رعب حقيقي في الثانويه ....

[هايبرا]

رعب حقيقي في الثانويه ..

مرااااااااااااااااااحب يا بنوتات ... أخباااااااااااركم ؟؟؟؟ طيبين إن شاء الله

بدون مقدمات و خرابيط بكتب الرعب إلي سارلي في المدرسه ..... الله لا يعيده ... قولوا آمين ..

بسم الله نبدأ :

أولا مدرستنا طبعا مدرسه شديده ... يمنعون لبس البنطلون الجينز تحت المريول , ويمنعون تجيبين الروايات

للمدرسه , والصور المخالفه , والمجلات , وخاااااااااااااااصه الجوال ( الجوال ) .. شوفوا زين ترى مكتوب

جوال ..

المهم صديقاتي أو بنات المدرسه عموما يجيبون جوالاتهم بالدس , يعني الإجرام بعينه , دايما يجيبون الجوالات

ويخبونها في جيوب البنطلون .. أيام الدراسه العاديه , وأيام الاختبارات خصوصا , وإذا سار فيه تفتيش فيه طرق

خاصه للإخفاء .........

المهم : أنا في أيام الاختبارات هذي ( الاختبارات النهائيه ) أشوف البنات جايبين الجوالات وعاندي عندهم وإذا

خلصوا يدقون على أهلهم عشان يجون يا خذونهم .. شفت الوضع عادي وما فيه تفتيش ( أساسا السنه كلها ما

صلحوا تفتيش ) .. المهم قلت خلاص بكره باخذ جوال إختي ( جوالها نوكيا بكمره .. اسمه دلع البنات ) ..

وقررت أنا وياها وخلاص تمت الصفقه بنجاح .. بس إلي خفت منه إن إمي تعيي آخذه ... بس قلت بحاول فيها و

إن شاء الله توافق ( على فكره أمي من النوع الشديد . يعني الحركات هذي ممنوعه عندها .. ) .

أنا طول النهار كنت أذاكر .. علينا اختبار توحيد .. وصعب لأن أسئلة الإستاذه أصلا صعبه .. المهم يوم جاء

الليل .. جا المجرم الأول إلي هو إختي وأعطتني البضاعة ( الجوال ) وأخذته وحطيته في الدولاب على أساس

إني بحطه في جيبي إذا لبست المريول .. كل هذا بدون ما تدري أمي ..المهم أنا حطيت الساعه ترن الساعه ثلاث

الفجر عشان أقوم أراجع التوحيد وأقوم أخوي يذاكر .. رنت الساعه وقمت وقومت أخوي وذاكرت ويوم جت

الساعه أربعه خلاص المخ عندي قفل .. رحت أنام .. إلا شوي وتجي إختي قومها صوت الساعه .. جت عندي

وهي في سكرات النوم .. يعني تخرف شبه نايمه .. :

إختي : هايبرا قومي ذاكري ..

أنا : توني نايمه كنت أذاكر ..

إختي : طيب كم هذا ( وتأشر بإصبعها رقم واحد عشان تتأكد أنا صاحيه ولا لأ ) ..

أنا : واحد .. وش تبين ؟

إختي : خلاص أكيد قررتي تخذين الجوال ؟

أنا : إيه .. بس روحي وخليني أنام .....

إختي : بكيفك . بس ترى ما لي دخل إذا مسكوك ..

أنا: طيب إذلفي خليني أنااااااااااااااااااااام .

وراحت الإخت نامت ورجعت أنام أنا بعد ..

جاء الصباح الساعه خمس ونص .. قومتني أمي وقومت إختي الصغيره عشان المدرسه ( الاختبار)..

قمت وصليت ولبست وأفطرت وجهزت كل شي .. باقي أي وشلون أقنعها .. رحت عندها :

أنا : يمه صديقاتي يجيبون جوالاتهم عشان إذا خلصوا الامتحان يدقون على أهلهم ياخذونهم وأنا أنطق لين يفتح

الباب .

أمي : والمطلوب ( يعني بسرعه وش تبين ) .

أنا : يمه أبي آخذ جوالك ( تمويه عشان إذا وافقت أقولها خلاص باخذ جوال إختي ) .

أمي : ( بكل برود ) لا معليش أنا أحتاج الجوال اليوم , خوذيه بكره .

أنا إنصدمت ما توقعت أمي توافق في الأساس . هي بالعاده تهزأ .. وتعيي وتقول بنات آخر زمن ياخذون جولات

المدرسه , يعني لو جامعه معليش ,,, ومن هالمحاضرات اليوميه من الأمهات . ما تتوقعون فرحتي وقتها .

