بيتنا الفلسطيني مفتووح للحبايب اهلا وسهلا

[سواد العيون]

بسم الله الرحمن الرحيم
يا هلا فيكم وفي بيتنا الفلسطيني
تفضلووا وادخلوا بارجلكم اليمين
وياااهلا

[أسرار إمرأة]

سكروا البيت القديييييييييييييييم >>>رااح يطردونها المشرفات هههههههههه


طيب ياااسوواد لميتينا في بيت الحمدلله

[سواد العيون]

كتبت رد طوويل ولقيت البيت مغلق
ع العموم هااد ردي يا اسرار
اي طبعاا يا اسرار
الحنه بيت العرووس واحنا عادتناا انا اهل العريس يروحو على بيت العرووس وهمه جايبن الحنه معهم
نرقص ونغني عندهم ونحني العرووس ونرجع ع بيتنااا
ما نكمل الحنه ل اخرهااا
ال عيب
بس احنا غيرنا بالعادات بقينا ل اخره الحفله
ههههه
لزقه
ويس وبتكوون للعريس كمان حفله مع اصحابه وحفله ودبكه
بس انا عندي حفله الشباب احلى
بتكون دائما بسااحه قدام البيت يعني بالشارع ودبكه واغااني والرايح والجااي بشوفهاا شي حلو كتير
ذكرتني باللي مضى
وطبعا العريس لازم ما يشووف العرووس يوم حنتهاا ما بعررف ليش القصد
بس انا يوم حنتي جااي عرريسي وشاافني يمكن لانننا قرايب عاادي
ههههههههه

[سواد العيون]

ليلة الحنا

ليلة الحنا هي الليلة التي تسبق يوم الزفاف. تجتمع النسوة من أقارب العريس وأصدقاء الأسرة في بيت العريس، تقوم إحدى النسوة بعجن الحناء ووضعه في (صوان) أو على (سدر) ويغرس فيه الورد والريحان، وتضاء الشموع المغروسة في الحناء، ثم تنطلق النساء بشكل جماعي إلى بيت العروس وهن يغنين يصاحبهن العريس ووالده وبعض من أفراد أسرته، حتى إذا وصلن إلى بيت العروس استقبلتهن والدة العروس وقريباتها. وهنا تبدأ النسوة (بالمهاها) والغناء والرقص وهن يحملن صينية الحناء، فإذا ما اقترب موعد (تحناية العروس) بدأت أم العريس بتقسيم الحناء بصرر صغيرة على المدعوات وتستبقي قسما للعروس.

وبعد ذلك تقوم إحدى النسوة البارعات بتحنية كفي العروس وقدميها بشكل جميل، يصاحب ذلك الغناء والمهاها، وتتصف سهرة الحناء عند النساء بالقصر عادة ليتسنى للعروس أن تنال قسطا من الراحة قبل يوم الزفاف. فإذا كان يوم العرس رأيت أكف النساء وقد اكتست بلون الحناء دلالة على الفرح والسرور.

وهذا لقيته بالبحث بالقوقل

[سواد العيون]

بس غرريب اول مره اعررف انه العريس وابووه يروحو عبيت العرووس

[ام ادم 007]

عدنا

اسرار حلوه كتير اعراس فلسطين خاصه اللي عنا هون في القرى احلى من المدن

متل ما قالت سيسي اول شي حفلة الحريم وبعد ما تخلص بتبدا حفلة الرجال السهره

وبجيبوا فيها يا فرقه موسيقيه او شعار واغاني شعبيه دبكه وسحجه

حلوه خالص حفلة الرجال صبابا

وفيهها بعملوا عشاء للضيوف بدبحوا الدبايح وبطبخوا والكل بتعشا

وتاني يوم العرس وزفة العريس عنا بعملوها عالفرس يعني العريس بركب عالفرس وبتحمم في بيت خواله او جده وبطلع من هناك على الفرس والناس بتزف فيه على انغام الدبكه

