارات منورة حبيبتي
رقو
رغود
ام سوسو وام هند
ام سكوت
ويسر بغداد
والام العراقية منورة ياغالية
واسفة اذا نسيت وحدة