عقبالك يا سابى انت وكل بنت يااااارب يرزقكم بالذرية الصالحة اللهم امين
لسه كتييير تابعيني
لسه كتييير تابعيني
-
-
هههههههههههههههههههه...........
دمك زى العسل ............ضحكتينى بجد من كل قلبى..........ربنا يبارك لك فى اولادك يا رب
متابعة معاكى للاخر............تعليق
-
روحت البيت فى نفس الليلة بالليل تقريبا الساعة 2 ..
مى طول ما كانت فى المستشفى كانت سااااااكته وو نايمه زى الملاك
اول ما دخلنا البيت
حطيتها جمبى فى السرير و محمد مع نفسه فى الصالون طبعا اومال البت تتبطط يعنى وقلت انااااااام بقى ارتاااح من بعد تسع شهووور لدرجة كان نفسى انام واشخر .. افترا بقىىى و كبت و قهررر
هما تلات دقااايق بس
وااااااء طبطبت عليها
واااااء "اعلى م الاولانيه" طبطبت طبطوبتين
واااء واااء واااااء وعااااااااااااا لا انا كدا اللى هعيط ..
مااا حااا مااا ااا ااا د
مش قادرة انادى .. مش قادرة اعلى صوتى لدرجة انى مش سامعانى يعنى بحرك شفايفى وبس ومحتاجة بلاى بااك بقى يشتغل من ورايا يقوم بمهمة اصدار الصوت
حاسه روحى بتتسحب و مجرد انى انادى دى عاوزة طاقة جبااارة مش عندى عايزة اقوووم اتسند على ضهر السرير .. مش قادرة ارفع ضهرى معنديش اى طاقة نهائى واحساس بالوهن الشديد
جه محمد على وأوأة مى طبعا
انا بالاشااارة . قومنى فقعل باله " مش كنا خلصنا من قومنى دى "
نااا ووو للل نن ىىىى م اااا ىىى
ادانى مى و ادركت بذكائى الخارق و عاطفة الامومة انها اكيييد بتعيط عشان جعانه و الدكتورة قالتلى لما تعيط يبقى يا جعانة يا بطنها وجعاها يا الخيار التالت اللى ريحته وحشه
يارب تكون جعانه بس
رضعتها ونعست اهى .. قمر قمر ياخواتى قمرررر امواه امواه امواه
نامت الحمد لله
محمد كل دا واقف على باب الاوضه " امشى يا ست هانم " "بطريقة عثمان بتاع افلام زمان "
انابالاشارة .. انا ج ع ا ن ه ا و ى
كنت حاسه بهفتااان فظيع بشع حاسه ان بطنى وقعت منى وان قفصى الصدرى لزق فوسطى و مفتقدة احساس البطن
فى حاجة ناقصه فعلا .. اضافة للجوووووووووووع
الحمدلله ماما كانت عملالى اكل
الحمد لله محمد عرف يغرفلى لوحده وابدى مهارة فائقة فى انه ميكسرش اى اطباق ولا كوبايات فى المطبخ " دخول الراجل المطبخ دا اسوأ شيىء ممكن يحصل فى حياة اى زوجة لان اضراره تعتبر اخطر من اضرار انفجار القنبلة الذرية "*(1)
لسه هاخد اول معلقة شوربة فبقى مى صحيت و طبعا وااااااء ابصلها فى استعطااف
