البيت الأماراتى ال26 ** لحد ما ترجع هابى بالسلامة

[ورده مصريه]

السلام عليكم .. ازيكم يا حلوين

جمعه مباركه بإذن الله عليكم وربنا يتقبل دعائكم بإذن الله

اهلا نورا ازيك .. ايه اخبار مريومه عامله ايه ..؟؟

بصى يا نورا بالنسبه لفكرتك عجبتنى اوى انا كنت كل ما افتح بيت اماراتى او البيت المصرى يعنى يصادف انا ابتدى وافتحه دايما اقول فى اوله اتكلموا يا جماعه فى موضوع مهم فيدوا بعض لكن مع الاسف كله رغى فاضى والله انا موافقه على الفكره دى
بس ليا ملحوظه ممكن بدل ما نخليها اسئله مثلا نخليها احاديث ومعناها او معلومه دينيه لأن اعتقد ان فيه بعض الأخوات ممكن مش متعمقين اوى فى الدين يعنى ممكن ميعرفوش يجاوبوا على سؤال دينى ( ده فرضا) يا ترى فهمتينى

[ام يونس مستغانم]

السلام عليكم.
و جمعة مباركة بإذن الله . و تقبل الله منا و منكم صالح الأعمال


لا حول و لا قوة إلا بالله العلي العظيم 3
أستغفر الله الذي لا إلاه إلا هو الحي القيوم و أتوب إليه 3
سبحان الله و بحمده , سبحان الله العظيم 3
سبحان الله و الحمد لله و لا إلاه إلا الله و الله أكبر 3
لا إلا ه إلا أنت سبحانك إني كنت من الظالمين 3

[منة من الله]

ازيك ياقطة؟
ازيك يا ام يونس؟
جمعة مباركة على الجميع

[yehia2007]

شوفى يا قطه طبعا نورا عرضت الموضوع عليا وانا قلتلها ردى بكل صراحه ان البيت هنا بيدخله بنات من كل مكان وكل يوم ناس جديده يعنى احنا مش ملتزمين بمجموعه محدده وطبعا كل واحده بتدخل تتكلم فى اى موضوع وبنهزر وبنضحك لان ده مكان الالعاب والترفيه وانا قلتلها ان افضل حاجه نعمل موضوع خاص بفكرتها لكن اننا نضحك شويه مثلا يعنى وبعدين ندخل فى موضوع دينى حيبقى الكلام مش مترتب وحنلاقى الموضوع بيتقفل وممكن يكون سؤال واحد او اتنين بالكتير جدا احنا زمان كنا بنعمل مواضيع ومسابقات عن مصر بس كنا بنخصصلها موضوع خاص لاننا جربنا نقدم مشاركاتنا فىنفس البيت والموضوع فشل لان الرغى كان اكتر من المشاركات

المهم خلاصة الموضوع عشان انتى غلطتى وانتى بتقولى انك كنتى بتقولى نتكلم فى موضوع مفيد لكن للاسف كله رغى فاضى هو ايه اللى رغى فاضى انا مش فاهمه ليه دايما بتحبى تلطشى بالكلام عيب كده هو ده اسلوبك فى الكلام ولا انتى بتبقى مش واخده بالك من اللى بتقوليه
لو دى طريقتك وانتى مش بتاخدى بالك بتقصدى ايه يبقى ساعتها الواحد مش حياخد عليكى ولما نقرا كلام ميعجبناش مش حنعلق خالص
انتى كنتى بتتكلمى عن موضوع الامهات وكل واحده تقول حاجه مفيده ده فى بداية مواضيعك واحنا مش كلنا هنا امهات فى بنات بتدخل معانا ولو لاحظتى ان البنات فتحو بيت ليهم للبنات فقط وبعدين بالنسبه للمواضيع المنتدى هنا مليان مواضيع لكل الاقسام والامهات فاتحين ليهم موضوع فى الامومه والطفوله كل يوم بيدخلو يحكو عن اولادهم
تانى حاجه المواضيع الدينيه ليها قسم خاص بيها ممكن برده نلاقى موضوع او نعمل موضوع بفكرة نورا
وبعدين احنا اصلا معندناش كم الاحاديث المحفوظه اللى حنشرحها ونوضح معناها وبالنسبه للاسئله اى سؤال حيتعرض علينا حنبحث عنه فى النت ونجاوب عليه وده مش عيب لاننا برده حنستفاد وأنا مش ضد الفكره وقلت كده لنورا
انا معاكو فى اى حاجه بس اتفقو بس اللى زعلنى بجد هو ردك انا بصراحه مكنتش عايزه اعلق بس لقيت بجد ان رد مستفز
احنا بندخل البيت علشان نفرفش مع بعض ونحكى اخبارنا ونطمن على بعض وبتهيألى ده مكانه الصح ولو كنتى عايزه مواضيع تستفادى منها المنتدى مليان مواضيع يعنى النص ساعه اللى عايزه تتكلمى معانا فيها هى دى اللى حتفيدك
عيب كده الغلط ده احنا هنا كلنا اخوات وحبايب وانتى لما بتقولى كده مش بتغلطى فى حد معين غير انك بتغلطى فى الكل ياريت تاخدى بالك من كلامك لو سمحتى وعلى فكره انا مش بقولك كده عشان زعلانه منك او عشان اتزعلى منى لاء انا بس مبحبش يكون ده اسلوب الكلام ما بينا

