تعالوا شوفوا جمال طبيعة ربنا فى بيت المصريات *54* بنات وبس

[ghada ali]

يا حبيبي هو وصل للمرحلة دي
شافاه الله وعافاه
أنا ولادي عانوا من موضوع إلتهاب الأذن دة
والأسبوع اللي فات عمر كان شكله ناوي على دور محترم
بس ربنا لطف بيه الحمد لله
ربنا يستر ويشفي علي ويتم شفاه على خير يارب

اللهم امين
والله الحمد لله كل مرة كان علي بيعرف يعدي منها على خير بس الايام دي الجو في مصر وحش قوي شويه حر و شويه برد و شويه هوا و تراب و مليان تلوث على اخره ربنا يسترها و تيجي على اد كده بس
المهم انتي اخبارك ايه انتي و عمر و صهيب يارب تكونوا بصحة و عافيه

[mishoo12]

السلام عليكم يا بنات
ازيكم وحشتونىىىىىىىىى

[mishoo12]

كل سنة وعمور بخير يا رحاب ويارب تشوفيه راجل ملو هدومه
ويكون خير شباب الدين والامة

[ghada ali]

السلام عليكم يا بنات
ازيكم وحشتونىىىىىىىىى

اهلا يا جميل ازيك عامله ايه

[mishoo12]

غادة الف سلامة على علىّ
وعندك حق الجو فظيع جدا الايام دى وكله امراض

[mishoo12]

ياترى يا جماعة حد عنده فكرة مين من الاخوات اللى كانت عاملة موضوع عن كتاب به 70 لفة طرحة
تقريبا كان فى موضوع المقبلات على الزواج
انا متهيألى انها سمسم

[ghada ali]

غادة الف سلامة على علىّ
وعندك حق الجو فظيع جدا الايام دى وكله امراض

اه و الله ربنا يسترها معانا و يقويهم يقاوموا التلوث الفظيع اللي احنا فيه
مش انتي برضه مروه ام النونين صح كده و لا انا خلاص مبقتش نافعة

[ghada ali]

ياترى يا جماعة حد عنده فكرة مين من الاخوات اللى كانت عاملة موضوع عن كتاب به 70 لفة طرحة
تقريبا كان فى موضوع المقبلات على الزواج
انا متهيألى انها سمسم

متهيألي كانت سمسمة فعلا و كانت بتقول اسمه في موضوع من الموضوعات بتاعتنا القديمه على ما اتذكر

[mishoo12]

مش انتي برضه مروه ام النونين صح كده و لا انا خلاص مبقتش نافعة

مظبوط يا غادة انتى هتتعدى منى ولا ايه
انا متخصصة اللخبطة

[ghada ali]

مظبوط يا غادة انتى هتتعدى منى ولا ايه
انا متخصصة اللخبطة

الحمد لله لسه فاضل عندي شويه مخ باقي
بناتك عاملين ايه يارب يكونوا بخير انا نسيت انتي قلتي انتي منين

[mishoo12]

انا من عروس البحر الابيض
عرفتيها طبعا
الاسكندرية

[ghada ali]

انا من عروس البحر الابيض
عرفتيها طبعا
الاسكندرية

حبيبتي الاسكندرية بجد بحس انها اجمل مكان ممكن الواحد يغير فيه جو مع اني مجربتش اروح مرسى مطروح بس بجد بموت في الاسكندريه انتي منين في الاسكندريه و بناتك عمرهم اد ايه

[mishoo12]

انا اساسا بيت بابا كان فى سيدى جابر ودلوقت لما اتأهلت ساكنة فى بولكلى و فى ناس بتعتبرها كفر عبده
انت تعرفى ايه فى الاسكندرية ؟

[mishoo12]

البنات فى سن اولادك تقريبا
نور 4 سنين و5 شهور
وندى الشهر ده هتكمل سنة ان شاء الله

[ghada ali]

البنات فى سن اولادك تقريبا
نور 4 سنين و5 شهور
وندى الشهر ده هتكمل سنة ان شاء الله

اه ده في سن الاتنين الصغيرين عبد الرحمن 4 سنين و 3 ايام و محمد 9 شهور و نص بس انا عندي في علي 7 سنين و نص في اولى ابتدائي
انا اعرف في اسكندريه الاماكن بتاعة التصييف سيدي بشر و المعمورة و محجطة الرمل و شارع خالد بن الوليد و شارع جمال عبد الناصر و الحته القديمة اللي تجنن اللي فيها ابو اشرف بتاع السمك و حسني القديم كده يعني بس بجد بموت فيها
بس انا معر فش الحته اللي انتي ساكنه فيها دي جنب ايه معروف