البيت العراقي لعيون غسوقة يرحب بكل احبابة .....يامليون هلا

[russul]

ليش انتي وين كاعدة؟؟؟ بياديرة
ثم اني اخذت عالسهر شسوي لسلعتي البايولوجية مااكدر انام قبل الوحدة
وخاصة من كعدت بالبيت
قبل من جان عندي دوام جنت اتعب وانام من وكت بس هسه كلشي اختلف
صار ساعة فاتحة انتظر وحدة منكم تدخل
اول شي ازوره هو البيت العراقي وركن الكروشيه
مااعرف وين جنت غايبة عنه

[بعيده هوايه]

تدرين اني هسه يمي الساعه 10 الصبح يعني هسه كعدت مصحصحه

اني اعيش بنيوزيلندا

بس والله حتى اني من جنت بالعراق هواي اسهر

يمعوده سهري وتونسي

بعدين تكومين تشتهيهن هذه الايام

[russul]

اي والله اني هم هيجي اكول
بس اشو من كلتي نيوزيلندا اشو ثلجت من يمي
الله يساعدج فعلا بعيدة هواية
يلا كومي سوي غده
انا باجر قررت اسوي مقلوبة ان شاء الله
عود ادزلج ماعون سفري وضوكي طبخب وقلدي عليه اخاف اني ناقصة
يلا حبي لازم اروح لان اللابتوب راح تنفجر بوجهي من الحرارة من المغرب مفتوحة
هسه دتسب وتشتم بي ههههه
شكولج يعني ماترهم اكولج تصبحين على خير وانتي هستوج كاعدة
يلا اشوفج بخير ان شاء الله
وسلميلي عالماشفناهم
بوساااتي

[بعيده هوايه]

الله وياج حبي اني اوكلج تصبحين على خير

والف عافيه المقلوبه

انتي بس دزي ماراح اقلد اني هم جنت كل شي ما اعرف بس هسه الحمدلله مبدعه بكولت بعض الناسوان شاء الله يوصل سلامج

[ام مسرة]

السلام عليكم ورحمة الله وبركاتة
هاي شنو غسوقة عفتينة ورحتي ليش هيجي عيني من لكة احبابة نسى اصحابة
بالعافية عليج الروحة للاهل وربي يوم الي واشوف اهلي
ام سيوفي شلونك قلب وشلون الاولاد الله يحفظهم همزين الجو برد عدكم احسن من الحر
على الاقل من تنطفي الكهربا ميكتلكم الحر
ام هنودة ياهلا بهالنور والله مشتاقيلك هواية الله يعينك على التعب هنودة شلونها
سل اخ من رسل شحجي شكول ربي يدزلج ابن الحلال الي امة داعيتلة الخير طبعا
ويرزقك ربي كله توائم حتى تقلدين بعد علينا هههههههههههههههههه
رسولة تدرين بعد راح اخلي مسرة هم تكتب هنا بالبيت حتى ادشن قسم الاطفال
وتدرين اني هم تؤام بس تؤامي بنية واني اكبر منها بربع ساعة
وجانت وكت الشغل وتحمل المسؤلية تكلي اني معلية انتي الكبيرة
وكت المشترة والكلابس تصير بعمري ولازم حالها حالي اوف شكد مشتاقتلها ياربي
ميلار شلونك عيني وشلون التريكو وياج اني التريكو اتعلمتا من جنت بالمتوسطة وهواية
اشتغلت بي حتى اشتريت ماكينة بس كانت يدوية مو كهربائية
وهسة تعلمت الكروشية بدورة لبنانية وان شاء الله تتعلمينة وتصيرين خبيرة
ام مريومة وينج اليوم عيني ان شاء الله خير
قمورة شو ماكو وين رحتي عيني
وسارة17 شلونها وشلون صارت اذنها ان شاء الله تحسنت
ام رنا شلونج حبيبتي وشلون الحلوات الله يعينك على الغربة وبلد اجنبي صعبة حيل
الله يهونها عليكم وترجعون لبلدكم بامان

[ميلار]

سبحان الله طلعت كلهة توائم

[ميلار]

بنات منو مستخدمة كريم السعد بلس لتخفيف نمو الشعر

[خايفة ومظلومة]