و النبى و النبى اااكل
واااااااء
افتكرت كلام الدكتورة تانى هو شكله الخيار التالت .. اشوف البامبرز كدا .. هو انا عارفه ماليش بخت فطبق الشوربه دا
يااا مم ااا ح ااا م اااا د
ناولنى البامبرز
و تقريبا فضلنا على كدا لغاية الصبح
لا فى الحقيقة لغاية كل الوقت اللى بعد كدا
اجى اكل مى تقلق مش عارفة استمتع باكل
اكل وانا برضع اكل وانا بسكت و بطبطب اكل وانا بفتكر يا ترى غيرتلها على صرتها كام مرة النهارده
هى البت بتحول هى بتكح
هى لحقت تعملها
اتقلب نظام حياتى ليلي نهارى فى خدمة مى و الاعباء الجديدة
كل شوية غسيل كل شوية مواعيد دوا و قطرة و تسكيت و طبطبى على ضهرها بعد ما ترضع احسن يجيلها مغص وتقرفك
ما هى قرفانى من غير مغص بردو
بس يا سلام .. يا سلاام عليها اما تشيلها كدا و هى نايمه و تتأمل كل سم فيها و تستمتع بالصمت و تحاول تخطف خمس دقايق نوووم " و تشخر "
نسيت احكى عن اول حمام لمى
اول اسبوع كنت بشطف بالسفنجه و بس لغاية ما السرة تقع
و بعدين
جبتلها طبق صغنن من اللى بيحمو فيه البيبي
وعملت ايه بقى
شيلتها على ايدى زى ما ماما قالتلى بالظبط
و مسحت جسمها بالصابون و شطفت بالميه و تمام التمام
و بعدييين
رغيت اديا برغوة الجونسون وغسلت وشها
و البت تصوووت و مش قادرة تاخد نفسها وعنيها احمررررت
يالهوووى يالهووووى
و فضلت اقولها انا اسفة انا اسفة و اشطف بسرعة و شها وانشف فيه و انا حاسه بتأنيب ضمير فظيع
و قعدت اعيط و ابوسها واقولها اسفة مكانش قصدى والله مكانش قصدى
وهى تاخد نفسها بمسكنة كدا تقطع القلب
كلمت ماما بستفتنى طبعا وقالتلى فى حد عااااقل " هى افترضت العقل انا مالى " يغسل وش عيلة عندها اسبوع بالشامبو
كان موقف فعلا وقعلى قلبى اوى بس خلينا نبص للجانب المشرق فى الموضوع وهو انى عرفت ان مش المفروض ان الولاد يتغسل وشهم بالصابون او بالشامبو وهما صغيرين
مى عندها عقدة من غسيل الوش بالصابون لحد دلوقتى على فكرة
*****************
(1)حقيقة علميةتعليق
-
فضلت مى وقت مغلبانى فى موضوع النوم بسهر لوقت متأخر جدا وانا زمان كنت غلبانه و بنام من الساعة تمانية و يوم ما اقول سهرت تبقى عشرة لكنها كانت مبتنيمنيش قبل الفجر ..
اضافة للزن بقى واللى ميحلاش الا وانا بغسل الغسيل او المواعين او بطبخ و البصلة هتتحرق ع النار او اكون اتهديت و جيت اترمى جمبها الاقيها فتحت بالوأوأة
يا بنتى ارحمينى انتى مستقصدانى!!
