يوميات ربيعة. *** وسام التميز ***

[أم3بنات]

ياعمري والله مسكينة قطعت لي قلبي مصدقة الاخت القصة
بس والله اهل جوزها اقوية قواية الله يصبرها الله يخارجها منهم على خير بس

[حمرة الورد]

صدى .. .والله اني اخجل منك ..ترى لاتصدقي انه بيتي كان مقربع ..بس عشان اقول الكلمات القوية كتبت هديك الجمل..

تعرفي ديحين القربعة على اصولها شنط وكراتين مرة حلو ..

ام سهيل ايش رأيك؟ مو بس طلعت سلفتها اليي تجيب الصمرقع ..كله على بعضه . ..

a&a الله يعيننا على التأقلم مع العادات .. بس الحمدلله الوضع قاعد يتحسن وكله باجره ..

سراب الليل . .الله يسعدك ..عاد اتحملوني دي المرة ..بطيئة مو زي ماعودتكم.. ..

.

[حمرة الورد]

سمية ..يا هلا والله حتى انا اشتقت لكم ..الله يستجيب منك والحمد لله في تحسن..

ضاقت فلما استحكمت حلقاتها................ فرجت وكنت اظنها لاتفرج.

والله انك صادقة شي يفقع المراة ..الله يصبرها ربيعة .

عصفورة الربيع ..اهلا ياعزيزتي ..تعالي هنا والا هناك مرحبا بك في كل مكان. .

ارسلي رسالة خاصة على عنواني في المنتدى الاخر وساحاول الدخول..عندي بعض المشاكل في نظام الرسائل هناك..

ايش صابك يا ام 3 بنات . .ماتقري وتهجدي يا ادمية ..ترى كترة الخروج مهي طيبة ..تجيب المشاكل.. ..الله يسلمك ياقمر وانت كمان لاتحرمينا من الكلمات القوي دي..وان شاء الله ننبسط سوا..
شفتي كيف اهل حسن ..تقولي احلام دي طالعة من تحت الارض..

[حمرة الورد]

صدى وام سهيل. .والله من جد كل شي ساير يصرقع .. تصدقي ياصدى انه من الاسباب اليي مأخرتني اني ماني عارفة احط مشاكل ..الحمد لله ربنا راحمنا منها ..عندي سلفة زي العسل (ترى ماهي مشاركة عشان لايكون نفاق..) واخوات جوزي من زمان واحنا حبايب من قبل لانصير اهل
ابغى امر على قسم المشاكل الاجتماعية ..والم كم مشكلة واجي..

[حمرة الورد]

قامت (حنان) تشعللها زيادة .

_ خلاص ياجماعة .. تعبت من أصواتكم كله دا عشان كلمتين قريتها

الأدمية .. ترى (علي) تعب .

جات طينتها على راسي..كملت (أحلام) :.

_ كمان حكاية (علي) دا .. قعدنا نستنى (حسن) يسمي على إسم (أبويا)

الله يرحمه سنين .. ولما جات (رنا) بعد عشرة سنين جات بنت ولما جا الولد

بعدها بسبعة سنين سموه(أحمد) ولا رضيو يتنازلو ويسمو (علي) ..

ومتى جا (علي) بعد 20 سنة جواز ..والكل يقول مايسمي (علي) إلا

(حسن) .. (وحسن) أصلا مو سائل في الإسم ..

الله يجازيك ياكدابة (علي) جا بعد 18 سنة جواز مو 20 .. أصلا مو مهم

زي دول الناس مايستحقو المعروف..

حسبي الله ونعم الوكيل.. والله شوية ويغمى علي.

أخيرا جا صوت خالتي تسكت (أحلام) ولا قالت لها عيب ولا أستحي على وجهك.

خالتي الله يصلحها مرة مدلعة (أحلام) و(أنغام) .. عشانهم أتربو يتامى ..

بس (حسن) كان زي أبوهم وقايم على كل شي يحتاجوه وعلمهم ألين

جامعات دخلهم .

لكن حسبي الله ونعم الوكيل.

