جلسة سمر سودانية على ضفاف النيل الخالد (9)

[زوزوكمنوزو]

سلام بنات بلدي ،اختكم غريبه ووحيده لي فتره متابعه معاكم بحس بينكم بالالفه والانتماء أتمني ترحبو بي بينكم وتجعلوني واحده منكم

اهلا وسهلا بيك بينا مع اني ما اقدم منك كتير لكن حرارة الترحيب من اخواتنا تخليك تحسي بانك صحبة عمر

[ام العزاز]

اها يا بنات هاكم الهدية دي ودايرة التفيذ

http://www.lakii.com/img/all/Mar09/FlyNEw03250711.jpg

http://www.lakii.com/img/all/Mar09/zwK7lI03250707.jpg

http://www.lakii.com/img/all/Mar09/eGg8vm03250704.jpg

http://www.lakii.com/img/all/Mar09/rwgDlI03260525.jpg

http://www.lakii.com/img/all/Mar09/bh0Sty03260526.jpg

شكرا ليك زوزو
على اللطش الموفق
هههههه

كان شفتي هنوها في بيتنا التاني
والي نتمناك قريب تكوني فيه معانا

ماخلت رسمه طايره الا ولطشتها وجابتها لينا
يديكن العافيه بنات امي

[بت عزاز الناس]

[quote=هنوها;7814650]اهلين وحبابك الف بت عزاز الناس ويشرفنى اكون اول واحدة ترحب بيك



ادخلى لجوه الدار دارك وبعد كده لا بتبقى غريبة ولا وحيدة


بس حضرى بطاقتك الشخصية وصورتين لانو محقق الجلسة هسى بجيك
واسمو ود عم اسمك


والله الناس هنا كلهم اهل وعسل


حياك الله وسطنا حبيبتى منوره


مشكوره علي الترحيب الله يقدرنا علي كونان ولانك اول المرحبين كوني المحامي بتاعي

[بت عزاز الناس]

المحقق كوناااان وصل

ههههههه



ياهلا ومليون مرحب يابت عزاز الناس
اسمك ده براه تأشيرة دخول تووووووشك
غريبه؟؟؟؟؟ وحيدة؟؟؟؟؟؟؟
ده كلام شنو يابت ده عيب عليك

انت شرفتينا ونورتينا

وكما اقوووول دوما
زدنا لمبه جديدة
الدار ترحب بيك ياغاليه

الفيش والتشبيه

سررررريع

وراي دفتر غياب وحضور

ماشه اشوف الحاضره والغايبه منو
ههههه
ودعتك الله بت امي
ماتنقطعي

كونان جيتي متين انا لسه ما غششوني التحقيق بيكون فيه شنو؟والف شكر ليك واشرف لي اني اكون منكم

[بت عزاز الناس]

اهلا ومرحب ببت العز

اول ما دلفتي الى ساحتنا
فانت اصبحتي منا وفينا
ابقي جاي على العنقريب
هسي البنات بيجن يسلمن عليك

والله بتلاقينهم مثل اخواتك يجمعهن الحب في الله
كدى اطرحي جلدك وارتاحي شوية
النمشي اجيب ليك شئ تشربيه

سمسمايه انت القدلتي شنو الحاجات الجميله دي العصير ما شحتف روحي،مشكوره وما غريب عليكم الكرم بنات بلدي

[بت عزاز الناس]

اهلا وسهلا بيك بينا مع اني ما اقدم منك كتير لكن حرارة الترحيب من اخواتنا تخليك تحسي بانك صحبة عمر

زوزو مشكوره علي الترحيب وده طبع بنات بلدي حنينات وكريمات

[بت عزاز الناس]

