اهتمامات سنة اولي مدارس...ياللا يا هوانم

[Ananasa]

بصي انا بردو قلت هجيب الحاجات بدري
هما طلبوا كشاكيل 9 اسطر
وكشاكيل انجليزي
وكشاكيل مربعات للحساب
كللهم 100 ورقة ولو مالقيتيش 100 يبقي 80
بس معلومة كدة : انا لفيت السنة اللي فاتت علي كشاكيل مربعات 100 او 80 لكن مافيش في السوق غير 60 بس( مربعات)
وطبعا كراستين رسم
وهاتي بقي جلاد احمر واصفر وازرق وابيض وشفاف كلله من البلاستيك الجاهز دة
وتيكيت بقي كتييييير

[om body&yousef]

طيب انا ان شاء الله هنزل اجيب الحاجه دى منين

[om body&yousef]

طب يا اناناسه انتى جبتى الشنط ولا لسه

[احلى ماما]

موضوع لذيذ اوى يا جماعة بجد ميرسى يا انوس وشكرا لافكارك يا ام بودى
كفيتى ووفيتى يا ام جورى يا جميلة بس انا بدى لبنوتى كمان معقم الايدين علشان كتير التيتشر مش بترضى تخليها تروح التواليت كل شوية تغسل ايديها

[Ananasa]

لا انا ماجبتش الشنط لسة بس شوفت شنط حلوة في سمير وعلي
وفي رشا وراندا

[om body&yousef]

طب ايه رايك فى toysr'usفيها حاجات حلوة انا بفكر اروح اسال هناك

[أم جورى]

الشنط تحفة جدااااااااااااااااا فى اور كيدز خصوصا بتاعة البنات بس غالية

وكمان فى محل بليز مم فى كايرو مول

لو عاوزة شنط مش ماركة بس حلوة جداااااااااا هتلاقى فى مكتبة الرشيدى

اشكال كتيييييييييييييييير

[Ananasa]

هو توييز ار اس فين في مدينة نصر
طب والله يا جوجو ممكن اشوف اوركيدز دة بحبه قوي بس الشنط بكام هناك اصلها في سمير وعلي بحوالي 100 جنيه كدة

[om body&yousef]

فى سيتى ستارز الاكستنشن الجديد فى الدور الاول
و فى فى الكوربه قدام حريه مول و هوا ده الى انا روحتو
و بنسبه للجيل هو فعلا حاجه كويسه اوى و انا جبت لبودى منه لانه مش المدرسه بس فى حتت كتير مابنعرفش نغسل ادينا فيها علشان كده هو عملى جدا و انا بنصح الكل انه يجيبه انتو عرفين الايام دى عمله ازاى

[om body&yousef]

اسعار الشنط ممكن تكون اغلى شويا بالنسبه لسمير و على بس فى تشكيله حلوه فيها شخصيات space toon

[nashwa1]

ما شاء الله موضوع حلووووووووووووووو جدا
على فكره فى محل اسمه سسم كلب فى مصطفى النحاس عنده حاجات حلوه للاطفال شنط سبايدر ودورا ولانش بوكس وحاجات حلوه واسعاره كويسه

[أم جورى]

هتبدأ من 150 وانتى طالعة البرج

[أم جورى]

ما شاء الله موضوع حلووووووووووووووو جدا
على فكره فى محل اسمه سسم كلب فى مصطفى النحاس عنده حاجات حلوه للاطفال شنط سبايدر ودورا ولانش بوكس وحاجات حلوه واسعاره كويسه

كلب يا ساتر يارب

اسعاره ايه يا نوش وفين بالظبط

[nashwa1]

ماشى يا جوجو ملكيش فى العنجليزى
اسمها سيسم كلااااب يعنى جمع كلب قصدى نادى سمسم
الشنطه كانت 70 جم وحلوه جدا
واللانش بوكس من 25 ل50 جم

[om body&yousef]

لا هيا قصدها sesem clubانا عرفاه دى قريب من شارع الطيران و قبل المحكمه يعنى فى النحاس ما بين عباس و الطيران مدينه نصر