تويت
فتحتلكم الدويرة واول مانبدوها بالتكبير والتهليل في هذه الايام المباركة
الله أكبر ، الله أكبر لا إله إلا الله ، والله أكبرولله الحمد
الله أكبر ، الله أكبر لا إله إلا الله ، والله أكبرولله الحمد
-
-
جبتلكم معاالبازين وقعمزو اربعة اربعةي
-
وهذا الحلو للحلوين
تعليق
-
اللهم صلى على سيدنا محمد وعلى ال محمد
كما صليت على سيدنا ابراهيم وعلى ال ابراهيم
الله اكبر الله اكبر لا اله الا الله
الله اكبر ولله الحمد
لبيك اللهم لبيك
لبيك لا شريك لك لبيك
ان الحمد والنعمة لك والشكر
لا شريك لك لبيك.. { إِنَّ رَبَّكَ لَبِالْمِرْصَادِ }..
تعليق
-
صبحكم بالخير يا عمال العمالية
كيف حالكم اليوم
مصلي على النبي شكلها سهرية امبارح للفجر
نجمة بالزمزامات
صحتين ام بنتين وولد على الدويرة الجديدة
انسوك فيها العويلة كلهم وان شاء الله تعمر بالخير والفرح والسعد
وصحيتي على البازين والحاجات الصقع
وعاد اني منخشش ايدي فاضية بكل منبيش نحرمكم من شئ
امس يا حنة راقدة من الثمانية ونص ههههههههه نووووم للفجر
نضت الفجر وقلت خلي ندلع بنياتي بحويجات وهما في هالغربة المرة
درت يا حنة زميطة وبسيسة وعاد مدلعات بالعسل والرب
يمي يمي نموت على الزميطة بالشاهي والرب
وبقدرة قادر جت الصونية فوق المكتب وقضينا عليها
عندنا قهوة في خدمتنا مش عادية بكل دلع رسمي كل صبح اي نوع مشروبات تفضلووووووووووووووو وطبعا مجاااااااااااااااني ههههههههههههه مش قلنا دلع
هي تفضلووووووووو بنيااااااااااااااتي.. { إِنَّ رَبَّكَ لَبِالْمِرْصَادِ }..
تعليق
-
حتى اني جييييت وجبت فطوري معاي وحدة غايرة
تعليق
-
مبروك عليك الدويرة الجديدة يام بنتين وولد اما عالضيافة تهببببل وخصووووصا البازين الي قداش ليا ماكليتهتعليق
-
الاء يعطيهالك زميطة حرام عليك نمووووت عليها وانت ماتجيبيلنا غير الحاجات الي تسفه حتى البسيسة منضرها مغري مع اني مناكلهاش هلبةتعليق
-
صباح الخير وكيف حالكم وشنوا خباركم مبروك عليك الدويرة ياام ليبنتين وولد
ومشكورة علي البازين والله شكله مش عادي والحلوة للحلوين ولاله
وني جيبت معاي الفطور هي تفضلوا
تعليق
-
هي اني اليوم عازمتكم عالفطور مش غير الوءة الي تعزم مش قتلكم وحدة غايرة
تعليق
-
جمولة يا مرحبتين صباحك ورد ان شاء الله
فريفيرة يا اهلين بنور العين
مصلي على النبي قداش بناكل لناكل
كل شئ احلى من الثاني
الله يهنيكم
وهذا يا حنة السويسرول اللي تبيه ترهولانـــــــــــــــــــــد
طريقة السويسرول الحار
المقدار عمل 15 شريحة
العجينة:
نص كيلو صدر دجاج مفروم
بصلة صغيرة مبشورة
ملعقتين كبيرتين خل ابيض
ملعقة صغيرة مستردة
ملعقة صغيرة فلفل اسود
ملح حسب الرغبة
نص كوب خبز ناشف (بقسماط)
الحشو:
وهذا والله صعب ازبط مكياله بس حوالي ثلاث اكواب كيمة او زي ما يقولو في مصر لحمة معصقة (لحم مفروم + بصلة كبيرة + ملح وفلفل اسود وباربيكا نطبخهم مع بعض مع شوية زيت حتى ينضجو ونصفيهم من ميتهم كويس)
فستق في الوسط
الطريقة:
نعجن الدجاج مع كل المكونات ونمده على نايلون حتى يساعدك في اللف وبعدين نمد عليه اللحم المفروم وفي الوسط نضيف الفستق يعطي منظر حلو عند التقطيع وبعدين نلفها بشوي بشوي ونضغط عليها حتى نخرج كل الهواء من داخلها ونضعها في طاجين مدهون بزيت ونشويها في الفرن من فوق وتحت لمدة خمس دقائق بعدين نغطيها بورق الالمونيوم ونتركها في الفرن عشرة دقائق ونخرجها منه ونتركها حتى تبرد وبعدين نقطعها حلقات
وبالهناء والشفاء
وبالهني عليك
.. { إِنَّ رَبَّكَ لَبِالْمِرْصَادِ }..
تعليق
-
صباح الخير جمولة حتي انت جايبة فطور عادي تو نحطو علي سفرة وحدةتعليق
-
الوءة صباح النور ياعسل كانك قاعدة نبي نسالك علي طريقة حاجة مرة ضقتها في مناسبةتعليق
-
صباحك ورد وفل وياسمين يافرفورة اكيد حانحطوه علي سفرة واحدة
وصباح الخير صباح النور صباح الفلة ولبنور يامامالاءتعليق
-
نبي نسال علي طريقة سويسرول حلو ناجح مية بلمية
اني كل مرة انديره مايطلعليش باهي بكلتعليق
تعليق