منصور سواق باص الف ومية

[[ ضــــي ]]

منصور سواق الباص..
شاب باكستاني أسمرشعره ناعم وطويل..
كل يوم يودي البنات ويجيبهم من الجامعه..
يحب الأغاني الهندية..
يحط المسجل على أعلى صوت..
يصفق ويهز قبل ما يمر شكرية..
ما يوطي صوت المسجل إلا إذا مر على شكرية..
بنت ملتزمه شكرية..
البنات ما يحبوا شكرية..
لأنها تكتِم عليهم ولا تخليهم يغنون مع منصور أغانيه الهندية
....................................

البنات يسولفوا في الباص ويضحكوا بصوت عالي شوية..
كل وحده منهم معاها جوال وسماعة إذن إلا المسكينة شُكرية..
فاتن في يدها الجوال وتصيح من آخر الباص وتقول:
إرسليلي رسالة حلوة يا صفية..
صفية ترد وتقول:
أبشري بس تراها وسخه شوية..
عبير وبدرية جنب بعض ..
بدرية توشوش عبير وتقول:
لو منصور يقشر يطلع ميه الميه..
قمر..
بنت ماصخه وأمها هندية..
تجيب الأشرطة لمنصور وتقعد ترقص في غياب شكرية
وحده من البنات إسمها حورية..
كانت مع نفس الباص إللي رقمه ألف وميه..
كانت من البنات إللي يكشفون على السواق لأنو من دوله أجنبية..
ومافي مانع يقفلون الستاير..ويشوفهم منصور لأنو ما يفكر في أذيّه!
المهم..
منصور كان مُعجب وطايح عند حورية..
صار يوصلها أخر وحده وهي ما تمانع عن حُسن نيه..
أخينا منصور صار يضبط المرايا على حورية؟؟
ما لاحظت حورية..
وصارت تعطيه وجه وتتكلم معاه عادي وبكل حُريه..
..............................................
في يوم من الأيام..
راح منصور للمكتبة..
واشترى كرت من كروت الحب كهدية..
حطه في ظرف واهداه لحورية؟؟!!
حورية بهباله أخذت الظرف وسألته:
وش بوسطه يا منصور حاط ليّه؟؟؟؟؟
قال منصور:
بوسطه فاتورة لقلب مال أنا ..خُذيه وبكرة أعطيني رأيك فيّا؟؟؟؟؟؟؟
جاء منصور اليوم الثاني متعطر ومحلق ولابس كوفيّه..
...............................................

جا منصور اليوم الثاني..
دق الجرس على حورية..
وعلى غير عادة ما ردت البنت الجامعية..
مشي منصور وراح يمر البقية..
منهم عبير وصفية..
عبير استغربت وسألت منصور وين حورية؟؟
قال:
ماردت..امكن مسكينة قاعدة طول الليل تفكر فيّة..
قالت صفية:
أما هذي يا منصور والله قويّة..

..............................................

البنات قاعدين يسولفون مع منصور بكل حرية..
وحط لهم شريط قبل ما يمر شكرية..
وصّل البنات للكلية..
ورجع ياخذهم في الظهرية..
في موقف الباصات..
جا واحد يسأل:
فين منصور سواق الباص رقم الف ومية؟؟
نقز منصور وقال:
أنا سواق الباص..
خير انت ايس يبغى فيّة؟
الرجال صفع منصور كف طيرله الكوفية..
ورد منصور ليه انت يسوي كذا فيّة؟؟؟
أعطاه كف ثاني وضربة راس..وقام مع منصور حمية..
نواز وعبدالغفار تعاونوا مع منصور على زوج حورية!!!
ضربوه وأوجعوه ..
قهر الرجال أعمى زوج حورية؟
راح يجري لسيارته..
أخذ مفتاح العجل..
ضرب منصور على راسه ضربة قوية..
طاح منصور..
والدم يسيل تحت كفر الباص 1100..
نقلوه للمستشفى..
وهناك مات منصور بسبب كرت حورية؟؟؟
أماالزوج..
الحين مسجون.. ينتظر الإعدام بسبب إستهتار حورية!!
.................................................. ......
هذي قصة منصور بنهايتها التراجيدية..
بس باقي نعرف وش اللي صار مع حورية؟؟
وليه ما ردت على الجرس وما راحت الكلية؟؟؟؟؟
ياترى قالت لزوجها عن الكرت أو إيش اللي صار في الفجرية؟؟؟