اها جيتكم تاني راجعه اعرفكم عني انا من الجزيره من مدني ودرست قانون في النيلين خريجه سنة 2001 ،متزوجه من7سنه ونص وعندي تلاته بنات6سنوات و3سنوات وسنه واحده ،مقيمه في ابوظبي ،ربة منزل ما شغاله بس كان نفسي اشتغل ربنا ما اراد،عاطفيه جدا بحب الناس بس اجتماعياتي في ابوظبي معدومه يمكن في الاول عملته علاقات بس زي ماانتو عارفين العلاقات في الغربه بقت هشه يمكن ظروف الناس وهي بتجري وري لقمة العيش ويمكن حاجات تانيه المهم اني حاولت اتعايش مع الوضع بس ما قدرته خصوصا بعد ولادة البنات اخدو كل وقتي بقيت يالله اعمل الواجب،الليل هو دايما وقتي الخاص بعد انومهم وابوهم انسحب واعمل حاجاتي الخاصه حتي الحنه في وقتي الخاص ده ربنا يديهم العافيه ويقدرني علي تربيتهم في اي استفسار كونان هل وفيت ولا في شي ناقص

[yakin]

سلام بنات بلدي ،اختكم غريبه ووحيده لي فتره متابعه معاكم بحس بينكم بالالفه والانتماء أتمني ترحبو بي بينكم وتجعلوني واحده منكم

اهلا بيك بت عزاز الناس نورتى الفريق وسط اخواتك وان شاء الله تقضى احلى الاوقات معنا

[yakin]

صباحكم خير يا بنات وجمعه مباركه ...انا ماشيه السوق وراجعه ليكم اللى عايزه حاجه تضرب لى ( طماطم خس الخ )

[المحراب الجميل]

لكم على السؤال والاتصال ما قصرتوا فى ميزان حسناتكم يارب والحمدلله افضل بكثير الان
اتمنى لكم دوام الصحة والغافية وجايكم برواقة
مشتاقة كثير والله

[المحراب الجميل]

اهلا ومرحبايا بت عزاز الناس بوجودك بيتنا نور وكله زينة يا غالية

ربنا يخلى لينا المحقق ما قصر والبطاقة كاملة وكله تمام
اهلا بناس مدنى الغالين على القلب بلد اهلى وجدودى كمان
وهنا يا غالية باذن الله تلقى بينا وطن جديد فى قلوب اخواتك
وانتى بين اروع اخوات فى العالم
بالجد بقوا بلسم شافى لى مرض غربتنا المزمن ده وربنا عوضنا ببعض











(ما قصرتا معاكم صاح ثلج شديد)


فحللت أهلا ونزلت سهلا

[ام العزاز]

هلا والله بالحروووووم العسل
ماشاء الله تبارك الله
جمعه مباركه وعامره بوجود الحبايب

محرابنا العسل والله حوشنا نور يابت
خرمانين ليك خرمه بطاااااله
ههههه
جنس كسير تلج

[ام العزاز]

بت العزاز

هههههه

تخااافي يامره
كفيتي ووفيتي كله تمام
البطاقه كااامله ماشاء الله عيني بارده

بت الجزيرة الخضراء
طلعنا جيرااان يعني
انا من رفاعه

وكمان
شهاادة عربيه من الامارات
واهلي لسه هناك

ابوظبي والله كانت زمان حلوه وناسها حلويين
لكن ملاهي الحياة غيرت الناس

ربنا ييسر امورنا يارب ويرزقنا حسن الخاتمه

[سمسماية]

مساااااااااااااااااءت رااااااااااااائعة
بناااااااااااااات بلدي وحدة وحدة
في القلب لكن معزة


لا يزال الوجد يغلى
فى مساءات اشتياقى
لا يزال الشوق .. مرهوناً
بضىّْ


ليتنى أدركت .. خيلى
ليتنى أمطرت .. سهداً ورضاباً
وطويت العمر طىّْ
ما وراء الشط .. دوحٌ
ويمامٌ
وفؤادٌ ،
وهيامٌ سرمدىّْ


هاهنا نامت دموعى
طوَّقتْ جرحى الأبىّْ
ما تبقَّى من مواقيتٍ توارى
ليس يكفى ما لدىّْ
هي أعمارٌ ..
وصباباتٌ .. وفراشاتٌ .. وغزالاتٌ
وعشبٌ طرىّْ

[ام العزاز]

ليتنى أدركت .. خيلى
ليتنى أمطرت .. سهداً ورضاباً
وطويت العمر طىّْ
ما وراء الشط .. دوحٌ
ويمامٌ
وفؤادٌ ،
وهيامٌ سرمدىّْ

كلمات رائعة ياسمسم
واختيار اروع ياعسلنا

تسلمي
مساااك نادي
يارب