كلماتى اهديها ثوار ليبيا الحره بلادى الحبيبة النصر قريب** ان شاء الله

[ذكريات الماضى]

هذه الكلمات كتبتها لاامى التى فقدتها دون ان اراها
كتبتها احكى لها ما يحصل فى بلادى لانها لو كانت هناك لماتت من القهر على ما اصاب بلادى ليبيا الحبيبة

اتمنى ان تعجبك ولا تنسوا الدعاء

**رسالة الى امى**
امى الغالية نكتبلك رسالتى وانا حاسة انها بتوصلك على قد ما تمنيت انك معاى على قد ما حمدت ربى انك بين ايدين اللى خالقك
لانك لو عشتى وشفتى اللى انا شفته واللى صاير فى بلادنا كنتى متى من القهر عليها
وهذه الرسالة اهداء الى كل ام
والى كل من فقد امه ويتمنى انها تكون معاه او يحكى لها عن اللى يصير فى ليبيا
الرسالة اتقول:-
يامى مشتاقة نحكيلك
فى بلادى ياما صاير
اليوم بنحكى لك يامى
دمعة فى عينى وحرقة فى قلبى
قصة كيف الخيال
عمرها ما جت فى البال
قصة جيل اتمنى اتشوفيه
جيل ليبي تفتخرى بيه
بيش يوصل للى يبيه
واجهه كل اللى يعاديه
يامى نور عينى
***************
فى بنغازى اول شرارة
قالو ا من الاول سليمة
قالوا احنا نبوا حرية
نبوا عداله اجتماعية
نبوا الليبى يعيش عزيز
من غير وعودا وهميه
يامى يا نور عينى
*****************
رد القرذافى واولاده
باللهجة تكبر كالعادة
بلاش دوه وكلام زيادة
وفكرايذزلهم هدية
ومن القرذافى والله يامى
جت هالجيل اكبر هدية
يحساب روحه يسكتهم بيها
لقى روحه فى نار قويه
وفى دقيقة لو اتشوفى يامى
انفجرت فيهم هالهدية
شى والله يامى ما يصدق
رصاص وقنابل حية
وماتوا بالالف والميه
وخلى فى كل حوش عزاء
عيون تبكى وقلوب مكويه
يامى يا نور عينى
************************
وفى لحظة وغمضة عين
تحول جيل كبير بعزه
لثوار ثورة ما حد يهزه
ثورة 17 فبراير
هلى خلت العالم حاير
مستغرب شنهو اللى صاير
فى ليبيا بلاد العزه
امى يا نور عينى
************
تعالى شوفى ثوره جيل
على مدى 42
عاش القهر وشاف الويل
ومالقاه حد يصده
تعالى شوفى ثورة جيل
قال خلاص احنا ملينا
احنا تعبنا احنا استكفينا
ومن القرذافى واولاده
احنا بنحررها بأيدنا
يامى يا نور عينى
*************
شوفى شن دار فينا القرذافى
شرد ناس وقتل ناس
وخلى فى بلادنا الشرف ينداس
انسان جبان وحقود
انسان معنداش احساس
ماخلى شى وماداره
انسان كافر ويلة من رب الناس
يامى يا نور عينى
****************
تعالى يامى شوفى بعينك
هلى شفته انا بعينى
ثوره جيل تفتخرى بيه
جيل صامد شامخ فى مكانه
ما يهزه القراذفى واعوانه
جيل ضحى بالروح والدم
بيش يجلى علينا الهم
وعلى ارضنا الفرحة تعم
امى يا نور عينى
***************
خلينى نحكيلك عنهم
من ميزتهم شجاعة
وشهامة ورجولة
قوة وشطاره وبطولة
صبروا على القهر والياس
والفقير منهم انداس
على مدى 42
تعبوا وفاضوا
وناضوا الناس
وقالوا للقرذافى خلاص
امى يا نور عينى
************
قالوا نبوها سلمية
قالوا نبوا عيشة هنية
ما صدق ذزلهم بالمية
مرتزقة اجانب وعربية
قتل ودمار واغتصاب
وختموها بحصار وخراب
وقطع الضى والميه
وعلى ترابك ليبيا انداس
شرفك انتى يا وخيه
يامى يا نور عينى
*************
لكن والله بسرعة يامى
طلع جيل يقولوله الثوار
سحنهم سحنات قوية
ترفع الراس وتجلى العار
والمرتزقة ماتوا بالميه
ومنهم من سلم روحه
ومنهم من يبى الدولار
يامى يانور عينى
**************
تعالى يامى شوفى بعينك
اللى شفته انا بعينى
حرقلى قلبى واثر فيه
وبمراره بكى عينى
ونوض اجروحى عليه
امى يا نور عينى
***************
وفى نهاية القصة يامى
دخلت كل بلاد عربية
وختمها النيتو بضرباته
اللى بحقد اتفرح فيه
ليبيا بلاد الكرامة
ليبيا بلاد الحرية
بيحررها رجالها الثوار
من مشرقها الى مغربها
ليبيا وحده وطنية
وبكره يشوف العالم كله
ثورة فى تاريخ بلادى
فيها حق ومصدقية
يامى يا نور عينى
***************
ليبيا – بلادى
انحبها وتعز عليه
وانا بكل فخر الفخر انقولها انا ليبية
كونى هانيه يامى تحت ترابك
ليبيا حره ابيه
وعلى بلادى الغالية يامى
بتعم نسايم الحرية
ليبيا حره ابيه

[زورو المصرى]

اللهم انصر ثوار ليبيا
وارحم امواتنا وشهدائنا
وارزقهم بمدد من عندك
يشد ازرهم وينصرهم
نصراً عزيزاً على الطاغى
وشرزمه البلطجيه اٌمين

[عاشقة الجناااات]

فديييييييييييييييييييييييييييييييييتكم

[ذكريات الماضى]

شاكره مروركم عزيزاتى
ربى انصرنا على الطاغى فى كل الشعوب العربية ان شاء الله

[متى]

يسلمووو موضوع رووعة

[ذكريات الماضى]

مشكورة غاليتى مروك اروع