جلسة سمر سودانية على ضفاف النيل الخالد (9)

[ام العزاز]

ازيكم يا نسوان لي زمن في المنتدي ده يا كافي البلا يا حايد المحن ما عندي خبر لمتكن دي وانتو وصلتو الجزء التاسع
ما مشكلة انا جيت يلا قومن رحبن بي ودايرة القهوة بي بخوره حاكم انا كسلاوية
بجد فرحانة اني لقيت بيتنا وحاسة بسعادة شايفاكن جارات واخوات وحبيبات



داخلة بالعرض مش كده؟؟

وبالطول كمان تدخلي ياغاليه



اها قهوتنا وصلت وبي بخورها كمان
والله نورتينا وزدنا لمبه جديده

ادخلي لي جوه الحوش
واتوهطي فوق العنقريب
ريحي كريعاتك من المشوار
النمش ارمي اللقيمات
والنناغم البنوت يجزهن كفتيرة الشاي
حبابك ألف بت كسلا
ويله بت امي سرييع البتاقه الشخسيه
هههههه
باقي انا أللفا الليلت الجلسه

[ام العزاز]

ما عندك مشكلة وكفارة ليكم برضه احنا التسنين مجننا وعثمان ما شاء الله شغال بلوتوث طوالي اي زول يجيب نزلة بالغلط في البيت يلقطها غايتو لقينا لينا دوا اسمه ميني جوافة مصري مكون من حاجات طبيعية جوافة وحبة بركه وكم حاجة كده قاعدة اديه منه الحمد لله بنفعه قلنا احسن من المضادات الحيوية وادوية النزلة
وكل سنة وانتو طيبين مقدما وربنا يسعدكم ويخلي ليكم اولادكم
احنا والله الحاجات دي راحت علينا خلاص وبقينا ننساها مع جوطة الاولاد

وانتوا بألف خير يارب
لسه يابت بدري عليكم صغار وجهال نحن نقول شنو

ههههه بالغت في التشبيه حرام عليك بلوتوث مره واحده
ربي يشفيه يارب اصلها مرحله وبتعدي
تمام نحن الادويه المصريه هنا تفتشيها تفتيش
انشاء الله نلم فيه للشباب ديل مناعتهم والله انتهت مع المضادات
ربك يدي العافيه ويشفيكم يارب

[tegeety]

سلام للكل

المشتركين الجدد حبابكم الف

القدام كنت متوقعه تفقدونى

مازلت تحت الفراش دعواتكم

[شجرة السيال]

الدار عامرة بسكانا ما شاء الله لمتكم حلوة ان شاء الله في الحرم
ام العزاز فضلك يا الالفة كدي شوفي بتاقتي دي
اسمي فايزة بت احمد
كسلاوية ضهبانة في الخرتوم ساكنة في شمبات
خريجة الخرطوم 2002 تربية
حاليا عاطلة لاني رجعت اعمل الدكتوراه باقي بلدنا دي بقينا فيها زي الهنود في الخليج سبع صنايع والبخت ضايع
اهااااااااااااا
تاني شنو متزوجة من 4 سنين من غير شفع يا بعيد كربو لي دعاكم بالزرية الصالحة

[شجرة السيال]

شجرة السيال

ياله من أسم جميل وحنين ووارف
اهلا بك وسهلا شرفتينا جدا واسعدتنا طلتك الحلوة
وما اجمل ان نلتقى جميعا تحت ظلك كما ذكرت حبيبتنا سمسم الغالية ونشرب قهوة كسلاوية اصلية



اها ما نقدر نخالف راى سمسم نحنا كريمين وانتى بتستاهلى


قراصة بالسمن البلدى

ههههههههههههههههههه حلم الجعان عيش مش

المحراب يا ختي كتر خيرك وقهوتك عدلت مزاجي البايظ ده سمحة زي ستها
علا القراصة دي اعفيني منها كفاية جبنتك البترد الروح دي باقي انا عاملة ريجيم الله يقدرني عليه

