ادعو لراكان ولد نونة

[أم علي 2006]

ربنا يشفيه ياااااااااااارب

[سارونة الطعمونة]

أبشركم الحمدلله ولد نونة طلع من المستشفى وعملو له تحاليل علشان يعرفو السبب وطلع في بكتيريا في البول وماهو توقف في النفس بس هذي هي الطريقة إلي يعبرو فيها الرضع عن وجود ألم لديهم ، الحمدلله ياااااااااااااااااااااااارب

وكل عام وانتو بصحة وسلامة

عاد لا تنسو دعواتكم لي

[ward_84]

شو يا أم عصام مين يقدر ينساكي حبيبتي انت على العين والراس..الله يقومك بالسلالالالالالالالالالالالالالالامة يارب وتولدين بألف خير وسلامة وماتشوفين شر أبدا أبدا أبدا ..ياااااااااااااااااااااارب ياااااااااااااااااااااااااااارب ياااااااااااااااااااااااااارب ...
والحمد لله انك طمنتينا على ولد نونة الله يحفضهم يارب ..

[راني راني]

يارب بجاه شهر رمضان المبارك تشفي ولد نونه راكان انك مجيب الدعاء يارب العالمين

[om fatima]

اللهم اشفيه وطمن امه عليه
ورجعلها بالف سلامه

اختى ابقى طمنينا عليه

[&& دفا الروح &&]

ياااااااارب تشفيه وتقر عين نونه وابوه به يارب واخوه كذلك

[السيدة وقار]

الحمدلله على سلامة راكان
الله يخليلك هم وتفرحي بيهم يارب

انا بنتي الصغير ة نفس الحركة دي كانت تسويها لما تتألم من شي
فعلا دي طريقتهم في التعبير عن الالم

[بيرى]

مشكورة ام عصام انك طمنتينا على راكان ويارب يخلية هو واخوه يارب وماتشوف فيهم شر ياااااااااارب وعقبال ما تقومى يا ام عصام بالف سلااااااااااااااامة وامانة لا تنسينا بالدعاء لحظة الولادة يارب ييسر عليكى وتكون سهلة انشاء الله

[...القنوعه...]

حمدا لله على سلامة راكان يا نونة
و تسلم إيديكي يا أم عصام و الله يقومك بالسلامة
أمانة يا أم عصام أمانة إنك تدعيلي و انت تطلقي إنه ربي يرزقني بالحمل السليم المعافاة عاجلا غير آجل ... أمانة معاك يا أم عصام
أرجوك يا أم عصام لا تنسي

أختك
تائهة

[جدايل ذهب]

ياقلبي عليك ياراكان الف سلامه عليه والحمد لله على سلامته

[nnoooonah]

حمدلله على سلامة راكان وان شا ءالله يظل بخير ويحفظهم هو واخوه وكل اطفال المسلمين
شو اخبارك يانونة وام عصام

[نونةالمجنونة]

اتطمنو يابنات الحمدلله كنكوني بخير الله يحميه هو واخوه
والف الف الف الف شكر لكم ولكل من دعت له يخرج بالسلامة يارب العالمين وعقبال ماتقومو ياحوامل بالسلامة وعقبال مايحملو كل امهات المستقبل يارب العالمين

وانا حاقول لكم اللي صار بالكامل



وحشتوني مرة
سامحوني اني مادخلت من فترة بس لاني رجعت لبيتي والحمدلله كنكوني حبيبي طلع من المستشفى وجبته البيت وطبعا مع رمضان والبيت والاولاد بأستنفذ طاقتي تماما
صمت امس واول امس بس اليوم فطرت لانه بدأ ينشف الحليب بصدري وانا مابدي اوقف الرضاعة الطبيعية لانه مساكين لو مارضعو مني مابيتبرزو (وانتو بكرامة)
وشكرا لكل من دعت له يخرج بالسلامة والحمدلله خرج بعد ماطلعت روحي وطقيت من البكا والله وحتى كل من بالمستشفى يومها صارو يجو ويعطوني مناديل رجال وحريم هههههه اشتغلو اهل المستشفى كلهم في وهم يواسوني واللي يعطيني موية واللي تجي تحضنني وتقول لي لاتبكي الله يخليكي واللي تبكي معاي هههههههههه قلبت المستشفى كلها خخخخ


