ركن خاص ببنات المنصورة_ واهم اماكن للتجميل والشراء(الجزء الثالث)

[dodosama]

بنت اصول انا معاكى ياست الكل خلاص نفكنا من موضوع المجموعه ده

دودو سما الاقى فين منتجات حراز انا سلقت فابراهيم سليم ملقتش هشوف النقسطى وربنا يسهل
وياترى الحلاوه رقة المشاعر بكام ؟واقدر اخدها ازاى ؟

منتجات حراز حتلاقيها ان شاء الله عند النقيطى
و لو ماليقيتيش قوليلى و انا اوفرهالك برضه ان شاء الله
عشان انا بشتغل فى حراز برضه

اما حلاوه رقه المشاعر فعلى الخاص
عشان مش ينفع هنا اتكلم فى المواضيع التجاريه
قوانين المنتدى يعنى

[looooza]

بصى انا ضفتك وبس انا اوف لاين

[looooza]

يجمااااااااااااعه عاوزه صبااااااااااااااااااااااااااااااار :'(

[jomana8090]

بت يا لوزة والله انا بسأل لك ماما واخواتى
اخويا بيقول ممكن تجيبية من اى مدرسة زراعة
بس خلى بالك لو عايزاة لشعرك هو بيوقع الشعر
ولو ناوية تروحى المقلة اللى ف التميهى انا ممكن اساعدك واعمل تموية لحد ما تسرقى الصبار قصدى تستعرية يعنى

بنت اصول
اهلا بيكى الاول معانا
عايزة اقولك ان الشغل الحلو بيسوق نفسة لوحدة
يعنى لو بدأتى بحد قريبك او اصحابك وكان شغلك حلو هتلاقى الناس بتدور على شغلك لوحدهم
على عموم احنا اغلبنا هنا عرايس
حاولى تصورى شغلك واحنا نتفرج يا ستى ونقولك راينا(بس اتوصى انتى بينا)

[so bright]

هاى جوجو انا عضوة جديدة معاكو بس عجبني اوى الموضوع بتاعك ممكن تقبلينى صديقة

[jomana8090]

هاى يا bright
منورة معانا طبعا واهلا بيكى صديقة معانا
انت منين من المنصورة بقى؟؟؟؟؟؟؟؟؟؟؟؟

[بنت أصول]

انا صورت المفرش وإن شاء الله هنزله
وهروح النهارده كمان اشتري خامات عشان اعمل كمية افرجكم عليها
بس الكمية دي هتستنى شوية عبال ما اخلصها
يعني اسبوع أو اتنين
بس برضو معاكم يوما ان شاء الله

[بنت أصول]

لوزة
بالنسبة لموضوع الصباااار
هقولك حاجة والله حصلت بجد
كان عندنا صبار زينة وماما عصرت منه على وجهها
وتخيلي ايه اللي حصل
وجهها ورم واحمر كام يوم واتكسفت تروح للدكتور تقول هقوله ايه ههههه

المهم مش اي صبار والسلام خلي بالك
لازم نوع يكون مخصوص للحاجة اللي انتي عاوزاها
او شيلي الموضوع من دماغك لو ملقيتيش طلبك

جمانة شكرا ليكي
وادي الصحاب ذادو واحدة كمان
ولا إيه ؟.........

[بنت أصول]

كوكو انت فين
بنتي خدت اداب E وهي في بطني كورس مكثف 9 شهور عشان لما تطلع للدنيا تبقى بت مثقفة ههههههه
طبعا انا اللي اداب E خريجة 2006

[kokoko213]

ها فهمت يعنى انتى الكنى فى اداب منا قولت بردة ازاى بنتك عمرها 7 شهور وفى كلية اداب امال هى فى كلية اية ؟

[looooza]

يعنى الجل اللى فصبار مش كويس هى كانت خلطه للجسم ومقدار الصبار حوالى 6 معالق كبار بالاضافه اللى كافة المكونات والله انا زعلانه خالص كان نفسى اجربها اوى

[بنت أصول]

معرفش هو كل انواعة كده ولا لا
اللي انا حكتهولك هو اللي حصل
يمكن في انواع معينة بس هي اللي بتستخدم للشعر او الوش
المهم متستعمليش اي نوع وخلاص
اتأكدي انه لأغراض التجميل
مش عاوزين خسائر في الأرواح ....هههههههه

[dodi_235]

اهلا بيكي يا بنت اصول معانا انتي و BRIGHT نورتو المنتدى يا قمرات و الله

[jomana8090]

يا حاجة لوزة هانم
ابعدى عن موضوع الصبار دة سواء لشعرك او لجسمك
انما لو عايزة تتطبخى بية مثلا وتعملى اكلة جديدة مفيش مانع خاااااااااااااالص
عايزة بقى وصفة تحفة بتدى نعومة جامدة للجسم وتحسى بشرتك زى بشرة البيبى والكل يسألك اية النعومة دى يبقى اسألينى انا وانا هاقولك

بالنسبة لبنت اصول احنا ف انتظار شغلك
ويا ريت لو عندك شغل من قبل كدة تصورية ونشوفة

[looooza]

ماشى ياجومانا هانم حاضر بس انا لقيت الصبار خلاص وهجرب وامرى لله اصلى مستبيعه من الاخر
وعلى فكره انا بشرتى حساسه اصلا فلو طلعت حلوه هقلكم عاليها اصل ناس كتير شكرو فيها وربنا يسهل انشاء الله

بنت اصول مازلنا فنتظار اعمالك وانجازاتك ...................waiting