و الظريف بقى فى الرجاله انهم طول ما العيل بيضحك و يلعب يشيلوه من باب انهم لقيوا حاجة يلعبوا بيها "مش يلاعبوها"
واول ما يزن او تحدث منه بادرة زن الراجل ممكن يرميه من اقرب نافذة مفتوحة ويدخل يشوف اى ماتش يتفرج عليه
فكنت بضايق جدا اما بكون بعمل حاجة و مى تزن و الاقى محمد ولا كأنه هنا من اساسو مالوش دعوة خاالس
:طيب شيلها بس هتسكت عقبال ما اخلص
:لاء تعالى شوفيها و بعدين كملى طبيخ
اجى اشوفها و اقعد بيها شويه عشان تسكت الاقيه يقولى
:هو احنا مش هناكل بقى والا ايه
:يا تاخد مى تسكتها يا اما تقوم تكمل طبيخ مش فاضل الا الرز
دا غير مشوار السوق و اللى كنت لازم اشيلها على قلبى وانا رايحة و الف انقى فخضار و فاكهة و اجيب عيش و انا شايلاها لا قادرة امشى و لا عارف اخد راحتى و اشترى كل اللى عايزاه مرة واحدة
لغااية ما بقى مى عندها اربع شهور بالتمام و الكمال
:محمد انا مرهقة جدا .. حاسه بهفتان و ضعف حيلي اتهد
:معلش حبيبتى ربنا يقويكى
:منتا لو بتساعدنى وقلبك عليا مكنتش بقيت زى عامله الجاموسة فى الساقيه كدا مبلحقش ارتاح
:انا مبعرفش اعمل حاجة فى البيت وانت عارفه
:ما تعرف يا اخى ما تتعلم ما تقوم توضب اى حاجة على اد ما تعرف
:انا عارف مش هنخلص
:طب انا عاوزه اروح اكشف انا تعبانه بشكل غير عادى
:طيب روحى
بعد العودة من الكشف
:محماااااااااااااااااااد الحقنى انا حامل اعااااااااااا
: مش قولتلك تروحى تنظرى حولك انا كلامى ولا على بالك انا كلامى مببيتسمعش
انا بهاتى مع نفسى
: وانا مالى ما هما قالولى اللى بترضع نضيف مبتحملش ثم انا انشغلت ثم المفروض الحكاية دى تبقى ع الرجاله ما كفايه الهم اللى الستات شايلها كل حاجة فوق دماغتنا كدا
:نعم رجاله ايه رجاله ازاى يعنى مالها الرجاله ومال الموضوع دا من اساسو
: و بعدين
: ولا قبلين ياختى مبروك و اعمليلك قفله بقى
: اعملى قفله ايه انت شايلنى فوق راسك ومش طايقلى كلمة وانا حااامل و تعبااانه
: معلش
: اعاااااااااااا
: ما خلاااص معلش
: اعااااا
: معلش يا حبى ربنا يقومك بالسلامة
: ميرسى
*************
فترة الحمل دى كانت من اصعب ما يكون برغم انى مكنتش لا برجع ولا بدوخ انما الارهاق اللى كان بيعصرنى من رعاية مى ووهن الحمل نفسه كان تقريبا قرب يقضى عليا تماما
لغاااية ما ربنا اكرمنى و صلت لمرحلة ولادة محمود "مودى"
كانت ولادة صعبة جدا لدرجة تخيلت انى مش هطلع منها وكان مودى مولود بحالة اختناق نتيجة التفاف الحبل السرى حول الرقبة و دا عملى فزع اضافى وانا فى غرفة الولادة و بقيت اقول مبيعيطش ليه مش طالعله صوت ليه
مبيعيطش مبيعيطش
حكاية خدت نص دقيقة يمكن انما فاكرة شعورى لغاية دلوقتى و الرعب اللى حسيت بيه وازاى كان قلبى هيقف
لغاية ما سمعته بيعيط اطمنت و كما العادة قعدت اعيط
اللذيذ بقى ان مودى اللى كنت بقول مبيعيطش ليه
طلع زنان اكتر من مى بمراااحل
***************************
لكم ان تتخيلوا رعاية طفلين واحدة عندها سنة وشهر و التانى لسه مولود ومعاييش حد يساعدنى لان محمد شغله بياخد النهار كله و ماما صحتها على ادها و لوحدى تماما فى الحوار دا
