لازم التجديد مع احلى الفلسطينيات خاصه وباقي الدول عامه واهلا وسهلا في الجميع

[ليــن]

لؤلؤ فلسطين

هلا فيكي حبيبتي

وبكل اهل جبل المكبر

يعني قريبة علينا

الله يخليلك اولادك

والعمر كله يا رب

والله يوفقك

خلينا على طول نشوفك

[ليــن]

ام ايهم سلامتك الف سلامة

ان شاء الله تكوني بالف خير

والله يخليلك ايهم

عند غير ايهم؟

وكم عمرك؟

وشو تعملي؟

<<<<<<<<<< تحب تسأل

الله يفك حصاركم يارب

وتفرج علينا كلنا

امين

[ليــن]

هلا ندى كيفك

تشرفت فيكي والله

من كثركم بطلت اعرف واحدة من التانية

بس يالله مع الوقت اسير خخخخخخخخخخخخ

المهم احكي عن نفسك عشان اعرفك

على فكرة الزيتون تعب البي

جوزي راح جد الزيتون وجابلي بلاوي زيتون شكلي اودي للجيران

وتعبت والله فيه

لاني من النوع المئنفة وبقرف قعدت اغسلهم حبة حبة

اجا جوزي شافني الصباح اغسلهم حبة حبة قعد يضحك عليي وقالي ما تخلصيهم من سنة

رجع بالليل شافني على نفس الحال قالي لا هيك راح ناكل زيتون هههههههههههههه

والله تعبت عشر ايام على نفس الوقفة

بعين الله

وبناكل زيتون هههههههههههههههه

بدكم؟ ترى عندي كتير

[ليــن]

بنت الاقصى هلا فيكي اختي

نورتينا خبرينا عنك

انا كمان من القدس

[ليــن]

لونلي

ميمو

اسيلو

كيفكم

امل الحياة اهلا وسهلا فيكي وبكل اهل رام الله

منورة

سرفتينا وانستينا

خبرينا عنك

اذا نسيت احد برضو ما تعتبو عليي

المهم كلكم احبكم بالله

واشتاق لكم

[ليــن]

سرفتينا = شرفتينا

خوات بنفس الصف خخخخخخخخخخ

بطلت اشوف رنين طلعت قعدت على الكيبورد

[د.بنت الأقصى]

حبيبتي بنت الاقصى اهلا فيكي بيناتنا بس يعني مثلا ....
اسمك ... عمرك ... متزوجة او لاء ... طبيبة شو ... من وين من القدس ... وين بتشتغلي ....
هيك شي يعني واللي بيطلع من نفسك

الله يسعدك
انا متخرجة جديدة من الكلية يعني لسة طبيبة عامة
مش متزوجة
بدكم تسألو السبب
ببساطة لسة ما اجا ابن الحلال اللي حسيته مناسب
انا من قضاء القدس
وبشتغل بمستشفى المقاصد بالقدس
طموحي اكمل تخصص جراحة في العيون
وامنية حياتي الكبيرة زيارة بيت الله الحرام
عرفوني ع حالكم بكلمتين
عشان نتواصل
تحياتي

[د.بنت الأقصى]

بنت الاقصى هلا فيكي اختي

نورتينا خبرينا عنك

انا كمان من القدس

هلا فيك
انت المنورة
من وين بالقدس؟
المدينة ولا القضاء؟؟

[اميرة الامورة]

مرحبااااااا يا حلواااات
والله الدردشة وصلت 15 صفحة وينك يا لؤلؤة ما تسكريها عاد والله خلصت هالمرة بسرعة (( اللهم لا حسد)) مهو البنات الجداد نورونا فيها هادا على حظ اسيلو المختفية وييييييييينك يا اسيلو هي خلصت دردشتك وانتي مو مبينة
بنات انا رايحة افتح وحدة جديدة عشان احط رابطها هون قبل ما تسكر لؤلؤة دردشتنا عشان تندلو عليها

بس قبل ما اروح بدي ارد عالبنات
اول شي لين حبيبتي ولا يهمك عااااادي ما انا عارفة انك جديدة مشان هيك عادي بس المرة الجاي بتبطلي جديدة يعني ممنوع تنسيني هههههههه (( انا ما عصبت لا تصدقي عم بمزح معك ))

وبنت الاقصى.....
اول شي اسمك كتييير حلو
تاني شي اهلا وسهلا فيكي بيناتنا .......
وبما انك بتشتغلي بالمقاصد يعني قراب على بعض (( انا ساكنة بالبلد ))
انتي من وين من القضاء .....

يلا سلام بنات انا رايحة افتح دردشة تانية

[لؤلؤة فلسطين]

مسا الخير وكيف الحال
واهلا وسهلا بالي اجونا
شو اخباركم جميعا
اهلا وسهلا بالدكتوره
عرفينا على حالك اكثر وين ساكنه وكيف وليش
اميره يسلمو ايديكي سلفا على الوصفه
ام ايهم كيف الحال
اسيلو وين هالغيبه
ليونه العسل كيفك
ويعطيكم الافيه علة الزيتونات
والزيتون يا عمري ما بنغسل حبه حبه
انقعي بالمي وكل يوم غيري عنه احسنلك
على كل حال يعطيكي العافيه


ما انتبهت مين الي حطت الاسئله انقليهم يا اميره على الدردشه الجديده
وبعدين مش انا الي بغلق الدردشه ام قتقت هي الي بتغلقها

والله يعطيكم العافيه

[lone~ly]

هلا صابايا بعد السلام و التحيه و السؤال عن الحال




أنا حاسه نفسى مدرسه و حاطه أسئله إجباريه


أنا حطيت موضوع للنقاش بنكمل بالصفحه الجديده

[ام قتيبه]

السلام عليكم ..

سوف يتم إغلاق الموضوع لوصولة الحد المسموح به ..

بارك الله فيكم جميعاً ..