البيت بيتنا ... 75

[ghofran2009]

نونا معلش اتعبى شويه فى الرضاعة ومتهيالى هما فى الاول مش بيحتاجوا لبن كتير
كمية قليلة بتكفيهم ويمكن هى بتعيط عشان فى انتفاخات والا حاجة تبقى قرعيها كويس لغاية لما تسمعى صوت
وانتى لازم تشربى سائل كتييييييييييييييييير عصائر ولبن وميه دة هايزود اللبن عندك
وكان فى اعشاب كدة بتتباع فى الصيدلية عشان الام تشربها بتزود اللبن عندك
وربنا يقويكى معلش اول شهرين دول بيبقوا متعبين اوىىىىىىىى

[معمارية مصرية]

ايوة يانونا انا مع غفران لازم تتعبي معها شوية في موضوع الرضاعه
وباذن الله ربنا حيرزقها ماتستسهليش اللبن الصناعي مش كويس ابدا

[adam_mh]

وردة إلي النجمه العاليا

والله العظيم ياجماعه انا من الساعه 6
وانا شغاله يمين وشمال وحميت وغيرتلها
وهشتكا وكمان ادتها ماء غريب وقرعتها والله
والنتيجه ليسه بتعيط مش عارفه اعمل
شويه لسان عصفور عشان الغداء
محدش رد عليا ماء غريب وحش ولا كويس
وكمان بشرب ينسون وشمر وحلبه
وبرده يلا ربنا يبعت

[bent masr]

السلام عليكم
أيوة كده...............رجعنا بقوة 2 جزء فى اليوم

نونا يا نونا............تعاليلى بقى...............
اولا ماء غريب مافيش منه أىىىىىىىىىىىىىى قلق....ده زيت شمر مع بيكربونات,أنا أولادى كانوا بيأربعوه......
ثانيا و ده المهم.........الرضاعة الرضاعة
بصى انتى لازم يجيلك احساس البقرة الحلوب و مرضعة قلاوون....عادى جدا,و تحسى ان ربنا خلقك بس عشان ترضعى 47 ساعة فى اليوم,طبعا الموضوع بيكون خنقة بس معلش استحملى,و الدكتور عنده حق........لو اديتى لبن صناعى هتضرى البيبى لأن لبنك أوتوماتيك هيقل.....كل رضعة صناعى بتقلل لبن الأم التلت..........يعنى لو اخد البيبى 3 مرات صناعى فى اليوم,لبن الأم هيقف فى فترة قصيرة جدا
استحملى التعب و اشربى لبن و عصاير و ميه طووووووووووووووووووووووووووووووووووووووول اليوم

[ام بيسو]

يا جماعه اهم حاجه وزنها بيزيد وله لا
لو بيزيد يبقى ترضعها طبيعى

[معمارية مصرية]

بصي يانونا في حاجه في الصيدليات اسمها بيبي درينك
دي بتبقى مغلفات من الاعشاب الكويسة لمعده الطفل بتغلي الباكيت وتبرديه وتديهولها في البيبرونه وفي منه من شركة ميلوبا بس كنت بجيبه بره ماعرفش موجود هنا ولا لا بس ده بيهدي الطفل ويريح معته ويشبعه كمان تديهملها بين الرضعات انا استعملته مع اولادي التلاته وكان مريحهم جدا بس ماجربتش ماء غريب ده خالص

[ام بيسو]

اديها ينسون كويس
انت حاسه فى اختلاف فلى الرضاعه عن اخواتها حاسه ان لبنك ضعف عن زمان لما كنت بترضعى اخواتها

[معمارية مصرية]

ام بيسو نيمو منورين
امال غفران راحت فين اختفت ولا ايه ؟؟؟

[bent masr]

ميرو و بيسو ازيكو
معلش دخلت حامية
أصل انا من المتعصبين للرضاعة الطبيعى
و بيصعب على اوىىىىىىىىىىىىى اى بيبى يرضع صناعى

[معمارية مصرية]

عندك حق يانيمو
الرضاعه مهمة جدا للطفل مش بس صحيا وعشان نفسيته كمان وعلاقته السوية بامه

[أم جورى]

مساء الفل على الحلوين اللى موجودين مش هلحق اقعد علشان اروح اتفرج على الشفافية

شايفة الصيدلية مفتوحة

نيمووووووووو ما تقوليلى على اسم اقراص الزنك بتاعة الشعر كانت الدكتورة قايلالى لحلا على نوع حلو اوى بس نسيت اسمه بيتمص زى البونبونى

[معمارية مصرية]

شفافيه ايه ياجوجو اللي حتتفرجي عليها؟؟

[bent masr]

لأ أسأل و اقولك يا جوجو عشان مش فاكرة دلوقتى
مش باحب أفتى

[أم جورى]

العاشرة مساء

بيبى درينك وميلوبا كويسين جدا وميلوبا موجود فى كل الصيديليات

[معمارية مصرية]

طيب كويس
اهي جوري جابت لنا الخبر اليقين اصلي انا قدمت ونسيت حواديت البيبيهات دي ( عجزت يعني)