أنا : يه طيب باخذ جوال إختي .( وأنا على أعصابي أخاف تعيي ) .

أمي : خوذيه . بس هي موافقه .

أنا : إيه موافقه .

أمي : إنتبهي عليه . ( وراحت ) .

أنا ماتوقعتها كذا ... طبعا رحت طيران ولبس البنطلون الجينز حقي وحطيت الجوال في الجيب ولبست المريول

فوقه ... ( ترى أنا أول مره في حياتي آخذ جوال للمدرسه ).

ركبت السياره ورحت للمدرسه وراجعت ودخلت الامتحان وطلعت من الامتحان وأنا متشققه فرح لأنه سهل (

الحمد لله) . المهم وأنا رايحه أبي أنزل عشان أقابل صديقاتي أسولف معهم كالعاده إلا أشوف زحمة عند الدرج ,

قلت يمكن عشان الفطور الجماعي إلي مسوينه .. بس كانت زحمه مره ... شوي جتني وحده من صديقاتي تقولي

فيه تفتيش ... أنا من الذكاء ناسيه إني جايبه جوال بكميره بعد .. قلتلها تفتيش عادي ... إلا شوي تذكرت الجوال

وأشهق شهقه سمعوها كل البنات ... جو صديقاتي وسألوني وشفيك ؟ طبعا أنا رايحه فيها لحد يسألني ؟؟

هاله : وشفيك ؟

أنا : جايبه جوال ( والعبره خانقتني ) .

هاجر: هييييييييي جايبه جوال .. إنتي لا ما أصدق ( لأن أول مره أسويها , وعلى حظي صلحوا التفتيش ذاك

اليوم الله ياخذهم .. شكل أحد معلم إن البنات جايبين جولات ) .

وأنا أصيح ما أدري وش أسوي خايفه يكتبوني تعهد وياخذون الجوال وأتورط .. وهم حاشرينا " حاجرينا " في

الدرج مراقبات فوق ومراقبات تحت وإحنا في الوسط يعني ما فيه مجال تنحاشين وتخبين إلي معك ... عني أول

عادي تروحين وتخبين الشي في أي مكان إلحين درج ما فيه مجال .

هاله : طيب هو وينه إلحين ؟

أنا : في جيب البنطلون ( وأنا ميته خوف وما أدري وش أسوي بس أتلفت ).

أنا قلت خلاص عادي إذا فتشوني مو مفتشين البنطلون يعني بس المريول ... شوي أسمع صوت ( ترن طي طاد

) زي كذا تقريبا .. يوم أطل إلا وجايبين جهاز تفتيش زي حق المطار ... يعني حتى النمله يفتشونها .. رعب

حقيقي .. وإلي تفتش مراقبه شريره ... يعني في التهزيئ ما تقصر ..... لسانها طول إبليس ..

أنا خلاص مافيه مجال قعدت من الروعه وقلت خلاص بعطيهم الجوال ... ماخذينه ماخذينه ..

هاله : طيب حطيه بجزمتك يا ذكيه .

أنا : ما يكفي , بعدين هم يفتشون الجزم وكل شي .

هاجر: طيب حطيه بالسنتيانه .

حطيت وجربت طلع منتفخ وهم يفتشون الصدر أصلا .

أنا والدموع في عيني : ما يصلح .

هند : أنا معي محفظة أقلام حطيه فيها .

أنا حسيت بالأمل وعلى طول أطلعه وأحطه بالمحفظه .. شوي تجي هند وتقول إنهم يفتشون المحافظ ... ضاع

النور أقصد الأمل .

قالتلي وحده من البنات أخبيه ورى الزباله وبعدين آخذه و أروح على أطول أدور زبايل في الدرج ما فيه أحاول

أحط في اللوح ما قدرت ..

وأشوف البنات أنواع الفضايح , إلي جوال وإلي مجله وإلي صور وإلي إلي .... وتهزيئ وتعهد وصراخ .


شوي تصرخ هاجر وتقول لقيت الحل ( أنا كنت لابسه جكيت كحلي له قبع من ورى ) .

هاجر : حطيه بالقبع .

أنا : طيب يفتشون الظهر بالجهاز .

هاله : عادي حطيه على مسؤوليتي .

وأنا كنت مسويه بشعري جديله ( ظفيره ) .

هند : حطيه بالقبع وإن شاء الله ما يطيح وغطيه بشعرك .

أنا : أخاف .

هاله : عادي يا بزر ( وتاخذ الجوال وتحطه بالقبع من وراي وتغطيه بكشتي يعني شعري .