اوقات كنت بضطر انزل اجيب حاجاتى وانا شايله الاتنين مى كانت لسه يدووب بتتعلم تمشى و تظبط اتزانها و مودى طبعا شايلاه و مى تتحرك خطوتين و عاوزه تتشال هى كمان
جبت عجلة بيبي تساعهم هما الاتنين لكنها بردو مشكلة فى التنقلات خصوصا لو رايحة عند اى حد لازم اقفلها و اشيلها و اطلع العيال و بعدين انزل اطلعها وحواااااار
وساعات كنت اسيب الاتنين نايمين و انزل جررررى ع السوق و السوبر ماركت اجيب طلبات البيت قبل ما يصحوا
اطبخ و اغسل و اراعيهم و افضل الف حوالين نفسى طول الوقت لغاية ما الساعة تدخل على 3 بالليل اسقط فى مش نووم وانما حاجة شبيهة بالغيبوبة
من المواقف اللى منسهاش فى الفترة دى انى فمرة قولت اشطه العيال نايمه انزل اجيب طلباتى نزلت و جيت بسرعة لقيت الجيران مستنينى فى الشارع
دخلت جرى قولت اكيد حصل مصيبة قربت من باب الشقة و انا سامعة صوت مودى بيصرخ دخلت بسرعة عشان الاقى مى جايبة واحدة يوسفى ودهساها فوش مودى زى ما تكون كانت عاوزه تأكله فدعكتها فوشه
كان مودى عنده حوالى شهرين ومن ستر ربنا طبعا انه مجرالوش اى شيىء ومن ساعتها حرمت و بقيت اخدها معايا وانا نازله او اخده هو المهم مسيبش الاتنين ابدا مع بعض حتى لو نايمينتعليق
-
بعد ما تعبت من وجود الاتنين معايا فوقت واحد فكرت انى اودى مى حضانه فى فترة الصبح البيت يروق و يهدى شويه و هى تلاقى كمان حد يلعب معاها ترجع تنام و تريحنى كان صعبان عليا انى اوديها فى سنها الصغير دا سنة و تلات شهوور تقريبا بس كان انسب الحلول اللى قصادى
اول يوم راحت فيه حسيت بان فى جزء منى بيتقطع ازاى سيبتها لناس غريبة و متعرفهمش ولا يعرفوها طب هيأكلوها هيشيلوها هيعتنوا بيها زيي انا
طب افرض انها خرجت م الحضانه من غيرما يحسوا طب افرض انها مسكت اى الة حادة _على اعتبار انها فى ورشة خراطه _ و عورت نفسها طب افرض عيل تانى ضربها و الا يكون حد عنده مرض معدى والا قعدت تزن ومحدش عبرها و سابوها تنفطر م العياط و عشرااات الاحتمالات و الافكار السوداء طبعا فضلت تلفلف فى راسى و تخلى ضميري يأنبنى و ان ازاااااااى اكون ام كويسه واسيبها كدا المهم روحت خدتها م الحضانه بعد نص ساعة بس
*************
بعد كدا محمد نفسه اقنعنى ان دا عادى وانهم اكيد هيعتنوا بيها و افضل ليا عشان اقدر اعدى المرحلة دى ف ابتديت انى انتظم فى ارسالها للحضانه و هى كمان ماشاء الله كانت ذكية و ابتدت رحلة القلم معاها من سن صغيرة جدا و كتبت ( أ ) وهى عندها سنة ونص بس , كنت سعيدة و مبسوطة بيها جدا و لقيت بعد كدا يعنى مع الاولاد ان الطفل اما بنبتدى فى تعليمه بدرى فعلا بيكون مميز عن انه نفضل مأخرينه و مستنين عليه لغاية ميعاد الروضه العادى
*****************
كان اهم ما يميز المرحلة دى هو تعويد الطفل و تحبيبه فى الاكل
ف افضل طول النهار بلف ورا مى بطبق الاكل
يالا حبيبة ماما يالا هم فى بقه و هى بتجرى قصادى فاكرانى بلاعبها
تدخل تحت السرير و عايزانى امسكها
يا بت اطلعى وجعتى قلبى مفييش نفس لتحت السرير