وبصيروا يعطوا نقوط يعني فلوس للعريس بعلقوه على الجاكيت روعه للخطف ههههههههه

بعدها بيوصل لبيت اهله وهناك في الغداء للضيوف

والعروس بتكون عند الكوافيره تتزوق بس بتخص بروحوا على الصاله وتوتا توتا خلصت الحتوته

ولولولولوويشششششششششششششششش

وعقبال ما نشوفك عروسه

[سواد العيون]

مكررررر

[سواد العيون]

ام ادم اختصررتي علي الكتاابه
بس العريس بشووف العروس يوم الحنه او لا

[ام ادم 007]

اليوم عنا حفلة حنا عرس ابن بنت عمي

بس ما بدي اروح لانه ادم معي والله ما بهنيني بقعده هاولد بده يضل يطلع

بروح عالعرس بكره لانه ابوه بكون هون بياخده مني شوي

[أسرار إمرأة]

كتبت رد ياااااااااااااااااااسوواد وانمسح اااااااااااااااااااه رااح اعيده هههههههههههههههههه

ام ادم هااد العرررس صح متل ما قالت سيسي اول شي حفلة الحريم وبعد ما تخلص بتبدا حفلة الرجال السهره

وبجيبوا فيها يا فرقه موسيقيه او شعار واغاني شعبيه دبكه وسحجه

حلوه خالص حفلة الرجال صبابا

وفيهها بعملوا عشاء للضيوف بدبحوا الدبايح وبطبخوا والكل بتعشا

هاد اول يوم زواج يعني ليلة العرس ؟؟ او ليلة مااقبل العرس ؟؟

[ام ادم 007]

سيسي احنا هيك اعراسنا بالزبط بتجنن بس انا بحب العريس يكون من العيله مو العروس

لانه اذا العروس من عيلتنا منستحي نرقص ونلبس

ااه العريس عنا بدخل على الحفله بس ما بطول لانه النسوان بكونوا ماخدين راحتهم اوي باللبس وبس يدخل بلبسوا عبايه

برقص شوي مع العروس وبطلع يحضر لحفلته مع اخوته وقرايبه

[أسرار إمرأة]

سووواد بردي اللي انمسح كنت عم قوول ليلة الحنة قبل الزوواج بكم ؟؟

وهي بعد عقد القراان صح ؟؟

والعريس بيرقص قداام بيت اهلو مو قدام بيت العروس ؟؟


وكنت عم قلك ان زوجك اجا شاافك بالحنة يمكن انتي حابكتلك حبكة ههههههههههههههه ومخططة على شي خطة مشااان يشووفك هههههههههههههههههههههه الشووق لاعب لعبتوو خخخخخخخخخخخخخ عم بمززح ههههه

[أسرار إمرأة]

[QUOTE]
ام ادم هااد العرررس صح متل ما قالت سيسي اول شي حفلة الحريم وبعد ما تخلص بتبدا حفلة الرجال السهره

وبجيبوا فيها يا فرقه موسيقيه او شعار واغاني شعبيه دبكه وسحجه

حلوه خالص حفلة الرجال صبابا

وفيهها بعملوا عشاء للضيوف بدبحوا الدبايح وبطبخوا والكل بتعشا
[/QUOTE]


هاااد يوم العرررس ؟؟؟ او قبلو بيوم ؟؟

[ام ادم 007]

شفتوا الاعلان اللي في المنتدى عن الجراحه التجميليه هههههههههههه

عرف وين يحط اعلانه هالدكتور بس خساره عن تجميل الانف وشفط الدهون

يعني ما في تكبير ولا تصغير اشياء تانيه خخخخخخخخخ

[ام ادم 007]

لا اسرار هاد قبل العرس بيوم

وعقد القران قصدك كتب الكتاب يعني هاي بتصير قبل بفتره وبتصير حفلة خطوبه كمان

وعلى هوى ما بدهم بعدها بعملوا العرس انا تزوجت بعد سنه من عقد القران