زوج كتب قصيدة في زوجته على فراش موته " قمة الوفاء "

[*شذى الورود *]

هذه القصيده قالها أحد الأزواج

في زوجته الشابه وهو على فراش الموت

بعد أن أوصى صديقة بالزواج منها

ليعوضها عن موته



----------------------------

الزوج اسمه خالد







--------------------------------

وصاتي لك من بعدي ........ تموت فيها علشاني

ابيها تعيش و تحيا بك ........ واظل بالذاكره مفقود

وصاتي لك تنسيها ........ ملامح وجهي و تنساني

وتعزفها قصيدة حب ........ على عكس اللي عزفته بعود

وصاتي لك تبعدها ........ عن اشعاري وقيفاني

تراها مغرمة بالحيل ........ ويشهد لي عدد الردود

وصاتي لك تسايرها ........ ترى فيها من احزاني

طلبتك لايضيق بالك ........ طلبتك والطلب مردود

وصاتي لك تناديها ........ حياتي..عمري..ازماني

انا عودتها دايم ........ ادلعها وانا موجود

وصاتي لك تعاملها ........ بطيبه قلب و احساني

تراها تذرف الدمعه ........ ودمعتها بليٌا حدود

وصاتي لك تحفظها ........ سور وآيات قرآني

وتخبرها عن الميت ........ رحل لايمكنه بيعود

وصاتي لك ترسمها ........ على قبري وأكفاني

ابيها لوحة تبقى ........ على طول الزمن محدود

وصاتي لك تمازحها ........ وتشوف الضحكة بأسناني

سعيتك ياضحك هالكون ........ طلبتك لاتصير جلمود

وصاتي لك تقهويها ........ من دلالي و فنجالي

تراها تعشق السمرا ........ ويكفيها دخون العود

وصاتي لك تركبها ........ على خيلي و على حصاني

وربي فارسة من قلب ........ شهادة ماهي لشهود

وصاتي لك تسفرها ........ بلاد الشام و لبناني

ترى يحلالها تقطف ورده ........ وردة من بلد الورود


ترى فيها عرق خالة ........ وفيها من جنون السود

وصاتي ............. ( حذفت هالبيت وعذروني )

وتنسيها ندم غلطة ........ انا فيها ترى المقصود

وصاتي لك تكرهها ........ في تاريخي و عنواني

أبيها تلعن اللحظة ........ وتلعن كل فرح موعود

وصاتي لك تكلمها ........ عن المجني وعن الجاني

وتخليني انا الظالم ........ وانا من حرق الاخدود

وصاتي لك تشبهني ........ بدم أحمر قاني

وانا هالقاتل السفاح ........ مجرم من عصر نمرود

وصاتي لك تحلفها ........ تتوب تحبني ثاني

ترى يكفيها ماعانت ........ ويكفي حيلها مهدود

وصاتي لك تنسيها ........ وصية قالها لساني

أنا اخبرك رجل موقف ........ وانت قدها وقدود

صديقي مالقيت غيرك ........ يعرف وشلون تنساني

أمانه ضمها بقلبك ........ ترى خالد....رحل مايعود

لما قريتها شوي وأصيح

أختكم

من إحدى الاخوات عبر البريد

[غريبة الروح]

بارك الله فيكِ أختى العزيزة..
فعلا قصيدة محزنه..

[اممهند]

تسلمي يارب على القصيده الرائعه
بس كلماتها حزينه

[فلسطينية]

جزاك الله خيرا

فلسطينية

[المهــ 2003 ــا]

والله مدميه للقلب

[عاشق الرياض]

أقول صح لسان قائلها ....وناشرها ..

[ام اســـامه]

بصراحـــــــه قصيده ..... ولا فيها من الوفـــــــــاء مثقل ذره وين الوفاء ياهـــــــل الوفاء في هذه القصيدة ..........