فكانت تقول اول كلمة اى طفل بيتعلمها فى دنيته مش ماما ولا بابا ولا اى حاجة كانت تقول لااااااااااااء
لااااء بعزم ما فيها وكأنها بتنهى النقاش حوالين موضوع الاكل دا
وفى الحقيقة ان مى فضلت قرفاااانى فى الاكل لغاية ما بقى عندها اربع سنين ودا ناتج عن اصابتها المتكررة بالتهاب الحلق و اللوز و اللى خلانا نعملها عملية اللوز اول ما تمت اربع سنين
************
فاكره انها دخلت ربع ساعة بس غرفة العمليات و فاكرة انى فضلت رايحه جايه جايه رايحه واول ما خرجوها كانت مدروخه من البنج واول ما فاقت ابتدت تعيط و تتألم وانا قلبى بيتقطع و عماله اعيط جمبها و بس يا ستو معلش يا حبيبتى
انشالله كنت انا
*****************
بما ان مودى و مى فوق رووس بعض فدا كان مخليهم عامليين _ولازالوا_ زى توم و جيري طووول الوقت اديهم فى دماغ و عيون و حلوووق بعض
يا بنتى بس اخوكى الصغنن يا ابنى بس عييييب
يحدفوا بعض باللعب و فى الغالب انهم بيخطئوا الاهداف ف اللعب تيجى فى الفازه اللى فوق التلاجه الساعة والا البرواز اللى ع الحيط او كتير اوى فدماغى انا شخصيا
دا غييير بقى اللعب الزوغننة اللى بتبقى فى كل مكان فى ارض البيت و طول ما انا ماشيه اه اىى اااخ و الم كل الكلام دا ف اكياس و علب عشان مى تاخد الاكياس و تدلقهم ورايا تااااانى ولا كأنى عملت حاجة
فى نهاية المطاف و كما تفعل اى ام عاقلة _كانت عاقله_ اقوم اصوووووووووووت ببببببببببببببببسسسسسسسسسس انتو ايه عايزين تجننونىىىىىىىىى حرام عليكم انا بشر اعتقونى و اهمدوا شويه لوجه الله
****************
كلمة ماما احلى كلمة ممكن اى انثى تسمعها فى حياتها خصوصا لما تبقى كدا
ماما اخويا ضربنى
ماما هى عضتنى
ماما بي بي
ماما اشرب
ماما استحمى
ماما بابا فين
ماماتعالى اكتبيلي الواجب
ماما انتى بتعمليلي الواجب غلط
و لو بتكلم فى التليفون بقى يبقى فى اتجاهين للسلوك
اولا يا اما متحلاش الطلبات و الكلام معايا الا فى وقت التليفون يا اما ينتهزوا فرصة انشغالى بالمكالمة لارتكاب جرائم تفوق فى فظاعتها جرائم المافيا وال كابونى
من دخول للمطبخ و اخراج كل اللى فى الدولاب مرورا بالتلاجة و مزج محتوياتها ببعض نهاية بالسجاد اللى بيتملى ميه من رجليهم بعد ما غرقت من لعبهم فى الميه فى الحمام و كتير اوى كنت بقفشهم مش بيلعبوا فى الميه بس وانما فى اخر مكان ممكن يلعبوا في الميه اللى موجوده فيه
تعليق
-
مودى ابنى ذكى ذكاء يصل الى حد العبقرية خاصة فى حاجتين اولهم
الجيمز
من وهو عنده حوالى اربع سنين وكان يقعد ع الكمبيوتر زى الاروبه يقفل اى لعبة جديدة عليه بمهارة تفوق مهارة هودينى فى فك قيوده تحت الماء دا غير انه معندوش مانع يلعب اى العاب اخرى حتى وان كانت مقرفة مثل مطاردة الفئران فى البيوت المجاورة او مدمرة كقيامه باشعال النار فى مجموعة من الاوراق كانت ملقاة فى المنور " كان بيجرب الحريقة شكلها ايه " او تلقين فنون النفسنه للبريء ميزو و الذى يعتبره خليفته فى الملاعب
و ثانى حاجة فى النفسنة
