(( تعالوا نحلم بقعـدة هنية في ظلال الأرزه اللبنانية ))

[ماماحميدة]

حفظ الله لبنان من كل شر

اهلين ومرحبتين بتغريد

بارك الله فيك وجزاك كل خير صدفة حلوة نتعرف عليك انت ووميض المشاعر
هل صدفة ولا انتوا اخوات عرفينىعن نفسك اكتر من وين ووضعك ا
لاجتماعي وان شاء الله بتقضي امتع الاوقات مفيده ومستفيده
وبانتظار مشاركتك ودمتي بحفظ الله

[ماماحميدة]

ياهلاوغلا بالصبايا

كيفكن وشو اخباركن

اموله كيفك ياحلوة

خبروني بنات اختي انك بطلي عليهم وزبونة عندهم وجيران ,,وعلىفكرة منى
ماصار نصيب وماتمت الخطبه قله نصيب ,,

حبيبتي ام اوسامة
شواخبارك اكيد معجوقة بفترة الاعياد كل سنه وانت طيبه الله يطعمنا ونشوفك
عن قريب ادعيلي انا اموله الله يقسم ونسافر لبنان



الغاليه لولو
بانتظارك الصور وتسلم دياتك سلف

وسلامي لكل الغياب وبشوفكم على خير . بدي غيب عنكم كم يوم جاييني ضيوف شي عشر تيام
وفترة العيد وبيت الكبير بتعرفوابتعجق هالفترة فبدي ودعكم احتياط وعايدكن




وان سمح الظرف يمكن طل بسرعة وعلى الماشي وياااارب ينعاد عليكن رمضان بالخير
والبركه والله يدركنا ليله القدر وبركتها وكل عام اوانتم طيبين

ودمتوا جميعا بحفظ الله

[um Usama]

السلام عليكم ورحمة الله

كيف الحلوات والصائمات جمعنا الله واياكم في جنة الخلد مع الانبياء والصديقين آمين

كيف كان احياء ليلة القدر بالنسبة لي ذهبت انا وزوجي الى جامع بعرمون جديد اسمه جامع الحسن ذهبنا من ال12 حتى ال2 فجرا بس كتير انبسطت وبالجامع بيكون في خشوع اكتر ونشاط والحمدلله بنتي ضلت قاعدة حدي وصلت معي قيام ليل وبعدين نامت والصبي مع ابوه كمان ضل قاعد بجانبه وبعدين نام والجو كان رواق ما في كتير عجقة لقيت هيك احلى من العجقة وما حدا بيسمع حدا وانتو شو صار معكم؟


ماما حميدة ينعاد عليكي عيد الفطر وعلى زوجك واولادك وان شاء الله تنبسطي بضيوفك ويعطيكي الف عافية والله ييسر سفرك علبنان انت وامول ونجتمع سوا وبتكون احلى قعدة بأذن الله

امول وينك انا امبارح كانت اخر عزيمة وكنت عازمة صاحب زوجي ووزوجته واهل زوجته ولله الحمد كانت عزيمة مسهلة وخفيفة وعملت فروج بالفرن على فريكة واكلة ستروغونوف عالدجاج ورح نزل طريقتها قريبا ان شاء الله ورقاقات بلحمة وبطاطا كروكيت وسبرينغ رول وشوربا وسمبوسك جبنة

ام اللول كيفك حبيبتي كيف كانت روحتك عالاقصى ان شاء الله ميسرة وكان عندكم برد متل عنا؟ انا والله كربت من الطقس ساعة شوب وساعة برد وما كنت عاملة حسابي فاليوم قايمة مكربة يللا الحمدلله كل شي خير

بشوفكم قريبا ان شاء الله

[الامل الجميل]

هلا فيكم
وعليكم السلام ورحمة الله وبركاته
اشتقتلكم كتير ام اللول وام اسومه وماما حميده

يتعاد عليكم يا رب سنوات عديده مديده بالطاعات والسعاده والهناء ويفرجها على المسلمين جميعا
وينصرنا على اعداء الدين
ويجمعنا بالاخره مع الحبيب المصطفى مثل ما جمعنا بالدنيا