حورية بعد ما أعطاها منصور الكرت..
طلعت البيت وقراته وما أخذت الأمر بجدية!!
تغدت مع زوجها وارتاحوا بعد الظهر شوية..
طبعا الكرت الحين في شنطتها اليدوية..
كان مقصدها ترجعه لمنصور.. مع كلمتين تهزيئية؟
العادة زوجها يحط مفتاح البيت في شنطتها وهو رايح العمل بعد الفجرية....
تنبه لصورة قلب على كرت مكتوب عليه( من منصور مع التحية)

الرجال غِلي راسه..وراح لزوجته معمي ما يدري وش القضية؟؟
صحاها من نومها بعصبية..
سألها عن الكرت وتلعثمت حورية؟؟
ضربها..
وقال الحمدالله لسه ما جاني منك ولد أو بنيّه..
روحي وانتي بالثلاث طالق..ياحيّة..
إنهارت حورية..
وصارت تصيح بحالة هستيرية..
الله لا يعيدك يا منصور انت والباص ألف وميّة...

[وعود الخير]

الكلمات رائعة ومعبرة
بس العبرة في النهاية...
والنهاية أسوأ من البداية
يعني الاستهتار...
شكرية يبدو عليها انها فتاة ملتزمة حياها الله
وحورية دفعت ثمن غلطة ارتكبتها يوم تباسطت في الكلام مع منصور السواق.. ربنا يهديها
بس الزوج غلطان ما في كلام ... المسكين دفع حياته ثمن لحظة عصبية
وان شاء الله يكون اللي حصل لدرس لبقية الصبايا والبنات... اللي ما ياعتبرون السائق أجنبي
ويتساهلون معه في الأخذ والعطاء اقصد الكلام والسوالف.
وشكرا لك يا أقانيم ويعطيك الف عافية

[[ ضــــي ]]

اسعدني مرورك

[أمل وضياء]

نهاية مأساويه ..

بوركتِ أقانيم .. عرض مشوق للقصه ..

[[ ضــــي ]]

اسعدني مرورك

[!!شموخ الضعف!!]

والله وناسه هاذي قصة ماقبل النوم.. ههههههههههههه
انا مندمجه وجالسه اخمن وش صار.. لكن الخطا لو تدرون من زوج حورية لمن ماسأل عن البنت زين..
لو ماخذ شكريه احسن له وابرك..
اهمممممم شي الاخلاق ..
تحياتي لك
شوشو

[شمس]

بارك الله فيكِ

قصة معبرة

وأسلوب رائع

[bosy98]

تسلمى اقانيم قصة جميلة فعلاً

و أسلوب شيق ..... يسلم قلمك

و أن كنت أعتقد ركن وحى القلم أنسب

[[ ضــــي ]]

!!اسعدني مروركم الجميل !!


شموخ >>>شكرا جزيلا لك ولمرورك الجميل ...



شمس >>>جزاك الله خيرا ...



BOSY>>>الله يسلمج ومشكورة على ردك الرائع
الي يرفع من المعنوياااات واللي تشووفينه انسب سوية...

[حبيبة الكويت]

تسلمي على القصه الجميله والمعبره

[*جنان*]

والله ماأدري أنا اضحك ولاأبكي
الآسلوب يضحك والقصه محزنه
تسلمين يالغاليه ..

[[ ضــــي ]]

وعليكم السلام ورحمة الله وبركاااته :

حياااكم الله !!



اسعدني مروركم الجميل ..

[نـورا]

قصة جميلة يا قنومة
وعرض ممتع كذلك

[[ ضــــي ]]

اسعدني مرورك غاليتي

[* اليازية *]

أختى أقانيم قلمك ممبدع ما شاء الله عليك
وأسلوبك جميل فى الكتابة جعلنى انساب مع
القصة حتى النهاية والقصة جميلة لا تخلو من
العبرة والعظة بارك الله فيكِ ووفقكِ الى إتحافنا بالمزيد