عليه شوية نفسنه اموووت و اعرف جايبهم منين اذا تم عقابه على امر ما لا يهدأ باله ولا يحزن لما نزل به من عقاب بقدر ما ينشغل بكيفية ايقاع باقى اخوته فى مطبات طبيعية واصطناعية بحيث يبقوا كلهم فى الهوا سوا
فتراه منشكح السريرة مشرئب الفلنكات حتى ان علقته فى راس السرير و نزلت فيه ضرب بالبراطيش
إذا قلت لمى قومى نضفى اوضتك يا مى تروح تلم اى زبالة تحت السرير و تحشر الغسيل و سخ على نضيف فى دولاب واحد و تترك الاوضه اكثر اتساخا و تقولى خلاص خلصت
اذهب لارى ما ارتكبته فى حق نفسى من مزلة بعد ان طلبت منها مساعدتى فارى المأساة فيرتفع صوتى بالصراخ دااااااااا منظر اوصه متنضفة دا وهى متبهدلة كانت انضااااااااااااااااااف
و اجلس جانبا انعى بختى المايل فبنتى التى لا تجيد اى شيىء فى الاعمال المنزلية و تدفع مرارتى للانفجار بعد وقت ليس ببعيد
فيأتى مودى متدحلبا و طبعا واضح يعنى ايه بيدحلب اى بيصطاد فى الماء العكر وهو افضل واسهل انواع الصيد
فيقول وعلى شفتيه ابتسامة خبيثة ماما تحبى اساعدك فى حاجة
غووور نضف اوضتكم يعنى يا بارد مش شايفنى بهاتى مع اختك من الصبح
فيذهب كما اللهلوبة يرفع السجاد و يكنس تحته و تحت السرير و يطبق الهدوم و يهندمها و يرصها فى الدولاب و ينفض السراير ثم يأتى الى كمن نجح فى تحرير الاقصى بطرقعة اصبعين فى بعضهم فقط فيقول خلاااص
فامتدح كفائته و شطارته و اهبده شلوط قصدى نص جنيه مكافأة فيلعب حواجبه لمى مع بعض حركات ب ايده من نوع فلفل شطه و يطلع لسانه كام مرة كدا لغاية ما البت اعصابها تستوى فتنقض عليه و يصبح الاثنان عبارة عن كرة واحدة ملتحمة تصدر عنها اصوات كصراع الديناصورات المنقرضة فاصبر دقيقة اتنين لعلهم يتقوا ربنا فيا و يسكتوا ابدااااااااااا
فأصوت ببببببببببببببببببسسس
حرام عليكم الاوضه مكملتش خمس دقايق كدا اللعب كدا الكوفرتات دا منظر سراير منكم لله عايزنى امووت عايزين تعملوا فيا ايه
فيبدأ الاثنان فى حوار من نوع هو اللى ابتدا وهى اللى ضربتنى الاول لفترة لا تقل عن نصف ساعة فاشعر ان دماغى تمرح فيه اوركسترا سيمفونى احتلتها كتيبة من القرود اتسند على الحوائط وصولا لغرفتى واغلق الباب خلفى تاركة اياهم يكملوا حوار الطرشان الخاص بهم اما انا فامسك بسماعة التليفون و اتصل بمحمد فيقول سلام عليكم فاقول له خدلى بتارى من ولاداااااااااااااااااااكتعليق
-
ما شاء الله
ضحكتينى جدا والله
وخوفتينى كمان....احنا لسه فى اول فصل من الحكايه وربنا يستر من اللى جاى
ربنا يخليلك مى و مودى
بس خطر جدا موضوع انك تسيبيهم فى البيت وتنزلى دا...بس الله يكون فى عونك
كملى واحنا معاكى
تعليق
-
عسسسسسسسسسسل
والله عسسسسسسل
ضحكتيني
واااااااااااااااااااااااخ
رجعتيني بالزمن لقبل 3 سنين ونص لما كانت بنتي صغيرة كتييييييييييييييير
والنوم والشغل وزوجي
يا لهويييييييييييييييييييييييي
رح ارجع لكل هالمشاكل كمان 7 شهوووووووووووور بس مش مع بيبي واحد
مع توأم
الحمدلله
كملي احنا متابعينتعليق
-
يااااااااااااناااااااس عليكي..يختي عليكي يأم مودي ومي..انت عسسسسسل..
