ركن خاص ببنات المنصورة_ واهم اماكن للتجميل والشراء(الجزء الثالث)

[looooza]

هاى يابنات ازيكم كل عام وانتم بالف خير ويعود عالينا اجمعين الايام بكل خير يارب
ويارب السنه الجايه كل واحده يكوت ربنا حققلها اللى بتتمنها

دولقتى عندى 3 اسئله

الاول: لقيت بنات كتير من القاهره بيكلمو عن ملح الحليب اللى من منتج اسمو يوكو وقد ايه بيبسض ومقشر تحفه وموجود فمصر ب 15 جنيه بس ياترى فى منو هنا ياريت بجد اللى تعرف تدلنى ضرورى موت وربنا

السؤال الثانى :حد يعرف منتجات حراز وزيوت بتعتو بتتباع هنا فالمنصوره ولا لا واذا فى يكون فيين

السؤال الاخير :فى زيوت عند الصمدالقرشى للشعر حد جربها او اشتراه وبكام وكده

[jomana8090]

بصى يا قلب فاضى بالنسبة لسؤالك الاول
ملح الحليب انا جربتة انا وواحدة صاحبتى وبصراحة نتيجتة عادية جدا
هو بيدى بس نوعمة للجسم مؤقتة انما غير جدا مفيش تفتيح يذكر يعنى
انما لو عايزة نوعة بجد فعلا جربى السكرب اللى كنت كاتباة اللى كان بالجلسرين
انا اشتريت ملح الحليب ب 15 جنية
من محلجملة ف نص العباسى
ممكن تلاقية عند بيوتى او صيدلية الطرشوبى او اى محل بيتعامل مع مستحضرات تجميل


بالنسبة لمنتجات حراز معتقدش انة عندة فرع هنا
بس ممكن تكون منتجاتة بتتباع عند موردين لة هنا بس طبعا متتضمنيش انها منتجات حراز الاصلى
يبقى قدامك حلين
يا اما حد يشترى لك اللى انتى عايزاة من حراز الاصلى ف القاهرة
او انك تروحى للنقيطى ودة يعتبر اشهر عطارة ف المنصورة للزيوت والاعشاب

بالنسبة لعبد الصمد القرشى
موجود لة فرع هنا ف المنصورة
انا اشتريت زيت جدايل حلو اوى بس انا جايباة من السعودية
القزازة كانت عاملة حوالى 110 ريال
معرفش هنا بكام
انا كنت جايبة نوع خاص بتقوية الشعر ونوع خاص بالتطويل
هى قزازة قزاز كدة واخرها بخاخ واحدة لونها اخضر والتاينة احمر
وبصراحة هو زيت ممتاز
شوفت منة هنا عند صيدلية الطرشوبى وقالولى القزازة ب 85 جنية بس طبعا مضمنش انة من عبد الصمد القرشى الاصلى
يبقى الافضل انك تروحى فرع القرشى اللى هنا
او حد يشترى ليكى وهو جاى من السعودية
وكل سنة وانتى طيبة

[looooza]

شكرا اوى على المعلومات القيمه دى
وانشاء الله من بكره هروح عبد الصمد واقلكم الاسعار
لتعم الفائده انشاء الله

[looooza]

يبناااااااااااااااااااااات الحقونى
عاوزه اماكن محلات اجيب منها لانجرى وعباة الصباحيه وترنجات وبيجمات صيفى حلوه
قوليلى اسميهم وفيين وياريت يكونو مش غاليين
ساعدونى الوقت ازف ولازم اجهز نفسى

[jomana8090]

انا شوفت النهاردة محل قدام بشندى اللى ف السكة الجديدة
حاطط عبايات نبيتى كلة شغل وحلوة اوى هى تنفع خروج بس انا ناوية اروح تانى اشوفها عن قرب لانى شوفتها ف الفاترينة بس انا طبعا هاجيبها استقبال بأذن الله
بالنسبة للسعر معرفش سعرها لان المحل كان قافل
بس زى ما قولت لك وجدى جلال عندة عبايات استقبال قطيفة ملهاش حل ب 209
وترنجات بيت ب 185

الانجيرى اللى اسعارة معقولة موجود عندك ف ممر العائلات الشارع دة مليااااااااااااااااااااااااان

الحاجة كمان عندة تشكيلة ترنجات بيت عادى وقطيفة
البيجامات القطيفة ب 138

بس على فكرة كل الموجود ف السوق دلوقتى شتوى
اللى موجود صيفى لبس الخروج بس وتقريبا تصفيات
انما اغلب لبس البيت اللى معروض شتوى

[looooza]

ممر العائلات ده فيين ؟
مش عارفه انا لحد دلقوتى منزلتش ومدليقه وكل ماقول هانت وهنحدد معاد تلاقى مشكله جديده
كل المؤشرات تخوف وربنا يستر شكلها مش هتعدى
ادعولى يبنات انا زهقت والله بيقيت خايفه شكل الموضوع مش هيتم

[jomana8090]

يا حبيبتى استبشرى خير وبأذن اللة كل حاجة هاتعمليها ف وقتها
وهاتجيبى احسن حاجة بأذن الله

بصى
عارفة عبد الله الطير الفرع الجديد اللى ف وسط السكة الجديدة الشارع اللى قدامة على طول هو دة ممر العائلات اللى بقولك علية
هتلاقى على اولة كابينة تليفون ومحل بتاع مفارش بلاستيك ومشيات وحاجات من دى

[looooza]

ربنا يكرمك ياجومانا مترحمش منك ابداااااااااااااااااااااا

[jomana8090]

ولا يحرمنى منك يا حبيبة قلبى
احنا كلنا اخوات

[نسيبة سمير]

جومانة ازيك عامله ايه معلش بقالي فترة مدخلتش وكانت طويلة شوية
والله يخليكي يا جومانة ده بس من زوقك
وبصراحة بس الله ماشاء الله فكرة الموضوع جميلة جدا
وربنا معاكو ويعجلكوا بزواجكم ويرزقكم خيرا مما تتمنوا
وادعوا لي انا كمان بالشفاء اولا وبالنجاح تانيا و بالزوج الصالح تالتا لي ولاختي

[jomana8090]

ربنا يشفيكى يا رب ويرزقك انتى واختك بالزوج الصالح يااااااااااااااارب (اللهم امين)

[looooza]

اللهم اميييييييييين

[نسيبة سمير]

متشكرة جدا لوزة وجومانة
وربنا يفرحنا بيكو يارب

[K.S.A..]

[looooza]

وعليكم السلام ورحمة الله وبركاته