ماميتا الله يفرحكم سوا وما يفرقكم وان شاء الله بيضل بيتكم مفتوح للكل
ومافي احلى من الجمعه
بس سؤال كندا بتعطل بالعيد يعني بحق للمسلمين العطله
لان هون يوم عادي اصلا ما بيعرفوا انه في شي اسمه رمضان هل ايام انا بخبر جيراني ومعارفي يعني بلشوا العالم بتعرفوا بعد بن لادن وال 11 سبتمنبر يسالو عن الدين


ام اسومه الله يعطيك العافيه وويعيد عليك وعلى الكل رمضان بالخير والصحه
اخخخخخخخخخخخ والله مافي اجمل من ايام رمضان بدوله عربيه سواء لبنان او اي مكان تتوفر فيه الجوامع
والله ما بنسى لمن كنت روح انا رفيقاتي على جامع السلام من الساعه 11 ونرجع بعد صلاة الصبح يا ربي الله يعيد هيديك الايام
احيانا كنا نروح على عدة جوامع انا مع اخي ورفيقاتي مع اخواتهم نقضي بكل جامع 2 ساعه ناخد بركت كل جامع وقبل ما اتزوج احينا ليلة القدر عندي بالبيت جمعت كل رفقاتي عندي بالبيت كتير انبسطنا والله ليله مابتنتساه
فعلا الواحد ما بيعرف قيمة بلدوا الا لمن يبعد عنه
الله يديم السلام والهناء على بلاد المسلمين

ام الول كيف كانت ليلتك اكيد صعبه لاني شفت بالاخبار كيف كانوا عم يمنعوا المصلين دخول الاقصى للصلاة الله عليهم اللهم ارنا عجائب قدرتك
كانوا عم يسمحوا للمسنين وللكبار في السن ولنساء فقط للي عمرها 45 سنه
الله يخسف الارض فيهم

ليوم بدي قوم حضر عجينت المعمول ان شاء الله وبس اعملها بدي صورلكم ياها
لك ما قلتولي مبروكككككككككككككككك كمرتي الدجيتال مشيتتتتتتتتتت ليليليششششششششششششششش
وان شاء الله لح بلش التخبيصصصصصصصصصصصص ههههههه الله يستر
بدي اسالكم شو تفسير الصبي بالمنام ناس بقولوا مصيبه ناس بقولوا البنت مصيبه
لاني شفت صبي وايديه من الكوع للكف كلهم شعر كثيف اسود شو معناتههههههههههه

يلله لكن بدي قوم خلص وحضر لان بدي رتب البيت وحضر غداء لابني واخده للمدرسه
وبدي حضر هدايه العيد بدي اعمل اكياس من الحلو للاولاد
يلله لكن بامان الله
وعساكم من عواده

[{ الآء }]

الحبيبات في لبنان الغالي:

[jwanaa]

السلام عليكم اخواتي اللبنانيات
عيدكم مبارك سعيد

[لؤلؤة فلسطين]

مساء الخير يا عسولات
ام اسامه كيف حالك وتجهيزاتك للعيد والله يعيده علينا وعليكم وانتو بالف الف خير وما تشوفو شر يا رب
كيف الصحه امولتي وكيف الحال والنونو والاولاد سلميلي عليهم وعيدكم مبارك وان شاء الله ربنا برجعلك الايام الحلوه الي كنتي عايشاها امين

والله بدكم لا تاخذوني يا بنات
وعدتكم اصور وما زبط معي زوجي يوميتها لليلة القدر كان تعبان ولا رحنا ولا جينا واحيتها بالبيت بس رح اصور بلكي بكره والله ما بعرف
وكل عام وانتو بالف الف خير يا حبيبات قلبي يا اخواتي اللبنانيات
ماميتو شلونك
على فكره بدي اسالكم شو يعني تشالي اسي في اللهجه السوريه

[ام قتيبه]

لسلام عليكم

سوف يتم أغلاق الموضوع لوصوله الحد المسموح به

ننتظر جديدكن