احلى تجمع لعسلات اسكندرية

[_سمآت_]

ايوة فعلا عندي المسرع اللي بتقولي عليه ده

وانا هحاول انزله تاني
لما اشوف بجد نفسي اتعلم الفوتشوب

عارفه يا هنا لو اتعلمته يا سلاااام

يارب ينزل وهبقي اقولك ع النتيجه

فينكم يا مصريااات ...؟؟؟

[هناء روح]

انا كنت شايله هم تعلم الفوتو دا بشكل غرييب

بس طلع سهل جدااااا .. واي مساعده انا بالخدمة حبيبتي

انتى بتندهي على عيل تايه يبنتي ...

الناس مشغولة .. متستعجليش ..

[_سمآت_]

ههههههههه ضحكتيني يا هنو بجد اه يا قلبي حلوه العيل التايه دي ههههههههه
ربنا يسعد قلبك ياااارب ويتم حملك ويقومك بسلاامه الله

والله نفسي يا هنا اتعلمه وانزله اصلا
عندي استعداد جدا أتعلم
وان شاء الله اول ما انزله ههريك اسئله متقلقيش هههههه

المهم ازيك وازي الاولاد يااارب تكونوا بخير ؟؟؟

[هناء روح]

الحمد لله يا قلبي .. على راي الاماراتيين .. لايع جبدي
يعني قرفانه وغثيانه وحالتي حاله بس على مين انتي عارفه انا محاربه قويه ..

الاولاد اهم الحمد لله .. بخير وفي فضل ربي .. عبودي هاري بطني بوس قلتله بلااش ماانت بسته المرة اللي فاتت سيب دا في حاله ربنا يثبته ويكمل على خير ..

المهم ابوه الله يباركلي فيه عمال يقنعه ان عنده بيبي هو كمان بس التاني مش مصدق ال ايه عشان بابا ولد ..

وانتِ يا قمر اخبارك ايه واولادك .. ياترى عامله ايه في غربتك حاسة بوحشه ولا الناس حواليكِ طيبين ..!

بالنسبة للفوفو اهريني ولا يهمك ورانا ايه

منتيش عايزة ثيم صحيح لموبيلك ولا نغمه تعالى ع الرابط لحسن السوق واقف الحقي قبل ماييجي حد

[_سمآت_]

ياريت يا هنو والله نت هتلاقيني اول الناس علي بابك لثيم
بس لسه موصلناش لهذه التطورات خخخخخخخ
معلش لسه انا في الزمن اللي وراه ههههه

وانا بنزل الفوتشوب اهو لكن النت بطيء مووووت كل ما يفصل تلاقيه معتش بينزل فبضطر اوقفه

اول ما انزله لا تكلكي هقووولك ع طوووووول وررر ورااااك
وبلاش اللغات الصعبه اصل انا الفهامه مش شغاله ....خخخخخخخ

والله ربنا يكرمك ويهديلك عبوودي يااارب
ويتم لك حملك بخيير

[هناء روح]

اللهم آآمييين يا قلبي

هستأذن بأه ظهري بدأ الشغل .. هقوم اريح ..

طمنيني دايما عنك يا قمر

[yomizo]

بيت العــــــــــــز -- كلاكيت 14 مرة

السلام عليكم ورحمة الله وبركاته


انا فتحت بيت تانى جديد عشان يكمل مسيرة معرفتنا الحلوة
ويارب ماتكونش نفس المسيره اللى فاتت
وان شاء الله مايكونش في مخالفات تانى بسببكم والا هيكون الحساب عسير جدااا المره دى مش مجرد غلق البيت كام يوم
وقد اعذر من انذر

مافيش مخالفات
ولا في اى كلام هامشي ولا تجريح مباشر او غير مباشر من اى عضوة مهما كانت
والكلام يسيري على الكل بما فيهم انا شخصياًً
ولا في كلام عن اى حياه شخصيه منفرده
والا انتوا عارفين الباقي
بس للاسف مش عارفين المصير لكل مخالف

نبدا على بركة الله

[_سمآت_]

ماشي حبيبه قلبي
في رعايه الله

وانا بلف لفه في المنتدي

استودعك الله

من بكره مش هدخل زي الأول بقي

لغايه لما نطلع عمره وأشوف النظام ايه
هبقي أحاول أدخل

سلاااامي وتحياتي

[_سمآت_]

اهلا يميم

ومبروك البيت الجديد
أخبارك وأخبار حملك ايه ؟؟
وازي ملوكه يااارب أمورك تكون تمام
تحيااتي
انا بلف في المنتدي
أول ما الاقيكم جيتكم هجي ع طووول

[_سمآت_]

محدش موجود

كان نفسي تكونوا موجودين

باذن الله علي بليل الاقيكم

بحبكم في الله
*******

[افراج]

وحشتوني كلكم والله
انا مش بدخل عشان جوزي مكسور ومتجبس
وناس داخلة وناس خارجة
عشان كدة مشغولة عنكم

ا
دعولي ربنا يشفية لنا ويبارك لنا في عمره
وسلامي لكل البنات

[جنى 23]

السلام عليكم ورحمة الله وبركاته
ازيكم يا بنات يسعدنى الانضمام لكم
يارب يجمعنا دايماعلى خير فى الدنيا وفى الاخرة يجمعنا فى الفردوس

[_سمآت_]

جني ازيك يا قمر

نورتينا حبيبتي

أخبارك ايه واخبارابنك وكل لي عندك ؟؟
-*/********

[ورده مصريه]

السلام عليكم يا يميم والا اقول يا يوميزو هههههههه انا مبسوطه بأنك فتحتى بيت عز جديد يارب يكون علينا كلنا فاتحه الخير يارب

انا بقالى مده كبيره مش بكتب بس بحب ادخل واشوف اخر الأخبار لأنى مقدرش برضه اغيب عنكم واهه من الوقت للتانى بعمل موضوع فى الأمومه والطفوله واقرأ بعض المعلومات اللى تفيدنى ...

ازيك يا توتا انتى وحشانى اوى انا غبت عن المجموعات فتره قصيره وده لمرضى اعذرينى ولسه متحسنه النهارده والحمد لله فقلت ادخل اسلم عليكم ....

[_سمآت_]

ورده يا قمر

الف سلامه عليك

اسفه مقصره بس بكره خلاص بقيت مش هبقي فاضيه خاالص
حمايا وحماتي جايين بكره

دعواتك ...