ابو احمد

[زورو المصرى]

استيقظت من النوم ولا اعلم كيف تبادلت عظامى اماكنها
فظهرى كان مائه عصا انهالت عليه علما بان زوجتى تحبنى
فناديت يا ام احمد الحقينى بكبايه الشاى
علشان مفيش وقت ميعاد الشغل خلاص
------
ام احمد-- وانت يا خويا حتشرب الشاى ع الريق
كلك لقمه قبل الشاى علشان ما تتعبش
------
ابو احمد-- يا ستى بس هاتىالشاى انا متاخر ع الشغل
---
ام احمد--يعنى الشغل حيطير بل ريقك الاول
لحسن انا ببقى متوغوشه عليك
احنا لينا مين غيرك
----
ابو احمد-- لكم اللى احسن من الكل لكم ربنا
كان زمانى شربت الشاى ونزلت بدل الرغى
ده كله حرام عليكى
انا نازل ولا عايز شاى ولا عايز حاجه
ربنا يسامحك ادينى اتاخرت
----
ام احمد--يا نهار ابيض الراجل نزل
يا ابو احمد يا ابو احمد
-----
ابو احمد من الشارع عايزه ايه تانى
سيبينى امشى بقه
---
ام احمد--- ارجع يا راجل النهارده
الجمعه يوم اجازتك

[مليش غير ربنا]

عارف

فكرتنى بافلام الابيض والاسود القديمة

وكنت فاكرة فى الاخر هتقلة هات لينا ربع جبنة تلاجة

بس اعجبتنى سلمت يداك

[زورو المصرى]

جزاك الله خيرا على مرورك وياريت نرجع ابيض واسود احللى ايام على فكره احنا كمان مالناش غير ربنا

[( الانصارية )]

هههههههه هكذا تكون الحدوته المصريه
سلمك الله يا ابي من كل شر

[ضوء نهاية النفق]

حتوته جميله
فعلا ليس لنا الا الله
تقبل مروري
أختك ضوء

[وعود الخير]

يا خبر أبيض

والله معك حق الواحد ما عاد يعرف أيام الأسبوع من بعضها

أضحك الله سنك في جنانه كما رسمت بسمة على شفاه قرأت كلماتك

[زورو المصرى]

جزاكم الله خيرا لمروركم الذى اسعدنى
بس بذمتكم مش هوه ده اللى بيحصل فعلا
فى بيوت ولاد البلد