بااااااااااين عليكم ح تتلومو مع ريجيمي ده ههههههههههه

[شجرة السيال]

حبابك الف عزيزة وغالية

البيت بيتك

[/quote]


تسلمي يا هنوها ربي يهنيكي في الدارين

[شجرة السيال]

تسلمي يا القبطية مرحب بيك اخت عزيزة وغالية

[شجرة السيال]

بشجرة السيال

اهلا بك فلقد طارت طيور الترحيب تغرد بوجودك

وتصفق بأجنحتها تعلن سرورها بأنضمامك معنا

في هذا المنتدى الذي يتشرف بقدومك

فاتمنى ان تقطفى من الورود ماشئت الذي ينفعك

وان تسقيها بما ينفعنا

ننتظر جميل حرفك وصدق نبضك..الدافئ

اهلا بناس توتيل ومكرام ... والسواقى
اهلا بجيرانا ومصيفنا .. وملجانا من حر بورتسودان

حبابك وحباب ناس بورسودان ناس الكرم والطيبة
الف مرحب بيك وكسلا تنور بيك في كل الفصول فرحانة بيك
توتيل ومكرام وتولوس اويتلا والقاش
الف مرحب بيك

[شجرة السيال]

حللت اهلا ونزلت سهلا وما تطولي الغيبة تاني الدار دارك

الدار منورة بي اصحابها تسلمي يا عسل

[شجرة السيال]

سلام للكل

المشتركين الجدد حبابكم الف

القدام كنت متوقعه تفقدونى

مازلت تحت الفراش دعواتكم

سلامتك يا التقيتي واهل بيك تحية من الناس الجداد ههههههههههه
ويا القدام ما تتلومو عاد اه بحدثكم من هسي اكان غبت نص ساعة علا تفقدوني
شبك شديدة

[yakin]

شجره السيال اهلا بك وسط اخواتك زيتى البستان زهره
البيت بيتك شرفتتينا وربنا يديم المحبه

[yakin]

كل الشابات سلامات ان شاء الله كلكم بخير

ماريا سلامتك الف سلامه واسل الله العظيم ان يشفيك ....ويرزقك الذريه الصالحه ..آمـــــــــــين

بت العزاز وينك طولتى مننا ان شاء الله تكونى بخير فى انتظارك طمنينا عليك

تقتى سلامتك ياغاليه اتغذى كويس وربنا يسهل ليك

[شجرة السيال]

شجره السيال اهلا بك وسط اخواتك زيتى البستان زهره
البيت بيتك شرفتتينا وربنا يديم المحبه

يقين الله يديك العافية وان شاء الله تكون خوة في الخير وربنا يديم المعروف

[شجرة السيال]

اهااااااااااا يا المغتربات انديكم اخر شمارا ت البلد تعالن قربن بي جاي ام العزاز لقيماتك دي كيف جاهزة؟ ولا اجر رجلي لي البيت السوري اجيبليكن بسبوسة الصراحة شغل البيت ده اعفني منو الاخت ميح يا دوب قدر البمشي الحال
اهااااااا يلا تعالن كلكن علي الشاهي اب نعناع ده عاااااااااااد تخصص فيه
ما قلت ليكن امس فاتكن جنس عرض ازياء سودانية في صالة ليلتي ابداااااااااااااع اشي تياب ولا الاكسسوار ولا الحنة نفسيات بس
خلاص انا مستعجلة بديكن التفاصيل بعدين

[المحراب الجميل]

امس فاتكن جنس عرض ازياء سودانية في صالة ليلتي ابداااااااااااااع اشي تياب ولا الاكسسوار ولا الحنة نفسيات بس
خلاص انا مستعجلة بديكن التفاصيل بعدين

ليه بس
بعدين حسه ماله
وووب علينا نحن المغتربين المتخلفين
عليك الله يا ضلنا
الحقينا سريع

بهناك عندنا معرض ثياب الحقينا بالجديد نحن مساكين من زمن التوتل المورد صدقى ههههههههههههههه