السلام عليكم
شلوووووووووووووووونكم
شخباركم
ان شاء الله الجميع بخير
مشتاقة الكم هواية هواية
بس الظروف مخربطة مااعرف شلونها
طبعا اني ماقريت الصفحات السابقة لان ماعندي وكت بس اكيد سالتو علي؟؟؟ يعني متقبل غلط!!!!!!
المهم اني بخير وسارة بنتي بخير والحمد لله
مرت بينا ظروف صعبة هواية
اولها كان عطل اللاب توي مالت زوجي وطبعا اتهموني بيها لان بنتي تكعد وياية وتطبطب الكيبورد وماادري شصار بيها
طبعا اني زعلت كلش
وودوها للمصلح وطلع تصليحها غالي جدا
وبعدها زوجي باعها اقل من نص السعر لواحد صديقه
واشترى وحدة جديدة بس حرمو علي افتحها بالبداية
وبيني وبينكم اني خفت لا هم تعطل وتوكع براسي الشغلة فغلست ودكيت ثكل ههههه اي لعد شلون....
شغلة الحاسبة ماطولت اكثر من اسبوعين ويمكن اقل بس اني شوية تعبت ماادري هذا الحمل كلش غريب
ومختلف تماما عن بنتي رغم انه اثنيهم بنات بس يكولون من حمل لحمل يصير اختلاف عادي
اول ثلاث اشهر خفيفة ومعنوياتي مرتفعة ونشيطة وماكو وحام وماحسة باي شي عكس بنتي
وبعدين اشو انكلبت الامور هسا اني تقريبا راح ادخل السادس بعد اربع ايام
وعبالك بالتاسع عدا الوزن اللي ماشاء الله يزيد بكل اسبوع يمكن كيلو
راح اصير فيلة لما اولد ههههههه
المهم صارت هواية مشاكل خلال هالفترة بس الحمد لله كلها مادية (بالفلوس ولا بالبشر)
اخرها اتفقنا اني وزوجي اروح للعراق وفعلا حجزلي بعد حوالي اسبوعين واربع ايام الموعد
اروح اولد ببيبت اهلي احسن لان جربت الولادة بالغربة والله بهذلة وتعب على المره وعلى الرجال خطية
اول شي فرحت لان راح اسافر صار لي سنتين ونص ماشايفة اهلي
وبعدين انقهرت لان زوجي لازم يبقى عنده دراسة ومن جهة ثانية ضغطا للنفقات مثل ميكولون
بس ان شاء هو راح يخلص ويرجع وراي اعتقد يلحك يرجع بعد الولادة مالتي اللي ببداية السابع
هو رجعته تكون بالتاسع اذا شد حيله وخلص
بيت عيالي عدهم انترنت بس اهلي ماعدهم واني اول مرة راح اروح يم عيالي لازم ارضيهم اولا وبعدين اروح يم اهلي
طبعا لايصة مااعرف شاشتري هدايا لان كلما اخابر اخواتي يكولون العراق خير من الله الاسواق كلشي بيها والاسعار مناسبة لا تتورطين وتجيبين وياج هدايا كلشي منريد منج وبعدين انتي حامل ووياج طفلة وصعبة عليج بالسفر كلشي يصير
بيني وبينكم اني ارتاحيت من كالو هيج بس بقى عيالي ماادري يقدرون لو لا؟؟؟
زوجي يكول معليج اني افهمهم

[خايفة ومظلومة]