المهم جا دورنا في التفتيش وتقدمنا وأنا ما سكه يد هاله وهاجر تمشي قدامي وساره وراي وهند جنبي .

جا دور هند وهاجر وفتشوهم ومروا بسلام ... هاله ما سكه يدي وتقول :

هاله : هايبرا .. قولي هذا الدعاء ( اللهم اجعل من بين أيديهم سدا ومن خلفهم سدا وهم لايشعرون ) أتوقع إنه

كذا لأني نسيته .

وأنا جالسه أقوله ميه مره لين جا دوري ...

المراقبه : تقدمي .

أنا : طيب ( وتقدمت بكل برود وثقه عشان ما يشكون فيني ) .

المراقبه وهي ترفع الجكيت وتمرر الجهاز .. إلا يرن يوم حطته على خصري .. أنا إنهبلت الجوال في القبعة

ورى .. ليش يرن هنا ..

المراقبه : لابسه بنطلون .

أنا : إيه . ( طلع الصوت عشان الأزره حقت الجينز) .

المراقبه : ياله خلاص إمشي ..

أنا ما صدقت .. تخيلوا كل البنات فتشوهم زين وفتشوهم من ظورهم إلا أنا ... سبحان الله .. الدعاء فاد ..

أنا واقفه من الصدمه والجوال معلق في القبعه في ظهري مو مصدقه إنها مشتني بسرعه .. واقفه أستنى تطل

الجوال .. مدري وش جاني .. صدق إني غبيه ..

جت هاله وسحبتني وطلعت وأنا متجمده مو مصدقه .... وإلي تصفق و إلي تخم الثانيه وإلي تبارك لي لأني

مريت بسلام ... صارت قضيه الشرق الأوسط .. وأول هديه تلقيتها في هذا اليوم العصيب هي زيتونه خضراء

من وحده من البنات بمناسبه الخروج سالمه من المشاكل . ومن بعدها سرت أموت في الزيتون الأخضر تقديرا له

ولو كان لجكيتي راس كان حبيته ميه مره ,,,,,,, وصدق إن الكشه تنفع ,,, يعني لا تستشورون شعوركم ...

ترى نصيحه ........ ههههههههههه

أنا على طول بعد ما استوعبت رحت وطلعته ورجعته في جيبي وسلمت على البنات ورجعت البيت وأنا في قمة

السعاده وكبت هذا الدعاء ونشرته عشان يستفيدون منه ...........................

وتمت العمليه بنجاح وتوووووووووووووبه آخذ الجوال مره ثانيه ... إلا في الجامعه إن شاء الله .....

صموا الدعاء واحفظوه ... ترى يفيد ... وتأكدوا من صحته لأني ما أدري هو كذا أو فيه زياده ...........

صدق إن الصديق وقت الضيق ..

وسلاااااااااااااااااااااااااااام يا بنوتاااااااااااااااااااااااات ..................

تحياتي : أم المفاجئات .

[المغتربه..]

شكل قصتك مثيرة .. قريت بدايتها وصارخوا عيالي وقمت ..

لي عودة

[هايبرا]

وينكم ؟؟؟

[المبتكرة2006]

الله يوفقك انشاء الله والله قصتك شي شي مو اي شي
ودعاء صامينه كنا نقوله لما تسئل المعلمه وتقوم با
الاسماء ونكون مو حافضين والله كان ينفع

[ضوء اخر النفق]

مشكورة على النصيحة
ههههههههههههههههههه\

[هايبرا]

مشكووووووووووورين ع الردود

[بسينه مهضومة]

ههههههههههههههههه
والله قصة حلوة يا هيبو

و ما شاء الله
عندكم اساليب رووووووووووووووووووووووووعة

بس الحمد لله ما انمسكتي
و لا تعيديها مرة ثانية
( مو كل مرة تسلم الجرة )

يعني ديري بالك

هههههههههه بس والله حلوة الفكرة
وانتي زيي ما عندك جوال
قالولي اهلي
لما تدخلي الجامعة نشتريلك اياه

على العموم
عجبتني القصة مره <<<< صايرة البنت خليجية
وما شاء الله عندك صديقات سكر
وزي العسل

بس سؤال : انتي غير محجبة ؟
عشانك ذكرتي انك كنتي عاملة جدولة و انو الشعر يفيد في مثل هالحالات ( يعني التفتيش )


ننتظر جديدك الرائع
تحياتي

[اماني 11]

كخخخخخ
والله رعب
بس لاتعودينها وتاخذي الجوال كخ
يعطيكي الف عاااافيه بجد روعه

[وحدة الروح]