تتذكرو لما كنت اشتكي انه راكان مابيرضع من صدري وبيتعبني مرة والمص عنده ضعيف طلع لاهو ضعيف ولا شي بس لانه عنده فكه السفلي في فمه داخل شوي جوه اكتر من اللي فوق عشان كده بتتزحلق الحلمة بره بمجرد انه يرتاح من المص وعشان كده قررت انه حرام اخليه يتعذب ويمص ويحارب ويضارب عشان يمسك الحلمة وصرت اشفط له واعطيه بالرضاعة وارحمه مسكين من هالعذاب

اما ابو السلاطين الحمدلله بيرضع من صدري بس تصدقو بيرضع حوالي ساعة كاملة وهو يرضع من الصدرين وبعدها اكرعه وبعد ربع ساعة يرجع يبكي يبغى يرضع ولا كانه رضع شي كانه شربته موية مو حليب
ايش ممكن يكون السبب والله فشيلة انه حليبي زايط وخفيف وانا بآكل كل هالأكل عشانه
المهم اني ماانحرم من رضاعة سلطان لو تشوفو كيف يحط يده على صدري ويتأملني وهو بيرضع بالذات امس خليته ينام عند ماما وانا اخدت راكان عشان تعبوني كتير بالويك اند واليوم الصباح رحت له وكان نايم وأول ماشلته فحضني فتح فمه جيعان قمت حطيته على صدري وتقريبا ساعتين ونص وهو بس يرضع مني حبيبي كانه بيقول لي ياماما انا مشتاقلك والله حسيت روحي اتردت لي لما شفته وبعدين بدلنا انا وماما وعطيتها راكان واخدت سلطان واليوم سلطان اللي حينام عندي وبكرة راكان وكده حنقعد نبدل كل شوي

وانا ماقلت لكم ايش السبب بدخول راكان
لاحظت انا انه بتجيه حالة زي الاغماء بس وهو صاحي وبينقطع نفسه ويحمر وجهه وعيونه تدمع وعيونه تصير جاحظة مررررة ويخوفني بالذات انه النفس ينقطع وكنت اقلبه على بطنه على طول واخبطه على ظهره ومايصحى ويتنفس تاني الا بعد مااخبطه على وجهه كف بس خفيف طبعا مو قوي

بعدها يصحى وياخد نفس بقوة ويرجع طبيعي .....طبعا تخيلو حالتي انا كل مايصيرله كده طبعا اصير ارجف لدرجة مااقدر اشيله واحسه حيطيح مني ومرة كنت باغير لبسي عند بيت ماما وجاته وانا مالبست لسا وتخيلو كيف نسيت نفسي وخرجت لماما اصرخ وابكي خايفة عليه واول مامسكته انتبهت لنفسي ودخلت لبست بسرعة شرشف الصلاة ورجعت لها تاني
بعدين لما اخدته للدكتور قال لي لازم يدخل الحضانة تاني ونحط له اجهزة تنفس للاحتياط ونعمل له التحاليل والاشعة اللازمة له
بس لفت لي نظري الدكتور انه سألني هو عنده حصر بول واتذكرت انه بالفعل عنده حصر بول انا لاحظته
وبعد التحاليل طلع الحمدلله مافيه شي بس عنده بكتيريا بالبول والظاهر انه اللي صاير هو حصر بول والولد بتدمع عيونه من الحرقة وبيحمر وهو بيحزق وعشان كده بيفتح عيونه بطريقة تخوف من الألم وقال لي الدكتور هدي هي الطريقة اللي بيعبرو فيها الرضع اللي تحت ال4 شهور عن ألمهم

المهم اطمنكم الآن انهم بخير ولله الحمد

[meme meme]

الف الف حمدلله عالسلامه ما يشوف شر يارب انتبهي عليهم كويس والله لا يحرمك منهم ابدا يارب,,,

[نونةالمجنونة]

تسلمي يارب ياميمي
وربي يقومك بالسلامة يارب حبيبتي انتي كمان
اتوقعتك ولدتي والله بس ترانا بانتظار الخبر السعيد

[meme meme]

نونه عيب ايش دا الكلام؟؟
احنا ما عندنا حريم يولدو ههههههههههههههههههههههههههههههههه
لا تطلعي عليا سمعه ههههههههههههههههههههههههههههههههههههههههههه
ايش يقولو الناس عليا بعدين؟؟ ميمي ولدت!! فين اودي وجهي وقتها؟؟ ههههههههههههههههههههههههههههههههه