اليوم دخلت بالبوكة لان بنتي نامت واللاب توب بالبيت زوجي عافها لان عنده شغل برا الجامعة
كلت ادخل واسلم عليكم لان مااعرف شلون راح تصير الظروف
والله اريد اعدد البنات واسلم عليهم
عراقية بماليزيا شلونج عيوين هنودة شلونها شلون صار دوامج بعدج بالمدرسة مو؟؟؟؟تعلمتي ماليزي لو لا ؟
ام مسرة حبيبتي مشتاقة الج هواية ماادري ليش حسيت بيج مثل اختي الله يوفقكم ان شاء الله ويرزقج الاخ لمسرة وتبشريني
ام سكاتي ماادري شصار منها بس دايما على بالي الله يهون عليها الغربة ويشفي مرضاها ومرضانا
ام وسيم تحياتي وسلامي
بيت ام العراق ان شاء كلكم بخير
السارات سلامي الكم جميعا وخصوصا سارة17 خطية كانت اذنها متعبتها ماادري شلون صارت وشالت لو بعدها
بحيرة القمر شخبارج اكيد راح تضوجين لان مغيرت اسمي
ملحكت لا غير اسمي ولا اسوي اي شي ...اشو الامور كلها انكلبت بس مرة ماادري شصار عبالك زلزال من شغلة لشغلة
غسوقة حبيبتي شلونج ويا الحمل الله يساعدج يمكن ولادتج قريبة على مااذكر وابنج الصغيرون شلونه الجهال بالمدرسة شلونهم الله يكون بعونج مسوؤلياتج هواية بس التساهيل على رب العالمين
اكول اشو بعد مااتذكر اسماء
الله يخليكم لاى تزعلون اذا ماتذكرت ترا اللي بيه مكفيني
واكو اسماء جديدة
شفت ميلار
يمكن ابوكه واسمي بنتي الجديدة ميلار ههههههه
تحياتي للاخت صاحبة الاسم وكان بودي اتعرف عليكم اكثر والله
بس ان شاء الله نتواصل حتى لو على فترات متباعدة

[خايفة ومظلومة]

هااااااا نسيت ام مريم
شلونج حبيبتي وشلون مريومة وشلون صحتها هسا ان شاء الله احسن

[خايفة ومظلومة]

ام سيف حبيبتي شلونج مشتاقين
شلون العراق واهله
راح ارجع واصير من اهل الداخل مثل ميكولون
اكول هنا المتزوجات واللي عدهن اطفال هواية ماشاء الله
اريد اسالهن
ولا يزعلن البنات هههههه هو مجرد سؤال لصاحبات الخبرة
اني تعاندت ويا وحدة عراقية مااشوفها كل شهرين ثلاثة ومع ذلك احبها ومن نلتقي نفتح هواية مواضيع
هي عدها اطفال (خمسة الله يخليهم)
سالتني على حركة الطفل لان تعرف بيه بنية
كلتلها الحركة عبارة عن ضربات مثل الركل او مثل النقر على كولتهم
تكللي هذا ولد
طبعا اني عندي خبرة لان عندي بنية من قبل تدرون وكانت نفس الحركة مالت بنتي الله يخليها
هي تكول اني باولادي الحركة عادي مثلي
اني سمعانة انه حركة الولد مختلفة يكولون والله اعلم حركته يم السرة ومثل السمكة او الفراشة ...طبعا اني مااعرف شيقصدون لان مامجربتها بس اخواتي يكولون هيج وكل اللي عدهم ولد هيج
اريد اسالكم صحيح الحركة هيج لو لا ؟؟؟لان تعاندت ويا صديقتي
غسوقة انتي عندج ولد وبنات شنو رايج؟؟؟اكو فرق مو بالله؟؟؟
ام سيف حبيتي انتي شنو رايج ؟؟
ام مسرة انتي بمسرة مثل حالتي الحركة ركل ونقر للاسفل دائما؟؟؟
جابوني لان كلتلها راح اسال صديقاتي على النت واتاكد منهم

[خايفة ومظلومة]

طبعا كالعادة من اتواجد ماكو احد
بس ميخالف ان شاء الله الي رجعة

[خايفة ومظلومة]

صحيح البيت يمكن راح يقبط ولازم ينفتح بيت جديد
مراح افتح بيت جديد
راح اخليها عليكم
اشوف منو راح يفتح البيت هالمرة
بس مو تفتحوه وتخلوني تايهه على تاليها
ترا اني دايخة وتفكيري صاير شيش بيش من كثر الشغلات اللي شايلة همها
من افكر بالسفر والطيارة تلعب نفسي
الله يسهل على الجميع

[sara17]

هلا حبيبتي خايفة ومظلومة الله يبعد عنج الخوف والظلم
شكرا لسوالج عني اشتقنالج هواية
وانا الحمد لله شلت وهسة كاقدين بالشقة الجديدة واذني صارت زينه بس التهبت الثانية
ماتسمعون الا العافية كل مايلتهب حلقي او انفي تلتهب وحدة من الذانات هههههههه
اسم الله يحفضكم
شلونكم بناااااااااااااااااااااااااااااااااااااااااااااااا ااااااااااااااااااااااااااااااااااااااات شخباركم مشتاقتلكم وااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااجد