حابه تشوفي ألعاب نارية ما بعمرك شفتيها اتفضلي على البيت الفلسطيني

[san79]

اخواتي الغاليات

زماااااااااااااااااااااااان والله ما فتحت بيت جديد

اتفضلو معي ببيتي من غزة الصمود

رح نفتتح البيت بصور ألعاب نارية

بس شو ألعاب الله لا يورجيها لحدا

حسبنا الله ونعم الوكيل
هذه بعض الصور الي وصلتني على ايميلي قصف على مدرسة بغزة

هاي بصراحه كتير عجبتني

يعني خلي الجو في فرفشة شوي بالرغم من الواقع الي جد كان هيك يصير مع ..... ما بدي احكي مين الي كتبها ... هههه


ملاحظة كتير مهمة
لازم تقروها بحرف القاف مو ال ء مدني يعني لالالالا ما بتنفع مدني هاي غزاوي أصلي ..

بكل عفوية.. وبروح مرحة ... يروي الشاب الغزاوي (غير مقاوم)* كيف يقضي يومه خلال الحرب...
اترككم معه..!!
ويقول:
واجا اليوم العشرين..
وكل يوم بنقول هادة أقوى يوم.. وأعنف يوم ..
لا بس بجد.. اليوم أعنف وأقوى يوم شفناه..
كنا نشوف أغلب القصف على التلفزيون .. هلقيت صار قدامنا مباشر..
طول الليل الدنيا تضوي وتطفي.. زي الألعاب النارية..
بس العالم الألعاب النارية عندها من الأرض للسما.. إلا في غزة.. من السما للأرض..
هيهم وصلوا تل الهوى.. يعني بشيكل بكونوا عنا.. مش بشيكل ونص حتى..
أنا قاعد عالكمبيوتر.. وأهلي كلهم مجتمعين قالبين محللين عسكريين.. وعاملين غرفة عمليات مشتركة.. ومستغربين اني قاعد عالنت.. على أساس إنو الدنيا حرب لازم أضل قاعد ألطم..
تلت أسابيع قاعدين في الدار لا طلعة ولا نزلة.. ولا شغلة ولا مشغلة.. فش كهربا ولا ميا.. من كتر الزهق من القعدة الواحد بتحير ايش يعمل في الدار..
مرات بقعد أعد البلاط.. ومرات أكم كسرة في الستارة.. وأحياناً بقعد ألعب في الجوال (في حال كان فيه بطارية).. أو بقعد أتشغل في واحد من اخواتي..
ما علينا.. الحلو في الموضوع انه شلومو بتبين حنيته في وقت الحرب .. بقولك حفاظاً على رفاهية الشعب.. اعطونا تلت ساعات تهدئة في اليوم.. الواحد يعمل فيهم اللي بده اياه..
وأحلى ما فيهم انهم مشكلين.. يوم من الوحدة للأربعة.. ويوم من التمنية للحدعش.. ويوم من العشرة للوحدة..
وبقولك احزر الفترة تاعت بكرة واتصل على رقم تلت تمنيات اتنين صفر وواحد احمر.. بتكسب جائزة..
والله الواحد بتحير ايش يعمل في التلت ساعات .. مسافة ما يفكر وين يطلع (على أساس ضل مكان في غزة الواحد يروح عليه) بكونوا خلصوا..
اليوم قعدت أفكر أفكر ايش أعمل.. لقيت احسن اشي أعمله اني أنام.. عشان الجو بكون هدوء وفش صوت قصف (نسبياً) ..
لأنه طول الليل صوت القصف وصوت الزنانات بخليش الواحد يعرف ينام.. الواحد بحس انه في واحد بخرق في نافوخه بمقدح..
طول ما الواحد قاعد وهوة بسمع يا صوت صاروخ قريب.. يا بعيد.. يا بحس بهزة.. وبدينا نسمع مناطق غريبة صاروا يقصفوها..
مرة مقبرة.. ومرة صالة أفراح.. ومرة عمارة سكنية.. ومرة دار مهجورة.. أو بقصفوا مكان قصفوه قبل هيك (للتأكيد)..
طبعاً في هادي المناسبة بحب أتقدم بالشكر للطيار اللي بقصف بإنه بحدف صاروخ صغير عالدار قبل ما يجيبها نصين بالصاروخ اللي بعده..
شايفين الإنسانية لوين.. وبتقولوا عنهم عاطلين.. يعني اللي ما بصيده الصاروخ الأول.. معاه خمس دقايق ينفد بجلده قبل ما يجيب أجله الصاروخ التاني..
الأعمار بيد الله.. الواحد عنده يقين انه كل شي بأمر الله.. عالرغم بإنه الواحد بطل يخاف زي أول لما يسمع صوت صاروخ..
بس إلا إنه الخوف من انه الطيار أخو الشلن تحلو دارنا في عينه ويمزعنا صاروخ بحجة الغسيل اللي عالسطح بأثر عالزنانات..
دايما بحاول أواسي حالي بالمقولة اللي بتقول "متخفش من صوت الرصاص.. لأنه الرصاصة اللي حتقتلك مش حتسمع صوتها"..
بس هالمقولة بتنطبقش عالصواريخ.. ولا ايش رأيكم..؟
أكتر اشي بكيف عليه لما يرن تلفون الدار.. بنصير نتقاتل مين يرد عالتلفون أنا واخواتي.. عشان نحكي مع الناس اللي بتصلوا من الدول العربية..
كل واحد وحظه.. يطلع الإتصال من المغرب.. الجزائر.. مصر.. ليبيا.. السعودية.. السودان.. أو يتخوزق ويطلعله واحد بقولك جيش الدفاع الاسرائيلي..
ويطلع الشب بحزرك انه يكون عندك سلاح.. أو تتعامل مع واحد من المقاومة..
بس اليوم حسيت انه فش إلا تلفونا بكل غزة.. مسكتش وهوة يرن..
- ألو السلام عليكم...
- وعليكم السلام..
- معك فلانة من ليبيا.. الله معكم.. الله ينصركم.. الله يقويكم..
- تسلمي يا حجة.. إدعولنا..
- الله ينصركم ويحفظكم..
- يلا سلام عليكم..
- وعليكم السلام..
هادي عينة من المكالمات اللي بتوصلنا.. مع انها صغيرة وفهاش
رغي وطق حنك .. إلا إنها بتحسس الواحد انه مش لحاله وفي حد معاه..
ويا حبيبي لو خلال المكالمة نزل صاروخ ولا الخمسمية تاعت الأباتشي اشتغلت.. شوف العياط على التلفون .. وبدل ما هما يصيروا يواسوك ويهدوا فيك.. احنا بنصير نهدي فيهم ونسكتهم..
لأ والشغلة الجديدة اللي غايظاني قصة الفسفور.. أنا طول عمري بسمع انه الفسفور في السمك.. وإنه مفيد للشسمو.. وكل ما الواحد كان ياكل سمك.. كان يحس حاله صار يضوي من الفسفور..
بس هان الوضع مختلف.. فسفور صح بخليك تضوي.. يعني أول ما تيجي عليك قذيفة فسفور.. وتهب فيك النار.. حيصير اللي يشوفك يقولك منور ياحج.. الله يلطف فينا..
طبعاً وقت الفراغ الواحد بحاول يستغله بإشي مفيد.. أنا استغليت وقتي برياضة جديدة.. وهية رياضة براميل الميا..
أول ما أفتح عنيا على طول بمارس الرياضة اليومية.. بطلع على سطح الدار بتفقد البراميل.. وقديش ضايل ميا.. طبعاً عن طريق الدقدقة على البرميل..
الواحد صارت أذنه موسيقية برميلية.. وصار من صوت الدقة على البرميل يعرف إذا كان فاضي ولا مليان (طبعاً هادي الكل بعرفها).. بس الجديد واللي اكتسبته مع الخبرة انه لو كان البرميل مليان أعرف أكم لتر ميا فيه..
أنا لقيت حالي لهلقيت عايش قلت أكتبلكم أحكيلكم عن وضعنا.. بكرة يمكن أكون عايش بس مش قادر أكتب.. أو مش عايش من أصلو..
إدعولنا.. إدعوا تنحل هالقصة على خير.. إدعوا للمقاومين.. إدعوا للشهدا.. إدعوا للجرحى.. إدعوا للناس الله يصبرها.. إدعوا للكل..
ولو ضل معكم وقت.. إدعولي أصير غني..

ونشوفكم على خير

(منقول بتصرف)

[حيات روحي]

سناء ربنا لا يعيدها هديك الايام والحمدلله على سلامتكم

واهل غزة برفعوا الراس والله رفعوا راس العرب في كل مكان ورح اضل علامة سودا الي صار

بغزة على العالم الاسلامي والغربي اللهم ارحمنا جميعا





يسلمو سناء على البيت انشالله عامر بس يختي بلاش الصواريخ والالعاب النارية

ههههههههه هيك احنا مبسوطين

[&جروح تبتسم&]

مسا الخييييييير

يسلموا ايديكي سنؤة عالبيت الجديد وتنذكر ما تنعاد هديك الايااااااام قلوبنا كانت حتوقف من خوفنا عليكن الحمد لله الله ستر وانتصرت غزة بفضل المقاومة وصمود اهل غزة

كيفك حياة؟؟؟؟؟؟؟

ميسو وينا ما بينت اليوم؟؟؟؟؟؟؟؟؟

بدي قوم صلي المغرب اذا ما اجت عندي احتي برجع بفوت

سسلااااااااااااام

[san79]

هلا بتوتو وام سوسو

الله لا يرجعها من أيام
بس والله يا بنات احنا عايشين بالبلد وكل اشي من حولينا بحكي انو اليهود ناوين على شر وكبير كمان

لازم انظلنا نتذكر هل المناظر وهل الصور لانو احنا معروفين

وخاصه العرب دايما بنسوووو ويا حرام بقضيتنا بنسوها بسرعه ...

[حيات روحي]

سناااااااااااااااااااااااااااااااااااااااء

شر البلية ما يضحك والله فطست ضحك وزبطت الاهجة لا تخافي هههه

بجد شعب الجبارين الحلو في الموضوع انه شلومو بتبين حنيته في وقت الحرب .. بقولك حفاظاً على رفاهية الشعب.. اعطونا تلت ساعات تهدئة في اليوم.. الواحد يعمل فيهم اللي بده اياه..
وأحلى ما فيهم انهم مشكلين.. يوم من الوحدة للأربعة.. ويوم من التمنية للحدعش.. ويوم من العشرة للوحدة..
وبقولك احزر الفترة تاعت بكرة واتصل على رقم تلت تمنيات اتنين صفر وواحد احمر.. بتكسب جائزة..


بجد شي بضحك وبحزن بنفس الوقت

[san79]

عين الله توتو
والله جد شعب جبار فوق كل هل الهموم في بقلبو مكان للضحكه والفرفشة والمزح

[ام ادم 007]

ههههههههههههههههههههه

يخرب عقل عدوينك يا سناء على هالموضوع رائع فظيعه يا بنت



عجبني موت هم ببكي وهم بضحك

وقراته باللهجه الغزاويه عشان يزبط هههههههههههههه

على سيرة الالعاب الناريه والله ادم اول من قالها لابوه بقله بابا هي العاب ماريه (قصده ناريه)

بس ابوه فهمه انه هاي قنابل بقتلوا فيها الصغار بغزه

[ام ادم 007]

بنات كيف بتبعتوا صور عالهوت ميل تخيلوا ما بعرف لليوم

خيبه صح؟؟؟؟؟؟؟؟؟؟؟؟ الخواجات طلبو صور اطفالي وما عرفت ابعتلهم

[≈ احـتِـوٍآءْ ≈]

هم يبكى وهم يضحك

[san79]

هلا برياااا
كيفك يا عسول

خخخخخخخخخخخ اضحكو شوي ... هههه

سهله يا بنتي
روحي على جديد
وبعدين ارفاق
بعدين صور
بعدين اختاري الصور
وبعدين حطي الايميل الي رح تبعتي الهم
وبعدين ارسال

وبعدين
سلامتك خخخخخخخخخ

[دلوعة صديقتهااا]

سنوو مشكورة على البيت حبيبتي
الله لا يعيدها من ايام جد كانت ايام لا يعلم بها الا الله
الحمد لله


اما عن القصة هاي جد نهفة
ههههههههه
بتضحك وبتحزن بنفس الوقت
الله يعينا
احنا الشعب الفلسطيني الجبارين بنتحمل شو ما صاار
الله بعييين

[san79]

هم يبكى وهم يضحك

بعين الله اختى
الحياة لازم تستمر

مرحبا بيكي بالبيت

[san79]

هلا بدلوعه

[دلوعة صديقتهااا]

هلا فيكي حبيبتي
كيفك وكيف الروضة والأطافيل

[san79]

الحمد الله دلوعه هينا بنداوم والاطفال حلوين وكبرانين بطلو يغلبو متل الاول

ميسووو وتوتو معلش فصل الماسنجر مو راضي يفوت