وانتى يا نورا ادرسى الموضوع واعرضيه على الركن الخاص بيه وابدئى وابعتيلنا الرابط واحنا معاكى ان شاء الله

[yehia2007]

اهلا يا منه ازيك اخبارك ايه
ام يونس عامله ايه يا قمر

[منة من الله]

الحمد لله كويسة ياحبيبتي انتي عاملة ايه ياسمسمة؟ ونور اخبارها ايه؟

[yehia2007]

الحمدلله احنا بخير وانتى خلصتى امتحانات خلاص خدتى الافراج ههههههههههههههههههه

[yehia2007]

استأذنك يا منه اقوم اصلى العصر ورجعالك

[منة من الله]

لا لسه مخلصتش هو انا اصلا لسه بدأت هههههههههههه
ادعيلي ربنا يستر السنة ده

[منة من الله]

اتفضلي ياحبيبتي

[ام يونس مستغانم]

أهلا حبيباتي
منة و أم نور
كيف

[منة من الله]

الحمد لله يا ام يونس ممكن اتعرف عليكي

[ام يونس مستغانم]

أنا أم يونس من الجزائر
عمري 29 سنة
عاملة و أم ليونس حفظه الله

[منة من الله]

اهلا بالجزائر واهل الجزائر

[ورده مصريه]

المهم خلاصة الموضوع عشان انتى غلطتى وانتى بتقولى انك كنتى بتقولى نتكلم فى موضوع مفيد لكن للاسف كله رغى فاضى هو ايه اللى رغى فاضى انا مش فاهمه ليه دايما بتحبى تلطشى بالكلام عيب كده هو ده اسلوبك فى الكلام ولا انتى بتبقى مش واخده بالك من اللى بتقوليه لو دى طريقتك وانتى مش بتاخدى بالك بتقصدى ايه يبقى ساعتها الواحد مش حياخد عليكى ولما نقرا كلام ميعجبناش مش حنعلق خالص

عيب كده الغلط ده احنا هنا كلنا اخوات وحبايب وانتى لما بتقولى كده مش بتغلطى فى حد معين غير انك بتغلطى فى الكل ياريت تاخدى بالك من كلامك لو سمحتى وعلى فكره انا مش بقولك كده عشان زعلانه منك او عشان اتزعلى منى لاء انا بس مبحبش يكون ده اسلوب الكلام ما بينا

انا مصدومه بجد وانا بقرأ كلامك

اولا : كلامك متناقض جدا مع بعضه شوفى الكوبى اللى انا جيباه من كلامك واعرفى فين التناقض وانا اسفه انى بقول كده لو فعلا انتى بتعتبرينى اختك متقوليش الكلام اللى انا قرأته ده ..

ثانيا : انتى ايه اللى مزعلك لو حاسه انك افدتينا متتكلميش ولا تزعلى اصلا والا ايه ...؟؟ انا مش فاهمه ايه اللى مضايقك من كلامى كلمه رغى فاضى هى الكلمه دى شتيمه لا سمح الله يعنى ...

انا اقصد ..اننا طول الوقت بنرغى فى كلام ملهوش اى لازمه ..اه ده ركن خاص بالألعاب والترفيه لكن اصلا احنا اتنقلنا من ركن الحمل والولاده وكلنا كنا معترضين ولكن اللى حصل حصل اهه وبعدين موضوعنا مكتوب عليه البيت المصرى وليس بيت اللعب والضحك والفرفشه والا ايه ....؟؟ ده راى واظن انا حره فيه ولو سمحتى متغلطيش تانى بالشكل ده .... والله يسامحك ....

واعتقد لحد هنا مليش كلام تانى معاكى وكفايه لحد كده ,,,,,

بصى يا نورا بالنسبه لفكرتك عجبتنى اوى انا كنت كل ما افتح بيت اماراتى او البيت المصرى يعنى يصادف انا ابتدى وافتحه دايما اقول فى اوله اتكلموا يا جماعه فى موضوع مهم فيدوا بعض لكن مع الاسف كله رغى فاضى والله انا موافقه على الفكره دى