[حمرة الورد]

عدا هداك اليوم زي ما اصعب مايكون .. طبعا سيبت كل شي وطلعت

بيتي .. وراحت (رجاء) أرسلت (لحسن) يطلع معايا لا يسير فيّ شي.

نمت هديك الليلة وقلبي محروق مرة .. الله يعوضني خير.

[- asma -]

مشاكل الحموات معبية النافذة يا حمورة

[ام سهيل]

اقول ياحمرة ترى ما اتوقعت اهل زوج ربيعة قويا لدي الدرجة حسبي الله عليهم فكروني باللي صار من اخت زوجي وسلفتي معايا , وكيف التهم اترمت علي من كل جهة وام زوجي قاعدة تتفرج وزوجي واقف برة يسمع وانا خلاص ما ادري ايش وقتها سكتني , صرت ادعي في قلبي دعاء مواجهة العدو هههههههههههههههه والله شر البلية مايضحك .


وي اتحرق دمي من اللي صار .








حمرة الله يخلي لك سلفتك .

[عصفورة الربيع]

غاليتي ..
حمرة الورد ..

لأني من هناك لا أستطيع أحدثك من هنا ..
كيف يمكنني أن أشرح لك ؟؟؟

لقد تعبت حقا ......

[حمرة الورد]

طيب ارسلي رسالة الى احدى المشرفات وهي تستطيع تمريرها الي..

[حمرة الورد]

صدى ..صادقة والله ..اصلا الدنيا مليانة مشاكل..

ام سهيل ....اجل كأني كنت معاكم ..طبعا مع اختلاف المضمون..ياشيخة ربي يعوضك خير ان شاء الله ..وكله باجره ..

امين الله يحفظها ..والله كل يوم يزيد احترامي لها ..لما اسمع بلاوي السلايف..
بس اصلا احنا كلنا اتنين ..

[عصفورة الربيع]

حمرة الورد ..

يا غالية ..
سأطلب منك خدمة بسيطة .. ( بلا رسائل ووجع دماغ !! )
فقط ..
اطلبي من الغالية ( دونا ) أن تعود للصفحة السابقة في قصتها ( قطعة من قلبي )
ثم ترى آخر رد كتبته لها .. دعيها تقرأ توقيعي فقط ..
واعطيني خبر ..
عشان خلاص .. تعبت !!

سأكون شاكرة لك جداً ..
لكن عودي سريعاً ..
أرجوك ..
بفارغ الصبر سأنتظر ......

ـــــــــــــــــــــــــــ العصفورة الحزينة ..

[أم3بنات]

عصفورة الربيع هو انت اللي توقيعك فيه نداء لدونا تصدقي من وقت ماكانت دونا مسافرة قرات قصتها وشفت توقيعك وماني عارفة كيف اساعدك اكيد ما انحلت المشكلة

[عصفورة الربيع]

أم 3 بنات ..

كل ما عليك هو أن تخبري المشرفات عن العطل الذي أصاب المنتدى ..
العضوات الجديدات كلهن لا يستطعن المشاركة ..
سأكون شاكرة لك جداً لو استطعت مساعدتي ..
حمداً لله ..
اعتقدت أن صوتي لم يصل لأحد هناك ..

أنتظر ..
بفارغ الصبر .. لأعود إلى واحتي ........

[إيمان علي]

أنا تحمست كثير يا وجنات، شو هالبراعة يا إمرأة، اسمعي كلامي وانشري كتاباتك صدقيني غير أكون أول الزبائن
رائعة بكل معنى الكلمة، ممتعة جداً، وطبيعية ومنطقية كأني عايشة معهم أتفرج.. لدرجة أني صرت أدعي على حنان: يارب تجيب بنت.. يااااااااااارب ههههههههههههههههههههههههههههههههههه
بتكون أحلى مفاجأة.. شفتي.. بنسى أنك بتكتبي وانت بتفكري، بتخيل إني بتفرج على مسلسل
كملي الله يرضى عليكِ، بدي أشوف شو بده يصير يالله