اهلا وسهلا بيكم فى الهدرزه 131 وعيد مبارك ع الجميع

[اريناس]

صباح الخير عالجميع كيف حالكم يابنات نبيكم تدعولي غدوة مروحة للبلاد نهائي ربي يوصلني انا وعويلتي وزوجي سالمين ونشوفكم علي خير مرات اليوم معاش نلحق نخش عندي حوسة والايام الجاية انتم عارفين مافيهاش كيف
نتمى بعد نتلاقوا من جديد نلقى اخبار طيبة عليكم كلكم
سلام ياحلوات

مربوحه يا حبيبه ---وربى يوصلك طيبه انتى واهل بيتك ---

وعقبانااااااااااااا نروحو فرحنين ونجاحين يااااااااااااااارب

[اريناس]

اللـهم صـل علـى محمد و علـى آل محـمد كما صـــليت علـى إبراهيم و علـى آل إبراهيم ، وبارك علـى محمـد و علـى آل محمد كما باركت علـى إبراهيم و علـى آل إبراهيم في العــــــالمين إنك حميد مجيد.

[79nana]

مساء الخير علي وخياتي وكل سنة وانتم بصحة وسلامة يارب واعاده الله علينا باليمن والبركات يارب العالمين

سامحوني ياوخياتي اني مقصرة معاكم ولاكن راني في حالة حايسة في عمري حتى رمضان ماتبننته ولا حسيته اسال الله السلامة يارب يغفرلنا ويفرج علينا ويرزقنا ياارحم الراحمين

اني خشيت باش نباركلكم رمضانكم ونبارك لوخياتي
حرة وريما وعنود علي البيبيات والف الف الف مبروك عليكم وان شاء الله يتربى في عزكم يارب
ونسلم عليك يا وخيتي المغتربة ربي يوصلك بالسلامة يارب
ويارب يرزق بريكة وكيتي واني وكللللللللل من يحتاج الدرية ويارب ينجح كل من يقرا ويارب يرزقك ويفرج هم كل مكروب يا رب العالمين

بلاهي عليكم ماتزعلو مني ويارب تقدرو ضرفي وماتنسوني من دعواااتكم الله يارب يسعدكم ويهنيكم

صيحتي وخيتي بريكة هي الي قالتلي علي اخباركم
وان شاء الله يوصل سلامي ليكم

تحياتي للجميييييييييع

وهادي احلى بوسة علي روسكم كلكم وسامحوني وخياتي مرة تانية لو زعلتكم ولا قصرت معاكم

تحياتي ليكم كلكم كلكم كلكم من غير دكر اسماء

[سلـــــوى]

السلام عليكم :

كل عام و انتو بالف الف خير

و الله ليكم وحشة كلكم كلكم كلم غير الله غالب معاش قدرت نخش و نشارك هلبة في المنتدى

ماشاء الله نوافس السموحات

مبروك يا ريمة وحرة و ان شاء الله صغاركم من قسمكم و عقبالي ياربي انوض على خير حتى اني

حنونة ليك وحشة حتى انتي و ان شاء الله ربي افرج عليك و يعطيك الدرية الصالحة

كل عام و انتم بالف خير و سامحةنا لو قصرنا في حق وحدة منكم و ان شاء االله المدة الجاية نفضى شوية و ضروفي تتحسن و نقدر نرجع تاني نهدرز معاكم

[ابريكه]

سلام لكل الاخوات من نانا
وماتنسوها من الدعاء وتهنئه لحره ولريما بالسلامه

وعقبال للعنود وجي جي وام اسيل وسالي وسلوي
وكل حااااااااااااامل

[اسيل وسالي]

السلام عليكم

كيف حال جميع البنات وشنو داريرين اناشاء الله قمتني ليلة القدر بلقيام وقراية القران
اناشاء الله ويتقبل منا اجمعين
ابريكة الله ايسلمك ---------واناشاء الله رمضان الجديد ندعولك بسلامة ويكون تؤام

[حره فوق رأس حر]

سلااااااااااااااااااااااااااام كيف حالكم يابنات

[اريناس]

السلام عليكم

ريممبروك عليك وان شاء الله من قسمك --وان شاء الله فى جرتهاااا

[اسيل وسالي]

السلام عليكم
كل سنة وانتن طيبات خارج البلاد واللي قاعدين فيها انا شاء الله ينعاد عليكن ياليمن واليسر والبركات
والله العضيم عدة رمضان وماحسينة بس اناشاء اللة رمضان جديد ربي يحقق كل مشتاق امانية
وكل سنة وانتن بخير

[اسيل وسالي]

مبروك لريما وانا شاء الله من الذرية الصالحة

[libyaa2]

يوخيتي سلمها حرة هل النشادة ربي يحفطك بانسبة لاخباري انا جبت بنوتة يوم 7
-9 يعني قبل موعدى بعشرة ايام والحمد لله حالى كويس وبنوتة حتي هي كويسة المهم حرة طمنيني غلي اخبارك وشني صار فيك جبتي ولا مزال ان شاء الله ربي معاك وربي اساعدك والله تستاهلي كل خير يا حرة

ماشاء الله
الف الف الف الف الف مبروك وتتربى في عزك على فكره نفس يوم عيد ميلادي ههههههههه

[حره فوق رأس حر]

كل عام وانتم بصحه وسلامه يارب
وان شاءلله مانفقدو عزيز علينا
ياااااااارب

[دلوعة ليبيا]

كل عام والجميع بألف خيــر يارب

[اريناس]

السلام عليكم
وعرب ليبيااا كل سنه وانتم طيبين

[ملكة بنقابي~]