ههههههههههه
ماشاء الله عليكم كلكم..
الله يخليكم لبعض وربي يهديهم ويحميهم يارب...
اسمعي.. انت لازم تكملي القصص هذه .. ياويلك لو طنشتينا..يااااااااااااااااااااويلك..
أنا باختصار صرت مدمنة لمذكرات ماما المطحونة.. ههههههههههههههههههههه
بصراحة مذكرات رااااااااائعة واسلوب دمه خفييييف جددددددا وحكااااااااااوي فظييييييعة
ههههههههههههههههه
كنت اقرا وزوجي جنبي وكل شوية أضحك بصوت عاااااااااااااااااااااااالي وأقهقه ههههههههههههه
ههههههههههههههههههههههههه
ياااااااااااالهوي!!!
معقووووووول!!
ياخرااااااااابي!!!
يارب ساعدهااااااااا!!
هههههههههه
وعلى هذا الحاااااال..
زوجي صابته حالة هستيرية كل شي ينط من صوت القهقهات المفاجئة.. ويرفع حواجبه ويقلب عيونه ولسان حاله يقول" البنت تجننت"!!!!!!!!
هههههههههههههههههههه
شكرا ياعسوووووولة.. عيوني دمعت من كثر الضحك.. لازم أروح الحمام..
بانتظاركتعليق
-
ههههههههههههه
يسلموا يسلموا
ذكرتني في حالي أنا وأخوي زمان كنا علي روس بعض
نفس القصص دي بالزبط لكن كنت أنا مشاغبه أكثر
علشان بابا مدلعني زياده لأنه عنده ولدين وأنا البنت الوحيده
ياريت تكملي في إنتطاركتعليق
-
هههههههههههههه
لأ بجد إنتي لازم تنزلي كتاب فيه المذكرات الجاممد دي
دمك زي العسل و أسلوبك جذاب أوي
كملي احنا معاكي و متبعينكتعليق
-
بجد بجد .. استمتعت وضحكت وانا بقرأ مذكراتكـ ..
منتظره الباقى ..
متتاخريش يا عسل .._ _ _ دخول متقطع _ _ _
تعليق
-
هى الحكاية ممتعة بفصولها بس بردو متعبة و مرهقة يعنى زى ما بيقولوا مفيش حلاوة من غير نااار
منورانى يا جميلة
الله يتملك على خير و يقومك بالسلامة يا قمر و يقويكى على رعاية الاتنين الجايين و اختهم كمان ربنا يهديهالك و تبقى متعاونة وحبوبة ان شاء اللهعسسسسسسسسسسل
والله عسسسسسسل
ضحكتيني
واااااااااااااااااااااااخ
رجعتيني بالزمن لقبل 3 سنين ونص لما كانت بنتي صغيرة كتييييييييييييييير
والنوم والشغل وزوجي
يا لهويييييييييييييييييييييييي
رح ارجع لكل هالمشاكل كمان 7 شهوووووووووووور بس مش مع بيبي واحد
مع توأم
الحمدلله
كملي احنا متابعين
منورانى ام تولين يا سكرة
اسعدنى جدا انك اتبسطتى فى صفحتى هنا
تابعى معايا باقى الحكاوى و ان شاء الله تعجبك
اهلا بيكي حبيبتى منورانى و يسلملى المرور الكريم
تسلمى حبيبتى انتى اللى شربات ورد
تابعى معايا لسه دا انا شوفت العجب العجاب مع ولادى دول الله يهديهم
منورة يا جميلة و تعيشى و تضحكى و تسعدى ان شاء الله
و تابعينا بردو لسه كتيييرتعليق
-
عاوزة اوضح طبعا ان المذكرات و اليوميات دى خاصة بيا مش ناقلاها
و كتبتها على فترات متقطعة من مدة كبيرة و هتلاقوها على النت باسمى فى المنتديات الاخرى no0r
تعليق
تعليق