قصتك خيـــــــــــــــــــــــــــــــــــــــــــ ـــال
عاجبتني الله يوفقك بس نفسي كان شفت شكلك وانتي خلاص دمعتك بتطيح.......
والحمد لله على سلامتك حبيبتي وان شاء الله ما تتكرر هذي المواقف مره ثانيه وانا صارت لي من قبل ايام المدرسه بس تدرين وش مسكو علي علبة عطر صغيييييييييييييييييييييييييره <<<<شوفي التفاهه الي بمدرستنا لا وكتبت تعهد بعد..هاهاهاها

[**صمت الجروح**]

ههههههههاي

قصتك حلوووه والله على الأخير فطست ضحك ....؟؟؟؟؟؟

بس انتي سنه كم؟؟؟؟

ذكرتيني لما جبت جوالي ..!!!!..
المشكله توها اول سنه يعني المفروظ ياخذون فكره حلوه عني ؟.؟.؟.
المهم :انا اتفقت مع صديقاتي نجيب الجوالات حقتنا .,.,.,.

انا طبعا ما صدقت وقلت خلاص .,.,.,.,.,
راحت وقلت لامي ات البنات يجبون جوالات وباخذ حقي ,.,.,.,

قالت:وبكل صوت جهوري لالالالا..

قلت :طيب انا باخذه عشان برجع مع غاده_صديقتي _للبيت لازم اخذ الجوال عشان اقلك انا برجع ولا لا .,.,.,.

امي الفكره دخلت ومادخلت ,.,.,.

بس رجعت وقالت :لا لا لا لا

انا قلت يابنت الجوال حقك وماله داعي تستأذنين .,.,.

اخذت الجوال وحطيته بشنطه صغيره وبعدين بالجيب حق الشنطه<<<يعني مره مادسيته_خبيته_ .,.,.,.

ورحت المدرسه طبعا :غاده سالتني جبت جواللك قلت وبكل ثقه :ايوه

ملاحظه :انا جوالي كاميره وغاده جوالها عادي بدون كاميره ,.,.,.

المهم جالسين سواليف وضحك .,.,..

الا شوي تتدخل المديره وبنات الكليه ,.,.,..,.
و قالت وبصوت مشمئز: اقفوا عند السبوره ولا حركه تفتيـــــــــــششششش.,.,

انا اعصابي توقفت وحسيت ان شعري وقف .,..,.

بنات الحقوني بنات سعدوني .,.,..



انا اسفه مضطره اطلع بس بارجعلكم توقعوا وش بصير.,.,.,بعد كذا


واخيرا مشكوره هايبرا على الموضوع الي قلب المواجع عندي ,.,.,.,.

[!! طيف المشاعر !!]

وااااااااااااااااااااااااااااااااااااااي
ذكرتيني بأيام الثانوي لمن يكون في تفتيش و خصوصا ايام الاختبارات
بس الحمد لله ما كنت اخذ معي شي ..........

الحمد لله على السلامة مو عاد تكررينها خخخخخخخخخخخخخخخخ

[الإيجابية]

احمدي ربك ..

في مدرستنا حتى تطقيم لون الجزمة مع الجاكيت ( طبعاً في البرد ) ممنووووووووووووووووووووع ..

بس بصراحة والحق ينقال ..



































منعوا البنات من التمادي في أشياء كثيرة ( مع أن فيه شوي مبالغة في التشدد ) ..

يعني مثل ما يقولون في الفقه { سد باب الذريعة } ..




وبعدين يعودونّـــــا على النظام ..



قبل فترة بنت لابسة تحت المريول بنطلون جنز وصارت حكاية الموسم ..

بس تحمد ربها وتشكره ألف مرة أن ما أحد بلغ عنها ..


والا كان صارت أشياء ما تنقال حتى من فظاعتها ..





لا تستغربون ..

مدرستنا مثالية درجة أولى ..

إذا خالفت تصيرين شاذة بين البنات وكلّن يطالعك ..

[بسينه مهضومة]

هايبرا
وينك ؟

[غلاتي مناتي]

ههههههههههه

والله روعه حبيبتي

[هايبرا]

مراااااااااااااااااااااحب

سوري تأخرت عليكم .......... لأني انشغلت الأيام هذي كثير ...

هلا سنجل .. مشكوره حبيبتي على ردك العسل .... أنا ما فهمت سؤالك .... ليش أتحجب ؟؟

يعني إحنا كلنا بنات ... مدارسنا مو اختلاط ...